الفرح يوم قفى.. من معاناة شام
وش يفيد التمنى.. من سعيد اليمن؟
يبكي الحلم من أقصى آلم الإنهزام
ما أنزل الله على الملهوف سلوى و من !
من قهر له يتيم.. شلون يقدر ينام؟
كل نفسٍ تصحّيها كفوف الزمن
المواني تعاتب موج برد و ظلام
الأماني خريف.. أيام فيه أرتمن
لو تلاقيت بأحلامي عليها السلام
ما أرد السلام.. أعرف أرده لمن؟
الكرامه تمر بْنا مرور الكرام
عيب نحشم لحى شيبات.. ما حشمن
فاقد الدرب كل حاجه.. قبل الاحترام
طول عمره يمّن.. ماقال مرّه تمن
مايبيع الوفا.. إلا عيال الحرام
ما يباع العمر.. العمر ماينضمن
من لزم صمت لازم يدري إن الكلام؟
له مقام و ثمن.. ولكل حاجه ثمن

ماني من الشعر مستغني و متمالك
ما أنحت إلا الفريد الأعذب الأندر
أغرّق اللي نجى وأنجي الهالك
قدامي أفكار تتمخطر و تتغندر
أجيب لك شي ما يطري على بالك
تقول بندر يقوله بس مو بندر 🕺🏻

العصافير لا عافت شجرها تطير
ليه ترجع لها و أغصانها تغشّها؟
كيف تغفر وللأشجار ذنبٍ غفير؟
أمنّت حضنها و أنقتّلت بعشّها
كل شي يخون.. وكل ورقها حقير
بندّق تطشّها.. و أحلامٍ تكشّها
عيييب أوّقف على جال الحنين أستجير
عبرّتي تجمّع الدعوات، و توشّها
والله إني على كل المواجع أمير
أطلّق الضيم عندي مستوّي بهشّها
نخلةٍ ما تحرّى نظرةٍ من غدير
تنتشّي للسحابه لو ما ترشّها
ليلة البارحه كان الدفا زمهرير
قمّت أشبّ الطواري وأرثّع بقشّها
واثق الخطوه يمشي هلك.. ماهو بخير
حالفه الذكريات أحلامه تحشّها
ليت لك صورةٍ حلوّه بعين الفقير
مو ببوكه ما بين ديونه يخشّها
أي حبيبي .. توقّع كل حاجه تصير
قايلٍ لك : حياتي موت لا تدشّها
يتّفقّد جروحك لا تمايل عصير
وإن لقاها تشطّر معها ونشّها
كان يمشي مايدري وين حث المصير
راح يضحك بدمعاته ولا مشّها

غربة الروح .. ما خلّت بدربي غريب
تروّح عتابها مع كل لفحة هوى
وين بلقى لقنيبي بالغداري قنيب؟
سود الايام ما خلّت.. بصدري عوى
قال أنا صاحبك.. مثلك وشرواك ذيب !
قلت ما صاح بي.. إلا لعنة الثوى
كم حسبنا عزاوي.. كم هقاوي تخيب؟
لا تحسب كل عد تعد.. عد الروى
كل ليله مثل بكره.. كلام و حبيب
كل ليله ندم.. كل الليالي سوى
كم عهدٍ هقيت إنه وفي و قريب؟
كان ناوي على بعدي.. و ناوي نوى
ليت كل جرح يبرى من يدين الطبيب!
علّتي علّة اللي ما لقى له دوى
يوم شاف الظما حاله بقلب الجليب؟
قال ليت الرشا على الرقاب ألتوى
قلت هاذي نصايب.. قال هذا نصيب!
الوهن حط فوق طويق.. وادي طوى

‏ما كل دمعٍ يهلّه عين
‏أحيان يحتاج له .. كلمه
‏على جفوني يبين البين
‏الصمت حكمه تحت ظلمه
‏علم يفج الصدر نصين
‏ويأدب القلب و يعلمه
‏سلام يا أحبابي المقفين
‏والحب الله لا يسلمه
‏وين اللي كانوا بجنبي وين؟
‏طار الكرى وأنتثر حلمه
‏الموت نقّى من الغالين
‏و النور يبقى مع الظلمه

فقط فلسطين وحدها التي تعلم أطفالها الوقوف بهذه الطريقه

عودٍ يبيّن بس في وقت اللزوم
‏يودع طواغيت العرب دونه خدم
‏يفطر على حوض المنايا ما يصوم
‏ويوقّف الدنيا على ساق و قدم
‏⁧ #القدس_تنتفض ⁩

اقروا السلامَ لمن في القدسِ يرتقبُ
وغزةٌ دَمُها بالأرضِ ينْسكِبُ

هبّتْ من الشرقِ ريحٌ كيف تمنَعُها ؟
إنَّ الرياحَ على صهْواتِها الغضبُ

فالأرضُ أرضي ولن أرضى لتسلبها
من ذا الذي يرضَ أنّ القدس يُغتصبُ ؟

يدعونَنا للسلامِ ابناءُ جِلدَتِنا
إنَّ السلامَ على الأطلالِ ينتحبُ

ارمِ القنابلَ لا نخشى عواقِبَها
فإنّ أسماعَنا للدوْي تنطرب

وإن لبستم لباس الحرب هيت لكم
ساحات حربٍ لكم وهْيَ لنا لعبُ

نحن الذين إذا قمنا لمعضلةٍ
لا نأبى، حتى صروف الدهرِ تنقلبُ .

قربن عوج النصايب على عوج العزوم
كل حرٍ يبعد الشوف.. يبطي صايده
لا تعلّى ما تشوفه.. تشوفه بالنجوم
ذاخرينه للقسى والامور الكايده
من ضنا أقدم إماره على عتيبه عموم
ما ترجى من ورى الناس مد و فايده
يا عزيز.. العيد بكره مواعيد و هموم
قمت أدوّر بالشوارع عزيز أعايده
ول يا وقت الخبيثين عفنين العلوم
يوم جا راس السنافي وقام يزايده
والله إن راسي عزيز ومقدَر ومحشوم
كل ما دنق لحاجه تصير الرايده
كل حبة خشم زله على بعض الخشوم
ليتها كانت برجلي.. تكون محايده
مجلسٍ فيه النميمه وتنقيل العلوم
أرفس دلاله.. قهوته تراها صايده

ليه أعتذر و آسف على كل ما صار؟
‏ما صار شي.. بس بضلوعي حريقه
‏ساكت وفي قلبي آلم يشتعل ثار
‏فطرته كل حاجه تشرّف.. و ضيقه
‏يا قلب متعوّد و طعناتك كثار
‏الجرح قبل يجيك عارف طريقه
‏يكفيني إن اللي يحبونك كبار
‏يكفيني حتى كل جروحك حقيقه

‏لا ضاق ثوب اللي طفح من ذنوبه؟
‏ما ينفعه لا قام ينتف زراره
‏الجرح له ونّه و دمعه و حوبه
‏من رد لله .. رد كل إعتباره
‏كريه طعم المعصيّه بعد توبه
‏مثل مرارتها ما مرّت مراره
‏ماعاد تتلفت عيونه بدروبه
‏ملائكه تكتب يمينه و يساره.

كل شي يصير
كل شي ما تتوقعه
إلا إني
أنسى بالأخير
يا ماي سال من السما
قلّي بحق رب السما..
يا فرحة اللي بك يفوز
أنت اللي ماحبك خسر
ولمن يخونك للعما
كل شي يجوز ...
يا فرحة اللي بك
يفوز..
أنت اللي من حبك طفل!
كلما يشوفك؟
يحتفل
يحلم بضحكاتك
عجوز

ليتنا نعرف الله قبل لا نعبده
لو عرفناه والله.. كان صارت علوم
أنشد الليل عنّه ..كيف يتهجده؟
أنشد الصبح.. ليه الشمس عنّه تشوم؟
أنشد الطفل ليه يموت في مولده؟
القيامه أنشدوها.. ليه عيّت تقوم؟
حزن الأيام و الإسلام من يسعده؟
للفقارى سنين وللطواغيت يوم
أنشد الحر ليه البوم يستعبده؟
ليه عيّا على خد الغمامه يحوم؟
مل جفنٍ جفا طيف الكرى مرقده
بالحنايا جفاف يسيل وحشه و لوم
الله أكبر فعل ماهو حكي نردده
الله أكبر من الدنيا و كل الهموم
ليتنا نعرف الله قبل لا نعبده
ليتنا قبل لا نصلي عرفنا نصوم

وين أنت ياللي كل ليل أتحراك؟
صويب بدروبك وفاقد صوابي
طرفت لك جمرة قصيده بملقاك
وإن رف طرفي قمت طرفت بابي
لبست لك عشق صبور تمنّاك
من القهر و الجود.. ماله مخابي
للحين ما نسّاني الشوق.. لاماك
للحين باقي لك عطر في ثيابي
زرعت لك قلبٍ يحبك ويرعاك
وقطفت لك صبري.. وزهرة شبابي
حطيت بين عيوني الله.. و فرقاك
و النايبه ما بين ضرسي و نابي
حبيّْبي .. ما توحي القلب ناداك؟
و الروح من بين الحنايا تبابي
تعال جيب العمر يا عمري وياك
واقف على الدنيا ..و حاضن سحابي

يا زماني وش بقى بيدك عجايب؟
الصبا عيّت ليالينا تهبّه
مقفي بقلبي معَ صلف الهبايب
صعب تكسر قلب متعلق بـ ربّه
حط بي قلبٍ شقي.. ضد المصايب
وضد مشهاته وضد اللي يحبّه
أذكر إني طفل كيف أصبحت شايب؟
طفل يلعب لين ما وقته لعب بّه
الخطا حاضر و سم العذر غايب
موج بحر و فلك يحضن كل غبّه
النصيب اللي طفى فوقه نصايب
ياخذ الآمال منّك دون سبّه
شفت كل اللي تحسب إنهم حبايب؟
بكره ياخذهم زمانك.. حبّه حبّه

‏ما توطيت يوم إن الليالي وطن
‏ماسكٍ عبرتي تقول ماسك خفاره
‏كل سنيني خذن والله مدري شعطن
‏كل واقع يمر.. يعطي اللي بعده مراره
‏ليلة البارحه كتمه ومحدٍ فطن!
‏حيرة الروح بالغربه تقطّر حراره
‏رحت أفك الدريشه بلكيْ ألقى وطن !
‏ما لقيت إلا عمال النظافه... و قذاره

خلوني ألم السما وأتنسم
فاقد تناهيدٍ تلم المحاني
ملهوف لأسراب اليمام، أتيمم
عندي أمل بالعمر.. و العمر فاني
ضاع الهوى والدرب موحش ومظلم
وضيعت بعيون الحبايب مكاني
سراب.. وردني على واهي الجم
هماج بدروبي و غثرب زماني
خابر ماراح ألقى بوجه الزمن دم!
أعطي لوجه اللي بفضله عطاني
لا ينفجر صدري من الحزن و الهم
جاني من كفوف القدر ما كفاني
المشتكى لله.. و الله أعلم
باللي تولاني بعمري و جاني
يا رب وأنت أدرى بقلبي وأرحم
لا هلّت عيون المنايا.. أماني

يموت الشغف لا صار ساس الشغف شيطان
‏وأنا عبد لله ماني بعبدٍ لغيره
‏سحابٍ ، حسبت إنّه سحاب ! وطلع دخان
‏وغيابٍ ، حسبت إنّه عذاب ! وطلع خيره

لله قلبي وللهجران كتماني
سماي صمت و رماح عتابها زرقا
آسف على نيتي و آسف على أحزاني
آسف على كل شي.. إلا على الفرقا
بروح وإن رف طرفك لا تْحراني
الظلم ما أقبله ولا قبلتي شرقا
رح عاد دورني ولا عاد تلقاني
طيفٍ يمرّك إذا هب الفرح سرقا
الخوف ما أذكره وياليت ينساني
ضروري أشلع حنين القلب من عرقا
بقسى علشانك وبنسى علشاني
أنا أدري اللي نزل ماهو سهل يرقا
عاني.. ومن جيت ع الدنيا وأنا أعاني
لابد ما أشتعل وأحس بالحرقا
سبحانه اللي من البركان نجاني
وحده تعالى بلطفه تنجو الغرقا
"أنا أسمي المستحيل و أصلي وحداني"
غريب ماني مع الروقه ولا برقا
أداوي الجرح قبل يطب بلساني
وأداري النوح كلما ناحت الورقا
آسف على نيتي و آسف لحرماني
آسف على كل شي.. حتى على الفرقا

قال الله عز وجل: وبشر الصابرين
وأنا لي سنين واقف أرقب بشارته
سبحانه اللي بفضله كلنا غارقين
تبور فيه الملا و الأرض ما بارته!
تخر روس الرواسي بالوطى ساجدين
و الفلك تجري وتستغفر إذا دارته
الناصيّه في يده لو تخدع الأخدعين
لا خانت أعيّن ضعيف النفس في جارته
ما طار قلبي مع الدنيا وملك اليمين!
لا طار قلب الملك فيهن بطيارته
تغريني النحل.. لا طبت على خد تين
لو تلسع الجفن .. أدري ماهي بضارته
يا رب أحبك.. و أنا مؤمن وعندي يقين
من تحفظه.. لو تشب القاع ما جارته
ما تلبس الروح إلا ! خاتم المرسلين
تشم قبره وهي والله ما زارته
صلى عليه الله وسلم بشوق و حنين
تطيب به كل نسمه طيّبه مارته
هو سيّد الأولين وسيّد الأخرين
النفس ما دوّرت غيره ولا أختارته .