شلون زينب ردت بهل العايله
بس حرم وايتام من طف كربله
——————————-
إشكم لوعة تحمل واشكم صبر
عايفه كتر النهر راعي الخدر
تكلي خويه ماشيه بدرب اليسر
بس عليل ويانه يحدي القافله
———————————
بس عليل إويانه ومگيد تشوف
من ثكلها الجامعة نزفه الجفوف
وهاي ايتام وحرم يحديها خوف
الليل بإهاته يجن يحمل بله
———————————-
اه يا ليل المواجع من تجن
بكلب زينب ارحم وكونك تحن
ذبّحوا إخوتها يا ليل الحزن
جروح طفها تروي هاي المسأله
———————————
يا جروح الفاكده تحسب مُحال
لا مثيله للصبر تحمله الجبال
تشوف اهله مخضبه دمها يُسال
منين ما تنظر دماهم سايله
———————————
منين ما تنظر تشاهد هالاثر
اجساد مفصوله ولابيها نحر
ويه رؤوس اخوتها ياخذها القدر
لا محامي اليفزع وتشكي إله
———————————-
راس ابو فاضل تعاينله الحنين
تكله ياخويه صفيت إبلا مُعين
ريت ترجع محله وياك السنين
امشي بدموع المصيبة الهامله

علي موفق القزاز

احجي العندك....لا ميردك
متظل حاير...والله وحدك
لو جار الزمان إعليك إلموسى تِعنه إلبابه
—————————————
لو عكست الدنيه و يخّونك دهرك
لبو الرضا سلم إله كُل امرك
بكل صعبه يوكفلك تره و يسرّك
تقسم عليّ بالعطشان جده السليبة ثيابه
———————————-
باب الحوائج يالمحب ميردك
اكصد اله واشكيله الليّ عندك
موسى يّفرحك لوّن دهرك ضدك
موسى وسرّ الرحمٰن زوره وقّبل اعتابه
———————————
وينه العرش و ذاك المُلك والتيجان
جنّة السجين الزاهيه اعله الازمان
عند بابه تنحي الإنس ويّ الجان
بسيرته راح إشوف ملك وسجانه يهابه
———————————-
حل البله والإمر بيك إتعسر
دير النظر لصوب التقي بن جعفر
باب السمة معّرف تره إلكل مضطر
هذا الكريم العطاي ابدًا يعوف احبابه
———————————-
رب العطا جود وكرامه ونعمه
ربنه الوضع سره بجلاله و حكمه
اقرب الك من الرضيع إلـ أُمه
إمقدسه رب الكون هذا العظيمة انسابه
————————————
تنكط وفه اوصافه راعي الغيره
يفزع إلك بكل معضلة بكل حيره
لوذ بعطفه يمطر عليك بخيره
دنياتك شّمتراويك ينجيك إبن النجابه
———————————-

علي موفق القزاز

إلربه ما كادر رفع جفينه
والسجن ون وحزن لِونينه
——————————
الليلة تنزف حايره عيون السمه
من رحل سابع طهر من فاطمة
نزفت جفون العرش دمع ودمه
شلون قران السمه مقيدينه
•••••••••••••••••••••••••
يعينه الله بالدمع عاش السجين
بسجنه ماعنده صبح طول السنين
بكل كتر تارك يظل حسرة وأنين
بالصّبر هوّن عذاب سنينه
•••••••••••••••••••••••••
عينه بعيون السمه ليله ونهار
يشكر الله ويحمده بهل إصطبار
بلوعة قيود السجن راضي القرار
كاظم آل المصطفى مسمينه
••••••••••••••••••••••••••
هذا امام الرافضة ناده الطبيب
وين راحو صحبته هذا الغريب
تشّيعه تحضر تجي بهم ونحيب
ماحضر واحد يغمض عينه
••••••••••••••••••••••••••
ويلي نعشه منطرح من يحمله!
ساقه ينزف من رضوض السلسله
وين راحوا ماحضر واحد اله
يساعد الله عالالم ويعينه
••••••••••••••••••••••••••••
كلشي وفيت انذرت موسى العليك
بابه ربك جاعلك تنطي اليجيك
انت باب الله صرت تكرمنه إديك
يابحر جودك عطه يَرّوينة
••••••••••••••••••••••••
وين صار الحاكمك وينه الرشيد
مثل جدك جنتك وينه يزيد
ماطفو نور العرش الله اليريد
شاء ربنه جنتك تضوينه
••••••••••••••••••••••••

علي موفق القزاز

وإلموسى عذابات عذابات نرويها
————————————
ياخلك سابع طهر
للفرج ظل ينتظر
جزّع بسجنه الصبر
لخالقه ظل محتسب
يدري اهله ماتجي
أمر ربه يرتجي
عله جروحه ينتجي
موقفه والله صعب
ياربي جراحاي جراحاي تدريها
—————————————
ياسجن ضمله شمس
شلون اصدك تنحبس
للوحيِّ يسولف همس
اليّشع لاهل السمه
رحمته مغركه الارض
خيره مالحظه يفض
بالكلب صاير نبض
روحي بحبه امعلمه
لمصابك هلـ دموع هلـ دموع اجريها
—————————————
بوسط طامورة ظلم
سيدي يصير الحكم
بياذنب وابيا جرم
بالسلاسل مقيديك
ثكيله بيده السلسله
بدمها ساقه سايله
ولا بشر يفزع اله
يفتح إقيود البديك
بزنانه اويلاه اويلاه يكضيها
—————————————
لمحنته محد حضر
ماوصل اهله الخبر
قبل لا يدنه القدر
تجي تغمض عينه
السجن ون لونته
تظل عالخد دمعته
عازه والله عازته
موسى الله يعينه
ياروحي والاحباب والاحباب متانيها
—————————————-
اتجرع اسموم الزمن
من قبل اهل الوثن
ينازع بهمه المحن
فعل هارون اللعين
هذا ابن ام الكتاب
بالشدد اسمه يجاب
شاهد انواع العذاب
والله كل هاي السنين
ظل عايش معانات معانات مرّ بيها
——————————————
كالوا الجمعه الفرج
تنتظر صار المُهج
لشيعته امره عرج
حزنه عالشيعه بده
هذا امام الرافضه
كله حزنت بالفضا
ماحضر ابنه الرضا
لكبره هوه يوسده
وجنازة يجي كون يجي كون يواريها


علي موفق القزاز

حبيبي يابو صالح
بحبك كلبي سارح
الك حبي وغرامي
هلا بجيتك امامي....حبيبي يابو صالح
•••••••••••••••••••••••••••
ينور الله بجلاله .... غمر شوفي بجماله
وجه درّي بكماله... همت اني بجمالك
شنو يوصف اوصافك.... ربينه برحمة الطافك
عبير الجنة بشفافك....ابد اعشك بدالك
نِنطرك يا منالي
يمسهر هل ليالي
بحر شوكي وهيامي
هلا بجيتك امامي....حبيبي يابو صالح
*********************
يواحد ماكو مثلك....خيالك مايشبهك
ميلادك انه اكلك ....شفت بيك امنياتي
حروفك كلها بلسم... عرش ربك تبسم
هلا بنورك تكلم... يمنور كل حياتي
ييوسف وانت اجمل
الحور بوصفه تسأل
يمن عطرك مرامي
هلا بجيتك امامي...حبيبي يابو صالح
************
سطع نور الخلائق...يعصمة هل حقائق
بحروفك ثغري رائق... تضمك هايه عيني
حبيبي المهدي انتَ...عشت عمري بنعمته
ادعي الهي يمته....يدك بابي ويجيني
كبر جمر انتظارك
غريبه هايه دارك
رسل دمعي سلامي
هلا بجيتك امامي...حبيبي يابو صالح
*************
بحرك ينطر امواجك...قرب يومه معراجك
جفك مده محتاجك...منو غيرك إليه
الفرح عندي ظهورك....اعيش بفرصة حضورك
الكلب ذاب بشعورك... تحن رايد عليه
عبد مولايه عطفك
عني لأديره طرفك
لهج بأسمك كلامي
هلا بجيتك امامي....حبيبي يابو صالح
***************
كبر شوكي وحناني.... انتظر مثل الثواني
مته مهدي زماني... تمّر بينه سؤالي
ابونه انت التلمنه...منقذنه إويا املنه
نذرنالك عمرنه....حنين انت يغالي
محبوبي وانتظرتك
الفرح والله طلعتك
دعائي يظل حسامي
هلا بجيتك امامي...حبيبي يابو صالح

علي موفق القزاز

سبحان الخلاق وجهك يلحسن
مفتونه الاملاك كل جنة عدن
*********************
تسجد لجمالك كل حور وملكْ
بهيبة خصالك مذهول الفلكْ
طاووس الجنانِ يعجز يوصلكْ
يمنور النور كل دامس هلكْ
هامت الإنجوم بيك إتبسمن
مفتونه الاملاك كل جنة عدن
""""""""""""""""""""""""""""
عالم بحورك فيضه مايجفْ
ساخي عطائك ابدًا ينوصفْ
الكرم نقطة يمك يعترفْ
الحسن كرمك لا واحد وأَلفْ
مابردت ادلال بنارك ينسحن
مفتونه الاملاك كل جنة عدن
"""""""""""""""""""""""""""""
امر محمد وامره ينسمعْ
بخرقة بيضة بيها تنوضعْ
وابيض من النور وجهك اليشعْ
بيه هنىء جبريل بربه متبعْ
نفسه محمد بيك اتكونن
مفتونه الاملاك كل جنة عدن
"""""""""""""""""""""""""""
تناقل ثغرها بسمات المهجْ
حمرة جلالك وعيون الدعجْ
نفحة وصالك اغشى كل ثبجْ
من نور الالهي سرك انبلجْ
لؤلؤ المرجان بوصافك سهن
مفتونه الاملاك كل جنة عدن
""""""""""""""""""""""""""
لا ضوة انجوم ولا يظهر كمرْ
يم وجهك نشوف كل نور انكسرْ
مَلك بهيئته كل خلقه انبهرْ
قاموس الاوصاف بوصافك زهرْ
سبحانه سواك اية للعلن
مفتونه الاملاك كل جنة عدن
""""""""""""""""""""""""""
نَزله جبريل من الباري القبسْ
والحسن اسمك رايق للنفسْ
وَحيَّ يلالي كُل حور احترسْ
تتغنى الارواح من نفحه همسْ
اغبط عبارات بعرشه اتوصفن
مفتونه الاملاك كل جنة عدن
"""""""""""""""""""""""""""
من بيت الامامه هذا المنولدْ
يم مهده أُمَ تقرا له الحمدْ
مجتمعه الاملاك نثرتله وردْ
مبارك يكرار كلبك منسعدْ
يم مهده اطوف بجيته اتبشرن
مفتونه الاملاك كل جنة عدن

علي موفق القزاز

قصيده من وزن الفجري

مات ابوي شخذت مني يا زمن
مات ابوي ويتم حسين وحسن
شيّرجعها الذكريات
الرايح بلحده يبات
مات ابوي
———————————-
مات ابوي وانتهت عشرة عمرنه
ليش ظالم يازمن تفرق شملنه
مثل ماي اتبده ما واحد يلمنه
خيمه ياناس الابو بعطفه يضمنه
مايعود الجان لعيوني ضوه
مايعود واختلف بعده الهوه
بلا طعم هاي الحياة
الرايح بلحده يبات
مات ابوي
———————————-
ليش احباب الكلب طوّل سفرهم
واحنه بايام الصبه يظلنه ذكرهم
تسوه كل الدنيه من نشتم عطرهم
اغلى مانملك تظل عدنه صورهم
مايجون اه ياجرح الغياب
مايجون كل حلم اصبح سراب
تموت كل الامنيات
الرايح بلحده يبات
مات ابوي
————————————
ويانه كلشي يندعي حيدر يجينه
كسرتك بويه صعب توّكف بجينه
الأوز تسمعه بألم يصدح ونينه
واليتامه هالوكت تلفي علينه
كلشي صاح راح والدها علي
كلشي صاح نار بعده تصطلي
اي وحق الذاريات
الرايح بلحده يبات
مات ابوي
————————————
ماكو احن منّه كلب ياخلك كلبه
خيره تارس كلمن العاش حُبه
ضيعانه من رحل بدنيه غربه
سالفة غيبة علي شدتها صعبه
واليموت الوحشته محد يسد
واليموت ميل عمره مايرد
هذا جرح النهايات
الرايح بلحده يبات
مات ابوي
———————————-
چِنّه نفطر يا علي نكعد سويه
محد يسد وحشتك هاي المسيه
عفت بنتك تنحب بوّنه شجيه
محتم اعلينه اليتم يابو الحميه
شهل المصاب تموت سكته الحبّته
شهل مصاب ذكره تبقه صورته
شتكفي راح العبارات
الرايح بلحده يبات
مات ابوي
———————————-
بويه ياعيد اليجي والبيت خالي
هموم فصلنه لبس بعدك يغالي
نصبح نمسي بدمع بهاي الليالي
والله ردنه شوفتك بعازه يوالي
راح ابوي هذا ياعيد اليجي
راح ابوي نشف عيوني البجي
وابتديها العذابات
الرايح بلحده يبات
مات ابوي

علي موفق القزاز

يعين الله زينب بهذا المصاب
راح وجه الوالد يضمه التراب
———————————-
اه كلب الفاكده شيحمل صبر
شراح تحمل باجر خيوط الفجر
لليتم كلب العقيله ينتظر
والمصيبة لايحه وذاك العذاب
————————————
هاي ثاني فاجعه وثاني جرح
بعده دم الطاهره ظل منسفح
ينفجع كلب البراءه بهل صبح
جرح طبره والجرح عصرة الباب
———————————
بالله ياليل الالم منها شتريد
تبجي زينب والابو عنها بعيد
شنهو عذرك لو لفه باجر العيد
هذا ياعيد اليجي بدون الاحباب
————————————
مجانه خالي تفكده غاب الحنين
يا ابو مثلك امير المؤمنين
ضيّعت اغله وطن تحجي السنين
بحسره تدعي للسمه جيت الغياب
———————————
تدعي يارب السمه ترد الامير
إفطرته جايب لبن حته الفقير
منهو باجر يوّزعه التمر وشعير
طاح ابو الايتام بدموم الخضاب
———————————-
هاي ايتامك اجت تذرف دمه
كلوب هاي العشكتك متألمه
يا ابو يفكد بعد حامي الحمه
ريت بينه ياعلي هذا الإصواب
———————————
ريت بينه ياعلي اندار الالم
ولانعاين شيبتك مصبوغه دم
شلون ليله مرعبه موتك عزم
شعظم هل ليله تمر يابو تُراب


علي موفق القزاز

اهتزت العليا انهدم اركانهه
من شطر راس السمه وايمانهه
———————————
اهتزت لهل ضربه افاق السماء
والليل عسعس نازفه عيونَ دماء
والنهار اظلم صفه يدور ضياء
والرواسي اهتزت واوديانهه
———————————
بهل خبر شمس الضحى بي كُورت
اتغشت بلون الجرح ما اشرقت
يا لها من صرخة للصورِّ انفخت
و ضجت بذاك الخبر اكوانهه
———————————-
ضجت الافلاك وكل حيّ وجماد
وناحت لوضع الولي سبع الشداد
شلون ليلة مرت بحال العباد
اتغيرت كل الوجود ألوانهه
———————————
نشوف عالقران إبليس انتفض
للذي بجفوفه دين الله انحفظ
لاعباده تصير كل ذكر انقرض
لولا سيفه نعبد بأوثانهه
——————————
وبجهلها تنام هالامه وتفيق
ضايعه جان إبمتاهات الطريق
وكل وثن حاكم وليعبده فريق
بحيدره طاح انتهه شيطانهه
——————————
لوّن إبحبه اجتمع كل الخلق
ما خلق لجهنمَ رب الفلق
هوه ميزان السمه كفت الحق
صحيفة المؤمن علي عنوانهه
——————————-
اهدنا لحبه علي هوه الصراط
بالمثاني واضحة الايه تحاط
وجوب تتفسر اله مو احتياط
بالولاية اتمسكوا وتبيانهه
——————————
اول الحكام مالابس حرير
عنده تسوه الدنيه من يضحك فقير
المُهم مرضات باريه القدير
بدونه تبدي هاليتامه احزانهه

علي موفق القزاز

ناعيًا ما لخطبِ ! صوت المُناديْ
أبو تُرابٍ مُخضبٌ بسيفِ المُراديْ
آهٌ جرحُ المرتضى فتَّ الفؤاديْ
سالَ خضيباً هامُ القرانِ
———————————-
آذانُ الرحيلِّ في ليلِ المصابِ
والكونُ يسألُ بجرحِّ الغيابِ
يتاماك مَنْ لهم ابا تُرابِ !
تبني بعدك دارُ الاحزانِ
———————————-
اشدد حيازيمكَ ينتظرُكَ الموتْ
و نسج الهمَّ لفقدِكَ العنكبوتْ
الوحشةُ بانت في كل البيوتْ
غابَ عليهم سيدُّ الاحسانِ
——————————-
سيدُ الليلِّ يُحملُ ليلةَ القدرِ
ينعاكَ الكونُ الى مطلعِ الفجرِ
هل اتى اليوم عليكَ سورةُ الدهرِ
وجهُ اللهِ نزفَ دَمُ الايمانِ
———————————-
وجهُ الباري نزفَ لجرحِ الوليْ
ونارُ النبوةِّ لفقدِكَ تصطليْ
اطبروا البسملةَ المولا عليْ
عليُّ الدليلُ وسيدُ البرهانِ
———————————
هبطَ عليكَ بدمعهِ جبرائيلْ
يبلغك سلامَ الربِّ الجليلْ
مُحرابُ جراحِك ضجَّ بالتهليلْ
الله اكبر من الانسِّ والجانِ
———————————
بملامحِ الطبيبِ بانَ الجوابْ
هلموا تزودا من ابي تُرابْ
ساعة ويغطي وجههُ التُرابْ
ويرحل اباكم الى رحمةِ الديانِ

علي موفق القزاز

‏​‏​‌‏​ནྱཾ༩ྀ༄ *تقبــــــل الله طـاعتـكـم* ༄ནྱཾ༩ྀ
*ختم الله شهركم بغفرانه*
*و العتق من نيرانه*
*وجعلنا وإياكم من المقبولين*
*عيدكم مبارك*
‏​‏​‌‏​ནྱཾ༩ྀ༄ *عســـاكــم من عــواده* ༄ནྱཾ༩ྀ
*وكل عام وأنتم بخير...*

متى اميال البُعد تطويها
و إلبقيعك تنطر تمر بيها
——————————
يمته نسمع هالخبر منك وصل
من الظلامه لغرقد الطاهر حصل
يا حبل بارينا للامه اتصل
انت مبعوث السمه وراعيها
——————————-
كبور اهلك مهدمه ويه التراب
ذوله سادات الخلك اهل الجواب
وسفه لاحضره صفت إو لا قباب
حتى لا زاير اليكصد ليها
———————————
حتى لا زاير يجي لخير الوجود
من امر اهل العجل وعاد وثمود
بإذن الله تنرفع بجيتك تعود
انت ياراعي الفخر مهديها
———————————
انت ياراعي الفخر يبن الحسن
هالظلم باقي على طول الزمن
بيا ذنب كبور الاطايب اتهدمن
كل عصر يظهر وثن تدريها
———————————
كل سقيفي ينرجم إي كل صنم
ندري من عندك ابد واحد سلم
انت عزمك حيدري وراعي العلم
من دماهم هالارض ترويها
——————————-
وياك تزحف شيعتك باجر تشوف
كل ضريح الينبني تطوفه الالوف
وعيسى ابن مريم يرحب بالضيوف
همه رحمه من السمه منزليها

علي موفق القزاز

جَعْفَرٌ عِلْمُ التُقىْ
الكَبدُ بالسَّمِ سِقا
تُرابٌ صارَ قَبْرَهُ
هَلْ يُجازَ قَدْرُهُ !
جَعْفَرُ الصادقْ
"""""""""""""""""""""""""""""""
جعفرٌ علم الوجودي هوه مدرسة الإمامه
الماتبع دينه وعلومه ماعرف درب السلامة
سادس اطهار البرية ترك للإمه علامة
تبت المنصور ايده من فعل هاي الظلامة
هو مدرسةُ السَماْ
الدِينُ بَعدِهْ أُثْلِماْ
سُرُ الالهِ سِرُهُ
هل يُجازَ قدرهُ !
جعفرُ الصادقْ
————————————-
كل اديان البرايا مِنَ تنهمل كل علمهه
والصعبه حلها عنده سهله ابو الكاظم يحلهه
جعفر الصادق علومه ذره ماواحد وصلهه
ظلت الامه بجهاله خسرته والله بجهلهه
أيُّ فعلٍ منها بدى!
أظْلِمَتْ أبنَ الهُدى
جف فَيْضُ نَهْرهُ
هل يُجازَ قدرَهُ !
جعفرُ الصادقْ
——————————————
مصدر الهام النبوة وبفضل واحد احد
نحجي عن سيرة حياته كل علم عنده سند
نوّر افكار الخليقة وناشره دين الصمد
الفلاسف يمَ ضاعت حايط إبكل مايُرد
اسألوا ما عِنْدَكمْ
كل المَسائِلْ ادِلْكُمْ
كنزٌ حامل صدرَهُ
هل يجازَ قدرهُ !
جعفرُ الصادقْ
—————————————
مارعوا قربه ووصاله لجده الهادي الامين
جازته الامه بحقدها المنصور بسمَ اللعين
العابد المخلص الفاني بيد الالهِ العالمين
يدنه ابو الكاظم رحيله صاعد لربٍ حنين
لَهُ يومان بَقى
الى المَلَكوتِ يُرْتَقى
هذا خِتامُ عُمْرُه
هلْ يجازَ قَدْرُهُ!
جعفرُ الصادقْ
—————————————-
اخر ايامه بحياته بروحه عاشت كربله
يذكر خيول الاعادي ترض ضلوع البسملة
شلون فرّن بالبراري بلا محامي العايلة
جرح جده بنايباته دموم قيده سايله
همهُ الصادق نسى
كربلا جَرْحُ الاسى
للحزنِ افصحَ دهرُهُ
هل يجازَ قدرهُ !
جعفرُ الصادقْ
—————————————-
البقيع الباقي نزفه جعفرٌ كبره ترابه
لا اكو زاير يمَ يوصل يشكي للمهدي اغترابه
نفس حكم الدوانيقي مجرمه هاي العصابه
بيد ابو صالح نردّها من الذهب نبني قِبابه
تَلوحُ منائِرهُ غداْ
يِخْرِسُ أفواهْ العِدى
اللهُ مُؤيّدْ نَصْرَهُ
هل يُجازَ قَدْرُهُ !
جعفرُ الصادقْ
—————————————-


علي موفق القزاز

جينه ننشد داره اليطفيها
يمته نسماتك تمر مهديها
———————————
جينه ننشد عن جرح سادس طهر
ياغربته ينتهي راح العمر
صادق العتره جمرته تستعر
لعيلته هالشابحه تدريها
———————————
شابحه عيونه بقت هذا الامام
شلون النار الشبّت بذيج الخيام
كرروا هذا الحرك بخير الانام
بنار منصور الظلم شب بيها
———————————
اتجسرت ايد الرجس لجبده تنول
لروحه تقطف راحت لابن الرسول
شلون زمزه جازته عنها شنكول
زمرة ابليس الظلم ماليها
———————————
من دوانيقي الامر هذا الحكم
من لطف صادقنه ويلي ننحرم
سيد المذهب رحل بجف الظلم
والكتب حزنت لاجل راعيها
———————————
انت ابن البسمله و ام الكتاب
ليش امه الجهلتك هذا العِجاب
بيك رادت تنمحي اهل الصواب
الأُمه دينار ومُلك عاميها
———————————
الامه عاميها الحكم والمصلحه
الدنيه عدهم هالوسيله الرابحه
الصادق الشمس المضيئه الواضحه
الدنيه رادت بأي ثمن تشريها
———————————
هذا قاموس السمه بكل العلوم
كل علم يم بابه يستجدي يحوم
بجبده هيه الجازته فتَ السموم
كتاب اسود اثمه ماضيها
———————————
ربي نندعي الغايب بآمن يجيب
عدنه محبوب ابتعد طال المغيب
يمحي غيم احزان ماضينه العصيب
عنده ثاراته ابد ناسيها
———————————
كبور عنده مهدمه بإرض البقيع
منها كبر الصادق بمنظر فضيع
بس حمام الداير الينحب فجيع
بحسرة الزاير اليكصد ليها
———————————
فاجعه بكلب المحب هدم الكبور
بس نشاهدها ترب حايطها سور
متى لجدادك يبوصالح تثور
والبقيعك جنة من تبنيها

علي موفق القزاز

انبياء الله وملائكته
نزلوا سَبِّحوا يمك
كل كوكب الك صلى
وسلم سيدي بإسمك
واديانه السماويه
تنعاك العبوديه
—————————-
جلى خالق القدره
سرك حافظَّ الرحمن
وبساق العرش مكتوب
اسمك يا اخو القران
توراة و سور وانجيل
بكل دين وصرت تبيان
رسالة مجدك الوصلت
كتبت للسمه عنوان
دمك طهر التاريخ
تحيَّ الدين وكتابه
اختارك خالق الاكوان
بمبدأ حكمه و اسبابه
بالدعوه الأحمديه
تنعاك العبوديه
—————————————
روح النبوه بمسعاك
رسالة جم نبي مُرسل
فراعين الزمن صدت
نصك سيدي منزل
احبارك بني مروان
دينك عندك الاول
مارايد حكم سفيان
لجدك دعوته تكمل
بمضامين الكتب يحسين
مصّدر نهجك الاصلاح
مضحي بكل اهل بيتك
طاهر دمك الإطاح
مأييد من الربوبيه
تنعاك العبوديه
—————————————-
بالزبور الك مضمون
اتعلم منك المزمار
مئة واكثر من الايات
يرتلن واحد القهار
يسبح عالرمح راسك
يشكر يحمد من اذكار
تليِّن هالرمح هاماك
لو طالب يكُن لن صار
شُبه زبورك بداوود
المنطق إتعلم طير
من حر الشمس يصبح
بجناحه غمامه يصير
من رماحٍ سمهريه
تنعاك العبوديه
—————————————-
ابراهيم النبي بوصفك
خليل لدينه وكتابه
قواعد ثبتت للدين
بنيت اركانه واحجابه
ابليس اتحشد ويرميك
صدرك حمّل اصوابه
من شبّوا خيامك نار
بيت الله انحرك بابه
خليل لكربلاء مبعوث
تنشر دعوة المعبود
من الذله تحرر ناس
للعِزَه جان المجهود
ضد اهل الوثنيه
تنعاك العبوديه
———————————-
بيو حنا إصدر جرحك
انت بكربلاء تصلب
جسمك عالرمضا مقطّع
ياترى هذا الاعجب!
على تل الحزن اية
تلك المكنونه زينب
هامت اية التقديس
وخدور السّمه تلهب
لم يصلب عيسى العذرا
لم تفجع فيهِ مريم
نحرك عالقنا مرفوع
صلى لخالقه وسلم
بتراتيلِّ المسيحيه
تنعاك العبوديه
—————————————
لابحر اليوسع حزنك
منهو الفّسره قدرك
بيك اجتمعت الاديان
بِصّرتْ من دمه نحرك
ثورتك باقيه بكل عام
للإنسانيه عصرك
مهدم كل وثن موجود
ربك ينعبد أَمرك
امام ومصدر الرحمه
واضح كالشمس وأَوضح
الله منعبد لولاك
دمك للباري الْصَرح
تعريف الإلهيه
تنعاك العبوديه

علي موفق القزاز

قصيده في شهادة الامام محمد الجواد عليه السلام

مثل العطشان
مرمي وضمآن
ماسحكت خيل بصدره
تاسع انوار العتره
مرمي و ضمآن
————————————
قصة المسموم هايه و منها ابدي
عالمصاب دموعي عالخد بي تحدي
بالصحاري ويلي عاري گال جدي
ولا ابن يمي اجاني بهمي وحدي
ضامي ومتعوب
مسلوب الثوب
ويساعد كلب الزهره
تاسع انوار العتره
مرمي وضمآن
———————————-
رغم ماحر السطح بجمرة عذابه
الجبد بالسم انفطر بأول بشبابه
حسين عاري بلا غسل سلبو ثيابه
وعماته إبلايه خيم تالي بخرابه
بنات المذبوح
بالغربه تنوح
والحسره ترسم حسره
تاسع انوار العتره
مرمي وضمآن
——————————-
بيد جور المعتصم تخلص حياتك
كربله اعظم جرح بهم نايباتك
حرك ونحور وسبي بكل ذكرياتك
طف عاشر كربله جسدها ذاتك
شتنسه هيهات
بغربة واهات
ماتطفه بيك الجمره
تاسع انوار العتره
مرمي و ضمآن
———————————-
هم غريب ابلا اهل يمك تحضرك
ذبّلو وردة سنينك و انختم عمرك
الله من سابع سمه مرفوع قدرك
بالعلم ابداً يجف عالامه نهرك
شاب ومسموم
رايح مظلوم
للهادي اخر نظره
تاسع انوار العتره
مرمي وضمآن
———————————
باب للحاجه صرت تكرم ضيوفك
مارجع خالي ابد كلمن يطوفك
مثل عمك سيدي تنطي بجفوفك
جنة الله حضرتك طاب اليشوفك
باب الحاجات
تحل الصعبات
كل طالب كلبه تسره
تاسع انوار العتره
مرمي وضمآن

علي موفق القزاز

السلام عليكم جميعا خدام الامام الحسين ع
قصائد شهر محرم 1445 ستنزل تباعا
نسأل الله تعالى التوفيق والقبول لنا ولكم

جلمه وحده رايده يحجيها
كون ابوها لكربله يوديها
——————————
بويه نزلت دمعتي ومنك اريد
وي خواتي محملي ردته يحيد
بويه بغيابك قسم عِلتي تزيد
يا هجركم جن سهم ياذيها
——————————
يا هجركم يومي ماشاف الصبح
الليل من يجبل عليّ جايب جرح
جرح احبابك يِشبهلك ذبح
حيل يهضمها فكد راعيها
——————————-
جن هضمكم طير مكسور الجناح
طشروا عشه على وجه الصباح
والتحبكم يومها تخلّصه بنياح
والله مشتاكه لحضن واليها
——————————-
ليل المفارك اشد لمن يجن
اتفصل اهمومي عليّ ثوب الحزن
لفاطمه اهل المحنه ماتحن !
امنيه اهل الوفه تمر بيها
——————————-
صحت يحباب الكلب يمته تجون
طفله الكم ناحله تعيش بضنون
ولخواتي تلفت بحيره العيون
عن اهلها يادهر اجافيها !
———————————
مثل شوك النبته و التنطر الماي
هيج اشواك الكلب واكثر اهواي
غصن اسنيني انكسر ضايع دواي
ياهواكم للمرض يشفيها

علي موفق القزاز