Ҳақиқий кучли инсон ҳаётда қоқилмагани учун эмас, қоқилганда тўхтамаганлиги учун кучли бўлади. Мағлубият ва муқаффақиятсизликлар ҳаётнинг бир қисми. Давом этиб билиш хато қилмасликдан муҳимроқ

#hayot
@allaevuzb

Davlat qarziga oid barcha savollarga javoblar | Sigma Podkast

Podkastimizning navbatdagi sonida ekspertlar Behruz Karimov va Jasur Ataniyazovlar bilan davlat qarzi, uning turlari, olinadigan qarzlarning shartlari hamda muddatlari, qarz yo'naltiriladigan sohalar va boshqa qiziq masalalarda suhbatlashdik.

Tomosha qiling:

https://youtu.be/orVs0F5yMZ8

@sigma_podcast

🎮 Minecraft филми ҳали тўлиқ премьера қилинмасдан туриб, унинг монтажи тугалланмаган “траш буилд” версияси интернетга сизиб чиққан.

Премьерагача версияда кўплаб саҳналар тугалланмаган, CGI ўрнига техник белгилар бор, баъзида овозлар синхрон эмас ёки умуман йўқ. Шунга қарамай, ушбу нусха рус ва ўзбек “ҳаваскорлар” қароқчилари томонидан овозлаштирилиб, пират каналлар ва сайтларда тарқатилди.

❗️ Натижада, кўпчилик бу “хом” вариантни асл фильм деб қабул қилиб, салбий фикрлар билдирган. Премьерагача фильм ҳақидаги нотўғри тасаввурларни кучайтирган.

📺 Susambil бу ҳолатни алоҳида видео орқали таҳлил қилган. Асл ҳолатни тушунмоқчи бўлсангиз видеони кўриб чиқинг:https://youtu.be/uI-Ig4A79ao?si=sYHeKydX-AZKgE41


#film #mualliflik
@allaevuzb

Одамлар ўзгаради. Биз таниган инсон — фақат у одамнинг ўша дамдаги версияси холос.

Ҳаёт давом этар экан, инсон ҳаёт тажрибаси, муҳити, тасодифлар, қарорлар, атрофига қараб ўзгариб боради. Одамларнинг дунёқараши, қадриятлари, диди, ҳатто ўзига нисбатан қарашлари ҳам ўзгаради. Унга қачондир ёққан нарса бугун жирканч туюлиши, сизга берган ваъдалари эса бугун унинг ўзи учун ҳам бегона бўлиши мумкин. У кеча нафратланган нарсасини бугун севиши, кеча душман деб билган инсони билан бугун дўст бўлиши мумкин.

10 йил аввал таниган одамингиз — энди бошқа одамга айланган бўлиши табиий.

Энг катта хатолик — одамни ўз хотирамизда қандай эслаган бўлсак, шундайлигича қабул қилишга уриниш. Лекин инсон — бу ҳаракатсиз сурат эмас, балки оқим. Ўзгарувчан, мураккаб, кўпинча ўзи ҳам тушунмайдиган оқим.

Шунинг учун муносабатлар ҳам доимий қайта танишишни талаб қилади.

Акс ҳолда, сиз энди йўқ инсон билан гаплашаётган бўлишингиз мумкин. Биламан деганингиз у инсоннинг ўзиз таниган версияси холос.


#mulohaza
@allaevuzb

Сунъий интеллект, вакансиялар ярмаркаси ва стартаплар - Talaba Fest ҳафтани ёндирди!

Мен учун “Talaba Fest–2025” тадбирида иштирок этиш катта шараф бўлди.

21–23-май кунлари Тошкентдаги “Заковат” аренасида бўлиб ўтган бу йирик кўргазма ёшлар учун ҳақиқий илҳом, имконият ва ўсиш майдонига айланди. Бу ерда мен минглаб иқтидорли, орзули ва ҳаракатга тўла ёшларни кўрдим.

Ёшлар байрамларида атмосфера, ҳаяжон бошқача бўлади. Шу учун ҳам одам ҳар сафар янгича ҳиcларни ўзидан етказади. Келажагимиз айнан мана шу замонавий технологиялар билан ҳамроҳ, биздан каррасига эркин, каррасига ностандарт фикрлайдиган креатив ёшлар қўлида.

“Talaba Fest” доирасида ташкил этилган “Talaba Expo–2025” нафақат иш қидираётган битирувчилар учун, балки ўз бизнесини бошламоқчи бўлганлар учун ҳам бебаҳо майдон бўлди. 700 дан ортиқ компания ва ташкилотлар ўз иш ўринларини таклиф этди, стартап лойиҳалар намойиш қилинди, замонавий технологиялар, сунъий интеллект ва фриланс имкониятлари ҳақида амалий машғулотлар ўтказилди.

Мен ҳам бу ерда ёшларга ўз тажрибамни улашдим - қандай қилиб чўнтакдаги 400 доллардан бошлаб, бугун 1,5 миллиондан ортиқ мижозга хизмат кўрсатадиган компанияни барпо этганимиз ҳақида сўзлаб бердим. Уларга бир нарсани айтдим: "Ғоянгизга ишонинг. Ғоя кучли бўлса, йўл албатта очилади."

Бундай тадбирлар ёшларнинг ўз йўлини топишига, билим ва фидойиликка ишонч ҳосил қилишига кучли туртки беради. Шундай илҳомли дақиқаларда иштирок этиш мени хурсанд қилди!

#yoshlar
@allaevuzb

Ҳаётимда нималарнидир ўзгартириб юборган фильм шу. Кўриш.

2026 йилдан бошлаб солиқ органлари рухсатнома олмасдан маҳсулотларнинг маркировкасига риоя этилишини масофадан текшириш ҳуқуқига эга бўлади. Дастлабки икки марта қоида бузилиши огоҳлантириш билан якунланади.

Бир ий ичида қоида бузиш такрорланса рақамли маркировка қоидаларини бузганлик учун қуйидаги жарималар жорий қилинар экан:

- бир ой ичида биринчи марта такроран қоида бузилса бир кварталлик тушумдан (оборот) - 0,2%;

- бир йил ичида иккинчи марта - 0,4%;

- учинчи марта - 1%;

- тўртинчи ва ундан кейинги марталар - 2%.

Дейлик, сизда бир кварталда умумий тушум 10 млрд бўлса, илк маротаба қоида бузганда 20 млн, тўртинчи маротаба ва ундан кейин 200 млн жарима тўланади.


#soliq #biznes
@allaevuzb

Вяткада ҳуштакбозлик ёшлар орасида оммабоп бўлган — улар ўзаро рақобатлашиб, ким ҳуштакни узоқ ва оҳангдор чала олишини синашарди. Байрамларда эса лой отиш ўйини катта қизиқиш билан ўтказилган — бу ўйинда икки жамоа бир-бирига лой юмалоқчалари отиб, эпчиллик ва чаққонликда беллашарди. Бундай ўйинлар нафақат кўнгил очиш, балки жамоавийлик ва чидамли бўлишни ҳам ўргатган. Айниқса, баҳор ойларида бундай машғулотлар ёшлар учун интиқлик билан кутиладиган тадбирга айланган.

Тўлиқ видеога ҳавола:
https://youtu.be/hch0_QloyiU?si=SERpFR4MrplWX7db

Кейин айтмади дейишмасин, бугундан бошлаб 31 майгача Asaxiy дўкон ва сайтидан уч ва ундан ортиқ китоб харид қилсангиз, "Япон зобити" китобини совғага оласиз.


#aksiya
@allaevuzb

АҚШ долларининг расмий курси яна бир бор 12900 Сўмдан пасайди. 28 майга расмий курс 12 886, 90 Сўм бўлибди.

Бугунгига нисбатан курс 53.03 сўмга пасайган.

Айтишларича, эртага ўртача товар курси 12 950 Сўм

#kurs #dollar
@allaevuzb

Sem Altman aytgan fikrga to‘liq qo‘shilaman: hammasi sizning yondashuvingizga bog‘liq.

Vahimaga tushib qolish mumkin:
"Sun’iy intellekt men ilgari bajargan barcha ishlarni qilyapti. Endi mening keragim yo‘qmi?" deb.

Yoki. Bunga boshqacha qarash ham mumkin:
"Mana, yangi vosita paydo bo‘ldi. U bilan men ko‘proq, tezroq va yaxshiroq ishlay olaman. Uning yordamida nimalar qilishni xohlardim? Nimalar qila olaman"

Masalan, men ushbu videoni o‘zbek tiliga - to‘liq sun’iy intellekt yordamida ovozlashtirdim.
Studiyasiz. Budjetsiz.

Bugungi kunda sun’iy intellekt sizga o‘z o‘rningizni egallash imkoniyatini bermoqda - masalan, xorijiy podkastlarni o‘zbek tiliga ovozlashtirish.
Qiziqarli mavzular, sifatli podcastlar, juda ham ko’p.

Shunchaki sizda xohish, ozgina bilim va qiziqish bo’lsa bo’ldi.

@pulatov_kh

Янги даврда банклардан сўнг энг кўп ривожланган соҳа озиқ-овқат соҳаси бўлса керак. Айниқса фаст-фудда конкуренция гуллаб яшнамоқда.

KFC Ўзбекистонда ўзининг ўттизинчи ресторанини очибди. Тармоқ Ўзбекистон бозорига 2018 йилда кирган эди.

Ман жараённи қизиқиб кузатганим, маҳаллий бизнес у билан қанақа рақобат қилиши бўлди. Маҳаллий бизнеслар нафақат яшаб қолишди, ҳатто гуллаб ривожланишди ҳам. Бу ташқаридан кирадиган бизнеслардан қўрқув хатолигини билдиради. Ким учундир рақобат қўрқинчли, ким учундир ривожланиш, ўсиш учун янги челлендж.

#biznes
@allaevuzb

Амударё бўйида жойлашган Тахти Сангин — қадимий юнон-бақтрияликлар қурган мажмуа ҳисобланади. Бу ерда қурилган ибодатхона ва қурбонгоҳлардан ташқари, аниқ юнон услубида тайёрланган бронза буюмлар, ҳайкалчалар ва керамикалар топилган. Энг ҳайратланарлиси — Дельфин сурати туширилган артефактлар бўлиб, бундай ҳайвон тасвири бу минтақада мутлақо учрамайди. Дельфин — юнонча рамз, унинг Шарқда пайдо бўлиши маданий таъсирнинг қанчалик чуқурлигини кўрсатади.

Нега Амударё бўйидан дельфин сурати чиқди?
Бу ҳақда “Худди шундай” каналида янги видео чиқибди: https://youtu.be/7pWx1eG1UUE?si=bdmKnEao2AxkaU90

Доллар курси яна 55.77 cўмга пасайди.

Эртага расмий курс - 12 831.13 Сўм.

Айтишларича, эртага ўртача товар курси 12 920 Сўм.

#kurs
@allaevuzb