Asaxiy Booksning eng zo'r kitoblaridan Henri Marshning "Ozor berma" haqida Birburchak Youtube kanali video tayyorlabdi.

Tomosha qiling: https://youtu.be/2CIjZW6J6BQ?si=r4yz4C0aSqYpurYB

Siz "Ozor berma"ni o'qiganmisiz?


#video #kitob
@allaevuzb

2024-yilda AQSH va Hindiston dunyoning eng ko‘p kitob o‘qiydigan mamlakatlari bo‘libdi.

World Population Review va CEO World Magazine ma’lumotlariga ko‘ra, 2024-yilda eng ko‘p kitob AQSH va Hindistonda o‘qilgan. AQShda bir kishiga yiliga o‘rtacha 357 soat (taxminan 17 ta kitob), Hindistonda esa 352 soat (taxminan 16 ta kitob) kitob o‘qish to‘g‘ri kelgan. Uchinchi o‘rinni Buyuk Britaniya egallagan.

Eng kam kitob o‘qiladigan mamlakat Afg‘oniston, Bruney, Pokiston va Saudiya Arabistoni bo‘lib, u yerda yiliga aholi boshiga o'qiladigan kitob soni 3taga yetmagan.

Elektron o‘qishning o‘sishiga qaramay, AQShda hamon bosma kitoblar afzal ko‘rilmoqda: 2024-yilda ularning savdosi 780 million nusxadan oshgan.

🔝 Eng ko‘p o‘qiladigan kitoblar "Qur’oni Karim", "Injil", "Garri Potter", "Uzuklar hukmdori", "Don Kixot", "Kichkina shahzoda", "Parijdagi Bibi Maryam ibodatxonasi" va "Jinoyat va jazo" bo‘lib qolmoqda.

Eng ko'p kitob o'quvchi mamlakatlar:

1. AQSH - yiliga 357 soat mutolaa
2. Hindiston - 352 soat
3. Buyuk Britaniya - 343 soat
4. Fransiya - 305 soat
5. Italiya - 278 soat
6. Rossiya - 223 soat
7. Avstraliya - 227 soat
8. Ispaniya - 187 soat
9. Gollandiya - 187 soat
10. Shvetsariya - 157 soat


PS: O'zbekiston ro'yxatdan joy olmagan. Ko'rinishidan O'zbekistonda so'rovnoma o'tkazilmagan yoki statistika taqdim etilmagan.


#kitob
@allaevuzb

Xitoychi deb so'rashmoqda?

Mamlakat reytingda 15-o'rinni egallagan. Aholi boshiga yiliga 6.61ta kitob o'qiladi. Mutolaaga yiliga o'rtacha 154 soat sarflashadi.

Nimaga Xitoy bu reytingda past? Muammo qishloqlar aholisi va qariyalarda. Yangi avlodda kitobxonlik darajasi juda kuchli. Hukumat ham sohaga alohida e'tibor berib juda katta investitsiyalar qilmoqda. Masalan, o'tgan yilning o'zida bolalar uchun 60 000 xildagi yangi kitoblar chop etilgan. Lekin, Xitoy qoloq bo'lgan davrda ta'lim olgan qari avlodda va hali zamonaviy taraqqiyot yetib bormagan qishloqlarda kitobxonlik darajasi past.

PS: O'zbekistonda ham o'xshash vaziyat. Bizning raqamlarga asoslangan tahlillarga ko'ra eng ko'p kitobni 38 yoshgacha bo'lgan avlod o'qiydi. Eng kam ko'rsatgich 45-63 yoshlilar orasi. Raqamlarda xatolik bo'lishi mumkin, lekin bu qiyin davrlar (perestroyka, mustaqillikning ilk yillari) bilan korrelyatsiya qiladi.


#kitob
@allaevuzb

Мақтовга яхши муносабатда бўлиш — бу инсоннинг ўз меҳнатини қадрлашни билиши, бошқаларнинг эътирофини миннатдорчилик билан қабул қилиши демакдир. Бу ҳолат инсонда кибрни эмас, балки янада кўпроқ ҳаракат қилишга туртки берувчи мотивацияни уйғотади. Мақтовни тўғри қабул қилиш, ўзини таниш ва ўз устида ишлаш жараёнининг муҳим бир қисмидир. Бу орқали инсон ўзининг кучли жиҳатларини англаб, уларни янада ривожлантириш йўлида дадил ҳаракат қилади.

Тўлиқ видеога ҳавола:
https://youtu.be/ETQ07MlsOvE?si=YaczuqOKD0Imfiww


#youtube
@allaevuzb

Bir mashhur anekdot bor. Ko‘pchiligingiz eshitgan bo‘lsangiz kerak:

Er ko‘chadan kechki payt mast ahvolda kayfiyatsiz uyga kirib kelibdi. Uyga kelsa, xotini o‘ziga qaragan, yaxshi kayfiyatda kutib olibdi. Ovqat desa ovqat tayyor emish, choy desa choy. Uy yig‘ishtirilgan, bolalar uxlagan, hammasi ideal. So‘rasa indamasdan oyoqlarini yuvib ham qo‘yibdi. Urushishga bahona topolmagan er, xotiniga chiroqni o‘chirishni aytibdi. Xotin ham “xo‘p, adajonisi” deb indamasdan yoqibdi. Keyin, yoqishni aytibdi. Xotin indamasdan yoqibdi. Keyin, o‘chirishni, yana yoqishni, yana o‘chirishni, xullas bir necha marta sikl davom etibdi. Yakunda er debdi: - San xotin yarim tunda chiroqni o‘chirib yoqib kimga morgat qilyapsan?

Qo‘pol anekdot, lekin tagida achchiq haqiqatlar bor.

Agar tanqid qilishdan maqsad tanqid qilish yoki sizni yerga tiqish bo‘lsa, unda siz dialogga kirishganingiz, qanchalik haq ekanligingiz foydasiz. U vaziyatda siz qanchalik to‘g‘ri bo‘lmang, qanchalik katta ishlar qilayotgan bo‘lmang, sizni yerga tiqish uchun hatto tuhmatdan ham tiyilishmaydi. Voydod deb qichqirishadi ham, kerak bo‘lsa Orol dengizining qurishi-yu, Amerika qit’asidagi hindular genotsidiga, Mavrikiydagi dodo qushining qirg‘iniyu, Kennedining o‘limiga ham siz aybdor bo‘lishingiz mumkin.

Shunaqa vaqtda, siz shunchaki sinib qolasiz yoki “hammasiga kulib qo‘ydim” deb davom etishda kuch topasiz va haqiqatdan katta va buyuk narsalarga sababchi bo‘lasiz.

#hazil
@allaevuzb

20 yildan keyingi karyerangizga boqqanda qanday yutuq va koʻnikmalarga erishgan boʻlishni xohlaysiz?

Bundan 20 yil oldin fransuz adabiyotidan biror romanni qo'ltiqqa qistirib qishloqda qo'y boqib yurardim. Adabiyot ta'sirida o'sha vaqtlarda umrimni oxirigacha bir marta Fransiya borarmikanman deb orzu qilardim.

Hozir 35 yoshdaman. Maqtanib qo'yay, oldin sanamagan edim, bugun sanaganda qolib ketmagan bo'lsa, borgan davlatlarim soni 52taga yetibdi.

#orzu
@allaevuzb

У ўз мутахассислигини француз тилига ўзгар­тириш ҳақида ҳам ўйлади. “Француз тили ўқитувчим олдига бу ҳақда гаплашгани бордим. У мендан нима билан шуғулланаётганимни сўради.” Даудна “кимё” деб жавоб берганида, ўқитувчи унга шу со­ҳада қолишни маслаҳат берган. “У ўз сўзида қатъий туриб олди. У шундай деди: “Агар кимёни ўргансанг, ҳамма нарса билан шуғуллана оласан. Агар француз тилига ўтсанг, француз тили ўқитувчиси бўласан холос.”


© Фақат тил ўрганиш етарли эмаслиги ҳақида “Код бузар” китобидан


#kitob
@allaevuzb

Hech "men notoʻgʻri oilada tugʻilganman" deb his qilgan vaqtingiz boʻlganmi?

Муҳожирликни романтизация қилишда давом этмоқдамиз.

Биздан инсонлар ташқарига чиқиши, бошқа мамлакатда ўзини топиши, бирор соҳа мутахассиси бўлишини иқтисодий томондан яхши жараён деб биламан. Улар жўнатадиган пул оиласи ва мамлакат иқтисодиётига фойдали эканлигидан ташқари, маълум бир маънода бу тайёр экспертиза ва тажриба. Қанчадир миқдорда муҳожирлар барибир қайтади, улар ўзи билан тажрибасини олиб қайтади. Меҳнат бозори ва бизнес муҳити мафтункорроқ бўлса, қайтиш кўпаяди.

Кўпчилик ўйлайди: чет элга кетсам, ҳар ойда бир уй пул топаман. Лекин аслида ҳеч ким сени чемоданда пул кўтариб кутиб тургани йўқ. Аслида, пулсиз ҳам ҳеч ким кутиб тургани йўқ. Ҳатто иш жойи ҳам муаммо. Тилни билмасанг, орқага эмас – пастга қараб силжишинг мумкин. У ерда ҳам ҳаёт осон эмас, сиёсий популистлар у ерда ҳам бор ва аҳолининг бир қисмини муаммолар сан каби муҳожирлар сабаб эканлигига ишонтиришган. Мигрантмисан, ҳар куни бўлмаса ҳам ҳар замонда бегоналигингни ҳис қилдиришади, дискриминацияга ҳам чидайсан.

Буни кўтарсанг, меҳнат бозорига келганда ким эканлигинг эмас — нима қила олишинг муҳим бўлади. Очиқ бозор ва рақобат.

Муҳожирлик — бу қийин қарор, нони оғир. Янги жой, янги маданият, янги қоидалар. Кўчага чиқиб йўл сўраш ҳам қўрқинчли бўлиши мумкин. Оилангдан узоқда, бегоналар орасида, ҳар куни ўзинг учун курашишинг керак бўлади.

Бошида деярли ҳар ким юрагини тишлаб оғир ишларни қилади, кечаси шифтга қараб “шу тўғрими?” деб ўйлайди, қувонч, соғинч, ғурур, хўрликни бир пайтда ҳис қилади. Ўзбескитонда қайсидир биринчи дунё мамлакатига кетган одамни бой бўлиб кетди, маза қилиб юрибди деб мақтаб юришганда, у учма-уч пул етказиб, қарзга бўлсада уйга пул жўнатиб, ундан ташқари идиш-товоқ ювиб ёки юк ташиб юрган бўлиши мумкин. Меҳнатнинг ёмони йўқ. Муҳими муҳожирлик эртакдаги ҳаёт эмаслигини тушуниб етиш.

Аммо чидаган инсон мослашади. Меҳнаткаш бўлса, қадри билинади. Вақт ўтиб, орзу қилган ҳаёт эмас, ҳақиқатли ҳаётга эга бўлади.

Муҳожирлик хато эмас. Лекин оддий ҳам эмас. Бунга тайёр бўлмасанг, бориб ҳам йўқ бўлиб кетишинг мумкин.

Ким чет элда юриб, ўзини топган бўлса — у ҳақиқатдан ҳам нимадирда кучли одам.

Бугун ўз муаммоларидан қочиш учун суришни ўйлаётган инсонлар шуни тушуниб олиши зарур. Сурган билан муаммолар ечилмайди. Ҳар қандай ҳолатда ҳам сан шахс сифатида ўсишинг, ривожланишинг, қийналиб йиллар давомида меҳнат қилиб ўзингни қуришинг зарур. Шу қийинчиликларга тайёр бўлиб сурсанг ўзингни топасан.

Бир сирни айтаман, бу қийинчиликлардан ўтсанг, Ўзбекистонда ҳам зўр мутахассис бўлиб яхши даромадга чиқиб олишинг мумкин.

PS: Кунига 12-14 соат ишлаб қийналиб юрган муҳожирларимиз фойдасига фақат Ўзбекистондаги ижтимоий баҳо яхшиланиши бор. Кимдир биринчи дунё мамлакатига кетдими, автоматик уни бой, маза қилиб юрибди деб фараз қилишади.


#hayot #mulohaza
@allaevuzb

Ёшлар ишлари агентлиги раҳбари Алишер Саъдуллаев телеграм каналида ёзмоқда:

“Энди ҳар йили икки минг нафар талабага “Wоrк and Travel” дастури орқали ривожланган давлатларда ишлаш ва саёҳат қилиш учун фоизсиз ссуда берилади!

Бу дастур талабаларга нима беради?

1. Талабаларга таътил даврида Буюк Британия, АҚШ, Канада, Корея, Япония, Австралия, Янги Зеландия, Европа Иттифоқи давлатларида ишлаш ва тажриба орттириш;

2. Бориш-келиш авиачиптаси учун давлат томонидан 15 миллион сўм фоизсиз қарз (ссуда);

3. Ҳафтасига 30-40 соат ишлаш ва бу орқали бир мавсумда ўртача 3-7 минг долларгача даромад топиш имконини беради.

Дастурда 16 ёшдан 30 ёшгача бўлган талаба ёшлар (кундузги, кечки ёки сиртқи) иштирок этиши мумкин.

Ариза топшириш 15 майдан Давлат хизматлари маркази ёки мй.гов.уз орқали амалга оширилади.”

Истеъдодли ёшлар учун яна бир яхши қадам ва енгиллик.


#pozitiv
@allaevuzb

Humo нинг олдинги раҳбари Шуҳрат ака Қурбонов ТBC банкда бошқарув раиси маслаҳатчиси лавозимида иш бошлабди. Бу ҳақида Шуҳрат ака ижтимоий тармоқларда пост қўйган.

Шуҳрат ака яқинда Ҳумо тўлов тизими Paynet га сотилиши ортидан раҳбарлик лавозимини тарк этганди. Энди Шуҳрат ака Ўзбекистоннинг энг илғор рақамли банки раҳбариятида иш юритади.

#biznes #bank
@allaevuzb

Agar oʻzingiz haqingizda aytilgan eng ogʻriqli tanqidni ochiq tan olsangiz, bu tanqid nima boʻlardi?

Яна бир давр ортга қолмоқда. Skype ёпилибти.

2010 йилларнинг охири. Интернет ҳали суст, лекин одамлар бир-бирини “кўриб гаплашиш”ни энди ўрганяпти. Уйда камералик компьютер, смартфон ёки ноутбук бўлса – байрам.

Skype — ўша давр технологик орзуси эди.

Кимдир у орқали севганини кўрган, кимдир (онам) четда ўқийдиган ўғлини, муҳожирликдаги кимдир Ўзбекистонда қолган боласини, кимдир қари онасига “мана бу тугмани бос” деб 30 дақиқа тушунтириб, 5 дақиқа кўрган.

Ҳаммаси “Skype уланди” деган ҳаяжондан бошланарди.

Бугун Microsoft расмий равишда уни ёпишини эълон қилди. Энди барча эътибор Teams га. Янги давр, бошқа ритм.

Лекин Skype — бу фақат алоқа эмас эди. У — бизнинг илк “рақамли яқинлик” тажрибамиз эди. Skype Узоқни яқин қилган, одамга технология мўжизаси бўлиб кўринган янгилик эди.


Mail. ru Агентдан кейин ёшлигимизнинг яна бир хизмати хотирага айланмоқда.

#texnologiya
@allaevuzb

"La’nati dangasalik! Agar u menga halal bermaganda, qanday ajoyib inson bo‘lardim-a."

© Lev Tolstoy

Hammamiz ham ozmi-ko'pmi Tolstoymiz😁

#dangasalik
@allaevuzb

Nima uchun O'zbekistonda suiqasd ayollar orasida ko'proq?

Gazeta uzga koʻra 2019-yilda Oʻzbekistonda erkaklar oʻrtasida suiqasd 700dan ortiq, ayollar oʻrtasida 600dan ortiq boʻlgan ekan: https://www.gazeta.uz/oz/2019/07/12/suiqasd/?utm_source=chatgpt.com

Boshqa yillar boʻyicha raqamlar topilmadi.

Post bir mutaxassisning ayollar oʻrtasida suiqasd koʻproq degan fikridan kelib chiqib yozilgan edi.

Yanglishlik uchun uzr.

#uzurasiz
@allaevuzb

Nima uchun Oʻzbekistonda oʻz joniga suiqasdlar erkaklar orasida koʻproq?

Хотира ва қадрлаш куни муносабати билан Ўзбекистондаги Ислом цивилизацияси маркази ва Россиянинг “Диви” кинокомпанияси ҳамкорлигида ҳужжатли фильм суратга олибди.

Эртага, 8 май соат 16.15да
(Тошкент вақти билан соат 18.15да) "Россия-Культура" телеканалида ва 9 май соат 16.20да "Севимли" телеканалида (ўзбек тилида) ушбу фильмнинг намойиши бўлиб ўтаркан.

#film

Бизнесда ўз майдонини тўғри танлаш муҳим.


Қаерда ўйнаш кераклигини аниқлаш компания (бренд, тоифа ва ҳоказо) учун ўйин майдонини белгилайди. Бу савол сизнинг қандай бизнес билан шуғулланишингизни, қаерда рақобатлашишингиз ва қаерда рақобатлашмаслигингизни олдиндан кўрсатиб беради. Бу танловнинг аҳамиятини англаш жуда муҳим, чунки муваффақият ўйин майдонига боғлиқ. Ўйин майдонини танлаш бир неча йўналишлар бўйича амалга оширилади:

• Географик ҳудуд. Қайси шаҳар ёки маҳаллада рақобатлашмоқчисиз?

• Маҳсулот тури. Қандай турдаги товар ва хизматларни таклиф этасиз?

• Истеъмолчилар сегменти. Мақсадли истеъмолчилар сифатида қайси сегментларни танлайсиз? Қайси нарх оралиғида? Истеъмолчиларнинг қандай эҳтиёжларини қондириш учун? (Арзон, ўрта ёки премиум?)

• Сотиш канали. Маҳсулотларингизни харидорларга қандай етказиб берасиз? Бунинг учун қандай каналлардан фойдаланасиз? (дўкон, онлайн, бозорлар, ритейл (супермаркет))

• Ишлаб чиқариш жараёнлари босқичлари. Ишлаб чиқаришнинг қайси босқичлари билан шуғулланасиз? Қиймат яратиш занжирининг қайси даражасида? Қандай кўламда?


Бу саволларга аниқ жавоблар берилса, бизнес ўз майдонини билиб олади. Бўлмаса ҳаос бўлиб, доимий ўзгаришлар гирдобида қолади. Бу худди одам ўзига мен кимман, мақсадим нима, кимлар мен учун муҳим деган фундаментал саволларни берганида кўп нарса ойдинлашишига ўхшайди.

#biznes
@allaevuzb