أني أدري راح أنجرح
بس أبد مو منك ...

أسف لأهلي !!
الجنت أحجيلهم عنك


محمد قصي 💜

مرات تلكاك جرح
بس بي الخنجر ينحد

الجانت اغله من النفس
نزلت دمعة على الخد


أيهاب المالكي 💜

تعال أشمر حجايه وكول مشتاك
لتحسسني عندك مالي قيمة

لتخليني أتاني وجرحي مفتوح
مثل فطر الحياطين القديمة


مهند العزاوي 💜

تعال أشتاقلي بكدي
اذا ما أرسم عيونك على الشباج
هذا الليل ميعدي ...

لأن ما عندي غيرك أشكي حزني وياه
جنت أبجيلك الوحدي


أدهم علي 💜

يمر أسمك وأحس حرورتك بالراس
وأذب روحي بنهر يومين ما أبرد


جواد الحمراني 💜

بخير اني لان هلفترة مو يمك

من على الجكاير كمت...
أقره الامراض انصدم من ماكو بيها أسمك


محمد قصي 💜

ولك لا عندي زعل لا عتب لا عركة
أنسه الصار ؟ ما ينطي الوجع فگة

ولك خليتلك مغرور يتشگة


علي مهدي 💜

اني منك ما ردت شي وأنت تدري
لزمه أيدك جانت اكبر أمنياتي

بس أريد أفتهم منك ...
أنت اذا ناوي ع فرگه ليش طبيت بحياتي؟


سجاد المحمداوي 💜

كل عام وانتم بالف خير احبتي 🫡🫡❤️

ما أفرح بعيدي بكثر ما أفرح بشوفتها
جا هوه عيد الله شنو عود احلى من ضحكتها؟


مصطفى جواد 💜

متوقع جنت بالعيد ترجع
تصالحني وعمر كامل نعيدة

تاليها برسالة أدز كلمتين
مثل الغربة .. أيامك سعيدة


محمد صلاح 💜

المطر فوكاي متبلل ...
أجيتك رايد أدفه

شعلت النار .. بس يا نار !!
من جفك لزم جفه


مصطفى أبو سمير 💜

أخر يوم اليه وياك
وأول يوم من دونك

طلعت من الحرب خسران
راحت بالي وعيونك

وصدمتني نهايتنا ..!
الغلط جان بعلاقتنا ، علاقتنا


محمد قصي 💜

وكتلك عيونك حجلي
وگالن أيامك گصار

وكتلي ميصير التكوله
وكلشي صار !!


حسين علي المطوري 💜

انا أسف خاف أحبك
هاي شخصيتي الوحيدة

الما يعجبك بيه خربه
ورتبة بأيدك بالتريدة


حسين الصباح 💜

كتله أعمي عيني ...ودوس فصها

بس الظفيرة لا تكصها
بالعيد كصها ودزلي نصها !!


يونس محسن 💜

السنطه هم ساعي بريد أجيب صوتك
ليش ما كلتي أسمي غااد

يا حبيبي بكثر ما لاعب بشعرك
من كذلتك ضل بأصابيعي سواد


علي مهدي 💜

أنت ح تكمل حياتك
وأني راح أتعب وراك

كلها تدري شكد أحبك .. ما عداك


محمد قصي 💜

صلف من خيروك ودنكت محتار
لو مختار غيري ولا كلت شختار؟


علي أبو نؤاس 💜

أمس روحي أشتهت واحد مزعلها
وحنت والمحنة ما طيح الها

أمس حطيتهن مرسال يم مرسال
وعاينت لردودك ما أستاهلها


سعد شميل 💜