من سلمت بايدك كلت هذا اوداع
من ضليت تسحب وانا ما اهدها

كل الجنت أريده من عصرت أيديك
شكد ما أكدر أخذ عطر من عدها


باهر الجنديل 💜

أذا تنسانه هم ننساك
انا وكلبي موش كبور خاطر نحتفظ بالمات


عمار سالم 💜

أنا تعبان ، جاي أدفع ثمن غلطة
وأبد ما جاي أسيطر من أحس مشتاك
وأكبر غلطة من تشتاك للغلطة


أحمد هاشم المالكي 💜

بارد يكولون عني وما رضيت
أسمع شيحجون بس ساكت بقيت

أني مو بارد مشاعر من زمان !!
أني ضليت أحترك حد ما طفيت


محمد صلاح 💜

أنا مو زعلان ...
ميت ، وأكو بكلبي هوايه ليش؟

العافني عايش حياته
أنا مو من حقي أعيش !!


عزام الشمري 💜

بعد ما شلع كلبي .. وعافني بـ كلبة
دارت الدنيا ، واتلاگينه يم دربة

أنا توقعت ع أقل نظرة شوك
وعلي باوعلي مثل مباوع الغربة


علي تالي 💜

ما حاجة تطعن بعد طعناتك مكفية
وكلهن بكلبي أجن ما تشتبه عفية

خليتني بموقفي مثل اليدبر الدوة
الامة المريضة ويجي ويلگاها متوفية


علي جواد 💜

منا وأنتهت كل واحد بدربة
البلم يمشي عوج من تسحك اعله الراگ
بس يچر عدل من تسحك بكلبة


كاظم حايف 💜

كلشي بيه يبوسك من أتلاگه بيك
الرجفة البروحي من أشوفك ...
تنتهي بلمسة من أديك


زيد الهاجري 💜

هواي تعرضت لجروح ما حسيت
بس هلمرة كلبي من الألم خاوي

مو من ينجرح يتألم الانسان
من يشعر بعد ما يكدر يداوي


مرتضى الميالي 💜

شكم غلطة الك عبرت ...
وكلت أنچفه شرها

مشكلتي بالمشكلة الما جنت أكبرها
المفروض أكبرها .


محمد صلاح 💜

أعاشر غيرك ، وأطلع وأطب وأشتاك
ما أكلك وفه بس روحي محرومة

شفت الأحلى منك ، والأحب ، وزين
وأهتموا بروحي وبقت مهمومة


رائد أبو فتيان 💜

كلبي يسئلني عليك
وما أعرف كلبي شگله ..

سهلة تبعد يا حبيبي
وهاي أصعب شغلة سهلة


علي طالب 💜

ما أهمك أحس بس مدري شتريد
تحيني بـ لهفه بس تروح بارد

تكلي أنتضر يمك وأنت ما جاي
المصيبة أنتضرك انا لهسه كاعد


حسين الصباح 💜

بعد ما نرهم ...
وصعبة اليبدي يفكر بعقلة
ينسى شصاير بكلبة


أدهم علي 💜

بس وحكك ، باجر يعوفوك كلهم
وحدك ترجعلي ذابل ...

باجر أثار الغرب هوسة على خصرك
أكثر من أثار بابل !!


حيدر هواد 💜

ما شفتك اليوم أستعجل تنام
أنا قبلك نمت نتشاوف اطيوف


يوسف الدراجي 💜

منو يسأل علينا أحنا البعيدين!
ومنو يسأل علينا لمن نغيب!

أحنا المحد النه ومدري منين
مكتوب بجناسينا غريبين

وين اهلي علي مادگوا الباب
تره صحتي عليله وكلبي مو زين


كاظم أسماعيل الكاطع 💜

وانا من شفتك خنتني .. تفاجئت
ما نشف دمعك عليه .. وعاشرت !!


محمد صلاح 💜

أرتاح ماكو حضن يمه أفتح العبرة
وبيه الك ذاك البجي بس صدرك تبرة

يلـ خوش تتبره ..
شحجي وشعلم بعد هوه الوفه شمرة
وشقابض من الشكل ..
هذا أنت شگلگ حلو بس عشرتك مرة


رائد أبو فتيان 💜