اتحمل شكد حجي من ناسك وناسي
ومن باوعت للسمه ما جنت امشي بفخر

خايف يطيح لدمع …
ما نزلت راسي !!


علي طالب 💜

تعيريني چي مشتاكلج
والله اني عفتج وانتهت بس سولتي الحنية

وما اريد اغثج بس صدك مشتاكلج
قبل الجرح من جنتي خوش بنية


رائد ابو فتيان 💜

هواي تحملت بس هاي متعدي
موضوع الكرامة شوي صعب عندي

لهنا والكلب يستاهل السجين
وذا حبه وذا لون الوجهه وردي

وصلت للكرامة وي أهلي واختاضيت
وعزلت الوحدي من جنت ما عندي


مصطفى العقابي 💜

أنت وينك؟ فگلي أدينك
هذا أني …

أنت نفس الموت فد تتشابهون
ثنينكم محد خذاني


فاطمة محراب 💜

وديتلك روحي بكزازة
رديتها أحبال بجنازة
يا عازتك بليل عازة


علي طالب 💜

عفيتك مرة ، مرت الثانية أجويك
اذا يطلع الماضي تعيش ندمان

غراب وكلت نورس ردت أحليك
أول مرة أجامل زلة اللسان


نور اللامي 💜

لا تنطيني أمل جذاب …
مرات الأمل كتال مو الصواب

السجن لو كله حيطان ، أسهل يعيشون
مشكلة السجن بي باب


صفاء الصمت 💜

يمكن عليه بشوفتك مستكثر
من تدير وجهك لو مدنك تعبر

نفسك هذاك وما تغير شي بيك
لو ما عيونك چا كلت كلك مرر


عصام كريم 💜

عقلي يمك وأنا قابل
مخبل وما أريد أصحة

صرت لمن شفت عينك
أعزل الناس على صفحة


حسين الصباح 💜

منين ما تندار أحبك
بحر ويحاوط جزيرة

يا طموحاتي الأخيرة
يا معاناتي الجبيرة

أني باقي وياك
للحلقة الأخيرة


محمد الطلقاني 💜

طلسم كاتبك بيدي افتهم معناك
وغيري يشوفك مخربط




عزاره الجياشي
الله الله

رجعت مدنگ بكل درب بي ماشين
بلگت حلم ضاع هنا
ومثل ثلاجة الموته أدورة وما أريد الگاه


باهر الجنديل 💜

الليلة شابع هظم
ومرخوص أكض تفگتي وأگضي السلف كله

نار البكلبي أذا حطيتها بموگدك
تزرف گفه الدله .



حسين الذهبي 💜

ما تمشيني خطوتين الصور …
حاسبها شوفة؟

تدري حتى اليذكر أسمك
كلبي ما ينطيني أعوفة



عزت عباس 💜

زرت السادة والخيرين ما فاد
كل ليلة نفسها الخنكه تنعاد

أشرد وين من يخنكني طاريك
أذا على غرفة هينه تضيگ بغداد



ديار الربيعي 💜

شكد رخيص بگد جمالك
أني بصحراء و زارعلك حديقة
تروح للوردة أشترالك .. شمالك؟



يونس محسن 💜

بنفس الحظة تكتلني ..
وتحب غيري يا وكحك؟

شبسرعة ولگيت أنسان؟
أنا ما لاگي دوة لجرحك



علي جواد 💜

بعدني أبجي وبعدني من اذكر أتلوة
دمع بارد نزل ع الخد المچوة

لگيت البيت ظلمة الكطن ما ينشاف
مو محترك كلبي شلون ما ضوة؟



عباس طالب 💜

بهاي اللحظة دمعك گوه ميطيح
الدمع صاحب فضل من يبقى خاتل

صح دمعك يظل بس گلبك يطيح
گلبك مو دمع وتشوفه نازل



ليث ماجد 💜

ما ينقبل عذرك چا تقبلته
الحقد مو ثوبي بس منك تعلمته

اللغم ما سوه شي داسوا أبطنه وثار
كتلك هذا كلبي .. وعاندت دسته



كرار صاحب 💜