أذكر مره كتلي أرتاح شو نعسان
كتلك روح ليل مهنه التنامة

إمسحرجي أجه واركض وراه بحجار
خافنه ويزعجك صوته دمامة



حسن الخيكاني 💜

ليش تكسر خاطري ، چي مشتريك؟
وأنا لأجلك روحي ما حاجيها

كتلك أمسح عيني غركت بالدموع
ما كلتلك حط أصبعك بيها



ميثاق الهلالي 💜

سميتك محنة ، وعاطفة ، وأشواگ
لهوو ، تگضي وكت ، شتريد سميني

وأخذ شتلت غرامك يا عشك يا شوگ
بس عاگول صدك ينبت بطيني



سمير صبيح 💜

الجنت من أختفي متنام ..
گامت تختفي لو ردت أحاجيها

مو زعلانه مني ..!!
لا كلبها نباگ ، لو زعلانه أراضيها



محمد صلاح 💜

شبر عن الكرامة ، ودست راس الشوگ
مو انا التذلني الدنيا بغيابك

عكازة مصوب بس أطيب أنساك
من أولها جنت ما حاسب حسابك



محمد شهد 💜

عود مترهي وبعد ميهزني شي
وبس كلتلي تلوگلي الدمعة بجيت

جاي أودعك مو أحبك من جديد
شو حلتلي الكعدة بالگذله التهيت



عزت عباس 💜

ما اكدر أرجع قوي …
وأتعود أستوعبك ، وأنساك واتخطه

يم أهلي أضحك جذب …
بس والله أشبع بجي من أرجع اتغطه



مصطفى جواد 💜

ويلاه والله حلم بالبوس طرزني
لا طال عمرة الذي من نومي فززني



عبد الكريم القصاب 💜

تحبني؟؟
مو كل وكت …

مرات أحسك عدو
بس أختل بسدة



رائد ابو فتيان 💜

تمرضت وأنت بعيد وماكو صحة وعافية
وطلعت صورتنا ذيچ والصورة مو كافية

على روحي شكد بجيت وأبجي بيني وبينها
متت كدامك شبيك ، جا دمعتك وينها؟



علي طالب 💜

ملتمين لكن ماكوو أنت …
ومنو اليترس مكانك يل تركته



أحمد الغريب 💜

بس لا راح تتمادة وتذب الطوگ
جاي أنهي محبتك مو وكت گذله

جانت عينك محليه الايام السود …
بس هسه الفراك احله



عزت عباس 💜

الليلة عيوني جيب اليكدر يسدها
حنيت السوالف فات موعدها

جبتها بكلشي كدها وعمري ما طخيت
بس ليلة فراكگ جنت مو كدها



محمد شهد 💜

بفشلة جريت الستارة
ومني زعلت الحمام

أكراماً الكلشي بغيابج
وجهي اديرة الصوب بيتج يله أنام



أبراهيم مطر 💜

كلشي البيه متغير …
صحتي وراحتي وحسي

وصلت المرحلة أتصوروا
اذا اباوع بالمراية أكولن هذا مو نفسي !

ردت بس ما كدرت أحجي
ومدري شبيه أبدي أنهار
اذا واحد لزمني أبجي



حسين المميز 💜

متشمت بجرحي وبالعلن تضحك
نسيت الي وكف يمك بوكت جرحك؟

حتى بروحتك بالي انا يمك ضال
منو غيري بعد من تغلط ينصحك؟



سجاد المحمداوي 💜

تمر أنت على بالي اطول سنين
وأمر أني على بالك لمضه شهاب

تفتت على بابك والعصافير
نزلن ياكلن لا تفتح الباب



أمجد الدراجي 💜

علي زعلان بس كلبي زعل وياك ما ينبض
أنت أنسيتني بلحظات واني سنين بيك أحفظ


محمد كوكب 💜

جا هيه الرسايل هيج لزعلان؟
شوصفها او وصفها يگصر سنيني

انا الما غمضت من عيني طبها تراب
من شفت الرسايل غمضت عيني !!



مقتدى سلام 💜

قبل سنتين لو ادري
لو متنبئ بهل حال

ما جان الكلب مجروح
ولا هذا الكلام أنگال



قصي عيسى 💜