انا لله وانا اليه راجعون

انتقل الى رحمه الله زوج
الشاعره ام احمد شهد الرضوي
رحم الله من قراء سوره الفاتحه
على روح المرحوم كريم ابن مكيه

🌺 قصيده للام وللزهراء ع🌺

تقراء بطور ثكيل

كافي يايمه هجر طال الغياب
وحدي اكلب بلصور وكليبي ذاب

🌹🌹🌹🌹🌹🌹

علئ افراكج يلحبيبه مالي حيل
ابقه اناطر علدرب وليلي طويل
ولله من بعدج ييمه انه ذليل
مرسال اوديلج ييمه بيه عتاب

🌹🌹🌹🌹🌹🌹

ولله مشتاكه اشم نسمه هواج
بيج حيرني زماني وهل خذاج
تمنيت اصيرن بلكبر يمه احذاج
وحدي عفتيني غريبه الكلب شاب

🌹🌹🌹🌹🌹🌹
شيبت بصغر سني تعذبيت
شيبت من القهر وتمرمريت
اكعد انه علكبريمه وبجيت
ابقه اناشد اليمر والهوه الهاب

🌹🌹🌹🌹🌹🌹

جنتي لجروحي دوه ونتي الطبيب
مثلج انه يلحنينه منين اجيب
ولله اعيشن كل حياتي انه غريب
تظل اعيوني تناطر دكه الباب

🌹🌹🌹🌹🌹🌹

كل لحظه انه التمر انطر تجين
فاكده يمه الحنانج ماتجين
اه يايمه شكثر كلبج حنين
سهم فركاهه الحبيبه الكلبي صاب

🌹🌹🌹🌹🌹🌹

تمت والحمد لله ✍️ بقلمي
الشاعره ام احمد شهد الرضوي

رحم الله من قراء سوره الفاتحه
علئ روح زوجي كريم ابن مكيه

https://www.tg-me.com/alzmqpa

🌹 نعي للأب 🌹

بويه يابويه

دروب النجف شو خوفتني
بترابهه. ولله. عمتني
خذت مني العزيز ودولبتني

&&&&&&&&&

وسفه الرمل يابوي غاطيك
دكعد يبويه وخل احاجيك
اتراب اللحد غير معانيك

&&&&&&&&&
مهظومه يبويه شلون بيه
بس شوفتك عنت عليه
علئ فراكك ادك بثنين اديه

&&&&&&&&&&

اكعد. يبويه عاتبيتك
مظلم عليه اليوم بيتك
للنوح شو عايف بنيتك

&&&&&&&&&&&
طبيت النجف ودموعي تسيل
افراكك يبويه هدلي الحيل
بعدك تراهو مظلم الليل

&&&&&&&&&&&


تمت والحمد لله ✍️
بقلمي الشاعره ام احمد شهد الرضوي
https://www.tg-me.com/alzmqpa

🌹 قصيده للعليله ع ولفقدان الاب🌹


اكعدت بويه علكبر وبصوت انه ناديتك

خرب معانيك الرمل وبحزن هل حاجيتك

😭😭😭😭😭😭

دكعد ونظر حالتي عميه عليك عيوني
بلنظر شلي يالابو بعدك تره يجوني
انه يتيمه وهلضعت بلدار شو عفتوني
وحدي اكلب بلصور مظلم يبويه بيتك

😭😭😭😭😭😭😭
يوميه اودي أعتاب الك بس الصدئ يحاحيني
مليت بويه فركتك بس دمعتي تواسيني
وياك اخذني للكبر اندفن شو خليني
سهرانه كظيت العمر بحسره انه ابجيتك

😭😭😭😭😭😭

حنيت بويه العشرتك سهرانه ظلت عيني
بلياك ماريده النزل يوميه انه يبجيني
ايامي راحت والعمر ضاعت تراهي سنيني
شمحلاهه بسمي لو صحت بويه انه سَمعيتك

😭😭😭😭😭😭😭
ظليت اعاني من الصغر بس طيفك ايباريني
من حظنك انه انحرم هل ساهرت كل ليلي
مشتاكه اصيحن ياهلي مهدوم صبح حيلي
للحزن انه تحزمت بدموعي انه وصيتك

😭😭😭😭😭😭

وصيتك انه وعاتبت ترجع عليه ياريتك
ايام مرت شو عليه بس للاسف ضيعيتك
حدر الترب ها يلابو نايم انه الكيتك
مدفون وسفه يلابو والكبر صاير بيتك

😭😭😭😭😭😭

تمت والحمد لله ✍️ بقلمي
الشاعره ام احمد شهد الرضوي

رحم الله من قراء سوره الفاتحه علئ روح زوجي
عبد الكريم زاير
https://www.tg-me.com/alzmqpa

هاي القصائد ان شاءلله
صدقه جاريه عني وعن والديه
وعن زوجي

كنا اليوم في اربعينيه
زوجي عبد الكريم زاير
رحم الله من قراء سوره الفاتحه

شاعرتكم ام احمد شهد الرضوي

قصيده للزهراء ع
الوزن نصاري
~~~~
بويه ارجاك نعش امي دخليه
اشبع شوف منه وابجي عليه

😭😭😭😭😭😭
اشلون أنبات وأمنه موش بلبيت
اجاني اليل وانه الوحدي ونيت
تذكرت امي اليوم وحيل ابجيت
(اليوم امي /وين الكاها )

😭😭😭😭😭😭
شالت مني امي وراحت بليل
اظل طول العمر دمعاتي اتسيل
وناتي ثجيله تهدم الحيل
(يون عليج /البيت واهله )

😭😭😭😭😭😭
بعدني صغيره يمه ويتميتيني
حسن وحسين يبجون ويأذوني
اون بليل محد سمع ونيني
(يدفنونهه /ليش امي بليل)

😭😭😭😭😭
ليش بساع امي راحت بعيد
اعايدمن ييمه من يجي العيد
بعدنه اصغار حنيه تره نريد
(الروح تون /على رباها)

😭😭😭😭😭😭

بسك يادهر مو عذبت حالي

خذت مني العزيزه ونشده بالي
عكب امنه الحنينه البيت ظل خالي
( ياريت وياج يدفنوني )

😭😭😭😭😭😭


تمت ✍والحمد لله بقلمي
للشاعره ام احمد شهد الرضوي
https://www.tg-me.com/alzmqpa

اهدي هذه القصيده لمولاتي زينب ع ولكل من فقدت امها
🍂الوزن تجليبه🍂

😭😭

حنينه الوالده وماينشبع منهه
حسافه الموت منه اليوم ياخذهه

😭😭😭😭😭😭

بعدني بشوق ارد اسمع محاجيهه
ليش الموت فرك بينه وبينهه
ريض يلتريد اليوم تدفنهه
اشبع شوف منهه الطم عليهه

😭😭😭😭😭😭

ادشن حجرتج ويهلن عيوني
اظل الطم ودك انه على متوني
تعاي اليوم ياشياله همومي
خل اشتم عطرهه واكعد وياهه
😭😭😭😭😭

بعد عين الزجيه حيل حيرانه
تراني من البجي هليوم عميانه
اكابل صورتج والعين سهرانه
ليش اليوم ابنيتج تيتميهه

😭😭😭😭😭😭

يادفان وي امي دخليني
خلتني وحيده الحزن غاطيني
قسه وياي الدهر وحيل عاميني
اخذ منه العزيزه ومارحم بيهه

😭😭😭😭😭😭


محتاجه اظمج بين ذرعاني
بسك يازمن خليتني اعاني
واني خلافهه ضيعت عنواني
ليش اليوم بأرض النجف دفنوهه

😭😭😭😭😭😭

تمت ✍ والحمد لله بقلمي الشاعره ام احمد شهد الرضوي
https://www.tg-me.com/alzmqpa

🌺 قصيده لفراق الاحباب 🌺

وشل دمع العيون ٠ الراحو مايرجعون
نامو حدر التراب. اعاتب مايردون

🌹🌹🌹🌹🌹🌹

وشل دمع العيون يهلنه شلون بيه
بعدكم عميه العين اظل اصفك بديه
مظلمه بعيني دنياي زاد الهم عليه

بلمظلم ينامون
الراحو مايرجعون

🌹🌹🌹🌹🌹🌹
اناشدكم يهلنه ودمع العين يجري
جرح كلبي فلا طاب بعد جاشنهي صبري
رحتو ها يهلنه ودمعي علئ خدي

الكلبي شو تجرحون
الراحو مايرجعون

🌹🌹🌹🌹🌹🌹
يروحي لا تملين وني الفكدهم
نامو حدر التراب مانسمع حجيهم
بكبر واحد تمنيت ياريت النودهم
بينه مايفكرون
الراحو مايرجعون

🌹🌹🌹🌹🌹🌹
نشم اترابهم حيل احباب الفاركونه
نامو والرمل حار شو جنهم نسونه
سفرهم طول سنين وياهم ماخذونه

بسفرهم شو يطولون
الراحو مايرجعون
🌹🌹🌹🌹🌹🌹
للهم والحزن دوم اظلن طول السنين
والفاركله احباب. يكضيهه. بلونين
اعزاز الكلب ليش نامو تالي بلطين

افراك الاهل ميهون
الراحو مايرجعون

🌹🌹🌹🌹🌹🌹

تمت والحمد لله ✍️ بقلمي
الشاعره ام احمد شهد الرضوي

رحم الله من قراء سوره الفاتحه
لزوجي عبد الكريم زاير
https://www.tg-me.com/alzmqpa

🍃قصيده للزهراء ع وللام 🍃
تقراء ثكيل وبعده اطوار

انادي امي وون بعتبت الباب

اظل مناطره ومامنهه اجواب

🍃🍃🍃🍃🍃🍃🍃

وحدي ارجاج يمه لا تخليني
على الهم والحزن انه
تعلميني
مانه بنيتج لا لا تتركيني
على فراكج ييمه القلب عطاب

🍃🍃🍃🍃🍃🍃🍃

انه اصغيره يحبيبه وريدنج
بعدني بشوق والله انه المحاجيج
جايمته تجيني واكعد بسدج
انه انشد عليج الهوه الهاب

🍃🍃🍃🍃🍃🍃🍃

اريد اليوم يايمه اجي يمج
احجي ظيم قلبي وشرك بهمج
بعيني دمع ولله من اشوفنج
انظر للضلع ييمه منصاب

🍃🍃🍃🍃🍃🍃
🍃
مظلمه الدار يايمه تره عليه
وراج ليش خليتيهه البنيه
اشبع ظيم محد هلنشد بيه
يظل دمعي يصب فوك العتاب

🍃🍃🍃🍃🍃🍃🍃

وحيده ليش خلتني بمبانيهه
مظلمه وموحشه وكل نور مابيهه
شجاهه الموت مستعجل تره عليهه
لجلهه اليوم دمعي يضل سجاب

🍃🍃🍃🍃🍃🍃🍃
تمت ✍الشاعره ام احمد
شهد الرضوي
غير مبري الذمه من يغير اسم الشاعره
https://www.tg-me.com/alzmqpa

🥀لطميه للزهراء ع وللام و للفواتح 🥀


لا تستعجل بممشاك ياجنازهه اليله

ابنهه اليوم ولله منهدم حيله

🥀🥀🥀🥀🥀🥀🥀

اشلون اليوم حاديهه يباريهه
بتهه صغيره ياويلي وتون ليهه
ياحيف الكبر مستعجل عليهه

( خليهه لو ساعه ويانه )

ليش اليوم حارمنه من الحنينه
بعد هيهات راحت ماترد لينه
ايسنه بعد مترد ليالينه

( من عدهه اكطعنه الياس )

امنه الزاجيه وهل ينحلف بيهه
تستاهل عراضه بدم نعليهه
وبلميدان والبيرغ يرف ليهه

( والهوسه بسمج علوهه )

عنت شوفتج ييمه علينه
راحت ذيج كعدتنه ومحاجينه
ولك ياموت اخذنه ولا تخلينه

( وخلافج ماريدن روحي )

امي ياحلوهه وحلو طرواهه

اكعد كون وتسامر انه وياهه

وغفه انه بحظنهه اذكر حجاياهه

( ترد روحي من اشتم عطرج )

🥀🥀🥀🥀🥀🥀🥀

تمت

✍لشاعره ام احمد شهد الرضوي
https://www.tg-me.com/alzmqpa