✅ዛሬ የአለም አቀፉ የስፖርተኞች ቀን ነው

አላዛር አስገዶም

☑️ኢጣሊያኖች ጋብሬል ማርኮቲን አላቸው። ስፔኖች ጉወሌም ባለጉዌን ይጠቅሳሉ። እንግሊዞች በጆናታን ዊልሰን ይኮራሉ። እኛም አፋችንን ሞልተን አሊዝን አለን እንላለን።

በአርሲ ቀርሳ የተወለደው፣ በአሰላ ያደገው፣ በዲላ ዩኒቨርስቲ የተማረው፣ በፋና ጋዜጠኝነትን የጀመረው፣ በአሊያንስ ኢትዮ ፍራንስስ ፍሬንችን የጠጣው...

☑️አላዛር አስግዶም ለትውልዱ ምሳሌ የሚሆን ምስጉን ጋዜጠኛ ነው። ሲበዘ አንባቢ፣ አሰላሳይ፣ በሳል፣ አንደበተ ርቱዕ ወጣት ነው። በሬዲዮ ሞገድ መናገር ሲጀምር ለአፍታ ሀሳብ አያልቅበትም። አይደጋግምም። ሀሳቡ እንደ ጅረት ኩልል ብሎ ይፈሳል።

☑️ደግሞ ስፖርት ብቻ መሰለህ..? ስለ አለማቀፍ ጉዳዮች ፈትፍቶ ያጎርሰሃል። ስለ መካከለኛው ምስራቅ ሲናገር በጉዳዩ ጥናቶችን የሰራ ይመስላል።
ፖለቲካዊ ርዕዮተ ዓለሞችን ለጉድ ይተነትናል። ስለ ኪነጥበብ ሲናገር አፍ ያስከፍታል። አሊዝ ስለ ምንም ነገር ደርዝ ሀሳብ፣ ብዙ ደርዘን መረጃ የታጠቀ ነው። በዚህ ላይ አንደበቱ.....የቋንቋ ውበቱ! የቃላት ብዛቱ! ደራሲያን አምጦ አምጦ እንኳን የማይወልዱትን ቃላት አሊዝ በየሴኮንዱ ያዘንባል።

☑️ደግሞ ሲበዛ ጭምት ነው። ከስቱዲዮ ውጭ ሲሆን ብዙ አያወራም። ልታይ ልታይ አይልም። ፋና እያለ መታገስ አየልኝ የምትባል ጋዜጠኛ ትቀርባው ነበር። በዚህ ምክንያት ብዙ ሰው ይቀናባት ነበር። ምክንያቱም ከአሊዝ ጋር መጓዝ ላይብረሪ ይዞ እንደመጓዝ በመሆኑ ነው። ቱባው እውቀቱ ላይ ሰው መሆንን የታደለ ነው። አመለ ሸጋው ይሉታል።

☑️በአጭሩ በሀገሪቱ ካሉ ጥቂት ሙሉዕ ጋዜጠኞች አንዱ አሊዝ ነው። ቢደመጥ ቢደመጥ አይሰለችም። ስለምንም ቢያወራ ያምርበታል። እዚህ ሀገር ፕሬሱ በመሞቱ የማዝነው እንደ አሊዝ ያለ ሰው ሲያገጥመኝ ነው። አንደበቱን ያጣጣምኩትን ሰው ጋዜጣ ላይም ብዕሩን ባየሁት እላለሁ።

☑️አሁን ባለው ተጨባጭ ሁኔታ ሰው ሁሉ ሩጫ ላይ ነው። የሚሰማውን፣ የሚያነበውን መምረጥ አለበት። የምር ከታላቅ አክብሮት ጋር አሊዝ ባለበት ሀገር እነ ኤፍሬምን፣ እነ አበበ ግዳይን የሚሰማ ሰው በጣም ጊዜ የተረፈው ሰው መሆን አለበት።

☑️በስፓርት የኔ ቁጥር አንድ ምርጫ አላዛር ነው። መንሱር የለ፣ መሴ የለ፣ መሌ የለ፣ሙሌ የለ ...አሊዝ ብቻ። ከሱ የተረፈውን የውጭ እግርኳስ ተንታኞች ስር ተፍ ተፍ ብዬ አገኛለሁ። አሊዝ ውጤት ተናጋሪ ጋዜጠኛ አይደለም። ፉትቦልን በጥልቀት የተረዳ፣ ውስብስቡን ነገር አፍታቶ የሚያቀርብ፣ ታክቲካል ሀሳቦችን ለጉድ የሚበልት፣ የፉትቦል ትንተናን ረቂቅ የሚያደርግ፣ ድንቅ እይታን የታደለ ብርቱ ወጣት ጋዜጠኛ ነው።

☑️ለምንጊዜውም ድንቁ አቢዮተኛ አርነስቶ ቼ ጉቫራ የተለየ ፍቅር ያለው፣ በእግርኳስ ለአርሰን ቬንገር መንገድ ትልቅ ክብር ያለው፣ ከፈረንሳይ ብሄራዊ ቡድን ጋር ብሄራዊ መዝሙራቸውን ''ላ ማርሴይ''ን መዘመር የሚቃጣው፣ ..አሊዝ የዚህ ትውልድ ክስተት ነው። እናም ወዳጄህ ልምከርህ...ጆሮህ ምራቅ እና ምላስ ብቻ በያዙ መደዴዎች አይድማ ዘንድ አሊዝን ስማ!

ሌባ ሚጠቅም ነገር ቢሆን ለራሱ ይጠቀማል እንጂ አንተን ሊጠቅም አይመጣም ጭንቅላትህን አሰራው ከመታለልህ በፊት 🥴

ቤቲንግ Vip ትኬት + መርጌታ ተብየዎች እና ሌሎችም ሌባ ሞልቱዋል እዚ ቴሌግራም በ ቦዘኔ አትታለሉ 😴