ኳሱ ኑሮት መጫወት እየፈለገ የሚያጫውተው ያጣ ተጫዋች ሰው 😌

☑️{ ዩቱብህን አሳየኝ — ማንነትህን እነግርሀለኹ}

☑️ዩቱብ በጣም underrated የሆነ የሪሶርስ ቦታ ነው። ይመቸኛል። ፋይናንሽሊም ኢንተለክቹዋሊም የምታድግበት ቦታ መሆን ይችላል። በጣም ብሩህና ደስተኛ ሊያደርግህ ይችላል።

በተቃራኒው ስኪትሶፈርኒክ ወይ ድባቴ እና የውጥረት በሽታ ሸምተህ ከፍ ሲል ሱሳይዳል ሆነህ የምትወጣበት ሊሆንም ይችላል።

✅ምርጫ ሰብዕና እና መድረሻህን ሶሽል ሚዲያህ መናገር የሚችልበት መጠን ትንሽ አደለም። እናም ዩቱብህ ውስጥ አስገባኝ ማንነትህን እነግርሀለሁ የሚለው It works.

ይልቅ ሰው ላድርግህ ብራዘር —

✅መጀመሪያ 10 የተቀላቀልካቸውን ቻነሎችን ገብተህ ውልህን ሰርዝ። Unsubscribe list ጥቆማ ከታች አለልህ። በምትኩ የፕላኔታችንን ቶፕ 10 የሪሶርስ ቦታዎች ጠቁምሀለሁ።

✅የምነግርህ ቦታዎች ውስጥ ቀድመህ ከነበርክ ይመችህ። አንተ ራስህን ትጠነቀቅለታለህ። ራስህን ታከብረዋለህ ማለት ነው። ካልነበርክም አልረፈደም።

የአለማችን ጥበብ፤ ፍልስፍና፤ ታሪክ፤ ከልቸር፤ ሳይንስ፤ ቴክኖሎጂ፤ ፖለቲክስ፤ ቢዝነስ፤ ኢኮኖሚክስ፤ ጤና፤ ስነ ምህዳር፤ ወዘተ ዕውቀት ጥንቅቅ ብሎ የሚሰነድባቸው የሪሶርስ ቦታዎች ናቸው።

✅የምድራችንን ትልልቅ አሳቢዎችን በዚያ ትተዋወቃለህ። ኮርሳቸውን ትማራለህ። አዲስ ሀሳብ ታያለህ። አለምን የሚዘውሯትም ይሁን ዓለም ገልብጬ ልንጫችኹ ስትል የማይሰሟት ሰዎች እዚያ ነው ያሉት።

✅በቀን አንድ ሰአት መድብ። የምትፈልገውን ብቻ ሳይሆን ከዘርፍህ ውጪ ያለ ሌላ ነገር ላይ ጭምር ዘወር ዘወር በል። ቢፈትንህ ታገል።በሁለት ወር ውስጥ ምንም ጥርጥር በሌለው ሁኔታ ቀደም የነበረህን አይነት አመለካከት አይኖርህም። ይቀይሩሀል። For good.

Your brain deserves the best ወንድማለም።
---

📹1. NOVA/PBS— https://youtube.com/@novapbs?si=nyQqAsIMXG1ShdeX


🎞2. Big Think— https://youtube.com/@bigthink?si=SCUosuB1VmbptYdX

📹3. World Science Festival— https://youtube.com/@worldsciencefestival?si=EMqFfkfkbBGQf4vB

📹4. The Royal Institution— https://youtube.com/@theroyalinstitution?si=AqErMGypSZlt4oWS

📹5. The Poetry of Reality https://youtube.com/@poetryofreality?si=k6fOHNvy4sxa2l20

6. Star Talk— https://youtube.com/@startalk?si=tE-S3bXRxsu1Ijzu

▶️7. Crush Course — https://youtube.com/@crashcourse?si=UNhcOomCsv9ptMeu

🌐8. Stanford Online - https://youtube.com/@stanfordonline?si=6xCl_HpyJXckj4xy

▶️9. MIT Open courses— https://youtube.com/@mitocw?si=QmArKZ2dgvilKYXX

📹10. Harvard Online - https://youtube.com/@harvardonline?si=YC_agd98OZ0wlkDb

በ ሱሪፍኤል አየለ


✈️@Enmare1988
✈️@Enmare1988

ኔታንያሁ ሊሸነፍ ይሆን?

✅ሰውየው የተማረ ነው፡፡ዝነኛው ሀርቫርድ ገብቶ ዲግሪ ይዞ ወጥቷል፡፡ወታደር ሆኖም ሀገሩን አገልግሏል፡፡

✅ከዚያ ቀጥሎን በዲፕሎማትነት ሰርቷል፡፡በሶስት የተለያዩ ጊዜያት ለ20 አመት ገደማ የእስራኤል ጠቅላይ ሚኒስትር ሆኖ አገልግሏል፡፡ጠቅላይ ሚኒስትር ባልሆነባቸው ጊዜያትም ተቃዋሚ ሆኖ ከፖለቲካው አቅራቢያ ሳይርቅ ቆይቷል፡፡ሰውየው ጉቦ በመቀበል ይከሰሳል ፥ በሱ የስልጣን ዘመን በእስራኤል ዴሞክራሲ ወደኋላ ተንሸራቷል ይላሉ፡፡ከሁሉም በላይ በሀገር ውስጥ ጫና ሲበዛበት ጫናውን አቅጣጫ ለማስቀየር ጦርነት ይከፍታል ተብሎ ይታማል፡፡

✅ሰሞኑን የቀድሞው የአሜሪካ ፕሬዚደንት ቢል ክሊንተን the daily show ላይ ቀርቦ ይህንኑ ንግግር ቃል በቃል ብሎታል፡፡ቢቢ ኔታንያሁ አሁን ከኢራን ጋ ጀምሮት ከነበረው ጦርነት ጦርነት አንድ ቀን ቀደም ብሎ አሁን ያለው ፓርላማ ይበተን አይበተን በሚለው ዙሪያ መተማመኛ ድምጽ ተሰጥቶ ለጥቂት ነው የተረፈው፡፡

✅ይህ ሁሉ እንዳለ ግን ሰውየው እረፍት አልባ ጦረኝነቱ ዋነኛ መታወቂያው ነው፡፡ፕሮፌሰር ጄፍሪ ሳክስ አሜሪካ ሚሊኒየሙ ከገባ ወዲህ የተዋጋቻቸው ጦርነቶች በሙሉ የቤንጃሜን ኔታንያሁ የእጅ ስራዎች ናቸው ይላሉ፡፡ሰውየው በፈረንጆቹ 1996 "clean break" የሚባል እቅድ አዘጋጅቷል (አጽድቋል) ይባላል፡፡ይሄ እቅድ በ5 አመት ውስጥ 7 ጦርነት ለማድረግ ያቀደ ነው፡፡ይህ ጦርነት አላማው የእስራኤል ባላንጣ ሚባሉ ሀገራትን አከርካሪ መስበር ሲሆን እስራኤልን ወክላ ምትዋጋው ደግሞ አሜሪካ ናት፡፡

✅በዚህም መሰረት አሜሪካ ሚሊኒየሙ ከገባ ወዲህ በጸረ ሽብር እና ኒውክለር በመታጠቅ ስም ኢራቅን ፥ ሶሪያን ፥ ሊቢያን ፥ የመንን እና ሌሎቹን በሙሉ ተዋግታለታለች፡፡ራሱ ኔታንያሁ ፍልስጤምን ከካርታ ላይ ለማስወገድም ጥቂት ነው የቀረው፡፡የነ ኢራቅ እና ሶሪያ እጣ ፈንታ እንዳይደርሳቸው የሰጉት እነ ሳውዲ ፥ UAE ፥ ግብጽ ፥ ኳታር ፥ ኩዌት እና መሰል ሀገራትም ድምጻቸውን አጥፍተው ለእስራኤል ገብረዋል፡፡

✅አሁን የቀረችው ብቸኛ ባላንጣ ኢራን ብቻ ናት፡፡ኢራን ደሞ በቅርቡ በኒውክለር ጉዳይ ከአሜሪካ ጋ ድርድር ላይ ነበረች፡፡ተስፋ ሰጪ ምልክቶችም ነበሩ፡፡ይህ ሁኔታ ለኔታንያሁ ፈጽሞ ተቀባይነት ያለው አይደለም፡፡የኔታንያሁ የምንጊዜው አላማ ኢራንን መስበር ነው፡፡ስለዚህም "ኢራን ኒውክለር ልትታጠቅ ሳምንታት ነው የቀሯት" የሚል ዜና ይዞ ብቅ አለ፡፡

✅ነገሩ የለየለት ውሸት ነው፡፡የCIA ሰዎች በስለላችን እንደደረስንበት ኢራን ኒውክለር ለመታጠቅ ሳምንታት ሳይሆን ገና አመታት ነው የሚቀራት ቢሉም ሰሚ አላገኙም፡፡ከCIA ትንተና በተቃራኒ ኢራቅ በታሪኳ ኖሯት የማያውቀውን የኒውክለር መሳሪያ ሳዳም ሁሴን እየሰራ ነው ብሎ ጦርነት ያስጀመረው ኔታንያሁ አሁን ደሞ ኢራን ኒውክለር ልትታጠቅ ሳምንታት ነው የቀሯት የሚል ፈጠራ ይዞ ከተፍ አለ፡፡

✅በ2001 በጨበጣ ጆርጅ ቡሽን ጎትቶ ማለቂያ የሌለው ጦርነት ውስጥ የከተተው ኔትንያሁ አሁን ትራምፕን እየነዳ ወደ ጦርነት ሊጨምረው ሞከረ፡፡አሜሪካዊው ኮሜዲያን ጆን ስቴዎርት ሰሞኑን the daily show ፕሮግራሙ ላይ ኔታንያሁ ይህን ንግግር ከ1996 ጀምሮ ሲለው እንደነበር ሚያሳዩ ቪዲዮዎችን በማቅረብ "ኢራን ከ1995 ጀምሮ ኒውክለር ለመታጠቅ ሳምንታት ነው የቀሯት" በማለት ተሳልቆበታል፡፡

✅በእርግጥ ኔታንያሁ እና እስራኤል ዋሽንግተን ላይ ከፍተኛ ጉልበት አላቸው፡፡ለዚህ ማሳያዋ የአሜሪካ ብሄራዊ መረጃ እና ደህንነት ሀላፊዋ ቱልሲ ጋባርድ ናት፡፡ጋባርድ ከወራት በፊት በኮንግረስ ፊት "ኢራን የኒውክለር ባለቤት ለመሆን እየሰራች ለመሆኑ ማስረጃ የለንም" ብላ ነበር፡፡ባለፈው ቅዳሜ ግን እዚያው ኮንግረስ ላይ ቀርባ "ኢራን ኒውክለር ልትታጠቅ ሳምንታት ነው የቀሯት፡፡" አለች፡፡የኔታንያሁ እጆች ትራምፕን ከነሙሉ ሹማምንቱ ቀኝኋላ ዙር የሚያስብሉበት ጉልበት አላቸው፡፡

✅ዞሮ ዞሮ ኔታንያሁ ትልቁ ህልሙ የሆነውን ኢራንን መስበር እና እስራኤልን በመካከለኛው ምስራቅ ተገዳዳሪ አልባ ሀገር የማድረግ ነበር፡፡ይህ ጦርነት ሲጀመርም አላማው ሁለት ነበር፡፡አንዱና ይፋዊው ኢራን የኒውክለር መሳሪያ እንዳትታጠቅ ማድረግ ሲሆን ሁለተኛው ደሞ አሁን ያለውን የኢራን መንግስት ማስወገድ ነበር፡፡

✅ሳዳም ሁሴንን ለማስወገድ ጆርጅ ቡሽን ፥ ሙአመር ጋዳፊን ለማስወገድ ባራክ ኦባማን ፥ በሽር አል አሳድን ለማባረር ደሞ ጆ ባይደንን የተጠቀመው ኔታንያሁ ለአያቶላው ደሞ ዶናልድ ትራምፕን ነበር ያዘጋጀው፡፡ነገር ግን ትራምፕ ነገሩ አደገኛ መሆኑ ስለገባው ዘሎ አልገባለትም፡፡አሜሪካውያንም ወደ ሌላ አዲስ ጦርነት መግባት እንደማይፈልጉ ብዙ የዳሰሳ ጥናቶች አመላክተዋል፡፡

✅ከአለም ተነጥላለች የተባለችው ኢራን በአለም አቀፉ ህብረተሰብ ዘንድ በሚባለው ልክ የተጠላች እንዳልሆነች በብዙ ሀገራት ዝምታ ውስጥ ታየ፡፡ስለዚህም ትራምፕ ለወጉ ያህል ጀቶችን ልኮ የኢራን ተራሮችን በመደብደብ ለኔታንያሁ የይስሙላ ድጋፍ ካደረገ በኋላ ቀስ ብሎ ራሱን ወደኋላ ስቧል፡፡
ኔታንያሁ ለመጀመሪያ ጊዜ ያሰበውን ሳይሳካ ጦርነቱ ሊቆምበት ነው፡፡ይህ ከባድ ሽንፈት ነው ሚሆነው፡፡በሀገር ውስጥም ብዙ ጫና ያስከትልበታል፡፡


✅አሁን ኢራን መተንፈሻ አግኝታለች፡፡ከእስራኤል ጋር ያላት ፍጥጫም ይቀጥላል፡፡ጦርነቱ በዚሁ ከቆመ ድሉ የኢራንና የትራምፕ ነው፡፡ኔታንያሁ ይህን ሽንፈት ተቀብሎ ይቀመጥ ይሆን? እንጃ!

ኮሜንት ስትሰጡ በጨዋ እና በእውቀት ብቻ ይሁን