ሴት ልጅ ታነሳለች፣ ሴት ልጅ ትጥላለች!

✅ኦሾ

☑️በፍንዳታነት ዘመናችን ቢያንስ የሱን አንድ መፅሃፍ አንብበናል! ቤተሰቦቻችን "....ልጅሽ የዚህን ሰውዬ መፅሃፍ ካነበበማ አበደ!..." ተብለዋል። መፅሃፎቹ የአንድ ሰሞን መነጋገርያ ሆነው ጉድ ተብሏል!

✅አንቺም እኔም ግን የማናውቀው ለዚህ ሰውዬ እዚህ መድረስም መውደቅም ትልቁን አስተዋፅኦ ያበረከተች አንዲት ገራሚ ሴት አለች!

ይቺ ሴት ማናት ስለ አስገራሚዋ ሴት አጭር ታሪክ ለማንበብ ከፈለጉ

🌐https://www.tg-me.com/Enmare1988/13572
🌐https://www.tg-me.com/Enmare1988/13572

የእሁድ ቀደዳ-


.
.
✅ .አዳራሹ በጥቁር አሜሪካውያን ጢምምም ብሏል። ጠጠር መጣያ እንኳን የለም። ግዜው እ.ኤ.አ 1962 ነው።  ወቅቱ የጥቁሮች ሰብዓዊ መብት ትግል የተጧጧፈበት ነበር። ሰውየው መሬት በሚያንቀጠቅጥ እና አጥንት በሚሰብር ድምፁ ከባድ ንግግር እያደረገ ነው። በመሃል የተሰበሰበውን ሰው እንዲህ ብሎ ጠየቀ!

✅"....የቆዳ ቀለማችሁን አብዝታችሁ እንድትጠሉት ያስተማራችሁ ማን ነው? በከርዳዳ ፀጉራችሁ እንድታፍሩ  ያስተማራችሁ ማን ነው? የአፍንጫችሁን እና የከንፈራችሁን ቅርፅ እንድትፀየፉት ያስተማረችሁ ማን ነው? ከላይ እስከታች ፈጣሪ የሰጣችሁን ሰውነት እንድትጠሉት ያስተማራችሁ ማን ነው? የራሳችሁን ዘር ማየት እስኪቀፋችሁ ድረስ እርስ በእርስ እንድትጠላሉ ያደረጋችሁ ማን ነው?...."

☑️ጌታዬ! ወደ ዋናው ጉዳይ ላምጣህ!

✅ተራ ጥቁር ሆኖ መሞትን አልመረጠም። ማሸርገድ እና ማጎብደድን አጥብቆ ይጠየፋል። ማሽቃበጥ፣ ማሽቋለጥ፣ መሽለጥለጥ አይችልበትም። ለነጭ የሚያሽቃብጡ ጥቁሮችን "House Negros" ይላቸዋል! እንደነዚህ አይነት ጥቁሮችን ነጭ አምላኪዎች፣ ቡችሎች፣ ተለጣፊዎች፣ አሸርጋጆች እና የነጭ ሰልባጅ ለቃሚዎች እያለ ይሰድባቸዋል።

✅"Malcolm Little" ይባላል። "Little" የሚለውን የአያቱን ስም ግን አይወደውም። ለዚህ ምክንያቱ ደግሞ በባርያ ንግድ ወቅት አሜሪካውያን ጥቁሮቹን ከአፍሪካ ካመጧቸው በኃላ አፍሪካዊ ስማቸውን አስጥለው የነጭ ስም ይሰጧቸው ስለነበረ ነው። ስለዚህ ስሙን "Malcolm X" አደረገው! "Malcolm" ከሁሉም የጥቁር ሰብዓዊ መብት ተሟጋቾች ይለያል። ቁጡ ነው፣ ሃይለኛ ነው፣ ንግግሮቹ አጥንት ይሰብራሉ፣ ጥሬ ሃቋን እንደወረደች ቁጭ ያደርጋታል። ግርማ ሞገስ ከልክ በላይ ተሰጥቶታል፣ የንግግር ጠበብት ነው። የሚያወራው ጠብ አይልም!

☑️አስተዳደጉ ግን ጥሩ አልነበረም። ገና በ 6 ዓመቱ አባቱ በጥቁሮች ሰብዓዊ መብት ዙርያ ከሚሰሩ ድርጅቶች ጋር ግንኙነት አለው በሚል ተልካሻ ምክንያት በነጭ ወግ አጥባቂዎች በአደባባይ ተገደሉ፣ ቤታቸውንም አቃጠሉባቸው። እናቱ የነርቭ ታማሚ ስለነበረች ልጆቿን ማሳደግ አልቻለችም።

✅ እሱን ጨምሮ ሌሎች ወንድም እና እህቶቹ ያደጉት የህፃናት ማደጎ ቤት ውስጥ ነው። ወንድም እና እህቶቹ ሲራቡ ሱፐርማርኬቶች እየሄደ ምግብ ሰርቆ ያበላቸው ነበር። ሊስትሮ ሆኖ ኑሮን ለማሸነፍ ሞከረ። አልቻለም! ቁማር አጫዋች ሆነ። እሱም አልሰራም! ሰሃን ማጠብ ሳይቀር ሞክሯል! በዚህ ሁሉ መከራ ውስጥ ግን ሰቃይ ተማሪ ነበር። በአንድ ወቅት የስምንተኛ ክፍል ተማሪ እያለ ነጭ መምህሩ "....ስታድግ ምን መሆን ትፈልጋለህ?..." ብሎ ጠየቀው! እሱም ታትሮ ተምሮ ህግን በማጥናት ጎበዝ ጠበቃ መሆን እንደሚፈልግ ነገረው።

✅ይህ ነጭ መምህሩ ግን ደም በሚያፈላ ፈገግታ "....ከንቱ ህልም አታልም! እዚህች ሃገር ላይ ባርያ በምንም ተዓምር ጠበቃ መሆን አይችልም!..." ብሎ መለሰለት! ከዛን ቀን በኃላ "Malcolm X" ወደ ትምህርት ቤት ድርሽ አላለም። ህይወት ገፍታ ገፍታ የለየለት ቦዘኔ አደረገችው። መዝረፍ፣ መጠጣት እና አደንዛዥ እፅ መጠቅም እና መሸጥ ጀመረ። በመጨረሻም በ 21 ዓመቱ ሲዘርፍ ተይዞ 10 ዓመት ተፈርዶበት ከርቸሌ ተወረወረ!

✅አባዬ! ብዙ ሰዎች እስር ቤት ሲገቡ ቀልብ ይገዛሉ፣ ያነባሉ፣ ከራሳቸው ጋር ይታረቃሉ! ማንበብ ጀመረ! ነጮች ጥቁር አሜሪካውያን ላይ የሚፈፅሙት የተጠና በደል እና መድሎ ተገለጠለት። የሃገሪቱን ኢኮኖሚ እና ፖለቲካ እንዴት ሙሉ በሙሉ እንደተቆጣጠሩት ተረዳ። ከነዚህ ሁሉ ዓመታት በኃላ ጥቁር አሁንም አሜሪካ ውስጥ ባርያ፣ ሸቀጥ እና አውሬ ተደርጎ እንደሚሳል ገባው! እስር ቤት እየመጣ የሚጠይቀው ወንድሙ ስለ እስልምና የተለያዩ መፅሃፍትን ይሰጠው ጀመር! "Elijah Muhammad" ስለመሰረተው "Nation of Islam" ስለሚባለው ድርጅትም አሳወቀው! ድርጅቱ ጥቁር ሙስሊሞች ተደራጅተው በነጮች የሚደርሱባቸውን ሁለንተናዊ በደል፣ ዘረኝነት እና መድሎ እንዲቃወሙ እና ጥቁር ሙስሊሞች ማህበራዊ ፍትህን እንዲያገኙ የሚሰራ ነበር!

✅"Malcolm X" እስልምናን ተቀበለ! ከሰባት አመታት አስከፊ እስር በኃላ ሲወጣ "Elijah Muhammad"ን አግኝቶት "Nation of Islam"ን ተቀላቀለ! ብዙም ሳይቆይ የድርጅቱ ቃል አቀባይ ሆነ! የንግግር ጥበብን እስከ ጥግ የተካነው "Malcolm" ሲመጣ 500 ብቻ የነበሩት የድርጅቱ አባላት በአስር አመት ውስጥ ብቻ ወደ "75 ሺህ" አደገ! ዓለም አወቀችው! የተለያዩ የሬድዮ እና የቴሌቪዝን ጣብያዎች ላይ እየቀረበ ጥቁሮችን ማንቃት፣ የተለያዩ የትግል መስመሮችን ማሳወቅ እና ነጮች በጥቁሮች ላይ የሚፈፅሙትን ስልታዊ መድሎዎች በአደባባይ ማጋለጡን ተያያዘው! ወግ አጥባቂ ከነበሩ ነጮች ጋር የጦፉ ክርክሮችን እያደረገ በአደባባይ መርታት እና ማሸማቀቅ ሳይቀር ቻለ። ታዋቂዎቹ "Harvard" እና "Oxford" ዩኒቨርሲቲዎች በክብር እየጋበዙት ብዙ ንግግርችንም ያደርግ ነበር።

ቀጣዩ ክፍል ይቀርባል እንደወደዳችሁት ግን 👍👍 አሳዩኝ

🛒🛒@Amazing_fact_433
🛒🛒@Amazing_fact_433