يرزقك نومةً هانئة، ثمّ يوقظك لأداء صلاة الفجر، أبعد هذا التوفيق، توفيق؟

‏- الحمدلله

اللهم ارحم خالتو سهام وأكرِم نزلها ووسع مدخلها واجعل الجنة دارها وقرارها
اللهم لا تحرمنا أجرها ولا تفتنّا وبعدها

صدقه جاريه لروح أختي وحبيبتي ميادة ربنا يرحمها ويغفر لها ويسكنها فسيح جناته يارب العالمين 🩵🩵🩵🩵😔😔

صدقة جارية لروح أبوي محمد علي الزبير وهب له سعة في قبره لا يرى لها نهاية وهب لمضجعه طيبًا ولظلمته نورًا و زده إحسانًا فوق إحسانه واجعل الجنة مسكنه يا أرحم الراحمين 💜💜

اي كان نوع العلاقة اول ما تصل نقطة معينة
من المشاحَنات والنقاشات الجارحة والصاخبة
وقتها الطرفين حيطلِعوا اسوأ ما فيهم والمصيبة كل واحد حيكون فاكر نفسو هو الصح.. بس الصح الوحيد
حيكون الشخص العاقل الحينهي العلاقة
بود واحترام إذا شَعر انو الطريق مسدود❤️

"نحن اتخلقنا عشان نكون انس لبعض مش وحوش بننهش بعض!❤️"

التجاهل.!!🤔
الرد المتأخر!!🤔
الخروج من المحادثة!!🤔
أو القراءة بدون رد!!🤔
كل تلك الأشياء توضح لك مدى أهميتك عند المتلقي

إن انتظار الرد على رسائلنا يثير نوعآ ما من القلق النفسي
البعض يستخدم فن التجاهل وعدم الرد كطريقة لفت الإنتباه
والبعض الآخر كطريقة للتعبير عن الغيره والكراهية وعدم الارتياح !؟
كما أن البعض يستخدمها لتجنب المشكلات
والبعض الآخر قد يستخدمها لإيصال فكرة فك ارتباط و إنهاء العلاقة
دائماً التأخير يفسد معظم التفاصيل الجميلة ...

شَيطان العلاقات هو التأخير
الرد المتأخر يولد الجفاف 💔
المبادرة بالإهتمام عندما تأتي متأخرة تولد الإنسحاب ...
حَتى الضحكة عندما تأتي متأخرة تتحول لدموع ..
دواء قلة الإهتمام اللامبالاة .. فتعكس بذلك موازين الاهتمام ..
وإذا كانَ لابد من أن تَصل متأخراً فلا تصل أبداً خيرٌ من أن تصل متأخراً ...

ومهما كان ودود ومتسامِح في النهاية لازم هيقف عند حاجات محدده .. لا هيقدر إنّه يعديها .. ولا ينفع يتقبلها بأي شكل كان ...
عدم الاهتمام والتجاهل وعدم التقدير .. يقتل الحب في القلوب مهما كانت قوتك وسيطرتك بسم الله الرحمن الرحيم
وَعِبَادُ الرَّحْمَنِ الَّذِينَ يَمْشُونَ عَلَى الأرض هَوْناً وَإِذَا خَاطَبَهُمُ الجاهلون قَالُواْ سَلاَماً) لا تسأل أحداً لماذا غاب عنك ، لا تعاتب أحداً لماذا يرد عليك متأخراً ،

الكلام بسيط جدآ بس حقيقي أثرو ماساهل😔💔

يعرفُني الناس وأعرف نفسي ، جبّارةٌ للخواطر ، جميلة وطيبة❤️

عارفين أسوأ حاجة شنو ؟!

إنه الإيد الإتمدت ليك قبل اليوم وقدمت ليك الخير ؟

= أنت تجازيها بالبتر !

ودا الحاصل مع كل زول فينا في الفترة دي !

ناس كتار في حياتنا رابط علاقتنا بيهم قوي طلعوا قليلين أصل .. بياعين عشرة .. ناكرين جميل .. والبجاحة جارية في دمهم !!

لكن الواحد مننا بقى شاكر ربنا شديد إنه كل مستور إنكشف .. وإنه كل زول ظهر ع حقيقته .. وإنه العلاقات إتغربلت غربلة شديدة.

حقيقته اللي لو فضلنا عايشين عمر كامل ما كنا حنكتشفها.

ناس كتار بقوا في حياتنا لا شيء .. رجعناهم لنقطة الصفر لأنه حقيقي النفس قفلت منهم.

في زول عزيز علي قبل كدا قال لي:

الحصل معاك دا كله مفترض يبقى ليك قرصة أضان.

عشان ما تآمني لأي زول .. وعشان ما تبقي كويسة مع أي زول تاني.

أنا شخصياً بقى مافارق معاي شيء وبعد المريت بيه بقيت بيااااعة !!

أي بيااااعة ..
الحاجة البتعمل لي صداع بفصلا من حياتي تماماً وبمشي وما بتلفت وراااي !!

اتعلمت إنه الطيبة ما بتنفع مع كل البشر !

في ناس بعمايلهم الوسخة طلعوا بيستاهلوا يتداس عليهم !

المقرف في الموضوع إنه كل الناس الإتأذينا منهم ديل قدامنا كانوا حبيابنا وأكلنا معاهم عيش وملح ؟!

ياهو في الآخر الحبايب طلعوا دبايب !!

ولا تكلني إلى نفسي فأضل ولا تكلني إلى غيرك فأضيع إلهي عبادك سواي كثير وإنّك الله الواحد الأحد
إلهي فلاتخليني 🩵.

اللهم أنت المُيسِّر وأنت المُسهَّل سَهِّل أمري وحقق مطلبي اللهم لا تبتليني بمن أحب بُعدًا ولا فَقدًا ولا حزنًا، اللهم إني أعوذ بك من عينٍ تصيب القلب فتُحزنة والرزق فتُنقصه، والبال فتتعبه والنجاح فتُفشله اللهم أَخرجني من أشد الضيق إلى أوسع الفرج

حتمر السنين و حنلقى نفسنا بنعيش حياة ما هي الإتمنيناها 🍂
حنلقى حياتنا بتتأرجح بين واقع إتفرض علينا و بين أحلام ضاعت مننا 🍂
بين ذكريات عايشين عليها و بين مشاعر بنحاول نهرب منها 🍂
بين نصيب مقدر و مكتوب و قلب بفتش عالراحة و الإستقرار 🍂
حتمر حياتنا بين فرص بتضيع مننا و ذاكرة بتبكي على الأطلال 🍂
المؤسف إنو الحياة بتمر و إحنا ما منتبهين إنو في كل محطة منها إحنا بنفقد جزء من روحنا 🍂

‏-أشعرُ أن العلاقاتِ القريبة خُلِقت لمشاركة الضعف أولًا، ثم يأتي بعد ذلك كلُ شعور أخر
-فلن تسميه صديق او حبيب وأنت تخشي أن تُظهر له جانبك الاكثر هشاشة ، أن يراك كما ترى نفسك .

-يقول أمل دُنقل: " و ارتحتُ في عينيكِ من عِبئي، وكُل شيءٍ حولنا يُملي علينا أن نخاف "
-فـ يردُ فريد عمارة: " على الأقل نخافُ معًا "

‏-الخوفُ شعور طبيعي كما أن الضعفَ صفة إنسانية،
فإن حُتِّم علينا الشقاءُ، ولم يستطع أحدُنا أن يخففَ عن الآخرِ
فـ عالاقل يسعُني الخوف معك ♥️

فكرة الزواج و اختيار شريك الحياة شئنا أم أبينا موضوع مهم جداً..
زمان كانت المجتمعات صغيرة و غالباً الخيارات محصورة في بنات أهلك أو بنات القرى المجاورة.. و توقعاتك بتشبه الخيارات دي..
بس مع تداخل المجتمعات و السوشيال ميديا الموضوع اختلف شديد..
و بقت في خيارات كتيرة و تباين كبير بينها..
و توقعاتنا زاتها بقت مليون توقع و احتمال..
الوفرة دي و كثرة الخيارات خلت الاختيار أصعب..
لو دايرها جميلة في مليون بنت جميلة..
لو دايراه محترم في مليون ولد محترم..
كل الصفات في مليون نسخة منها..

مرة صاحبي قال لي:
هسي نحن ح نعرس كيف و كل يوم بنتكرش في زول؟
و الكراش لغير الناطقين بها هو الزول اللي بنكون معجبين بيه..
حقيقة مشكلة صاحبي دي عاملة زي لما تكون عطشان و واقف قدام تلاجة مليانة بالمشروبات الغازية.. و مفروض تختار..
و الحا تختارها دي.. ح تفضل تشربها للابد..
ف بتفضل واقف مسافة عشان تختار و إنت خايف تندم إنه اختيارك يكون غلط أو اختيارك يضيع عليك فرصة خيار أفضل..
طيب وسط الفوضى دي ح نختار كيف؟

غالباً مقياس نجاح الزواج في مجتمعاتنا بتتقاس باستمراريته..
لكن في الحقيقة في زيجات كتيرة مستمرة و في جواها انتهت..
علاقات كتيرة رابطاها خيوط الأولاد و التقاليد.. و خوف وصمة الانفصال..

ف فكرة إنك تختار زواج مستمر و ناجح "مجتمعياً" دي ما صعبة إذا التزمت بمقاييس مجتمعية محددة..
يعني إذا إنت ولد.. أقعد مع أمك و أبوك و ح يختاروا ليك الهدية و رضية..
و إذا انتي بت شوفي راي اهلك في العريس القدامك و ح يكون رأيهم صائب غالباً..

بس هل نحن دايرين ده؟
زواج مستمر وخلاص؟
في رأيي الصحيح إنك تسعى لزواج سعيد و مستقر..
مبني على التفاهم و الوضوح و الالتزام بالمسؤولية و الحب..
و تعمل بالأسباب البتحقق كدة..

و عشان تصل للنتيجة دي مهم نفهم كيف نختار الشريك المناسب..
و بدايتها بتكون بي فهمك لي نفسك.. عشان لو ما عرفت إنت شنو ما ح تعرف البناسبك شنو..
لو ما عرفت مقاسك كم.. ما ح تعرف تشتري قميص قدرك..
ف البداية بتحتاج تعبر عن صدقك تجاه نفسك كل ما وقفت قدام المراية..
أعترف بعيوبك و أعرف مزاياك.. و سمي الأشياء بمسمياتها..
خت لي نفسك تقييم عديل في كل شي و خليك الحكم الصادق و العادل..
و بعدها حدد إنت داير شنو..
خليك واقعي.. و أعرف إنه الحب ما قصص و أفلام و رومانسيات بس..
كمان ما توهم نفسك إنه الزول البقولوا عليه الناس كلهم إنه كويس معناها ح يكون كويس معاك..
ف ما تختار بناء على راي زول.. و هنا ما بقول ما تسمع ترشيح الناس..
لا لا عادي.. قابل و أعرف شريك حياتك المحتمل عن طريق أمك، أختك صاحبك أو صاحبتك..
عادي.. أعرفه عن طريقهم.. بس ما تختار عشان هم قالوا كويس..
اختار عشان إنت شايفه كويس.. و كويس شديد كمان..💗

‏اللهم احسن خاتمتنا ، اللهم توفنا وأنت راض عنا والحقنا بالصالحين اللهم أجرنا من موت الغفلة، ولا تأخذنا من هذه الدنيا إلا وأنت راضٍ عنا

يمكن أكتر حاجة برتاح إني اعملها في علاقاتي مع الحوليني إني بعرف بواجه .. شاطرة جداً في المواجهة.

و لما أزعل ما بعرف أدس زعلي .. بيظهر في ملامحي قبل صوتي وحتى قبل أي حاجة .. فعشان زعلي يروح وأهدأ شوية بلقى نفسي واجهت الزول القدامي وطلعت كل حاجة في قلبي.

أنا لما أكون في علاقة مع زول بمختلف مُسماها بركز ع إني لازم أكون مرتاحة معاه.

مرتاحة معاه في التعامل .. في التصرفات .. وحتى في المشاعر.

لأنه ببساطة ما لم أنا أكون مرتاحة نفسياً يبقى ما حأقدر أقدم للإنسان القدامي حاجة ترضيه.

لكن لو جينا للحق ..

ما أي زول بيستاهل إننا نجدد ليهو ملكية قلوبنا ..

وما أي زول بيستاهل نواجهوا ونكشف حقيقة قلوبنا قدامه !

في زول بتصرفاته بيستاهل إنك تركنه هناك بعيد في أخر الرف وتواصل حياتك بدونه.

وفي زول بمكانته السامية وأفعاله السمحة بخليك تتناسى أي حاجة وتقرر تسامحه وتبدأ معاه من جديد لأنه فعلاً بيستاهل.

لما تلقاني قدامك زولة واضحة .. دُغرية .. وشجاعة حتى في لحظات الزعل والخصام وبكلمك بالفي قلبي بدون أي خوف أو حواجز ؟!

أعرف إنك بتهمني شديد وما عاوزة اخسرك !

العلاقات ما فيها ضمانات ..

لكن أنت أعرف منو البيستاهل إنك تحاول معاه مرة واتنين وتلاتة !
وأعرف منو البيستاهل إنك تخت قدامو نقطة وتبدأ سطر جديد بدونه

في كل مرة كنت بجي واشكي ليهو عن الشيء المزعلني منه
كان بيراضيني وبيطبطب على قلبي بطريقة حلوة شديد طريقة في كل مرة بتخليني مندهشة وبتثبت لي إني مع الإنسان الصح وللأمانة عمره في الخصام ما خلاني إنهزم أو أحس بإني ضعيفة قدامو كنت بلقاه مستعد يبيع الدنيا كلها ويشتري خاطري ❤️