Buxoro viloyatida korrupsiyaning oldini olish bo‘yicha “Yo‘l xarita”si doirasidagi dastlabki ishlar muhokama qilindi

Avval xabar berganimizdek Qoraqalpog‘iston Respublikasi, Toshkent shahri va viloyatlarda korrupsiyaning oldini olish bo‘yicha tasdiqlangan “Yo‘l xarita”lari ijrosini monitoring qilish bo‘yicha tashkil etilgan Ishchi guruh hududiy ishchi guruhlar faoliyatini hamda har bir belgilangan vazifaning sifatli amalga oshirilishini nazorat qilish tadbirlarini davom ettirmoqda.

Xususan, Ishchi guruh rahbarlari - Korrupsiyaga qarshi kurashish agentligi direktori Akmal Burxanov va Bosh prokurorning birinchi o‘rinbosari Baxriddin Valiyev ishtirokida Buxoro viloyatida “Yo‘l xaritasi” doirasidagi dastlabki ishlar muhokamasi o‘tkazildi.

Yig‘ilishda "Yo‘l xarita"da korrupsiya xavf-xatarlari yuqori bo‘lgan sog‘liqni saqlash, taʼlim, bandlik, energetika, kadastr sohalarida korrupsiya omillarini aniqlab, ularni bartaraf etish bo‘yicha belgilangan topshiriqlar ijrosi, bu borada yo‘l qo‘yilayotgan kamchiliklar xususida to‘xtalib o‘tildi.

Joriy yil boshidan buyon Agentlik xodimlari hamda Ishchi guruhlar tomonidan viloyatda uch marta o‘rganish o‘tkazildi. Har galgi o‘rganishda ochiqlikni taʼminlash, targ‘ibot-tashviqot ishlarini kuchaytirish, aloqa kanallari orqali kelib tushgan korrupsiyaga oid murojaatlarni o‘z vaqtida ko‘rib chiqish mexanizmlari, manfaatlar to‘qnashuviga hamda davlat xizmatida tadbirkorlik faoliyatiga yo‘l qo‘ymaslik yuzasidan tushuntirish berilgani va jazo choralari qo‘llanilganiga qaramay, mazkur muammolar hali-hamon dolzarb bo‘lib qolmoqda. Bu masalalarga masʼuliyatsizlik bilan yondashayotgan davlat xizmatchilariga nisbatan qatʼiy chora ko‘rilishi davom ettiriladi,

- dedi Akmal Burxanov.

Yig‘ilishda “Yo‘l xarita”si ijrosi uchun masʼullarga sohalarni chuqur o‘rganish va tahlil qilish bo‘yicha aniq vazifalar belgilab berildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

G‘ijduvon tumanini korrupsiyadan xoli hududga aylantirishga oid chora-tadbirlar rejasi ko‘rib chiqildi

Korrupsiyaga qarshi kurashish agentligi direktori Akmal Burxonov ishtirokida G‘ijduvonda tumanni korrupsiyadan xoli hududga aylantirish bo‘yicha ishlab chiqilgan “Chora-tadbirlar rejasi” muhokamasi bo‘lib o'tdi.

Agentlik tomonidan viloyat korrupsiyaga qarshi hududiy kengashi hamda tuman mutasaddilari bilan birgalikda ishlab chiqilgan mazkur Rejada:

1. Maktabgacha va maktab taʼlimi, sog‘liqni saqlash, kadastr va qurilish sohalarida korrupsiya omillarini bartaraf etish;

2. Maktab va maktabgacha taʼlim muassasalarida Korrupsiyaga qarshi taʼlim va yoshlarning imkoniyatlarini kengaytirish global resursi (GRACE) dasturini joriy etish;

3. Tumanda korrupsiya darajasi yuqori bo'lgan sohaga mas'ul rahbarlarni rotatsiya qilish choralarini ko'rish hamda barcha darajadagi xodimlarni ochiq tanlov asosida vacancy.argos.uz elektron platformasi orqali ishga qabul qilish amaliyotini joriy qilish;

4. Talaba va o‘quvchilardan iborat “Yoshlar - korrupsiyaga qarshi” nomli klubni tashkil etish hamda yoshlar o‘rtasida “Korrupsiyaga qarshi eng yaxshi loyiha” va boshqa tanlovlarni o'tkazish;

5. Tumandagi mahalliy ijro etuvchi idoralar rahbarlari tomonidan korrupsiyaga qarshi kurashish bo'yicha qilingan ishlar to'g'risida axborot berib borish amaliyotini yo'lga qo'yish;

6. Aholi o'rtasida korrupsiyaga qarshi murosasiz muhitni yaratish maqsadida tumanda keng ko'lamli targ'ibot-tashviqot kampaniyasini amalga oshirish kabi tadbirlar o‘rin olgan.

Mas‘ullarga Rejadagi topshiriqlar ijrosini o'z vaqtida va samarali ta‘minlash, bu borada masʼuliyat va tashabbuskorlikni oshirish yuzasidan tegishli ko‘rsatmalar berildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Davlat rahbarining 2022-yil 11-maydagi 240-son qaroriga muvofiq, bu yil Raqamli texnologiyalar vazirligi tomonidan e-anticor.uz elektron platformasiga yuborilgan maʼlumotlar asosida uning faoliyatidagi jami 68 ta ta funksiyada korrupsiyaviy xavf-xatarlar baholandi.

Baholash natijalariga ko'ra, funksiyalarning 16 tasida xavf-xatar darajasi “yuqori”, 31 tasida “o‘rta”, 21 tasida “past” darajada.

Infografikada vazirlikning korrupsiyaviy xavf-xatar darajasi yuqori funksiyalari aks etgan.

- Telekommunikatsiya tarmoqlarini rivojlantirishning davlat va tarmoq dasturlari ishlab chiqilishi va amalga oshirilishini tashkil qilish;

- O‘zbekiston hududida chet el ommaviy axborot vositalari teleradiomahsulotlarini tarqatish sohasida davlat boshqaruvini amalga oshirish, bu boradagi qoidalar va tartibni ishlab chiqib, tasdiqlash;

- Telekommunikatsiyalar sohasida yuridik shaxslarning faoliyatini litsenziyalash va nazoratini belgilangan tartibda amalga oshirish;

- O‘zbekistonda radioelektron vositalar va yuqori chastotali qurilmalarni sotib olish (berish), loyihalash va qurish (o‘rnatish), olib kirish va ekspluatatsiya qilish talabnomalarini ko‘rib chiqish va ruxsat berish kabi funksiyalar shular jumlasidandir.

Hozirda vazirlik tomonidan korrupsiyaga qarshi kurashish bo‘yicha dastur asosida mavjud xavf-xatarlarni bartaraf etish bo‘yicha ishlar amalga oshirilmoqda.

Eslatib o'tamiz, korrupsiyaviy xavf-xatar yuqori funksiyalari ko‘p bo‘lgan tashkilot "eng korrupsiyalashgan", korrupsiyaviy xavfi yuqori bo‘lgan lavozimdagi shaxslar “korrupsioner” yoki aksincha korrupsiyaviy xavf-xatari asosan “past” bo‘lgan tashkilotlar "korrupsiyadan xoli" hisoblanmaydi.

Ushbu holatlar mazkur tashkilotlarda nazorat choralari yetarli yo‘lga qo‘yilganligi yoki aksincha qo‘shimcha nazorat choralari ko‘rilishi kerakligini, shu bilan birga, tashkilot rahbarlari korrupsiyaviy xavfi yuqori bo‘lgan jarayonlar (funksiyalar) va funksiyalarni bajaruvchi lavozimlarni alohida nazoratga olishiga signal beruvchi omil sanaladi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Maktabgacha va maktab taʼlimi tizimida korrupsiyaning oldini olish ishlarining holati tanqidiy muhokama qilindi

Korrupsiyaga qarshi kurashish milliy kengashi raisi Tanzila Narbayeva ishtirokida o'tkazilgan sayyor majlisda Korrupsiyaga qarshi kurashish agentligi direktori Akmal Burxanov Maktabgacha va maktab taʼlimi vazirligi tizimida "korrupsiyasiz soha" loyihasining ijro etilishi yuzasidan axborot berdi.

Taʼkidlanganidek, loyiha doirasida elektron shaklda ko‘rsatiladigan 10 dan ortiq davlat xizmati joriy etilib, 8 turdagi hujjat va maʼlumotni aholidan talab qilinishi to‘liq bekor qilindi.

220 nafar xodimda manfaatlar to‘qnashuvi aniqlanib, bartaraf etish choralari ko‘rildi.

Majlisda shu kabi ijobiy ishlar bilan bir qatorda, ayrim muammoli holatlar va ularni bartaraf etish masalalari muhokama qilindi.

Jumladan, davlat xaridlari va byudjet mablag‘laridan foydalanish sohasidagi qonunbuzilishi holatlari uchun javobgarlikni kuchaytirish, raqamlashtirish orqali taʼlim muassasalarida ishga qabul qilish jarayonida korrupsion omillarni bartaraf etish, autsors xizmatini butun respublika bo‘ylab to‘liq tashkil qilish lozimligi bildirildi.

Shu va boshqa masalalar yuzasidan masʼul rahbarlarning hisoboti tinglanib, ular zimmasiga tegishli vazifalar yuklatildi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt

Navoiy viloyatida jinoyatchilik va korrupsiyaga qarshi kurashish masalalari Milliy kengash yig‘ilishida tanqidiy ko‘rib chiqildi

Oliy Majlis Senati Raisi Tanzila Narbayeva boshchiligida Korrupsiyaga qarshi kurashish milliy kengashining bugun Navoiy viloyati Konimex tumanida bo‘lib o‘tgan sayyor majlisida viloyatda jinoyatchilik va korrupsiyaga qarshi kurashish borasida olib borilayotgan ishlar holati tanqidiy muhokama qilindi.

Tahlillarga ko‘ra, viloyat bo‘yicha 2023-yilda 211 nafar shaxs tomonidan 145 ta, 2024-yilda esa 350 nafar shaxs tomonidan 263 ta korrupsiyaga oid jinoyat sodir etilib, bu turdagi jinoyatlar soni 81,4 foizga oshgan.

Respublika idoralararo ishchi guruhi tomonidan joriy yilning 14-19 aprel kunlari viloyatning Qiziltepa, Konimex, Xatirchi tumanlari, Zarafshon va Navoiy shaharlarida sog‘liqni saqlash, bandlik, bank, maktabgacha va maktab taʼlimi, kadastr-qurilish sohalarida 30 ga yaqin obyektda o‘tkazilgan o‘rganishlarda ham korrupsiyaning oldini olish va unga qarshi kurashish yo‘nalishida jiddiy kamchiliklar aniqlandi.

Majlisda Akmal Burxanov ushbu o‘rganish yakunlari bo‘yicha axborot berdi.

Afsuski, ayrim

“Ishonch telefonlari”

nomiga tashkil qilingan yoki umuman ishlamaydi. Davlat tomonidan bepul tarqatiladigan dori vositalari va tibbiy buyumlar haqida aholi yetarlicha xabardor emas. Maktabgacha va maktab taʼlim yo‘nalishida

korrupsiyaviy holatlar

asosan ishga qabul qilish, dars soatlarini taqsimlash, xususiy maktabgacha taʼlim muassasasini ochishga yordam berish jarayonlarida yuzaga kelmoqda. Imtiyozli kreditlar ajratish, qurilish sohasida yer ajratish, ko‘p qavatli turar-joy majmualari qurishga ruxsat berish, shuningdek, qurilish obyektlarini qabul qilish jarayonida ham

tamagirlik

holatlari uchramoqda

,

— dedi Akmal Burxanov.

O‘rganish davomida manfaatlar to'qnashuviga yo'l qo'ygan viloyatning 15 nafar davlat xizmatchisiga nisbatan maʼmuriy bayonnoma rasmiylashtirilib, ko‘rib chiqish uchun sudga yuborildi.

Aniqlangan kamchiliklar yuzasidan mutasaddi rahbarlarning shaxsiy javobgarligini belgilash, ijro intizomini oshirish va tegishli rahbarlarga nisbatan qatʼiy choralar ko‘rish bo‘yicha Milliy kengashga taklif kiritildi.

Qayd etilgan masalalar yuzasidan sohalarga masʼul bo‘lgan rahbarlarning tushuntirishlari eshitildi.

Majlisda 

Konimex tumanini tumanini “Korrupsiyadan xoli hudud”ga aylantirish

ga oid alohida amaliy chora-tadbirlar belgilandi.

Muhokama yakuni bo‘yicha masʼullar zimmasiga tegishli vazifalar yuklandi.
———
Korrupsiyaga duch kelsangiz Agentlikning “Call-markazi” – 1253 orqali murojaat qilishingizni so‘raymiz.

Facebook|Telegram |YouTube|Instagram|Twitter|Veb-sayt