👨 Ахборот хизматида ички коммуникация ва хориж ОАВда ташкилот фаолиятини ёритиш тажрибаси

💻 “Ахборот хизматлари фаолияти: очиқлик, тезкорлик ва холислик бош мезон” мавзусида V миллий конференциянинг панел сессиялари бошланди. Сессиянинг биринчи қисмида Давлат хизматини ривожлантириш агентлиги матбуот котиби Севара Закирова ҳамда Экология, атроф-муҳитни муҳофаза қилиш ва иқлим ўзгариши вазирлиги ахборот хизмати раҳбари Лола Раҳманбаева "Ахборот хизматида ички коммуникацияни институционаллаштириш: корпоратив моделлар ва самарали алоқа усуллари" бўйича тақдимот ўтказишди.

⬇️Тақдимотда –

🔷Корпоратив коммуникация моделлари ва ички ахборот оқими;

🔷Коммуникация тизимида мулоқот каналлари, мунтазам фидбек ва самарали алоқа усуллари;

🔷Лидерлик ва ўзаро ишонч асосидаги ички муҳитни ривожлантириш юзасидан малакавий кўникмалар тақдим этилди.

📈 Туризм қўмитаси матбуот котиби Муниса Асилхўжаева ҳамда Миллий статистика қўмитаси ахборот хизмати раҳбари Усмон Абдурасулов хорижий оммавий ахборот воситаларида ташкилот фаолиятини ёритишда халқаро медиа тажрибалар билан ўртоқлашди.

✅Унда хорижий ОАВ билан муносабатлар стратегиялари ва трансчегаравий ахборот сиёсати; халқаро ОАВда материал берилиши учун умумий талаб ва стандартлар борасида маълумотлар беришди.

❗️ Панел сессия йиғилиши соҳадаги муҳим ва долзарб мавзуларда давом этмоқда. Бундан ташқари, Миллий конференция доирасида ахборот хизматлари раҳбарлари учун “Янги медиа таълим маркази” НТТ раҳбари Беруний Алимов иштирокида "PR Lab – Ахборот хизматлари устахонаси" – соҳавий ва амалий медиа кўникмалар, инновацион ёндашувларга бағишланган интенсив тренинг ўтказиш кўзда тутилган.

Telegram | Youtube | Facebook | Instagram | Медиабанк | Сайт

❓ Фейк контент турларини биласизми?

👍 Ўз ишини давом эттираётган V миллий конференция давомида “Янги медиа таълим маркази” НТТ раҳбари Беруний Алимов "Дезинформация ва фейк контент тарқалишининг олдини олишда сунъий интеллект технологияларининг когнитив мониторинги ва алгоритмик таҳлил воситасидаги салоҳиятидан фойдаланиш имкониятлари" мавзусида матбуот котиблари учун тренинг ўтиб берди.

👍 Тақдимотда сунъий интеллектнинг афзалликлари ва камчиликлари, дезинформация, мизинформация, малинформация фарқлари ва таснифи, фейк контент турлари, дезинформация оқимида сунъий интеллектнинг роли, конитив мониторинг, алгоритмик таҳлил моҳияти ҳақида таҳлилий маълумотлар берилди.

👍 Мавзудан келиб чиққан ҳолда ахборот хизматлари фаолиятида енгиллик яратиши мумкин бўлган фойдали сунъий интеллект воситалари тавсия қилинди.

👍 Шу билан бирга, Ўзбекистонда сунъий интеллектни қўлланишнинг технологик имкониятлари таҳлили тақдим этилиб, унинг имкониятларидан оқилона фойдаланиш бўйича амалий таклифлар берилди.

✍️Маълумот учун: Миллий конференция панел сессияларининг иккинчи қисми давом этмоқда.

Telegram | Youtube | Facebook | Instagram | Медиабанк | Сайт

👍 Ахборот хизматлари фаолиятида жамоатчилик билан алоқалар: тезкорлик, самарадорлик ва глобал ёндашувлар

➡️Панел сессиянинг иккинчи қисми айнан шу мавзу доирасидаги тақдимотлар билан давом этди.

➡️Панел сессияда Олий суд ахборот хизмати раҳбари Азиз Обидов провокацион саволлар ва зиддиятли ҳолатларда мувозанатни сақлаш ва профессионал жавоб бериш усуллари бўйича ўз тажрибаси асосида амалий кейслар билан маълумот берди.

➡️Божхона қўмитаси матбуот котиби Ҳусен Тангриев ҳамда “Ўзсувтаъминот” АЖ ахборот хизмати раҳбари Акмал Муродов "Инқирозли коммуникация вазиятларида жамоатчилик ишончини тиклашда ташкилотлар орасидаги ўзаро ҳамкорликнинг аҳамияти: стратегик баёнот ва умумий позиция" борасида билим ва кўникмаларини бўлишди. Хусусан,

⚫️Инқирозли PR ва Муаммоларни бошқариш стратегиялари;

⚫️Институционал ўзаро ахборот алмашинуви ва вазиятни биргаликда бошқариш;

⚫️Сўзлашувда мутаносиблик ва бир овозли баёнот беришнинг ўрни ҳақида батафсил тушунтириш берилди.

➡️Ташқи ишлар вазирлиги ахборот хизмати раҳбари Ахрор Бурханов ўз чиқишида хорижий давлат органларида ахборот хизмати фаолияти: илғор тажрибалар ва трансформациявий ёндашувлар тўғрисида фикрларини баён қилди. Жумладан, жамоатчилик дипломатияси ва нуфузни бошқаришда стратегик механизмлар бўйича маълумотлар берди.

➡️Ахборотлаштириш ва телекоммуникациялар соҳасида назорат бўйича давлат инспекцияси ахборот хизмати раҳбари Рухсора Машарипова "Селф-менежмент: шахсий самарадорликни ошириш ва вақтни бошқариш технологиялари" тақдимотида– эмоционал интеллект ва стрессни бошқариш; “SMART мақсад” қўйиш, вақтни бошқариш ва вазифаларни самарали тарзда устуворликка ажратиш; фокус ва иш унумдорлигини очиб берди.

➡️Ижтимоий ҳимоя миллий агентлиги ахборот хизмати раҳбари Дилфуза Рўзметова давлат хизматлари фаолиятини тарғиб қилиш ва жамиятдаги муҳим масалаларда стратегик PR-кампанияларни шакллантириш ва самарадорлигини баҳолашнинг ўзига хос усулларини таҳлил қилди.

➡️Инновацион ривожланиш агентлиги мутбуот котиби Муқаддас Фаязова ҳамда Давлат экология экспертизаси маркази Ахборот хизмати раҳбари Шаҳзода Акрамова медиа тадбирларни ташкил этишда замонавий ивент-менежмент технологиялари бўйича тақдимот қилди.

➡️Тақдимотда медиа-ивент концепцияси ва шакллантириш режаси ва ижтимоий тармоқлар орқали қамровни кенгайтириш усуллари ҳақида баён қилинди.

➡️Панел сессияда, шунингдек, Маданият вазирлиги ахборот хизмати раҳбари Сирожиддин Ўсаров ҳам сўзга чиқиб, Ахборот хизматлари ўртасида фаол коммуникацияни ўрнатиш орқали вазиятларга биргаликда ечим топиш, тажриба алмашиш ва малака ошириш юзасидан таклиф-мулоҳазаларини билдирди.

➡️Миллий конференция доирасидаги панел сессиялар якунига етди.

✔️Маълумот учун: Ахборот хизматлари раҳбарлари ўртасида анъанавий "Media-Quiz" интеллектуал баҳси бўлиб ўтади.

Telegram | Youtube | Facebook | Instagram | Медиабанк | Сайт