✅ АОКАда манфаатлар тўқнашувини олдини олиш масалалари бўйича семинар бўлиб ўтди

Семинарда марказий аппарат ва тизим ташкилот ходимлари иштирок этди.

Тадбирда манфаатлар тўқнашувини келтириб чиқарувчи ҳолатлар, бундай вазиятларда ходимнинг ҳуқуқлари ва мажбуриятлари, олдини олиш чоралари ва жавобгарлик турлари ҳақида маълумот берилди.

Шунингдек, бу каби ҳолатларнинг келиб чиқиш сабаблари, манфаатлар тўқнашувини олдини олиш борасида қонунчилик мазмун-моҳияти тушунтирилди.

Давра суҳбати жонли мулоқот тарзида ўтказилиб, иштирокчиларни қизиқтирувчи саволлар юзасидан масъул ходимлар томонидан тегишли тушунтириш ва тавсиялар берилди.

Telegram | Youtube | Facebook | Instagram | Медиабанк | Сайт

👍 Тошкентда илк маротаба Frankfurter Buchmesse ташкилотчиларининг семинари бўлиб ўтмоқда

Ахборот ва оммавий коммуникациялар агентлиги ташаббуси билан Ўзбекистон ноширлари ва Китоб савдоси ташкилотлари миллий ассоциацияси ҳамкорлигида ташкил этилган семинарда нашриётлар, матбаа корхоналари ва китоб савдоси, ахборот-кутубхона марказлари раҳбарлари, соҳа мутахассислари иштирок этмоқда.

Бугун Ўзбекистон Миллий кутубхонасида семинарнинг очилиш маросими бўлиб ўтди. Тадбирда сўзга чиққанлар ушбу икки кунлик семинарнинг соҳа тараққиёти ва истиқболидаги аҳамияти ҳақида тўхталди.

Бугун пойтахтимизда Франкфурт китоб ярмаркаси ташкилотчилари билан ҳамкорликда “Ноширлик иши ва муаллифлик ҳуқуқларини бошқаришда замонавий тенденциялар” мавзусида ўтказилаётган семинар халқаро ҳамкорликни мустаҳкамлаш, ўзаро тажриба, фикр алмашиш, янгиликлар билан танишиш, бир сўз билан айтганда, ноширлик фаолиятидаги энг сўнгги тенденцияларни жорий этишда барчамиз учун фойдали бўлади, деб ишонамиз,-деди АОКА директорининг ўринбосари Ғайрат Бозоров.

📌Маълумот учун, 16-17 июнь кунлари бўлиб ўтадиган семинарда иштирокчилар:

✔️ муаллифлик ҳуқуқларини ҳимоя қилиш, лицензияларни сотиш ва харид қилиш;

✔️ ноширлик фаолиятида сунъий интеллект: унинг ўрни, имкониятлари ва таъсири;

✔️Франкфурт китоб ярмаркаси дастури ва Франкфурт коннект лойиҳаси;

✔️аудикитобларнинг глобал бозорига умумий назар;

✔️шунингдек, унинг сессияларида Муаллифлик ҳуқуқи ёки лицензиянинг баҳолаш қиймати; Нарх шаклланиши ва музокараларга таъсир қилувчи асосий омиллар; Лицензиялашнинг турли моделлари, халқаро китоб ярмаркаларида (Франкфурт, Лондон ва бошқалар) нашрларни тақдим этиш бўйича энг яхши тажрибалар; Китоб бозори учун сунъий интеллектнинг имкониятлари ва муаммолари сингари долзарб мавзуларда етакчи мутахассис ва экспертларнинг маърузаларини тинглаш ва фикр алмашиш имкониятига эга бўлишади.

Telegram |WhatsApp| Youtube | Facebook | Instagram | Медиабанк | Сайт