2025-yil 1-maydan e’tiboran elektr energiyasi narxi o‘zgargach, bir abonent uchun bir oylik qo‘shimcha xarajat necha so‘m bo‘lganini bilasizmi?

Agar siz bir oyda 50 kVt⋅soat elektr energiyasi yoqsangiz, demak, xarajatingiz 7500 so‘mga oshibdi. Bu kunlik 200 so‘m qo‘shimcha xarajat, degani. Me’yoriy baza miqdori doirasida elektr energiyasi yoqadigan abonent esa bir oyda 30 ming so‘m, kuniga 1000 so‘mdan qo‘shimcha sarflaydi.

Oyiga 500 kVt⋅soat elektr energiyasi iste’mol qiladigan abonentlar uchun esa to‘lovda hech nima o‘zgarmagan. Ular avvalgidek 360 ming to‘lashda davom etadilar.

2025-yilda tabiiy gaz narxlari o‘zgarishi hisobiga bir abonent uchun bir oylik qo‘shimcha xarajat haqida ham shuni aytish mumkin.

Ammo elektr energiyasidagi o‘zgarishdan farqli ravishda, tabiiy gaz narxi barqaror o‘sgan. Xususan, isitish mavsumidan tashqari davrda 100 metr kub tabiiy gaz sarflagan aholi xonadoni buning uchun avvalgidek 65 ming so‘m emas, balki 100 ming so‘m to‘lashi kerak bo‘ladi. Ya’ni, xarajat 35 ming so‘mga oshyapti.

Ammo boshqa tomondan qaralsa, narx oshishi u qadar sezilarli emas. Masalan, aholining 70 foizidan ziyodi iste’mol qiladigan 100 metr kub gaz uchun qo‘shimcha 35 ming so‘m, kunlik hisoblaganda esa, sutkasiga 1167 so‘m ortiqcha xarajat qilinadi.

Sizga qulaylik yaratish maqsadida yuqoridagi jadvallalarda xarajatlar o‘zgarishi batafsil ko‘rsatilgan. Uning yordamida o‘zingiz sarflaydigan elektr energiyasi miqdoridan kelib chiqib, bir oyda qancha qo‘shimcha xarajat qilishingizni bilib olishingiz mumkin.

🧠aokaxorazm.uz | 🌐Facebook | ✈️Telegram |📸Instagram

“Tuxum barak” milliy taomi geografik ko‘rsatkich sifatida davlat ro‘yxatidan o‘tkazildi.

Xorazm viloyatiga xos bo‘lgan nomoddiy madaniy merosimiz hisoblangan “Tuxum barak” milliy taomi viloyat madaniyat boshqarmasi tomonidan viloyat adliya boshqarmasi bilan hamkorlikda geografik ko‘rsatkich sifatida davlat ro‘yxatidan o‘tkazildi.

Mazkur taom o‘ziga xos tayyorlanish usuli, tarkibi va qadimiy an’analarga asoslangani bilan ajralib turadi. “Tuxum barak” asosan Xorazm viloyati aholisi orasida keng tarqalgan bo‘lib, ushbu hududning boy madaniy-gastronomik merosini aks ettiradi. Geografik ko‘rsatkich sifatida ro‘yxatdan o‘tkazilishi bu taomni huquqiy jihatdan himoya qilish, sifat va nufuzini saqlab qolish hamda Xorazmning hududiy brendi sifatida targ‘ib qilish imkonini beradi.

Ma’lumot uchun geografik ko‘rsatkich — bu mahsulotning ma’lum bir hududga xosligi va aynan shu hudud omillari bilan bog‘liq alohida sifatlarga ega ekanini bildiruvchi intellektual mulk obyekti hisoblanadi.

🧠aokaxorazm.uz | 🌐Facebook | ✈️Telegram |📸Instagram

Joriy-yilning 14-iyun kuni Xiva shahar "Arda Khiva" turistik majmuasida “Global Wellness Day” tadbiri boʻlib oʻtdi.

Tadbir doirasida yoga mashgʻulotlari, mediatsiya va sogʻlom turmush odatlari boʻyicha master-klasslar oʻtkazildi.

🧠aokaxorazm.uz | 🌐Facebook | ✈️Telegram |📸Instagram

🎤📸📰OAV, JURNALIST VA BLOGERLAR UCHUN MATBUOT ANJUMANI VA PRESS-TUR TASHKIL ETILDI

🗣️Axborot va ommaviy kommunikatsiyalar agentligi viloyat boshqarmasi hamda Xorazm viloyati Bojxona boshqarmasi hamkorligida “Shovot” chegara bojxona postida ommaviy axborot vositalari vakillari va blogerlar ishtirokida matbuot anjumani va press-tur tashkil etildi.

✔️Xorazm viloyat Bojxona boshqarmasi tomonidan “2025-yilning o‘tgan davri mobaynida amalga oshirilgan ishlar va kelgusidagi ustuvor vazifalar” doirasida o‘tkazilgan matbuot anjumani davomida - huquqbuzarliklarning oldini olish choralari, tashqi iqtisodiy faoliyat subyektlari bilan hamkorlikni yanada samarali tashkil etish, bojxona tizimini raqamlashtirish, korrupsiyaning oldini olish bo‘yicha ko‘rilgan profilaktik tadbirlar, davlat chegarasidan o‘tishda fuqarolar uchun yaratilayotgan qulayliklar kabi masalalarga alohida e’tibor qaratildi.

✔️Press-tur davomida ishtirokchilarga chegara bojxona postida yaratilgan zamonaviy shart-sharoitlar, jumladan, elektron navbat tizimi, skaner qurilmalari, fuqarolar va transport vositalarini tekshirishda qo‘llanilayotgan innovatsion texnologiyalar namoyish etildi.

✔️Shuningdek, ishtirokchilar bojxona nazorati jarayonlarining avtomatlashtirilishi, inson omilini kamaytirishga qaratilgan choralar va bojxona organlari faoliyatida joriy etilgan raqamli yechimlar bilan tanishdilar.

Tadbir yakunida ishtirokchilar o‘zlarini qiziqtirgan savollarga atroflicha javob oldilar hamda bojxona sohasi bilan axborot almashinuvi, ochiqlik va kelgusidagi yaqin hamkorlik yuzasidan o‘z fikr va takliflarini bildirdilar.

🧠aokaxorazm.uz | 🌐Facebook | ✈️Telegram |📸Instagram