Kecha gollar urilgan payti Shavkat Mirziyoyevni tribunada bir nechta xorijlik mehmonlar ham tabriklaganiga e’tibor qaratgan bo‘lsangiz kerak. Ular kim edi?

Gap shundaki, “Bunyodkor” stadionida bo‘lib o‘tgan kechagi tarixiy o‘yinni davlatimiz rahbari bilan birgalikda quyidagi yuqori martabali mehmonlar birgalikda ko‘rishdi:

— 🇧🇬Bolgariya Prezidenti Rumen Radev;
— 🇸🇰Slovakiya Bosh vaziri Robert Fitso;
— 🇰🇿Qozog‘iston Bosh vaziri Oljas Bektenov;
— 🇰🇬Qirg‘iziston hukumati raisi Adilbek Kasimaliyev;
— 🇹🇯Tojikiston Bosh vaziri Qohir Rasulzoda;
— 🇦🇿Ozarbayjon Bosh vaziri Ali Asadov;
— 🇹🇲Turkmaniston Vazirlar Mahkamasi raisi o‘rinbosari Nokerguli Ataguliyev.

Ma’lumot uchun: Bolgariya terma jamoasi oxirgi marta 1998-yilda Jahon chempionatida o‘ynagan, FIFA reytingida 85-o‘rinda.

Slovakiya esa o‘z tarixida hozircha faqat bir marta — 2010-yilda mundialda qatnashgan va o‘shanda guruhdan chiqa olgandi. FIFA reytingida 46-o‘rinda.

Qo‘shnilarimiz va Ozarbayjon esa hozircha mundialga yo‘llanma olmagan.

Aytmoqchimizki, mehmonlarimiz uchun ham Jahon chempionatiga yo‘llanma olish katta voqelik edi va ular chin dildan O‘zbekiston xalqi uchun quvonib, muxlislik qilganiga shubha yo‘q.

🧠aokaxorazm.uz | 🌐Facebook | ✈️Telegram |📸Instagram

Shakarjon Xoʻjaniyozova xotirasi qalbimizda mangu yashaydi

✅Mamlakatimiz Prezidenti joriy yilning 1-2-may kunlari viloyatimizga tashrifi chogʻida koʻp yillar davomida el-yurt uchun fidokorona xizmat qilgan davlat va jamoat arbobi Shakarjon Xoʻjaniyozova tavalludining 70-yilligini keng nishonlash hamda xotirasini abadiylashtirish boʻyicha topshiriq bergan edi. Bugun 12-iyun – Shakarjon Xoʻjaniyozova tavallud topgan sanada viloyatimizda yurtimizning ardoqli farzandi xotirasiga bagʻishlangan qator tadbirlar boʻlib oʻtdi.

✅Tadbir ishtirokchilari dastlab Bogʻot tumanidagi “Tolli bobo” qabristonida Shakarjon Xoʻjaniyozovaning qabrini ziyorat etib, Qurʼon tilovat qildilar. Shundan keyin chinakam oʻzbek ayoli timsoli boʻlgan, fidoyi va matonatli rahbar Shakarjon Xoʻjaniyozova yashab oʻtgan xonadonda uy muzeyi ochildi. Muzeydan Shakarjon Yusupovnaning hayoti va faoliyatiga oid eksponatlar oʻrin olgan.

✅ Shuningdek, Bogʻot tumani asosiy koʻchalaridan biriga va tuman sport maktabiga qarashli gimnastika markaziga Shakarjon Xoʻjaniyozova nomini berish boʻyicha qaror loyihasi ishlab chiqildi. Hurmatli Prezidentimizning topshirigʻiga asosan, viloyatdagi faol xotin-qizlar oʻrtasida Shakarjon Xoʻjaniyozova nomidagi rahbar ayollar tanlovini oʻtkazish, gʻoliblarni davlat idoralari uchun rahbar kadrlar zahirasiga tavsiya etish mexanizmi ishlab chiqildi va mazkur tanlovni yuqori saviyada tashkil etish boʻyicha jarayonlar davom etmoqda.

✅ Xotira tadbirlarining asosiy qismi Urganch shahridagi viloyat musiqali drama teatrida oʻtkazildi. Unda Oʻzbekiston Respublikasi Bosh vaziri oʻrinbosari Zulayho Mahkamova, viloyat hokimi Joʻrabek Raximov qatnashib, Shakarjon Yusupovnaning Vatan va xalq oldidagi ulkan xizmatlari haqida toʻxtaldilar. Tadbirda Shakarjon Xoʻjaniyozovaning serqirra faoliyati aks ettirilgan sahna koʻrinishlari, rasmlar koʻrgazmasi namoyish etildi. Faol ishtirokchilar turli nominatsiyalar boʻyicha viloyat hokimining tashakkurnomasi bilan taqdirlandilar.

🧠aokaxorazm.uz | 🌐Facebook | ✈️Telegram |📸Instagram

✅“Axborot olish, qayta ishlash va tarqatishning huquqiy asoslari”

📚Xorazm viloyati Qurilish va uy-joy kommunal xo‘jaligi bosh boshqarmasida soha xodimlari uchun viloyat Axborot va ommaviy kommunikatsiyalar boshqarmasi, Xorazm viloyat prokuraturasi hamda viloyat Adliya boshqarmasi bilan hamkorlikda yuqoridagi mavzu doirasida o'quv seminari bo'lib o'tdi.

✅Viloyat Axborot va ommaviy kommunikatsiyalar boshqarmasi bosh mutaxassisi Q.Qilichov so'zga chiqib, bu kabi seminarlarning o'tkazilishi Qurilish va uy-joy kommunal xo‘jaligi bosh boshqarmasi xodimlarini ogohlikka chaqirilishi bilan ahamiyatli ekanligi, shuningdek, axborot erkinligi ta'minlab qo'yilgani fuqarolarga davlat organlari, jamoatchilik tashkilotlari va boshqa subyektlardan axborot olish imkoniyatini berayotganiga to'xtaldi va tizim xodimlarini axborotni qayta ishlash va tarqatish jarayonida noto'g'ri yoki yolg'on ma'lumotlarning tarqalishining oldini olishga chaqirdi.

🇺🇿Tadbir davomida Xorazm viloyat prokuraturasi bo'lim katta prokurori J.Solayev korrupsiyaning oldini olish borasida jamoatchilik bilan hamkorlik natijalari, korrupsiyaning huquqiy oqibatlari va javobgarlik masalalari haqida so'z yuritdi.

⚔️Shuningdek, viloyat adliya boshqarmasi mas'ul xodimi Z.Begova korrupsiya tushunchasi, uning turlari, huquqiy oqibatlari va javobgarlik masalalari bo‘yicha ma’ruza qildi.

✅Tadbir fikr almashish maydoni bo'ldi. Ishtirokchilar o'zlarini qiziqtirgan savollarga mas'ullardan javob olishdi.

🧠aokaxorazm.uz | 🌐Facebook | ✈️Telegram |📸Instagram