Prezidentimiz islohotlar boshlangan ilk kunlardanoq “ilm – tarbiya – innovatsiya” zanjirini yaratishga kirishilganini, bu harakatlar bugun aniq natijalar berayotganini qayd etdi.

Masalan, o‘tgan yili yurtimiz yoshlari top-500 talik oliygohlarga kirish bo‘yicha Markaziy Osiyoda 1-o‘rinni egalladi.

Bilimli yoshlarimiz ilk bor top-5 talikdagi oliygohlarga kirib, tarixiy natija qayd etdi.

Bugungi kunda 30 nafar yoshlarimiz dunyoning top-10 talik oliygohida, 500 nafari top-100 va 1 ming 500 nafari top-300 dan joy olgan nufuzli universitetlarda tahsil olmoqda.

🧠aokaxorazm.uz | 🌐Facebook | ✈️Telegram |📸Instagram

🇺🇿Yaqinda butun yurtimizda barchamiz uzoq kutgan katta futbol bayrami bo‘lib o‘tdi. Xalqimizning 34-yillik orzusi ushaldi – milliy terma jamoamiz tarixda ilk bor jahon chempionati yo‘llanmasini qo‘lga kiritdi.

“Yaqin-yaqingacha umrini paxta dalasida o‘tkazgan oddiy oila farzandlari ilmda, sportda, boshqa sohalarda bunday yuksak marralarni egallashini tasavvur qilish ham qiyin edi.

Biz yoshlarimiz uchun sharoit yaratdik, ular bundan unumli foydalanib, baland cho‘qqilarni zabt etmoqda.

Birinchi va ikkinchi Renessansni buyuk alloma va mutafakkirlarimiz yaratgan bo‘lsa, bugun tarix navbatni sizlarga bermoqda.

Ishonchim komil, sizlar barcha sohalarda mamlakatimiz bayrog‘ini baland ko‘tarishga qodirsiz. Sizlar Yangi O‘zbekiston bunyodkorlari sifatida yangi tarix yaratadigan oltin avlodsiz!”,

- dedi Prezident.

🧠aokaxorazm.uz | 🌐Facebook | ✈️Telegram |📸Instagram

🇺🇿 Davlatimiz rahbari hozirgi vaqtda dunyo notinch va murakkab bo‘lib borayotganini, tinchlik – eng buyuk ne’mat, inson qadri va adolat – eng oliy qadriyat ekani har qachongidan ham chuqur his etilayotganini ta’kidladi.

“Yuksak bilimli, dunyoqarashi keng, zamonaviy fikrlaydigan, texnologik savodxon yoshlari ko‘p bo‘lgan yurtda tinchlik va taraqqiyot, o‘zaro jipslik hamisha barqaror bo‘ladi.

Yoshlarimizga sifatli ta’lim va tarbiya berish, zamonaviy kasb va hunarlar, xorijiy tillarni o‘rgatish, hayotda munosib o‘rin topishi uchun zarur sharoitlar yaratish eng asosiy vazifamiz va burchimizga aylangan”,

- dedi Prezident.

🧠aokaxorazm.uz | 🌐Facebook | ✈️Telegram |📸Instagram

🇺🇿 Mavjud imkoniyatlardan samarali foydalanib, hududini namunali qilgan viloyat va tumanlar ko‘pligi ta’kidlandi.

Masalan, yosh tadbirkorlarimiz tashkil qilgan 261 ta korxonaning yillik aylanmasi 100 milliard so‘mdan oshdi.

Ilgari bu borada Toshkent shahri yakka peshqadamlik qilgan bo‘lsa, bugungi kelib Toshkent viloyati, Samarqand, Andijon, Namangan, Farg‘ona yoshlarining biznesdagi natijalari poytaxtdan qolishmayapti.

Qoraqalpog‘iston, Qashqadaryo, Navoiy, Sirdaryo va Xorazm yoshlar bandligini ta’minlash bo‘yicha ilg‘or hududlarga aylandi.

🧠aokaxorazm.uz | 🌐Facebook | ✈️Telegram |📸Instagram

🇺🇿 Yoshlarning oliygohga kirish ko‘rsatkichi bo‘yicha Surxondaryo bir yil ichida 11-o‘rindan 4-o‘ringa ko‘tarilib, katta sakrash qildi. Jizzax va Sirdaryo ham yaxshi natija ko‘rsatmoqda.

Ikki yil oldin xalqaro fan olimpiadalarida 7 ta hududdan 45 nafar o‘quvchi sovrin olgan bo‘lsa, o‘tgan 6 oyda ularning safiga Jizzax, Andijon, Namangan, Samarqand, Surxondaryo, Xorazm, Toshkent viloyatlari o‘quvchilari ham qo‘shilib, jami 166 ta medal qo‘lga kiritildi.

“Bir million dasturchi” loyihasi doirasida 325 ming yoshlar o‘qitildi. Ayniqsa, Xorazm, Qashqadaryo va Samarqand yoshlari ITdan katta daromad topishni o‘rganib oldi.

Boshqa bir misol: o‘tgan yili 150 mingdan ziyod yoshlarimiz xalqaro til sertifikatlari oldi, bu 2023-yilga nisbatan 2 baravar ko‘p.

Xorijiy tillarni mukammal bilish bo‘yicha Toshkent shahri, Farg‘ona, Namangan, Buxoro va Samarqand yoshlari ancha ilgarilab ketdi.

🧠aokaxorazm.uz | 🌐Facebook | ✈️Telegram |📸Instagram

🇺🇿🤝🇦🇿 Ozarbayjon delegatsiyasi Xivada!

Bugun Ozarbayjon Milliy Mejlisi Raisi Sahiba Gafarova boshchiligidagi parlament delegatsiyasi Urganch xalqaro aeroportiga yetib keldi. Delegatsiya vakillarini Oliy Majlis Senati Raisi Tanzila Narbayeva kutib oldi.

Xiva shahrida Birinchi Oʻzbekiston - Ozarbayjon parlamentlararo forumi boʻlib oʻtadi!

Ushbu forum hamkorlik aloqalarini yangi bosqichga olib chiqishi shubhasiz.

🧠aokaxorazm.uz | 🌐Facebook | ✈️Telegram |📸Instagram

🎤“Albatta, yoshlarning tilini yoshlar tushunadi, ular bir-biridan oʻrnak oladi, bir-biriga motivatsiya beradi.

Shu bois, 9 mingdan ziyod mahallada yoshlar yetakchilarini tayinladik. Ular uch yil davomida koʻp narsani oʻrgandi, yetarli tajriba orttirdi.

Endi, ular maktab, texnikum, til va kasb markazlari bilan ham ishlashni oʻrganishi kerak”, - dedi Prezident.

✔️Mahallalarimizda 167 ming nafar uyushmagan yoshlar, tarbiyasi ogʻir va huquqbuzarlik qilgan 17 ming oʻquvchi borligi barchani oʻylantirishi kerakligi qayd etildi.

✔️Shu oʻrinda davlatimiz rahbari yangi saylangan mahalla raislariga murojaat qildi:

🎤“Mahalladagi tinchlik, hamjihatlik, mehr-oqibat, sogʻlom muhit kimga bogʻliq? Avvalo, sizlarga bogʻliq.

Mahallada bitta bolaning notoʻgʻri yoʻlga kirishi ham favqulodda holat boʻlishi kerak. Shuning uchun, har bir bola haqida, uning taqdiri, kelajagi haqida avvalo sizlar koʻproq qaygʻurishingiz lozim.”

🧠aokaxorazm.uz | 🌐Facebook | ✈️Telegram |📸Instagram

➡️“Garvardchilar” maktabi Beruniy nomidagi xalqaro maktab sifatida faoliyatini boshlab yubordi.

➡️Ushbu xalqaro maktabga bu yilgi 8-sinf bitiruvchilari orasidan 60 nafar oʻquvchi saralab olinadi va 3 ta yoʻnalishda oʻqitiladi. Kelgusida oʻquv oʻrinlari karrasiga koʻpaytiriladi.

➡️Umuman, milliy dastur asosida har yili eng salohiyatli 3 ming oʻquvchi seleksiya qilinib, Garvard, Yel, Kolumbiya, Kornel kabi dunyoning nufuzli oliygohlariga tayyorlanadi.

➡️Shundan kamida 300 nafari ehtiyojmand oila farzandlari boʻladi.

🧠aokaxorazm.uz | 🌐Facebook | ✈️Telegram |📸Instagram

👮‍♂️“AI study” platformasi orqali kamida 100 ming yoshlarimiz sunʼiy intellekt texnologiyalarini oʻrganadi – Prezident

✅ Sunʼiy intellektni rivojlantirish boʻyicha bank-moliya, sogʻliqni saqlash, qishloq xoʻjaligi va energetikani ustuvor yoʻnalish sifatida belgilab, 100 ta loyiha amalga oshiriladi.

✅ Davlatimiz rahbari qadriyatlarimiz va madaniyatimizni oʻzida ifoda etadigan sunʼiy intellektning milliy modelini ishlab chiqish boshlanganini eʼlon qildi.

✅ Bu boy tariximiz va zamonaviy yondashuvlarni oʻzida uygʻunlashtirib, yoshlarning yangi kreativ gʻoyalarini shakllantirishga xizmat qiladi.

✅ Bu tizim samara berishi uchun Birlashgan Arab Amirliklari bilan hamkorlikda “Bir million sunʼiy intellekt yetakchilari” dasturi ishga tushirilmoqda.

✅ Shu yilning oʻzida “AI study” platformasi orqali kamida 100 ming yoshlarimiz sunʼiy intellekt texnologiyalarini oʻrganadi.

💲Banklar top-300 talik oliygohga kirgan yoshlarga 20 ming dollargacha imtiyozli taʼlim krediti beradi

✅“Taʼlim – kelajak sarmoyasi” degan ezgu gʻoya jamiyatimizda katta harakatga aylanmoqda.

✅Yaqinda “El-yurt umidi” jamgʻarmasi faoliyati takomillashtirildi. Endi top-300 talik oliygohga kirganlar uchun oʻqish va yashash xarajatini qoplash tizimi yangi tartibda ishlay boshlaydi.

✅Eng avvalo, STEM yoʻnalishlari (ilm-fan, texnologiya, muhandislik va matematika), energetika, transport, urbanizatsiya, arxitektura, qurilish, qishloq va suv xoʻjaligi kabi drayver sohalar uchun kvotalar bir necha karra oshiriladi.

✅ Endilikda banklar top-300 talik oliygohga kirgan yoshlarga 20 ming dollargacha imtiyozli taʼlim krediti beradi.

🧠aokaxorazm.uz | 🌐Facebook | ✈️Telegram |📸Instagram

⚠️Oʻquvchilar uchun “mohirlik va biznes soati” kiritilib, ularning gʻoyasini startapga aylantirishga 100 milliard soʻm grant ajratiladi – Prezident

✅ Startaplarni qoʻllab-quvvatlash boʻyicha tizim yaratildi. Ularni moliyalashtirishga 145 million dollar venchur sarmoya kiritildi.

✅ Prezidentimiz bu raqam 1 milliard dollarga yetkazilishini aytdi.

✅ Endi, bu ishlar maktabdan boshlanadi. Oʻquvchilar uchun “mohirlik va biznes soati” kiritilib, ularning gʻoyasini startapga aylantirishga 100 milliard soʻm grant ajratiladi.

✅Oliygohlar oʻrtasida ham startaplar boʻyicha har yili “Eng yaxshi kreativ gʻoya” tanlovi oʻtkazilib, gʻoliblarga oliygoh jamgʻarmasidan 300 million soʻmgacha grant beriladi.

✅Startapni prototipga aylantirish va sinovdan oʻtkazish uchun Innovatsiya agentligi va IT-park “RnD” markazini ochadi.

✅Bunda, eng yaxshi loyihalar boʻyicha prototip yaratish xarajatining 50 ming dollargacha qismi Yoshlar venchur jamgʻarmasidan qoplanadi.

✅Har yili investorlar, yirik korxona va startap tashabbuskorlari ishtirokida “Startap-ekspo” koʻrgazmasi oʻtkazib boriladi.

🧠aokaxorazm.uz | 🌐Facebook | ✈️Telegram |📸Instagram

⚪️Soʻnggi yetti yilda boshqaruv kadrlari tarkibi ancha yosharib, 40 yoshgacha boʻlgan rahbarlar ulushi 37 foizdan 65 foizga oshdi.

🔝“Biz Yangi Oʻzbekistonda “xalq xizmatidagi davlat” tamoyilini roʻyobga chiqarishda siz kabi iqtidorli, jonkuyar va yetakchilik qobiliyatiga ega oʻgʻil-qizlarimizga tayanamiz.

Shu bois, oʻtgan oyda istiqbolli kadrlar tayyorlash va ularni davlat boshqaruviga jalb etish boʻyicha muhim farmonni imzoladim.

Endi, Davlat boshqaruvi akademiyasida “Kelajak liderlari” dasturi boʻyicha har yili 100 nafar salohiyatli yoshlar oʻqitiladi”, - dedi Prezident.

⚪️Bu yoshlar vazir va hokimlarga biriktiriladi, ikki oy ularning yonida yurib, tajriba orttiradi. Bir oyga xorijiy stajirovkaga yuboriladi.

⚪️Dasturni tamomlagan yoshlar rahbarlik lavozimlariga asosiy nomzod boʻladi.

🧠aokaxorazm.uz | 🌐Facebook | ✈️Telegram |📸Instagram

👍 “Yosh kitobxon” tanlovi respublika bosqichi gʻoliblariga madaniyat va sanʼat oliygohlariga kirishda imtiyoz beriladi

⚫️Yoshlarimizni kitob oʻqishga qiziqishini oshirishda tanlovlar muhim rol oʻynamoqda.

⚫️Birgina misol, Xorazmiy maktabining 8-sinf oʻquvchisi Dilbar Haydarova “Yosh kitobxon” tanlovida gʻolib boʻlib, ota-onasiga Prezident sovrini – avtomobil sovgʻa qildi.

“Dilbarxon qizim, sen oʻz misolingda inson chin dildan harakat qilsa, koʻp narsaga erisha olishini isbotlading, bu yoʻlda koʻpchilik uchun namuna boʻlding. Buning uchun katta rahmat senga! Rahmat seni katta qilgan ota-onangga!”,
- dedi davlatimiz rahbari.

⚫️Yoshlarni aktyorlik, musiqa, kitobxonlikka qiziqishini oshirish uchun “Turon” teatri, “Iqtidor ansambli”, “Jadidlar izidan” kabi tanlovlar oʻtkazilib, ularda 400 mingga yaqin oʻquvchi ishtirok etdi.

⚫️Endi tanlovlarda gʻolib boʻlgan jamoalar chekka hududlardagi maktablarga muntazam borib, oʻz chiqishlari bilan tengdoshlarini madaniyat va sanʼatga qiziqtiradi. Buning uchun viloyat hokimlari bittadan avtobus olib beradi.

⚫️Respublika tanlovi gʻoliblariga madaniyat va sanʼat oliygohlariga kirishda imtiyoz beriladi.

⚫️“Iqtidor” maktab ansambli tanlovining viloyat bosqichi gʻoliblari bolalar va musiqa sanʼat maktablarida bepul oʻqitiladi.

🧠aokaxorazm.uz | 🌐Facebook | ✈️Telegram |📸Instagram

📌Mustaqillik – bu shunchaki rasmiy maqom emas, balki har bir yoshga oʻz taqdirini oʻzi belgilash imkonini beradigan buyuk neʼmat – Prezident

💬“Yosh avlodni turli zararli taʼsirlardan asrash, ularga axborot makonida foydali, mazmunli maʼlumotlarni yetkazish va targʻib qilish doim eʼtiborimiz markazida boʻlishi zarur”, - dedi Prezident.

✅ Shu maqsadda Bolalar kontentini rivojlantirish markazi tashkil etilgani, markaz milliy madaniyat, sanʼat, adabiyot, tarix va maʼnaviy qadriyatlar asosida bolalarga moʻljallangan tarbiyaviy kontentlar yaratish uchun masʼul boʻlishi qayd etildi.

✅ Joriy yildan boshlab mahallalarda oʻtkazilgan “Shijoat va gʻayrat” harbiy-sport musobaqalarida 244 ming yigit-qizlar ishtirok etdi, 1 milliondan ziyod yoshlar esa ularni katta qiziqish bilan kuzatib bordi. Bu bellashuvlar vatanparvarlik, jasorat va jipslikni targʻib etadigan muhim harakatga aylandi.

💬“Mamlakatimiz mustaqilligi, xalqimizning tinch va osoyishta hayotini koʻz qorachigʻidek asrashda siz, aziz yoshlarimizga tayanamiz.

Unutmang: mustaqillik – bu shunchaki rasmiy maqom emas, balki har bir yoshga oʻz taqdirini oʻzi belgilash imkonini beradigan buyuk neʼmat”, - dedi Prezidentimiz.

🧠aokaxorazm.uz | 🌐Facebook | ✈️Telegram |📸Instagram

✅Yoshlarga oid islohotlarni xalqaro hamjamiyat ham keng eʼtirof etilayotgani taʼkidlandi.

✅ Oʻzbekiston Birlashgan Millatlar Tashkiloti “Yoshlar – 2030” strategiyasini jadal amalga oshirayotgan 10 ta davlat qatoriga kirdi.

✅ Yoshlar taraqqiyot indeksida mamlakatimiz yoshlar siyosati sohasida eng tez surʼatlar bilan rivojlanayotgan davlat, deb topildi.

✅ Buxoro shahri Turkiy dunyo yoshlari poytaxti, Toshkent shahri Mustaqil Davlatlar Hamdoʻstligi yoshlari poytaxti maqomini oldi.

✅ Shu kunlarda yurtimizda oʻtkazilayotgan Global yoshlar festivalida 30 dan ortiq davlatdan kelgan 300 nafardan ziyod yoshlar, 10 dan ortiq nufuzli xalqaro tashkilotlar vakillari ishtirok etmoqda.

✅ Prezident ushbu forum nafaqat mamlakatimiz, balki butun dunyo yoshlari uchun samarali hamkorlik va oʻzaro tajriba almashish maydoni boʻlib xizmat qilishiga ishonch bildirdi.

🧠aokaxorazm.uz | 🌐Facebook | ✈️Telegram |📸Instagram

🎤Prezidentimiz bugun “Kreativ iqtisodiyot”, “Raqamli yashil tashabbuslar”, “Yoshlar tadbirkorligi va startaplar” va “Yosh innovatorlar” maydonchalaridagi oʻgʻil-qizlarimiz bilan muloqot qilib, hozirgi yoshlarimiz – Yangi Oʻzbekistonning haqiqiy bunyodkorlari ekaniga yana bir bor amin boʻlganini taʼkidladi.

🎤“Men sizlar bilan faxrlanaman! Sizlarning har bir yutugʻingiz bu – koʻp millatli butun xalqimizning yutugʻidir.

Azmu shijoatingiz, sogʻlom dunyoqarashingiz, baxtu iqbolingiz – millionlab ota-onalar, ustoz-murabbiylar, yaqinlaringizning ham baxtu saodatidir”, - dedi davlatimiz rahbari.

🧠aokaxorazm.uz | 🌐Facebook | ✈️Telegram |📸Instagram

✔️Davlatimiz rahbari oʻz sohasida ilgʻor, tashabbuskor yoshlar bilan muloqot qildi, ularning taklif va gʻoyalarini tingladi.

✔️Prezident farmoni bilan ilm-fan, texnologiya, madaniyat, sanʼat, sport, tadbirkorlik va boshqa sohalarda tengdoshlariga oʻrnak boʻlayotgan bir guruh oʻgʻil-qizlarimiz mukofotlangan edi.

✔️Bugungi tadbirda davlatimiz rahbari ushbu mukofotlarni oʻz egalariga tantanali ravishda topshirdi.

🧠aokaxorazm.uz | 🌐Facebook | ✈️Telegram |📸Instagram

💬Tadbir yakunida davlatimiz rahbari yana bir bor yoshlarga murojaat qildi:

“Yoshlikda olingan bilim – toshga oʻyilgan naqsh, kelajak uchun poydevor degani. Poydevor qancha mustahkam boʻlsa, hayotingiz, baxtingiz binosi shunchalik muhtasham boʻladi.

Yoshlikdagi harakat kelajakdagi yutuq degani. Yoshlikda orttirilgan doʻst bir umrlik hamkor, tayanch va suyanch degani.

Hech qachon unutmang, farzandlari bilimli, sogʻlom, mard va jasur, doimo oldinga intilib yashaydigan xalq va davlatning kelajagi albatta yorugʻ boʻladi.

Men butun Oʻzbekiston yoshlari ana shunday fazilatlar egasi boʻlishini tilayman!

Ishonchim komil, biz koʻp millatli butun xalqimiz bilan, siz, aziz farzandlarim bilan ulugʻ maqsadlarimizga, albatta, yetamiz! Yangi Oʻzbekistonni barchamiz birgalikda, albatta, barpo etamiz!”.

🧠aokaxorazm.uz | 🌐Facebook | ✈️Telegram |📸Instagram

Ozarbayjon Respublikasi Milliy Majlisining Madaniyat qo'mitasi raisi Polat Bulbuloglu Birinchi O'zbekiston-Ozarbayjon forumidan kutilayotgan natijalar haqida o'z fikrlarini bildirdi:

"O’zbekistonga san’atkor sifatida ham bir necha bor kelganman. Har gal o’zgacha mehmondo’stlikka guvoh bo’laman. Endi esa Ozarbayjon parlamenti a’zosi sifatida yurtingizda bo'lib turganimdan juda xursandman..."

🧠aokaxorazm.uz | 🌐Facebook | ✈️Telegram |📸Instagram

Ozarbayjon Respublikasi Milliy Majlisi deputati Bextiyor Aliyev Birinchi O'zbekiston-Ozarbayjon parlamentlararo forumidan kutilayotgan natijalar haqida fikrlarini bildirdi:

"O'ylaymanki parlamentlarimiz o'rtasidagi aloqalarni yanada yaxshilanishi davlatlarimiz va xalqlarimiz orasidagi munosabatlarni yanada mustahkamlanishiga ham turtki beradi. Xiva ming yillik tarixga ega qadimiy shahar. Va bu yerda bo'lish har bir turkiy xalq vakili uchun katta sharafdir!"

🧠aokaxorazm.uz | 🌐Facebook | ✈️Telegram |📸Instagram

Aziz Ozarbayjonlik qardoshlar,

“Yangi imkoniyatlar sari: muloqotdan hamkorlikdagi harakatlargacha” mavzusidagi Birinchi O‘zbekiston-Ozarbayjon parlamentlararo forumi ishtirokchilari,

Xiva shahriga xush kelibsizlar!

🧠aokaxorazm.uz | 🌐Facebook | ✈️Telegram |📸Instagram