🤲 Аллоҳим!

Эй, барча мушкулотни осон қилувчи, эй барча қийинчиликни енгил қилувчи Зот!
Бу кунимизни раҳмат ила очилган, офият ила тўсилган ва тоат-ибодат ила тўлдирилган кун қил.
Бу кунда бизни Ўз розилигингга эриштир.
Ҳамда бизни хушхабаринг ила шод бўладиган ва дуолари ижобат этиладиган инсонлардан қил! Омин.

@arabicuz

iOS | Android
Instagram | Facebook | Twitter | Tiktok | Youtube

Тиловат

📜Қуръон фазилатлари

Ҳаббоб ибн Арат розияллоҳу анҳу дедилар: «Аллоҳга тоқатинг етганича яқинлаш, тақарруб ҳосил қил. Билгинки, сен Аллоҳ азза ва жаллага Унинг каломидан (яъни, Қуръондан) кўра маҳбуброқ нарса билан яқинлаша олмайсан», деди.

Абу Убайднинг "Фазоилул Қуръон" асаридан.

🟢Уламолар айтади: "Инсон учун Аллоҳга яқинлашишнинг кўплаб йўллари бор: намоз, рўза, садақа, зикр ва бошқалар. Аммо уларнинг ичида энг улуғи — Аллоҳнинг каломи бўлган Қуръон орқали яқинлашишдир"

@arabicuz

iOS | Android
Instagram | Facebook | Twitter | Tiktok | Youtube

Маркаб

📜Улов (ёки автомашина) сотиб олганда айтиладиган дуо

حَدَّثَنَا عُثْمَانُ بْنُ أَبِي شَيْبَةَ وَعَبْدُ اللَّهِ بْنُ سَعِيدٍ قَالَا: حَدَّثَنَا أَبُو خَالِدٍ عَنِ ابْنِ عَجْلَانَ عَنْ عَمْرِو بْنِ شُعَيْبٍ عَنْ أَبِيهِ عَنْ جَدِهِ عَنِ النَّبِيِّ صَلَّى اللَّهُ عَلَيْهِ وَسَلَّم قَالَ: «إِذَا تَزَوَّجَ أَحَدُكُمُ امْرَأَةً أَوِ اشْتَرَى خَادِمًا فَلْيَقُلِ: «اللَّهُمَّ إِنِّي أَسْأَلُكَ خَيْرَهَا وَخَيْرَ مَا جَبَلْتَهَا عَلَيْهِ وَأَعُوذُ بِكَ مِنْ شَرِّهَا وَمِنْ شَرِّ مَا جَبَلْتَهَا عَلَيْهِ وَإِذَا اشْتَرَى بَعِيرًا فَلْيَأْخُذْ بِذِرْوَةِ سَنَامِهِ وَلْيَقُلْ مِثْلَ ذَلِكَ»
. قَالَ أَبُو دَاوُدَ: زَادَ أَبُو سَعِيدٍ: «ثُمَّ لِيَأْخُذْ بِنَاصِيَتِهَا وَلْيَدْعُ بِالْبَرَكَةِ فِي الْمَرْأَةِ وَالْخَادِمِ».

🌙 Амр ибн Шуайб отасидан, у бобоси розияллоҳу анҳудан ривоят қилади:«Набий соллаллоҳу алайҳи васаллам шундай дедилар: «Бирортангиз бир аёлга уйланса ёки ходим сотиб олса, «Аллоҳумма, иннии ас’алука хойроҳаа ва хойро маа жабалтаҳа ъалайҳи ва аъуузу бика мин шарриҳаа ва мин шарри маа жабалтаҳаа ъалайҳи», десин. Туя сотиб олса, унинг ўркачининг тепасидан ушлаб туриб ҳам худди шундай десин».
Абу Довуд айтади: «(Ровий) Абу Саъид «(У зот хотин ва ходим ҳақида) «Сўнгра унинг пешона сочидан ушлаб, барака тилаб дуо қилсин», дедилар» деб қўшимча қилган».

* Маъноси: «Аллоҳим, Сендан унинг яхшилигини ва Сен унда яратиб қўйган нарсанинг яхшилигини сўрайман, унинг ёмонлигидан ва Сен унда яратиб қўйган нарсанинг ёмонлигидан паноҳ сўрайман». Абу Довуд ривояти.

🟢Изоҳ: Автомашина (автотранспорт воситаси) ҳам ҳайвон (уй ҳайвони) ва туянинг ҳукмидадир. Уларнинг барчаси улов, уларнинг барчасидан яхшилик умид қилинади ва ёмонликдан қўрқилади. Шунинг учун машина сотиб олганда, эгалик қилганда, юқоридаги дуони қилиш жоиздир.

Олимлардан бири: "У зотнинг шариати шуни қарор топдирдики, бир нарсанинг ҳукми унга ўхшаш нарсанинг ҳукмидекдир. Аллоҳнинг шариати ҳеч қачон икки ўхшаш нарсанинг орасини ажратмайди ва ҳеч қачон икки зид нарсани бирлаштирмайди... " деди. "Зодул маъод"дан.

🔖Гарчи бу автомашина инсон томонидан ясалган нарса бўлса ҳам, ясовчи ва унинг ясалган нарсаси ҳаммаси Аллоҳ таолонинг махлуқларидир.
Худди ҳайвон (уй ҳайвони) Аллоҳ уни яратган нарсага кўниктирилган, бўйсундирилганидек, машиналар ва уларга ўхшаш одамлар минадиган жонсиз нарсалар ҳам Аллоҳ уларни яратган нарсага бўйсундирилган, кўниктирилган нарсалардир.
Яъни, Гарчи машина инсон томонидан ясалган бўлса ҳам, унинг ҳаракати ва тақдири Аллоҳнинг иродаси ва тақдирига боғлиқлиги бу дуони айтишга асос бўлади.
Шунинг учун, уламоларнинг кўпчилиги янги машина сотиб олганда улов (ҳайвон) сотиб олингандаги дуони айтишга рухсат берадилар ва буни мустаҳаб амал деб ҳисоблайдилар.

@arabicuz

iOS | Android
Instagram | Facebook | Twitter | Tiktok | Youtube

Ўрин

📜Абу Ҳурайра розияллоҳу анҳудан ривоят қилинади:
«Набий соллаллоҳу алайҳи васаллам шундай дедилар:
«Ҳар бир одам жаннатга киришидан олдин шукр янада зиёда бўлиши учун агар ёмон амал қилганида тушиши мумкин бўлган дўзахдаги ўрни албатта кўрсатилади.
Ҳар бир одам дўзахга киришидан олдин ҳасрати янада зиёда бўлиши учун агар яхши амал қилганида тушиши мумкин бўлган жаннатдаги ўрни албатта кўрсатилади».

Имом Бухорий ривояти.

🟢Изоҳ: Бадриддин Айний "Умдатул Қорий"да: "Бу ҳадисдаги ҳикмат шундаки, жаннат аҳлининг шукрини зиёда қилишдир, токи уларга етган неъматнинг улуғлигини билсинлар ва улар ундан қандай қутулиб қолганларини кўрсинлар.
Дўзах аҳлига эса, уларга бу неъматни зое қилганлари учун ҳасратни тўлиқ қилишдир. Улар, агар иймон ва итоатда бўлганларида, эришишлари мумкин бўлган мақомларини кўргач, афсуслари янада кучаяди. Бу эса жазони икки баробар қилишдир: бири азоб билан, иккинчиси ҳасрат билан", деди.

@arabicuz

iOS | Android
Instagram | Facebook | Twitter | Tiktok | Youtube

لو أنفَق الإنسَان ثلثَ مالهِ على الطيِّب مَا كانَ مُسرفًا.

- الشَافعيّ.

📜Агар инсон молининг учдан бир қисмини хушбўйлик(ларни сотиб олиш)га сарфласа ҳам, исроф қилган бўлмайди.

Имом Шофеий раҳимаҳуллоҳ.

🟢Аммо шуни унутмаслик керакки, ҳар қандай сарф-харажатда исрофга йўл қўймаслик асосий шаръий қоидадир. Аллоҳ таоло айтади: "Еб-ичинг ва исроф қилманг. Чунки У исроф қилувчиларни севмас", Аъроф сураси, 31-оят.
Шу боис, уламолар хушбўйликдаги исрофни ҳам, агар у ўта ҳаддан ошиб, бошқа муҳим ҳақлардан (масалан, оила нафақасидан) қолишга олиб келса, ёки фахрланиш ниятида бўлса, ножоиз деб ҳисоблашади. Юқоридаги сўз эса, хушбўйликнинг аҳамияти ва унга маблағ сарфлашга арзишини кўрсатиш маъносидадир.

@arabicuz

iOS | Android
Instagram | Facebook | Twitter | Tiktok | Youtube

Иймон

📜Улуғ тобеинларлардан бири Салама ибн Динор Абу Ҳозим:
"Икки нарса борки, агар уларни бажарсанг, сенга дунё ва охират яхшиликлари сенга етади:
1. Сен (учун бир амал нафсинг)га ёқмасада, агар Аллоҳ (ўша ишни) яхши кўрса, уни бажар;
2. Сен (бир амални нафсинг билан) яхши кўрсангда, агар Аллоҳ (ўша ишни) ёмон кўрса, тарк эт", деди.

"Ал-маърифа ват тарих" асаридан.

🟢Изоҳ: Нафсга ёқмайдиган амаллар: Кўпинча тоат-ибодатлар, намоз, рўза, садақа ва бошқа масъулиятли вақт талаб қиладиган ёки жисмоний енгил бўлмаган ишлар нафсга оғир келади. Мўмин кишининг иродаси нафсий истаклардан устун бўлиши керак.
Нафсга ёқадиган, аммо Аллоҳ ёмон кўрадиган амаллар: Булар кўпинча шаҳватга тегишли, кўзни тиймаслик, ғийбат, зулм, ҳаромдан мол топиш, вақтни, умрни беҳудага совуриш ва бошқа кўплаб жамиятда кенг тарқалган гуноҳлар бўлиши мумкин.
Абу Ҳозимнинг бу насиҳати "Аллоҳнинг розилигини нафснинг роҳатидан устун қўйиш" деган маънони англатади. Кимки шу икки қоидага риоя қилса, нафақат дунёда қалб таскинлиги, барака ва ҳидоятга эришади, балки охиратда ҳам Аллоҳнинг ажри ва мукофотига сазовор бўлади. Бу, аслида, солиҳ мўминнинг ҳаёт дастуридир.

@arabicuz

iOS | Android
Instagram | Facebook | Twitter | Tiktok | Youtube

Илтижо

📜Набий соллаллоҳу алайҳи васалламнинг (маъноларни) жамловчи дуоларидан

«-Аллоҳумма инний ас‘алука минал хойри куллиҳи ъаажилиҳи ва аажилиҳ, маа ъалимту минҳу вамаа лам аълам.
-Ва аъуузу бика минаш шарри куллиҳи ъаажилиҳи ва аажилиҳ, маа ъалимту минҳу вамаа лам аълам.

-Аллоҳумма инний ас‘алука мин хойри маа са‘алака ъабдука ва Набийука, соллаллоҳу алайҳи васаллам,
-Ва аъуузу бика мин шарри ма ъааза биҳи ъабдука ва Набийука, соллаллоҳу алайҳи васаллам.

-Аллоҳумма инний ас‘алукал жанната вамаа қорроба илайҳа мин қовлин ав ъамал,
-Ва аъуузу бика минан нари вамаа қорроба илайҳа мин қовлин ав ъамал.

-Ва ас‘алука ан тажъала кулла қозооин қозайтаҳу лий хойрон».

🟢Маъноси: “Аллоҳим, Сендан яхшиликларнинг барчасини – бу дунёдагиси-ю охиратдагисини, билганим-у билмаганимни сўрайман.
-Ва Сенинг номинг ила ёмонликларнинг барчасидан – бу дунёдагиси-ю охиратдагисидан, билганим-у билмаганимдан паноҳ тилайман.

-Аллоҳим, банданг ва расулинг Муҳаммад алайҳиссалом сўраганларининг яхшисини Сендан сўрайман.
-Бвнданг ва расулинг Муҳаммад алайҳиссалом паноҳ тилаганларининг ёмонидан Сенинг номинг ила паноҳ тилайман.

-Аллоҳим, Сендан жаннатни ҳамда унга яқинлаштирувчи сўз ёки амални сўрайман.
-Ва Сенинг номинг ила дўзахдан ва унга яқинлаштирувчи сўз ёки амалдан паноҳ тилайман.

-Ва мен учун тақдир қилган барча ишингни мен учун хайрли қилишингни сўрайман.

📝Имом Аҳмад «Муснад»ида ривоят қилган.

@arabicuz

iOS | Android
Instagram | Facebook | Twitter | Tiktok | Youtube