🇰🇿Елена Рыбакина 🇺🇸АҚШ-та әлемнің бірінші ракеткасын тізе бүктірді

Елена Рыбакина Цинциннатиде өткен 🧍‍♀️WTA 1000 турнирінің ширек финалында 🇧🇾Арина Соболенконы 6:1, 6:4 есебімен ұтты.

Ойын барысында Рыбакина 11 эйс жасап, бір ғана қос қате жіберді және бес брейк-пойнттың үшеуін жүзеге асырды. Бұл Рыбакинаның мансабындағы WTA 1000 деңгейіндегі 11-ші жартылай финалы.

Финалдық жолдама үшін Елена 1/4 финалда ресейлік Анна Калинскаяны жеңген польшалық 🇵🇱Ига Швёнтекпен кездеседі. Матч жексенбіге жоспарланған.

📱https://www.tg-me.com/atamekenbusiness_sport

17 тамыз күні Швецияның Мальмё қаласында «Europe Smash – Sweden» турнирінің негізгі кезеңі басталады. Жарысқа 🏓үстел теннисінің әлемдік жұлдыздары қатысады.

Атап айтқанда, әлемнің бірінші ракеткасы Линь Шидун (Қытай), Уго Кальдерано (Бразилия), Томокази Харимото (Жапония), бесінші ракетка Лян Цзинкунь (Қытай), Трулс Морегард (Швеция), Дарко Йоргич (Словения), Сян Пэн (Қытай), Бенедикт Дуда (Германия), сондай-ақ Қытай Тайбэйінің үздігі, әлемдік рейтингте 11-орында тұрған Лин Юн-Джун және басқа да мықтылар сынға түседі.

🇰🇿Қазақстан намысын әлемдік рейтингте 80-орында тұрған Кирилл Герасименко қорғайды.

Турнирдің жүлде қоры 1 550 000 АҚШ долларын құрайды.

📱https://www.tg-me.com/atamekenbusiness_sport

Сенсация. ❄️«Қайрат» 💚«Елімайдан» жеңіліп қалды

Алматыда өткен Қазақстан Премьер-Лигасының 21-тур ойынында жергілікті «Қайрат» пен семейлік «Елімай» жанкүйерлерге нағыз тартысты матч сыйлады.

Алғашқы таймда алаң иелері ойын тізгінін өз қолына алып, есепті жылдам ашты. 15-минутта Максим Ковальдың қателігін ұтымды пайдаланған Эдмилсон бұрыштан келген допты баспен торға бағыттады. 37-минутта сол Эдмилсон дубль авторы атанып, есепті 2:0-ге жеткізді.

Алайда үзіліске дейін «Елімай» намысты қолдан бермей, Иван Свиридов бір гол соғып, айырмашылықты қысқартты — 2:1.

Екінші кезеңде алматылықтар шабуылды күшейткенмен, Семей командасы қарымта шабуылмен жауап қатты. 62-минутта Фессу Плакка таразы басын теңестірсе, 83-минутта ол тағы да көзге түсіп, матчтағы шешуші голды соқты —🥅2:3.

Осы жеңістің арқасында «Елімай» 35 ұпай жинап, турнир кестесінде төртінші орынға көтерілді. Ал «Қайрат» 43 ұпаймен көш басында қалды.

📱https://www.tg-me.com/atamekenbusiness_sport

Бүгін 🇰🇿Қазақстанда спорт күні аталып өтуде! Бұл мереке 2004 жылы ресми күнтізбеге енгізілген. Дәстүр бойынша тамыз айының үшінші жексенбісінде тойланады. Биылғы спорт күнінде еліміз бойынша 150-ден астам іс-шара өтуде.

Мереке құтты болсын! 👏👏👏

📱https://www.tg-me.com/atamekenbusiness_sport

🥈Тарихи нәтиже!

Польшаның Висла қаласында өткен шаңғымен тұғырдан секіруден жазғы әлем кубогында қазақстандық Данил Васильев күміс жүлдегер атанды.

Ол финалда 119.3 ұпай жинап, Аустрия спортшысы Никлас Бахлингерден кейінгі 2-орынды иеленді. Үшінші орынды Болгария өкілі Владимир Зогфарски алды.

Бұл жетістік Васильевке 2026 жылғы Милан Олимпиадасының лицензиясына біртабан жақындай түсуге мүмкіндік берді. Бұған дейін ең жоғары нәтиже 2021 жылы Щучинскіде Сергей Такченконың 6-орны болған.

Жарысқа қатысқан тағы бір қазақстандық Илья Мизерных 24-сатыдан көрінді.

📱https://www.tg-me.com/atamekenbusiness_sport

Астанадағы «Сарыарқа» велотрегінде ерлер мен әйелдер арасында темптік және спринтерлік бағдарлама бойынша ҚР ұлттық чемпионаты, сондай-ақ жасөспірім ұлдар мен қыздар арасындағы Қазақстан Республикасының чемпионаты басталды✅

Ұлттық чемпионатқа 13 облыстан 75 спортшы қатысса, жасөспірімдер арасындағы ел біріншілігінде 14 облыстан шамамен 120 спортшы бақ сынауда.

Қазақстандық балуан әлем чемпионатының финалына шықты

Қазақстан еркін күрес құрамасының өкілі Едіге Қасымбек 🇧🇬Болгарияның Самоков қаласында өтіп жатқан U20 әлем чемпионатында алтын медаль үшін таласады.

Ол 125 келіге дейінгі салмақ дәрежесінде финалға жолдама алды.

Жартылай финалда қазақстандық балуан америкалық Коул Мирасоланы 11:0 есебімен айқын басымдықпен жеңді.

Шешуші белдесуде Қасымбекке ирандық Абольфазл Мохаммад Нежад қарсылас атанды.

Финалдық кездесу сағат 20:00-де басталады.

📱https://www.tg-me.com/atamekenbusiness_sport

🥊🥊Әлем чемпионатына қатысатын қазақстандық боксшылардың есімдері белгілі болды

Жер жаһанның кіл мықтылары сынға түсетін әлем чемпионатында 20 қазақстандық 🇰🇿былғары қолғап шебері ел намысын қорғайды.

👉👉👉👉https://www.inbusiness.kz/kz/news/lem-chempionatyna-atysatyn-azastandy-boksshylardy-esimderi-belgili-boldy-67323

📱https://www.tg-me.com/atamekenbusiness_sport

Едіге Қасымбек әлем чемпионы 🥇 атанды

Еркін күрестен Болгарияның Самоков қаласында өтіп жатқан U20 санатындағы әлем чемпионатының финалында Едіге Қасымбек Иран өкілі Абольфазл Мохаммад Нежадты жеңді.

Сондай-ақ 74 келі салмақ дәрежесінде сынға түскен Құл-Ғайып Досжан мен 97 кг салмақ дәрежесінде күрескен Дурсунов Самир қола медаль 🥉иегері атанды.

Тағы бір балуанымыз Камиль Кургулиев әлем чемпионатының финалына жолдама алды.

📱https://www.tg-me.com/atamekenbusiness_sport

Қазақстандық гимнасттар Бразилияда 🇧🇷өтетін әлем чемпионатына қатысады

20 тамызда Рио-де-Жанейрода көркем гимнастикадан әлем чемпионаты басталады. Жекелей жарыста бұл додаға 100-ден аса спортшы қатысады.

Басты фавориттердің қатарында Париж Олимпиадасының чемпионы, неміс қызы Дарья Варфоломеева, бес дүркін әлем чемпионы италиялық София Раффаэли, украиналық жас дарын Таисия Онофрийчук, болгариялық Стилиана Николова және өзбекстандық Тахмина Икромова бар. Сондай-ақ Кипр, Германия, Израиль, Польша және АҚШ өкілдері де жүлде үшін таласпақ.

Қазақстан намысын жекелей сайыста Айбота Ертайқызы мен Айым Мейіржанова қорғайды. Айбота Азия чемпионатында қола, командалық сында күміс, ал Мейіржанова қола медаль алған.

Топтық жаттығуларда Аида Хакімжанова бастаған құрама өнер көрсетеді. Халықаралық федерация Қазақстан командасын медальға үміткерлер қатарына қосып отыр. Топтық жаттығуларда өнер көрсететін спортшылар: Аида Хакімжанова, Айзере Кеңес, Жасмин Жүнісбаева, Кристина Чепульская, Айзере Нұрмағамбетова және Мадина Мырзабай.

Фавориттер арасында Қытай, Жапония және Польша бар. Сондай-ақ жарыс қожайындары Бразилия да өз әлеуетін дәлелдеп қойған. Турнир 24 тамызға дейін жалғасады.

📱https://www.tg-me.com/atamekenbusiness_sport

🇺🇿Өзбекстан құрамасының жартылай қорғаушысы Шохбоз Умаров енді 💙«Ордабасы» сапында өнер көрсететін болады.

26 жастағы вингер бұған дейін де шымкенттік клубта 2023 жылдың қаңтарынан 2025 жылдың ақпанына дейін ойнаған. Осы кезеңде ол «Ордабасымен» бірге 🏆Қазақстан кубогы мен чемпионатын жеңіп алды.

Ағымдағы маусымды ол «💙Тұран» сапында бастап, бес матч өткізіп, бір гол соқты. Жазғы трансфер кезінде өзбек жартылай қорғаушысы түркістандық клубтан кетті. Сондай-ақ, Умаров мансабында АГМК, «Энергетик-БГУ» және БАТЭ клубтарында ойнаған.

Айта кетейік, футболшы Өзбекстан премьер-лигасының командасына ауысуға жақын болған еді. Алайда ол Қазақстанда қалып, шымкенттік клубқа оралуды жөн көрді.

💰Қазіргі таңда оның трансферлік құны 400 мың еуро (251,8 миллион теңге) деп бағалануда.

📱https://www.tg-me.com/atamekenbusiness_sport

Еркін күрестен 🇰🇿Қазақстан құрамасының көшбасшысы 🇰🇿Ризабек Айтмұхан қыркүйекте Загребте өтетін әлем чемпионатына дайындықты бастады.

Биыл ол Азия чемпионатында күміс жүлде иеленіп, кейін Яшар Догу-2025, Ақтөбедегі Wrestling Stars League турнирлерінде жеңімпаз атанды. Бұған дейін U20, U23 және 2023 жылғы әлем чемпионатында топ жарған Ризабек енді олимпиадалық 97 келі салмақта ел намысын қорғайды.

Айта кетейік, әлем чемпионаты 13-21 қыркүйек аралығында Хорватия астанасы Загреб қаласында өтеді.

📱https://www.tg-me.com/atamekenbusiness_sport

20-тамыздан 21 тамызға қараған түні алматылық “Қайрат” Чемпиондар лигасының плей-офф кезеңінде Шотландияның “Селтик” клубымен кездеседі. Ойын Глазгода өтіп, Астана уақытымен ⏰сағат 00:00-де басталады.

Тікелей эфирді Qazsport арнасы көрсетеді. Сондай-ақ трансляцияны арнаның ресми сайтынан да тамашалауға болады.

Жауапты кездесу 26 тамызда Алматыдағы Орталық стадионда өтеді.

📱https://www.tg-me.com/atamekenbusiness_sport

Ел қоржыны күміс жүлдемен толықты

Қазақстандық Камиль Куруглиев (92 кг) Болгариядағы жастар арасындағы әлем чемпионатының финалында 🇺🇿өзбек балуаны Шерзод Поеновке 2:3 есебімен есе жіберіп, 🥈күміс жүлдегер атанды.

Қазіргі таңда Қазақстан құрамасының қоржынында бір алтын, бір күміс және үш қола медаль бар.

📱https://www.tg-me.com/atamekenbusiness_sport

Қазақстандық теннисші 🇰🇿Бейбіт Жұқаев 🇺🇸US Open турнирінің іріктеу кезеңінің жартылай финалына шықты.

Оның алғашқы айналымдағы қарсыласы британдық Джек Пиннингтон-Джонс болды. Қорытынды есеп – 3:6, 7:6, 7:6, қазақстандықтың пайдасына.

Бейбіттің келесі қарсыласы – 🇺🇸америкалық Закари Свайда.

📱https://www.tg-me.com/atamekenbusiness_sport

Қазақстан теннис федерациясы допинг 💊қолданған теннисшіге қатысты ресми мәлімдеме жасады

👉👉👉👉https://www.inbusiness.kz/kz/news/federaciya-doping-koldangan-tennisshige-katysty-resmi-malimdeme-zhasady

https://www.tg-me.com/atamekenbusiness_sport

Матч басталуға санаулы уақыт қалғанда❄️«Қайраттың» «Селтикке» қарсы алаңға шығатын негізгі құрамы белгілі болды.

📺Qazsport
📲 https://qazsporttv.kz/ru/
⏰23:50
🏟 «Селтик-Парк»

📲 https://www.tg-me.com/atamekenbusiness_sport

«Қайраттың» «Селтик»қақпасына соққан алғашқы голы офсайдқа байланысты есепке алынбады❌