Ливерпульдегі алғашқы жеңіс

🥊Бокстан Қазақстан ұлттық құрамасының өкілі Сағындық Тоғамбай әлем чемпионатында алғашқы айналымда Исаак Оконы (Англия) жеңді. Есеп - 3:2

👉Енді Сағындық 8 қыркүйек күні Джек Марлеймен (Ирландия) кездеседі.

❌Ал, қыздар арасында 54 келі салмақ дәрежесіндегі бірінші жекпе жекте Элина Базарова өзбекстандық Нигина Уктамоваға жол берді. Есеп - 5:0.

📱https://www.tg-me.com/atamekenbusiness_sport

Ел тарихында алғаш рет 17 жастағы қазақстандық теннисші Заңғар Нұрланұлы 🇺🇸US Open жасөспірімдер турнирінің жартылай финалына шықты.

Ширек финалда ол ресейлік Тимофей Дерепасконы 6:2, 6:4 есебімен ұтты.

Енді Заңғар финал жолдамасы үшін жасөспірімдер арасында әлемнің 1-ракеткасы Иван Ивановпен кездеседі.

📱https://www.tg-me.com/atamekenbusiness_sport

Алматының Орталық стадионы 🇪🇺УЕФА стандарттарына сәйкес келеді

30 қыркүйекте Алматының орталық стадионында Чемпиондар лигасының жалпы кезеңінің екінші турында “Қайрат” пен мадридтік “Реал” кездеседі.

Еліміздің Туризм және спорт министрі Ербол Мырзабосынов ойынды Астанаға көшіру туралы ұсыныстарға қарамастан, “Қайрат” – “Реал” матчы Алматыда өтетінін растаған еді. Осы орайда Орталық стадионда жөндеу жұмыстары жүргізілуде.

Алматыдағы Орталық стадион УЕФА талаптарына толық жауап береді: футбол алаңы, жарықтандыру жүйесі, киім ауыстыратын бөлмелер, командалар мен төрешілерге арналған аймақтар аттестациядан өтіп, халықаралық деңгейдегі матчтарды өткізуге мүмкіндік береді.

👉👉👉👉https://inbusiness.kz/kz/news/almatynyn-ortalyk-stadiony-uefa-standarttaryna-sajkes-keledi

7 қыркүйектен 8 қыркүйекке қараған түні Брюссельде Бельгия құрамасы футболдан 2026 жылғы әлем чемпионатының іріктеу кезеңі аясында Қазақстан құрамасымен кездеседі.

Бельгия – Қазақстан матчының тікелей трансляциясы Қазақстан ⏰уақытымен 23:45-те басталады.

ӘЧ-2026 іріктеуіндегі үш ойыннан кейін Бельгия жеті ұпай жинады. Қазақстан құрамасы төрт матч өткізді. Бірақ әзірге үш-ақ ұпай еншілеп отыр.

Әли Әлиевтің командасы соңғы ойында өз алаңында Уэльс құрамасына 0:1 есебімен есе жіберді.

Ал бельгиялықтар соңғы кездесуде сырт алаңда Лихтенштейнді ірі есеппен – 6:0 есебімен жеңді.

🇰🇿Ұлттық құрамаға сәттілік тілейміз✊

📱https://www.tg-me.com/atamekenbusiness_sport

Қазақстан құрамасы 2026 жылғы әлем чемпионатының іріктеу кезеңінде жеңіліс тапты.

Брюссельде Әли Әлиевтің шәкірттері Бельгия құрамасынан 0:6 есебімен ұтылды.

Есеп тек 42-минутта ашылды. Бельгия құрамасының капитаны Кевин Де Брюйне айып алаңы ішінен дәл соққы жасады. Араға екі минут салып, “Манчестер Ситидің” жартылай қорғаушысы Жереми Доку есепті еселеді.

Үзілістен кейін бельгиялықтар қысымды жалғастырды. 51-минутта Шотландияның “Рейнджерс” клубының жартылай қорғаушысы Николас Раскин көзге түссе, 60-минутта Доку дубль авторы атанып, есепті ірі айырмашылыққа жеткізді. 84-минутта Де Брюйне де дубль жасап, есепті 5:0-ге жеткізді. Алайда бельгиялықтар мұнымен тоқтамады. 87-минутта “Лилль” қорғаушысы Томас Мёнье алтыншы голды соғып, ойынды аяқтады.

Осылайша, Қазақстан құрамасы бес матчтан кейін үш ұпаймен топтағы төртінші орында қалып отыр. Ал Бельгия 10 ұпай жинап, Уэльсті қуып жетті және көшбасшылық үшін күресті жалғастыруда. Олар Солтүстік Македониядан небәрі бір ұпайға ғана қалып отыр.

J тобының турнирлік кестесі:
Солтүстік Македония — 11 ұпай (5 матч)
Бельгия — 10 ұпай (4 матч)
Уэльс — 10 ұпай (3 матч)
Қазақстан — 3 ұпай (5 матч)
Лихтенштейн — 0 ұпай (5 матч)

📱https://www.tg-me.com/atamekenbusiness_sport

🇰🇿Қазақстан 32 жылдан кейін алғаш рет садақ атудан әлем чемпионатында медаль жеңіп алды

Адель Жексенбинова, Виктория Лян және Роксана Юнусова Оңтүстік Кореяның Кванджу қаласында өткен 2025 жылғы әлем чемпионатында садақ атудан командалық жарыста 🥉қола жүлдеге ие болды.

Чемпиондықты Мексика жеңіп алды. Құрамында бес дүркін әлем чемпионатының жүлдегері Андре Бессерра бар (бұған дейін екі күміс пен екі қола алған, алғаш рет әлем чемпионы атанды).

Күміс жүлде АҚШ құрамасына бұйырды. Оның сапында екі дүркін әлем чемпионы Алексис Руис болды (2023, 2025).

Қазақстан әлем чемпионатындағы алғашқы медалін 1993 жылы иеленген. Ол уақытта Яна Туниянц классикалық садақ атудан үшінші орын алған еді.

📱https://www.tg-me.com/atamekenbusiness_sport

Қазақстан - Бельгия матчынан кейін пресс-конференция 30 секундқа созылыпты.

Әли Ханалиұлы Әлиев “мен енді бапкерлік штабтың мүшесі емеспін” депті. Қызметтен кеттім дегені шығар.

📱https://www.tg-me.com/atamekenbusiness_sport

Бүгін алты 🇰🇿қазақстандық былғары қолғап шебері Ливерпульде өтіп жатқан әлем чемпионатының ширек финалына шықты

🥊57 келіде Карина Ибрагимова 5:0 есебімен Элис Глинді жеңіп, әлем чемпионатының ширек финалына өтті.

🥊70 келіде Наталья Богданова Санамача Чокчомнан айласын асырып, ширек финалға өтті. Есеп - 5:0

Әлем чемпионатының 1/4 финалы аясындағы жекпе жек Сема Чалышканмен 9 қыркүйекке жоспарланған.

🥊Ертуған Зейнулинов (65 келі) Хуго Грауды🇫🇷 5:0 есебімен жеңді.

🥊80 келіде Гүлсая Ержан әлем чемпионатындағы алғашқы жекпе жегінде литвалық Ивета Лесинскитені жеңіп, ширек финалға жолдама алды. Есеп - 3:2. Гүлсая 10 қыркүйек күні Есета Флинтпен (Австралия) кездеседі.

🥊Төрехан Сабырхан Нидерланды өкілі Фин Роберт Боспен жұдырықтасып, 4:1 есебімен жеңіске жетті. 70 келідегі 1/4 финал 10 қыркүйекке жоспарланған.

🥊90 келіде Сағындық Тоғамбай ирландиялық Джэк Майкл Марлеймен жекпе жек өткізді. Нәтижесінде Сағындық 4:1 есебімен жеңіске жетті.

Ендігі кездесу 10 қыркүйек күні өтеді. Қарсылас Грекия-Өзбекстан текетіресінде анықталады

📱https://www.tg-me.com/atamekenbusiness_sport

Ақтөбеде өткен 2027 жылғы жастар Еуропа чемпионатының іріктеу матчында Қазақстан U-21 құрамасы Англия U-21-ден 0:2 есебімен ұтылды.

Қонақтар сапынан 18-минутта Нванери, 23-минутта Беллингем гол соқты.

Айта кетейік, 19 жасар Джоуб Беллингем 👑«Реал Мадридтің» жартылай қорғаушысы, атақты Джуд Беллингемнің інісі.

Қазақстан U-21 – Англия U-21 – 0:2 (0:2)
Голдар: Нванери (18), Беллингем (23)

📱https://www.tg-me.com/atamekenbusiness_sport

Ливерпульдегі әлем чемпионатының соңғы жаңалықтары👉

✅65 келіде Аида Әбікеева кореялық Сукюнг Кангтан басым түсті. Есеп - 5:0. Енді ол ширек финалда шаршы алаңға шығады.

✅60 келі🥊 Бейбарыс Жексен Үндістан боксшысы Сачин Сачинді 4:1 есебімен жеңіп, 1/4 финалға өтті. Келесі кезеңдегі қарсылас Олимпиада чемпионы Абдумалик Халоков (Өзбекстан) болмақ.

❌Сабыржан Аққалықов (75 келі) украиналық Павло Илюшаға жол берді. 3:2

✅Аса ауыр салмақта Айбек Оралбай Түркия боксшысы Муджахит Ильястан айласын асырды. Жекпе жек нәтижесі - 5:0. 10 қыркүйек күні Айбек ширек финал аясында Лука Пратлджачичпен (Хорватия) кездеседі.

Бүгін Әлем чемпионатында шаршы алаңға шығатын қазақстандық былғары қолғап шеберлері:

⏰16:00
51 келі. Алуа Балқыбекова vs Гаюн Мун🇰🇷
60 келі. Виктория Графеева vs Люси Кингс-Уитли🏴󠁧󠁢󠁥󠁮󠁧󠁿
55 келі. Махмуд Сабырхан vs Башким Бажоку🇽🇰
80 келі. Нұрбек Оралбай vs Тоқтарбек Таңатхан🇨🇳

⏰22:00
48 келі. Назым Қызайбай vs Лила Зелецкий🇭🇺
50 келі. Санжар Тәшкенбай vs Хутхайха Эшиш🇯🇴
85 келі. Бекзат Нұрдәулетов vs Георгий Кушиташвили🇬🇪
70 келі. Наталья Богданова vs Сема Чалышкан🇹🇷
65 келі. Ертуған Зейнулинов vs Патрис Мугалзай🏴󠁧󠁢󠁥󠁮󠁧󠁿

🔴🟥📹Жекпе жектерді тікелей эфирде QAZSPORT арнасынан тамашалай аласыздар.

https://www.tg-me.com/atamekenbusiness_sport

🇰🇿Қазақстандық балуандар әлем чемпионатында өнер көрсетеді

🇭🇷 Хорватия астанасы Загребте 13-21 қыркүйек аралығында күрес түрлерінен әлем чемпионаты өтеді.

Бапкерлер іріктеп алған тізімге Олимпиада, әлем және Азия чемпионатында жүлде алған тәжірибелі палуандармен қатар түрлі жас санатындағы ірі жарыстарда тұғыр сатысына көтерілген жас спортшылар кірді.

Әлем чемпионатында өнер көрсететін Ұлттық құрама:

✔️Грек рим күресі:
Марлан Мұқашев (55 кг)
Айдос Сұлтанғали (60 кг)
Ержет Жарлықасын (63 кг)
Дін-Мұхамед Қошқар (67 кг)
Мерей Мәулетқанов (72 кг)
Демеу Жадыраев (77 кг)
Альмир Төлебаев (82 кг)
Ислам Евлоев (87 кг)
Рахат Бержанов (97 кг)
Әлімхан Сыздықов (130 кг)

✔️Әйелдер күресі:
Светлана Анкичева (50 кг)
Зейнеп Баянова (53 кг)
Зульфия Яхьярова (55 кг)
Лаура Алмағанбетова (57 кг)
Виктория Хусаинова (59 кг)
Тыныс Дүбек (62 кг)
Бейбіт Сейдуалы (68 кг)
Жәмилә Бақбергенова (72 кг)
Эльмира Сыздықова (76 кг)

✔️Еркін күрес:
Әділет Әлмұхамедов (57 кг)
Асылжан Есенгелді (61 кг)
Начын Куулар (65 кг)
Нұрқожа Қайпанов (70 кг)
Әлібек Әбдіқасым (74 кг)
Болат Сақаев (79 кг)
Азамат Дәулетбеков (86 кг)
Камил Куруглиев (92 кг)
Ризабек Айтмұхан (97 кг)
Әлішер Ерғали (125 кг)

Бүгін, 9 қыркүйекте Астанада Құрлықтық хоккей лигасының (ҚХЛ) тұрақты чемпионаты аясында «Барыс» хабаровскінің «Амурын» қабылдайды.

🏒«Барыс» – «Амур» матчы Қазақстан уақытымен ⏰19:00-де басталады.

Естеріңізге сала кетейік, астаналық клуб жаңа ҚХЛ маусымын сенсациялық жеңіспен бастап, өз айдынында челябілік «Тракторды» овертаймда 4:3 есебімен ұтты.

Бүгінгі матчта елордалық командаға сәттілік тілейміз!

🛫https://www.tg-me.com/atamekenbusiness_sport

⚽️ФИФА Өзбекстанда кеңсесін ашпақ

🇺🇿Өзбекстан президенті Шавкат Мирзиёев пен ФИФА басшысы Джанни Инфантино Орталық Азиядағы алғашқы аймақтық кеңсені Өзбекстан астанасы Ташкентте ашуға 🤝 уағдаласты.

Халықаралық аренада Орта Азия футболына жаңа мүмкіндік ашылды!

✍️https://www.tg-me.com/atamekenbusiness_sport

Алуа Балқыбекова әлем чемпионатының ширек финалына шықты

Бүгін 51 келіде Алуа Балқыбекова әлем чемпионатындағы алғашқы жекпе жегін өткізіп, кореялық Гаюн Муннан 5:0 есебімен басым түсті.

Келесі кездесу 10 қыркүйекке жоспарланған. Қарсылас кейінірек анықталады.

✍️https://www.tg-me.com/atamekenbusiness_sport