🔠🔠🔠🔠🔠🔠🔠🔠
🔠🔠🔠🔠

Александр Бублик Hangzhou Open турнирінің ширек финалына шықты

Қазақстандық теннисші Александр Бублик Қытайдың Ханчжоу қаласында өтіп жатқан ATP-250 турнирінің ширек финалына шықты.

Екінші айналымда Бублик аустралиялық Александр Вукичті (ATP-де 93-орын) үш сетте жеңді. Қорытынды есеп - 6:7 (6:8), 6:4, 6:4.

Матч 2 сағат 15 минутқа созылды. Осы уақыт ішінде қазақстандық ойыншы 24 эйс жасап, бес рет қос қате жіберді және 10 брейк-пойнттің екеуін пайдаланды. Қарсыласы 14 эйс жасап, үш рет қос қате жіберді және бірде-бір брейк-пойнт жасай алмады.

Бүгін, 21 қыркүйек ширек финалда Бублик Чехиядан келген Далибор Сврчина мен Қытайлық Чжан Чжичжэнь арасындағы матчтың жеңімпазы Сврчинамен кездеседі. Матч Ханчжоудағы орталық кортта Қазақстан уақытымен 16:30-да басталады.

✍️https://www.tg-me.com/atamekenbusiness_sport

Данил Мусабаев пен Никита Тумаков батуттық гимнастикадан синхронды секіруде Әлем кубогы кезеңінің жеңімпаздары 🥇 атанды

Қазақстандық гимнасттар 52.20 ұпай жинады. Екінші орын Германия спортшыларына бұйырды (52.05), ал үшінші орынға Ұлыбритания командасы тұрақтады (51.53).

Айта кетейік, Әлем кубогы кезеңі бүгін Германияның Коттбус қаласында басталды.

Ертең ұлттық құрама спортшылары жекелей секіру бағдарламасында бақ сынайды.

📱https://www.tg-me.com/atamekenbusiness_sport

🏒"Барыс" қонақтағы екінші матчта жеңіліс тапты

"Барыс" жаңа маусымдағы алғашқы түздегі сериясын Череповец қаласында жалғастырды. Батырлан Мұратов пен жарақат алған Әлихан Әсетовтің орнына ойынға Руслан Оспанов пен Максим Мұхаметoв шықты.

Кездесу "Северстальдің" басымдығымен басталды. Айдын иелерінің көшбасшысы Кирилл Пилипенко оң жақ шеңберден дәл соққы жасап, есеп ашты. Бұған "Барыс" жылдам қарымта шабуылдармен жауап қатты. Майсон Морелли мен Владимир Волков қақпаны дәл көздеп, екеуі де ҚХЛ-дағы алғашқы голдарын соқты. Екі шайбаның арасы небәрі 20 секунд болды.

Екінші кезеңде ойынның бағыты өзгерді. Череповец ойыншылары бір минутқа жетпей-ақ Шутов қорғаған қақпаны екі рет дәл көздеді. Бұл жолы да Пилипенко мен Никита Камалов көзге түсті. Дәл осы серпіліс матчтың шешуші сәтіне айналды.

Үшінші кезеңде астаналықтар бірнеше жақсы мүмкіндікті пайдалана алмады. Ал "Северсталь" есепті сақтап, ойын соңына дейін сенімді ойнады. Қорытынды есеп 3:2. Осылайша ресейлік команда жеңіс тойын тойлады.

📊Северсталь (Череповец) – Барыс (Астана) 3:2 (1:2, 2:0, 0:0)
1:0 – Пилипенко (Ильин, Буренов) – 05:47
1:1 – Морелли (Веккьоне, Ғалымов) – 12:37
1:2 – Волков (Оспанов, Масси) – 12:57
2:2 – Пилипенко (Цицюра) – 34:21
3:2 – Камалов (Пилипенко, Ильин) – 34:58
🥅Қақпашылар: Скотников – Шутов

Бүгін, 22 қыркүйек күні Михаил Кравецтің шәкірттері Минскіде "Динамомен" кездеседі.

📱https://www.tg-me.com/atamekenbusiness_sport

«Астана» командасының 🚴‍♂️велошабандозы Кристиан Скарони маусымдағы бесінші жеңісіне қол жеткізіп, 🇮🇹Италиядағы біркүндік «Джиро делла Романья» жарысында 🏆топ жарды.

📱https://www.tg-me.com/atamekenbusiness_sport

🎾Әлемдік рейтингте 19-орында тұрған Александр Бублик 21 қыркүйек күні 🇨🇳Қытайдың Ханчжоу қаласында өтіп жатқан ATP-250 турнирінің жартылай финалына шықты

1/4 финалда Бублик Чехия спортшысы Далибор Сврчинаны 6:1, 6:1 есебімен жеңді. Кездесу небәрі 53 минутқа созылды.

Осы уақыт ішінде қазақстандық теннисші алты эйс орындап, бір қос қате жіберді және он екі брейк-пойнттың бесеуін сәтті іске асырды. Ал қарсыласы бірде-бір эйс жасай алмай, бір қос қате жіберді және жалғыз брейк-пойнтын да пайдалана алмады.

➡️Жартылай финалда Бублик сенсация жасап, ресейлік Даниил Медведевті жарыс жолынан тайдырған қытайлық У Ибинмен кездеседі – 5:7, 7:6 (7:5), 6:4.

⏰Жартылай финалдық матч бүгін, 22 қыркүйек Қазақстан уақытымен 16.30-да Ханчжоудағы орталық кортта басталады.

🇷🇺Сондай-ақ тағы бір қазақстандық теннисші Александр Шевченко Чэнду турнирінің жартылай финалына жолдама алды. Ол жапониялық Таро Даниэльді 7:6, 3:6, 6:2 есебімен жеңді. Келесі қарсыласы – әлемнің 9-ракеткасы Лоренцо Музетти.

📱https://www.tg-me.com/atamekenbusiness_sport

Жеңіл атлеттеріміз әлем чемпионатын жүлдесіз аяқтады

🇯🇵Жапония астанасы Токио қаласында жеңіл атлетикадан әлем чемпионаты аяқталды. Бұл додада 🇰🇿Қазақстан құрамасынан бес спортшы өнер көрсетті.
Өкінішке қарай, олар жүлделі орындарға қол жеткізе алмады.

Нора Джеруто 3000 метрге тосқауылдар арқылы жүгіруде мәреге 6-болып келді. Ал Дейзи Джепкемей осы қашықтықта 27- нәтиже және 10 000 метрге жүгіруде 16-нәтиже көрсетті.

Полина Репина 35 шақырымдық спорттық жүрісте 35-орынға табан тіреді. Ал Галина Якушева бұл жарысты аяқтай алмады. Ясмина Тоқсанбаева 20 шақырымдық спорттық жүрісте 23-орыннан көрінді.

Айта кетейік, әлем чемпионаты 13-21 қыркүйек аралығында Токиода өтті. Жаһандық жарыста
200 елден келген 2000-нан аса спортшы сынға түсті.

https://www.tg-me.com/atamekenbusiness_sport

🇰🇿Геннадий Головкин World Boxing ұйымын басқаруы мүмкін

World Boxing ұйымында үлкен өзгерістер күтілуде. Президент Борис ван дер Ворст қызметінен кететінін мәлімдеді. Бұл қадамнан кейін халықаралық спорт баспасөзі жаңа басшы кім болатынын қызу талқылауда.

Инсайдерлік ақпараттарға сүйенсек, World Boxing ұйымына президенттікке басты фаворит – Олимпиадалық комиссия төрағасы Геннадий Головкин. Жаңа президентті сайлау қарашада өтетін Конгресте болады. Әзірге ресми кандидаттар тізімі жарияланбады. Ол регламент бойынша кейін анықталады.

Геннадий Головкин Олимпиадалық комиссия төрағасы ретінде қазірдің өзінде федерация ішінде ықпалды тұлға саналады. Егер сайланса, тұңғыш рет қазақстандық спортшы халықаралық бокс федерациясын басқаратын болады.

📱https://www.tg-me.com/atamekenbusiness_sport

🇰🇿Дастан Сәтпаев 11-ші голын соқты

“Қайраттың” шабуылшысы Дастан Сәтпаев елордалық “Жеңіспен” өтіп жатқан ойында дубль жасап, ҚПЛ-дағы (2025ж) голдар санын 11-ге жеткізді.

Осы нәтижеден кейін ол “Астана” ойыншысы, хорватиялық Марин Томасовты қуып жетіп, бомбардирлер тізімінде көш басына шықты.

📱https://www.tg-me.com/atamekenbusiness_sport

🇰🇿Александр Бублик финалда

Ханчжоудағы (Қытай) ATP-250 санатындағы турнирдің жартылай финалында Бублик қытайлық У Ибинді 6:3, 6:3 есебімен жеңді.

Бұл Александр үшін мансабындағы 15-ші финал болмақ. Шешуші ойында қазақстандық теннисші француз Валентен Руаемен чемпиондық атаққа таласады. Кездесу 23 қыркүйек, 16:30 да өтеді.

https://www.tg-me.com/atamekenbusiness_sport

Мемлекет басшысы ⚽️FIFA президентін қабылдады

Қасым-Жомарт Тоқаев FIFA президенті Джанни Инфантиномен кездесті. Мемлекет басшысы балалар футболын дамытуға бағытталған FIFA Arena бағдарламасы үшін ризашылық білдіріп, Қазақстанның футболды аймақта қарқынды дамытатынына сенімді екенін айтты.

Джанни Инфантино да футболға қолдау көрсеткені үшін алғыс білдіріп, ұлттық деңгейде бірлескен жобаларды іске асыруға дайын екенін жеткізді.

https://www.tg-me.com/atamekenbusiness_sport

Маңызды матч

Бүгін, 23 қыркүйек Астанада футзалдан Еуропа чемпионатының жолдамасы үшін 🇰🇿Қазақстан мен 🇮🇹Италия құрамалары арасындағы қарымта плей-офф матчы өтеді.

📺Қазақстан – Италия кездесуінің тікелей эфирі 19:30-да басталып, «Qazsport» телеарнасынан көрсетіледі.

Естеріңізге сала кетейік, құрамалардың алғашқы ойыны 18 қыркүйекте Италияның Фазано қаласында 2:1 есебімен, алаң иелерінің жеңісімен аяқталған болатын.

Құрамамызға сәттілік тілейміз✊

📱https://www.tg-me.com/atamekenbusiness_sport