Футбол жанкүйерлері үшін көптен күткен күн. Бүгін, 23 қыркүйек, 2025/26 жылғы УЕФА Чемпиондар лигасының жалпы кезеңінің екінші турындағы матчқа билеттер 17:00-де сатылымға шығады.

Алматының ❄️ “Қайраты” мен Мадридтің👑 “Реалы” арасындағы кездесу 30 қыркүйекте Алматыдағы Орталық стадионда өтеді.

📱https://www.tg-me.com/atamekenbusiness_sport

Қазақстандық велошабандоз қыздар әлем чемпионатында өнер көрсетті

🇷🇼Руанда астанасы Кигалиде тас жолдағы  велоспорттан әлем чемпионаты – UCI Road World Championships турнирі өтіп жатыр.

Жарыс 21–28 қыркүйек аралығында ұйымдастырылып, тарихта алғаш рет Африка құрлығында өтуде. Чемпионат аясында 5 жүлде жиынтығы сарапқа салынуда: әйелдер және ерлер арасында жекелей жарыс, әйелдер және ерлер топтық жарыстары, сондай-ақ аралас эстафета.

Биылғы турнирдің басты жаңалығы – 23 жасқа дейінгі қыздар үшін жеке уақытқа бөлек жарыстың енгізілуі.

🚴‍♀️Әйелдер арасындағы элита санатындағы "жекелей жарыста" Швейцария спортшысы Марлен Ройссер 31,2 км қашықтықты 43:09,34 уақытпен еңсеріп, чемпион атанды. Күміс жүлдені Нидерланды өкілі Анна Ван Дер Брегген, қола жүлдені тағы бір нидерландылық спортшы Деми Воллеринг иеленді.

🇰🇿Қазақстан құрамасы сапында ең үздік нәтижені Фаина Потапова көрсетті. Ол 30-шы болып мәре сызығын кесті. Ақпейіл Өсім 36-орынға табан тіреді.

🚴‍♂️Ерлер арасында жекелей жарыста (Elite Men ITT) әлем чемпионы атағын бельгиялық Ремко Эвенепул жеңіп алды. Ол бұл дисциплинада қатарынан үшінші рет алтын медаль иеленіп отыр. Күміс жүлде аустралиялық Джей Вайнға бұйырса, қола жүлдені тағы бір бельгиялық Илан ван Вилдер алды. Әлем чемпионатының басиы фавориттерінің бірі Словения өкілі Тадей Погачар төртінші орынмен шектелді.

Айта кетейік, бүгін 23 қыркүйек жасөспірімдер арасында жекелей жарыстар өтуде. Қыздар 18,3 шақырымдық, ұлдар 22,6 шақырымдық сайыста сынға түсуде. Әлем чемпионаты 28 қыркүйек күні 267,5 шақырымдық топтық жарыспен аяқталады. 

📱https://www.tg-me.com/atamekenbusiness_sport

🔠🔠🔠🔠🔠🔠🔠🔠

Әлемнің 19-ракеткасы 🎩Александр Бублик Қытайдың Ханчжоу қаласында өткен АТР-250 санатындағы турнирдің 🏆жеңімпазы атанды.

Финалда қазақстандық теннисші рейтингте 88-орында тұрған француз спортшысы Валентен Руайені 7:6 (7:4), 7:6 (7:4) есебімен тізе бүктірді.
Ханчжоудағы бұл титул 28 жастағы Александр Бубликтің 2025 жылғы бесінші жеңісі болды.

Финалға шыққаны үшін Бублик 250 рейтингтік ұпай мен 💰154 980 доллар сыйақы иеленді. Енді дүйсенбі күні жаңартылатын әлемдік рейтингте ол 16-орынға көтеріліп, жеке рекордын 💪орнатады.

✍️https://www.tg-me.com/atamekenbusiness_sport

Италия ЕУРО-2026 додасына жолдама алды

Футзалдан Қазақстан құрамасы Италияға пенальти сериясында ұтылып, Еуро-2026 жолдамасынан қағылды.

Алғашқы матч Италияда өтіп, алаң иелері 2:1 есебімен жеңіске жетті. Бүгін Астанада өткен қарымта ойында қазақстандықтар 3:2 есебімен басым түсті. Ойын овертаймға ұласты, бірақ қосымша уақытта гол соғылған жоқ.

Пенальти сериясында Қазақстан төрт мүмкіндікті де мүлт жіберді. Альберт Ақбалықов, Арнольд Кнауб, Дуглас және Эдсон гол соға алмады. Ал Италия екі гол соғып, Еуро-2026-ға жолдама алды.

📱https://www.tg-me.com/atamekenbusiness_sport

19 жасар қазақстандық футболшы жол апатынан қаза тапты

«Тобыл» – «Ордабасы» арасындағы ҚПЛ ойыны бір минут үнсіздікпен басталды.
23 қыркүйек күні «Жеңіс» әйелдер клубының ойыншысы Виктория Кайсаринова жол апатынан қаза тапты.

23 қыркүйекте Виктория Павлодар – Қызылорда тас жолындағы Байет ауылынан бес шақырым жерде болған сұмдық жол апатында қаза тапты. Жасы небәрі 19-да еді.

Toyota Lucida көлігі қашықтықты сақтамаудың салдарынан Sitrak жүк көлігімен соқтығысқан. Машинада болған бес адамның барлығы өртеніп кетті.

Павлодар облыстық полиция департаменті қылмыстық іс қозғалғанын хабарлады.

Алдын ала деректер бойынша, Toyota Lucida жүргізушісі жол қозғалысы қауіпсіздігін қамтамасыз етпей, арақашықтықты сақтамай, Sitrak көлігімен соқтығысқан. Соның салдарынан Toyota автокөлігі өртеніп кеткен.

Виктория – Павлодар тумасы, «Ертіс» пен «Ақсу» балалар мектептерінің тәрбиеленушісі. Қорғаушы позициясында ойнады. Үлкен футболдағы жалғыз маусымында 17 матч өткізді, оның 14-інде негізгі құрамда алаңға шықты.

Соңғы матчын Виктория 8 қыркүйекте «Астанаға» қарсы дербида өткізді. Қолы ауыр жарақат алғандықтан, 30-минутта алаңнан алмастырылды. Келесі ойында «Жеңіс» футболшы қыздары алаңға Викторияның жейдесімен шығып, қолдау білдірді.

📱https://www.tg-me.com/atamekenbusiness_sport

🏊‍♂️Қазақстандық параспортшы әлем чемпионатының 🥈күміс жүлдегері атанды

Нұрдаулет Жұмағали Сингапурда өтіп жатқан пара жүзуден әлем чемпионатында күміс жүлдегер атанды. Ол SB12 санатында 100 метр қашықтыққа брасс әдісімен жүзіп, 1:06.64 нәтижесін көрсетті. Бұл көрсеткіш оған екінші орын алуға мүмкіндік берді. Жеңімпаз ресейлік Тимофей Гук – 1:06.51, ал үшінші орын украиналық Алексей Фединаға бұйырды – 1:06.99.

Паражүзуден әлем чемпионаты 2025 жылғы 21–27 қыркүйек аралығында Сингапурдағы OCBC Aquatic Centre спорт кешенінде өтуде. Бұл – Азияда алғаш рет ұйымдастырылып отырған әлем чемпионаты. Жарысқа 75 елден 600-ге жуық спортшы қатысуда.

Нұрдаулет Жұмағали Токио-2020 Паралимпиадасының қола жүлдегері (100 метр брасс, SB13). Сонымен қатар, ол әлем чемпионаттарында екі рет күміс медаль иегері атанған: 2022 жылы Мадейрада және 2023 жылы Манчестерде. Осылайша, Сингапурдағы жүлде Нұрдаулет үшін әлем чемпионаттарындағы үшінші күміс медаль болды.

📱https://www.tg-me.com/atamekenbusiness_sport

Бүгін, 26 қыркүйек Венгрияның Сомбатхей қаласында спорттық гимнастикадан Challenge кубогының кезеңі басталады.
Жарыс Savaria Arena спорт кешенінде ұйымдастырылады.

Бұл турнир Халықаралық гимнастика федерациясының күнтізбесіне енгізілген беделді кезеңдердің бірі болып саналады.

Халықаралық гимнастика федерациясы жарысқа қатысатын командалардың алдын ала құрамын жариялады.

Бұл турнирде еліміздің намысын төрт спортшы - Милад Карими, Дмитрий Патанин, Роман Мастеров, Диас Тойшыбек қорғайды.

Айта кетейік, турнир 28 қыркүйекке дейін жалғасады.

📱https://www.tg-me.com/atamekenbusiness_sport

Әмір Омарханов Тунистегі турнирдің ширек финалына шықты

17 жасар қазақстандық теннисші таяуда ғана кәсіпқой теннисшілер қауымдастығына (ATP) қосылып, әлемдік рейтингте 1241-орынға жайғасты.

Қазақстандық теннисші Әмір Омарханов Монастирде өтіп жатқан ITF M15 сериялы турнирінде сәтті өнер көрсетуде. Екінші айналымдағы матчта ол тунистік спортшы Азиз Оуаканы жеңді.

Алғашқы сет 6:3 есебімен қазақстандықтың пайдасына шешілді. Екінші партияда Омарханов 3:0 есебімен алға шыққан сәтте қарсыласы кездесуді жалғастырудан бас тартты. Осылайша біздің спортшы жарыстың ширек финалына жолдама алды.

17 жастағы қазақстандық теннисшінің келесі қарсыласы германиялық Лука Виденманн. Ширек финалдық матч бүгін 26 қыркүйек күні өтеді.

Әмір Омарханов еліміздің болашағынан зор үміт күттіретін теннисшілерінің бірі саналады. Ол бұған дейін жасөспірімдер мен ересектер арасындағы ITF турнирлерінде жеңіске жетіп, кәсіби жарыстарда тәжірибе жинақтап келеді.

✍️https://www.tg-me.com/atamekenbusiness_sport

Бейжіңде 🏓үстел теннисінен жүлде қоры 💰2 млн долларлық халықаралық «China Smash 2025» турнирі өтіп жатыр.

Іріктеудің алғашқы айналымында қазақстандық Кирилл Герасименко Мальта өкілі Амирреза Аббасиді жеңді.

Ол 27 қыркүйекте Бременнің «Вердер» клубындағы әріптесі, жұптық сайыста әлем чемпионы, швед Маттиас Фалькпен кездеседі.

✍️https://www.tg-me.com/atamekenbusiness_sport

Қытайдың Циндао қаласында 🥋дзюдодан Гран-при сериясының турнирі басталды

Жарыстың алғашқы күнінде Қазақстан құрамасын төрт спортшы өнер көрсетті. Өкінішке қарай олардың ешқайсысы финалдық кезеңге шыға алмады. ❌

Қазақстандық дзюдошылардан Дәурен Сүйкенов, Алдияр Қарғұлов (60 келіге дейін), Нұрмұхамбет Ботабай, Ердәулет Босжа (66 келіге дейін) өнер көрсетті.

🇰🇿Енді тағы төрт спортшымыз татамиге шығады:

73 кг Қуан Барыс, Береке Рахматуллаұлы

81 кг Әділет Алмат, Айғали Қалдыбек

✍️https://www.tg-me.com/atamekenbusiness_sport

Ксения Балабаева жылдам шахматтан U20 жастар арасындағы (рапид) әлем чемпионы🏆атанды

Лимада жастар арасындағы 2025 жылғы рапид бойынша әлем чемпионаты мәресіне жетті. 19 жастағы алматылық Ксения Балабаева 9 турдан 7 ұпай жинап, 1-орын иеленді.

✍️https://www.tg-me.com/atamekenbusiness_sport

Туризм және спорт министрінің орынбасары Серік Жарасбаев шахматтан халықаралық гроссмейстер Динара Сәдуақасоваға «Қазақстан Республикасының еңбек сіңірген спорт шебері» 🎖атағын табыс етті.

Бұл атақ оған 2022 жылы Алматыда өткен әлем чемпионатындағы жоғары нәтижесі үшін берілді.

Динара Сәдуақасова – әйелдер арасында халықаралық гроссмейстер, Азия чемпионатының күміс жүлдегері, Азия ойындарының жеңімпазы, 2022 жылғы әлем чемпионатының күміс және 2023 жылғы Азия ойындарының қола жүлдегері.

📱https://www.tg-me.com/atamekenbusiness_sport

18 жасар қазақстандық футболшы испаниялық командамен ✍️келісім-шартқа отырды

Тағы бір жас талантымыз Еуропаға аттанды.

🇰🇿Қазақстандық шабуылшы Рауль Аллахвердиев Испанияның «Райо Вальекано B» клубымен келісімшартқа қол қойды.

Бұл команда Ла Лигада ойнайтын аттас клубтың қосалқы құрамы. Келісім-шарттың толық мәліметтері әзірге жарияланған жоқ.

Аллахвердиев қазақстандық футболда өзін көрсетіп үлгерген. Бұған дейін ол «Жеңіс» пен «Оқжетпес» сапында ойнап, жалпы 56 матчқа қатысып, 7 гол соғып, 3 нәтижелі пас берген.

2025 жылдың басында Аллахвердиев Бельгияның «Гент» клубында қаралымға барған. Бірақ келісім жүзеге аспады. Енді ол Испания клубының жүйесінде өзін көрсетуге мүмкіндік алды. Бұл команда жас таланттарға сенім артып, ойыншыларды Испания чемпионатында ойнайтын негізгі құрамға жиі шығарады.

Аллахвердиев үшін «Райо Вальекано B» клубына ауысу мансабындағы шешуші кезең болуы мүмкін. Егер ол жаңа ортаға сәтті бейімделсе, болашақта Ла Лигада дебют жасап, мадридтік клубтың негізгі құрамында тұрақтап қалу мүмкіндігіне ие болады.

📱https://www.tg-me.com/atamekenbusiness_sport

🏓Үстел теннисінен Пекинде өтіп жатқан халықаралық «China Smash 2025» турнирінде қазақстандық Кирилл Герасименко ірі жеңіске жетті.

Ол әлем чемпионатының күміс жүлдегері, швед Маттиас Фалькті тартысты бәсекеде 3:2 есебімен тізе бүктіріп, іріктеу кезеңінің үшінші айналымына жолдама алды.

👉Енді Герасименконың келесі қарсыласы – командалық жарыстан Әлем кубогының қола жүлдегері Томас Джарвисон.

Айта кетейік, жарыстың жүлде қоры 2 млн доллардан астам.

https://www.tg-me.com/atamekenbusiness_sport