ሰላሌ ዩኒቨርሲቲ ጥናትና ምርምሮችን በማድረግ አፈርን የሚያክምና ከፍተኛ ምርት መስጠት የሚችል የተፈጥሮ ማዳበሪያ እየመረትኩ ነው አለ።

ዩኒቨርሲቲው የአየር ንብረት ለውጥን መቋቋም የሚችለውንና የማምረት አቅሙ ከፍተኛ የሆነውን 'ኢሴኒያ ፈቲዳ' የተባለ ቨርም ዝርያ በመጠቀም የተፈጥሮ ማዳበሪያን በብዛት እያመረተ እንደሆነ ገልጿል፡፡

የሰላሌ ዩኒቨርሲቲ ፕሬዚዳንት ፈዬራ ዲንሳ (ዶ/ር) ለፋና ዲጂታል እንደገለጹት፥ ዩኒቨርሲቲው ሰው ሰራሽ ማዳበሪያን ለመተካት የተፈጥሮ ማዳበሪያ በማዘጋጀት ላይ ትኩረት አድርጎ እየሰራ ይገኛል፡፡

የተፈጥሮ ማዳበሪያ ምርቱን ወደ ሕብረተሰቡ ለማዳረስ ከአርሶ አደሩና ከሚመለከታቸው አካላት ጋር በቅንጅት እየተሰራ ነው ብለዋል።

በዩኒቨርሲቲው የተፈጥሮ ሀብትና አካባቢ ጥበቃ ትምህርት ክፍል ተመራማሪና መምህር ታደሰ ግርማ በበኩላቸው÷ በጥናትና ምርምሮች በመታገዝ የተመረተው የተፈጥሮ ማዳበሪያ ለማህበረሰብ አገልግሎት እየቀረበ መሆኑን ተናግረዋል፡፡

ተመራማሪው እንደገለጹት፥ በዚህ መልክ የሚዘጋጀው ማዳበሪያ ከፍተኛ ምርት የሚሰጥ ብቻ ሳይሆን በአፈር ውስጥ ለረዥም ጊዜ ሊቆይ የምችል ነው።

በማዕከሉ የምርምር ስራዎችን በማከናወን፣ በማምረትና በማስተማር ለማህበረሰብ አገልግሎት እያዋልን እንገኛለን ነው ያሉት፡፡

በኦሮሚያ ክልል ሰሜን ሸዋ ዞን የሚገኙ አርሶ አደሮችም በማዕከሉ ሰልጥነው የተፈጥሮ ማዳበሪያውን በራሳቸው ማዘጋጀት መጀመራቸውን ተናግረዋል።

ውጤቱም እያደር የሚታይ እንጂ የሚቋረጥ አለመሆኑን የገለጹት አርሶ አደሮቹ÷ የተፈጥሮ ማዳበሪያው ከሰው ሰራሽ ማዳበሪያ የበለጠ ምርታማ እንደሆነ አይተናል ብለዋል።

ለጥቆማ 👉 @atc_newsbot
➡️ https://www.tg-me.com/atc_news

የ12ኛ ክፍል ፈተናን በበይነ መረብ ለሚወስዱ ተማሪዎች  የሙከራ ፈተና ተሰጠ

የዘንድሮው ዓመት የ12ኛ ክፍል ብሔራዊ ፈተና ከሰኔ 23 እስከ ሐምሌ 8 ቀን 2017 ዓ.ም በሃገር አቀፍ ደረጃ እንደሚሰጥ ይታወቃል ፡፡ ከዚህ ጋር ተያይዞ አዲስ አበባ ሳይንስና ቴክኖሎጂ ዩኒቨርሲቲ ፈተናው  በበይነ መረብ እና በተለመደው የወረቀት ፈተና ለመስጠት ዝግጅቱን አጠናቋል፡፡ በመሆኑም ፈተናቸውን በበይነ መረብ ለሚወስዱ ተማሪዎች የሙከራ ፈተና ሰኔ 17/2017 ዓ.ም እየተሰጠ ይገኛል፡፡

ይህም ተፈታኞች በበይነ መረብ መፈተንን እንዲለማመዱ እና  ምንም አይነት ችግር ሳይገጥማቸው ፈተናቸውን በተሳካ ሁኔታ ለመውሰድ የሚያችላቸውን ቅድመ ዝግጅት እንዲያደርጉ ታሳቢ ያደረገ ነው፡፡
ከዚህ በተጨማሪ ዩኒቨርሲቲው በበይነ መረብ የመፈተን አቅም ዝግጅት የሚገመገምበት መሆኑ ተገልጿል፡፡


ለጥቆማ 👉 @atc_newsbot
➡️ https://www.tg-me.com/atc_news

ከ15 ከፍተኛ የትምህርት ተቋማት 40.1 ሚሊዮን ብር አለመሰብሰቡ ተገለጸ

የፌዴራል ዋና ኦዲተር መስሪያ ቤት የ2016 የበጀት ዓመት የፋይናንስ ህጋዊነት እና የክዋኔ ኦዲት ሪፖርት በትላንትናው እለት ለህዝብ ተወካዮች ምክር ቤት አቅርቧል፡፡

በትምህርት እና ስልጠና ወቅት መሥሪያ ቤቱ ያወጣውን ወጪ በወቅቱ የገበያ ዋጋ ለሥልጠና የላኳቸው ባለሙያዎች በገቡት ውል መሰረት ግዴታቸውን መወጣታቸውን ለማረጋገጥ ኦዲት ሲደረግ 15 ዩኒቨርሲቲዎች እና 109 መምህራን የውል ግዴታቸው ሳይወጡ ዩኒቨርሲቲውን መልቃቸውን የፌዴራል ዋና ኦዲተር መሠረት ዳምጤ ተናግረዋል፡፡

በውላቸው መሰረት ተመላሽ ካላደረጉ ተቋማት ውስጥ አርባምንጭ  7.1 ሚሊዮን ብር፤ መቀሌ  6.2 ሚሊዮን ብር ፤ አክሱም 5.5 ሚሊዮን ብር፤ ጂንካ 4.1 ሚሊዮን ብር እና ጅማ ዩንቨርስቲ 3.2 ሚሊዮን ብር ከፍተኛው ድርሻ የያዙ መሆናቸውን ገልፀዋል፡፡

ከዩንቨርስቲዎቹ ብቻ በድምሩ 40.1 ሚሊዮን ብር ለመንግስት ገቢ እንዳልተደረገ ዋና ኦዲተሯ ጠቁመዋል፡፡

ሲቪል ሰርቪስ ኮሚሽን ሳይፈቀድ የኮንትራት ቅጥር ከፈጸሙት ተቋማት ውስጥ፤ የቅዱስ ጳውሎስ ሆስፒታል ሚሊኒየም ሕክምና ኮሌጅ፣ ሀሮማያ ዩኒቨርሲቲ እና አዲስ አበባ ዩኒቨርሲቲ ከፍተኛውን ድርሻ እንደሚይዙ ነው ወ/ሮ መሰረት የገለጹት።
   
የ12ኛ ክፍል ብሄራዊ ፈተና በፌድራል ዩኒቨርሲቲዎች እንዲሰጥ መንግሥት በወሰነው መሰረት ዩኒቨርሲቲዎች በተመደበላቸው በጀት መሰረት ክፍያ የፈፀሙ መሆኑን ለማረጋገጥ ኦዲት ሲደረግ የጋንቤላ ዩንቨርስቲ፤ የሃሮማያና የሚዛን ቴፒ ዩንቨርስቲ፤ በጠቅላላ  ከ15 ሚሊዮን ብር በላይ ለተፈታኞች የአልጋ እና የምግብ አገልግሎቶች ከዩንቨርስቲዎቹ መደበኛ በጀት ክፍያ የፈፀሙ መሆኑን ዋና ኦዲተሯ አስታውቀዋል፡፡


ለጥቆማ 👉 @atc_newsbot
➡️ https://www.tg-me.com/atc_news