የ12ኛ ክፍል መልቀቂያ ብሔራዊ ፈተና በዛሬው ዕለትም በመሰጠት ላይ ይገኛል።

በትላንትናው ዕለት የተጀመረውና በአዲስ አበባ ከተማ አስተዳደር በበይነ መረብ (online) የሚሰጠው የ2017 ዓ.ም የ12ኛ ክፍል መልቀቂያ ብሔራዊ ፈተና በዛሬው ዕለትም እየተሰጠ ነው፡፡

ፈተናው በከተማ አስተዳደሩ በ108 የማስፈተኛ ጣቢያዎች ሙሉ ለሙሉ በበይነ መረብ በመሰጠት ላይ ይገኛል፡፡

ሁለተኛ ቀኑን ባስቆጠረው የመጀመሪያ ዙር ፈተና ከ13ሺ በላይ ተማሪዎች ፈተናውን በበይነ መረብ በመውሰድ ላይ የሚገኙ ሲሆን የትምህርት ሚኒስትሩ ፕሮፌሰር ብርሃኑ ነጋ ፣ የአዲስ አበባ ከተማ አስተዳደር ትምህርት ቢሮ ኃላፊ ዶክተር ዘላለም ፣ የቢሮ ምክትል ቢሮ ሀላፊ አቶ ዲናኦል ጫላና አቶ ሳምሶን መለሰ በጋር በመሆን ፈተናው ከሚሰጥባቸው ጣቢያዎች መካከል በአድዋ ድል መታሰቢያ እና አብሮህት ቤተ መጻሕፍት ተገኝተው የሁለተኛዉን ቀን ፈተና በማስጀመር ተማሪዎችን አበረታተዋል ሲል ትምህርት ሚኒስትር አስታውቋ።


ለጥቆማ 👉 @atc_newsbot
➡️ https://www.tg-me.com/atc_news

ትናንት የተሰጠውን የእንግሊዘኛ ትምህርት ፈተና ያልተፈተኑ ተማሪዎች ሌሎች ትምህርት ፈተናዎችን ከወሰዱ በኋላ ይፈተናሉ። - የትምህርት ምዘናና ፈተናዎች አገልግሎት

ትናንት በተሰጠው የመጀመሪያ ቀን ፈተናዎች ላይ የተወሰነ የኃይል እና የሲስተም መቆራረጥ አጋጥሞ እንደነበር የትምህርት ምዘናና ፈተናዎች አገልግሎት ዋና ዳይሬክተር እሸቱ ከበደ (ዶ/ር) ለኢቢሲ ተናግረዋል።

ከሚመለከታቸው አካላት ጋር በመሆን ችግሩን በፍጥነት በመፍታት ፈተናውን ማስቀጠል እንደተቻለ ዋና ዳይሬክተሩ ገልፀዋል።

በሲስተም እና በኃይል መቆራረጥ ችግር ትናንት የተሰጠውን የእንግሊዘኛ ትምህርት ፈተና ያልተፈተኑ ተማሪዎች ሌሎች ትምህርቶችን ከተፈተኑ በኋላ ይፈተናሉ።

ቀሪ ፈተናዎች ያለምንም መቆራረጥ ለመስጠት ጥረት እንደሚደረግም ጠቁመዋል። የመልቀቂያ ፈተናው የሁለተኛ ቀን ፈተናዎች በመላ ሀገሪቱ ሲሰጡ ውለዋል።

በወረቀት እና በኦንላይን የሚሰጠው ብሔራዊ ፈተና እስከ ሐምሌ 08/2017 ዓ.ም ይቆያል።

ለጥቆማ 👉 @atc_newsbot
➡️ https://www.tg-me.com/atc_news

የኢፌዲሪ ቴክኒክና ሙያ ስልጠና ኢንስቲትዩት የሚሰጣቸውን ስልጠናዎች ዘመኑ የሚጠይቃቸውን ክህሎቶች ማስጨበጥ ታሳቢ ያደረገ የፕሮግራም ክለሳ እና ዝግጅት ማካሄድ ጀምሯል።

የኢፌዲሪ ቴክኒክና ሙያ ስልጠና ኢንስቲትዩት ዋና ዳይሬክተር ዶ/ር ብሩክ ከድር ሥነስርዓቱን ሲያስጀምሩ እንደገለጹት የአዳዲስ ፕሮግራሞች ዝግጅት እና የነባር ፕሮግራሞች ክለሳ ኢንስቲትዩቱ በትኩረት ሲዘጋጅበት የቆየ መሆኑን አንስተዋል።

ይህ ዝግጅት በርካታ መነሻ ምክንያቶች እንዳሉ የገለጹት ዶ/ር ብሩክ የስልጠና ፕሮግራሞቻችን የኢንደስትሪውን አዳጊ ፍላጎት መሰረት ባደረገ መንገድ እየተሰጡ መሆኑን ማረጋገጥ የመጀመሪያው እንደሆነ ገልጸዋል።

ሌላኛው ስርዓተስልጠናችን እንደአገር የተዘጋጀውን አዲሱ የትምህርትና ስልጠና ፖሊሲ ለውጦች እና የዘርፉ የለውጥ ሀሳቦች ከማሳካት አኳያ ያላቸው ፋይዳ መፈተሽ እና ከዚህ አንጻር መቃኘት እንደሆነ አስገንዝበዋል። የባለድርሻ አካላት ፍላጎት እና የቴክኖሎጂ እድገት ሌሎች አነሳሽ ምክንያቶች መሆናቸውንም አንስተዋል።


Bio-Medical Technology ፣Coal Mining Technology፣ Finishing Construction Works፣ Plastic Technology፣ Horticulture ፣ Poltury፣ Electic Vehicle፣Leather and Leather products Technology የመሳሰሉ ኢንስቲትዩቱ አዳዲስ የሚጀምራቸው ፕሮግራሞች ሁሉም የእሴት ሰንሰለት ጥናት እንደተጠናላቸው ገልጸዋል።

እነዚህ አዳዲስ ፕሮግራሞች ውጤታማ እንዲሆኑ ኢንደስትሪውንና መላ ባለድርሻ አካላትን በማሳተፍ ግብአት የማሟላት ስራ እንደሚሰራም ተናግረዋል።

ለጥቆማ 👉 @atc_newsbot
➡️ https://www.tg-me.com/atc_news