💥پاسەکانی هەڵگری مامۆستایانی ناڕازی لە مەریوان و سەروئاوا لە ڕێگای تاران ڕاگیران و گەڕێندرانەوە

مامۆستایانی خانەنشینکراوی مەریوان و سەروئاوا، ئێوارەی ڕۆژی شەممە ٢٩ی بانەمەڕ، لە كاتێكدا بۆ ناڕەزایەتی دەربڕین بە وڵامنەدانەوەی داواکارییەکانیان بەرەو تاران دەچوون، لە لایەن بەکرێگیراوانی ڕێژیم لە ناوەڕاستی ڕێگادا ڕێگەیان پێ گیراوە و گەڕێندراونەوە.

بەپێی ڕاپۆرتی ئەنجومەنی هەماهەنگی ڕێکخراوەکانی سەندیکای پەروەردەکارانی ئێران، کارمەندانی ئیتلاعات ئەو مامۆستایانەیان بۆ ماوەی چەند کاتژمێرێک دەستبەسەر کردووە و دواجار پاسەكانیان بۆ مەریوان گەڕاندۆتەوە.

مامۆستایانی خانەنشینکراوی مەریوان و سەروئاوا لە ماوەی یەک ساڵی ڕابردوودا لە ناڕەزایەتییە سەرتاسەرییەکانی تاران بەشدارییان کردووە و بە جددی بەدوای داواکارییەکانیانەوە بوون.

کۆمەڵەی مامۆستایان بە توندی ئیدانەی کردەوەی دوژمنکارانە و ترسنۆکانەی دەستەکانی حوکمڕانی لەوان ئاسایش و دەسەڵاتی دادوەری كرد و مافی هەر جۆرە چالاکیەکی لە چوارچێوەی یاسادا وەک مافێکی ڕەوای مامۆستایان زانی.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥سامان یاسین تێكچوونی دۆخی جەستەیی بۆ نەخۆشخانە ڕاگوێزرا

سامان یاسین، هونەرمەندی زیندانیکراو لە زیندانی قزڵحەسار، ئێوارەی ڕۆژی هەینی ٢٨ی بانەمەڕ، بەهۆی تێكچوونی دۆخی جەستەیی فشاری عەسەبییەوە، بۆ نەخۆشخانەی لوقمان گوازرایەوە.

ناوبراو دوای کەمتر لە ٢٤ کاتژمێر، ڕۆژی شەممە ٢٩ی بانەمەڕ بۆ جارێکی دیکە لە نەخۆشخانەوە بۆ زیندان گەڕێندرایەوە.

ئەمە لە کاتێکدایە کە سامان یاسین بە تەواوی چاک نەبووەتەوە و دوای گەڕانەوەی بۆ زیندان تووشی سکچوونی بەردەوام بووە.

دەوترێت تێکچوونی عەسابی سامان یاسین و گواستنەوەی بۆ نەخۆشخانە دوای ئەوە بووە کە زانیویەتی فایلە پزیشکییەكەی لە زیندانەوە بۆ دادوەر سەڵەواتت نەنێردراوە.

پێشتر بەهۆی ئەشکەنجەدان لە کاتی لێپرسینەوەدا، تووشی شكانی لووتی بووە و لە زیندانی قزڵحەساری شاری کەرەجەوە بە مەبەستی چارەسەری پزیشکی بۆ نەخۆشخانە گواستراوەتەوە.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥دیمەنی هەڵپەڕکێی كوردی كۆڵبەری گیانبەختكردوو واحید قادرپوور لە ئاهەنگێکی هاوسەرگیریدا

ڕۆژی پێنجشەممە ڕێکەوتی ٢٧ی بانەمەڕی ١٤٠٣، واحید قادرپوور، خەڵکی گوندی حەسەن سلاران سەر بە سەرشیوی سەقز، لە كاتی كۆڵبەریدا بە گولـلەیەکی ڕاستەوخۆ لە دڵی لە لایەن هێزەکانی هەنگی سنووری لە سنووری هەنگەژاڵی بانە كوژرا.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥هەواڵی دژبەیەک سەبارەت بە ڕووداوی کۆپتەرەی هەڵگری ڕەئیسی

میدیاکانی کۆماری ئیسلامی هەواڵی دژبەیەكیان سەبارەت بە ڕووداوی هەلیکۆپتەری هەڵگری ئیبراهیم ڕەئیسی، سەرۆکكۆماری ڕاسپێردراوی عەلی خامنەیی، لە كاتی سەفەری تەبلیغاتی ناوبراو بۆ ئازەربایجان بڵاو کردەوە.

لەم نێوەندەدا، میدیاکانی سەر بە سپای تیرۆریستی پاسداران، بێ ئەوەی ئاماژە بە هۆکار و شێوازی نیشتنەوە یان کەوتنەخوارەوەی ئەو کۆپتەرەی هەڵگری ڕەیسی بکەن، نووسیویانە لە کۆی سێ کۆپتەرەکەی ناو کاروانەکەی ڕەئیسی، "دوو کۆپتەر کە بەشێک لە وەزیر و بەرپرسەکانی تێدا بووە". بە سەلامەتی گەیشتنە شوێنی مەبەست ".

لەو ڕاپۆرتەکەدا، بەبێ ئاماژە كردن بە وردەکارییەکان، هاتووە کە "گەڕان بۆ هەلیکۆپتەرەکە دەستیپێکردووە و بەهۆی کەشوهەوای تەماویی ناوچەکە تائێستا دۆخەكە نادیارە".




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥چارەنووسی ناڕوونیی ڕەئیسی و ئەمیر عەبدوڵڵاهیان دوای ڕووداوەکە لە ڕێگای گەڕانەوە لە ئازەربایجان

بە پێی دوایین هەواڵەکان، هەوڵەکان بۆ دۆزینەوەی ئەو کۆپتەرەی هەڵگری ئیبراهیم ڕەئیسی، حوسێن ئەمیرەبدوڵڵاهیان و ئیمام جومعەی ڕاسپێردراوی خامنەیی لە تەورێز نەگەیشتووەتە هیچ شوێنێک.

هەروەها بەشێک له میدیاکانی سەر بە کۆماری ئیسلامیی ئێران به بێ ئاماژه به وردەکارییەکان نووسیویانه که پەیوەندیی تەلەفۆنی لەگەڵ سەڕنشینانی ئەم هەلیکۆپتەرەدا پچڕاوه .

کەمێک لەمەوبەر میدیاکانی سەر بە سپای تیرۆریستی پاسداران نووسیویانە لە کۆی سێ کۆپتەرەکەی ناو کاروانەکە، "دوو کۆپتەر کە هەندێک وەزیر و بەرپرسی تێدا بوون بە سەلامەتی گەیشتوونەتە شوێنەکە".




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥لە نوێترین ڕاپۆرتدا سەبارەت بە ڕەوشی سەرنشینانی ئەو کۆپتەرەی هەڵگری ڕەئیسی و حوسێن ئەمیرعەبدوڵڵاهیان بوو، کە ئەمڕۆ لە ڕێگەی گەڕانەوەیاندا تووشی ڕووداوێک بوون، باس لەوە کراوە کە ژمارەیەک سەرنشین بە دڵنیاییەوە بریندار بوون و ئەگەری زیانی گیانی لە نێوانیاندا هەیە.

دەگوترێ، جگە لە ئیبراهیم ڕەئیسی، ئیمامی هەینی تەورێز، حوسێن ئەمیرەبدوڵڵاهیان و مالك ڕەحمەتی، پارێزگاری ڕاسپێردراوی ڕێژیم لە ئازەربایجانی ڕۆژهەڵات، چەندین ئەندامی دیکەی ڕێژیمیش لەم هەلیکۆپتەرەدا بوون.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥پێكهێنانی ستادی قەیرانەکان دوای کەوتنەخوارەوەی گوماناویی ئەو کۆپتەرەی هەڵگری ڕەئیسی و ئەمیر عەبدوڵڵاهیان بوو

دوابەدوای کەوتنەخوارەوەی گوماناویی هەلیکۆپتەری هەڵگری ئیبراهیم ڕەئیسی، حوسێن ئەمیرەبدوڵڵاهیان و بریکارەکانی دیکەی کۆماری ئیسلامی و بڵاوبوونەوەی هەواڵی کوژراو و بریندارانی ئەم ڕووداوە، "ستادی قەیرانەکان" پێکهێنرا و کۆبوونەوەی حکوومەتیی ڕێژیم داخرا .




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥ڕۆیتەرز: گیانی ڕەئیسی لە مەترسیدایە

ئاژانسی هەواڵی ڕۆیتەرز لە زاری بەرپرسێکی کۆماری ئیسلامییەوە بڵاویکردەوە، گیانی ئیبراهیم ڕەئیسی و حوسێن ئەمیرعەبدوڵڵاهیان "دوای کەوتنەخوارەوەی هەلیکۆپتەرەکە لە مەترسیدایە".

ئەو بەرپرسە کە نەیویستووە ناوی ئاشکرا بکرێت، دەشڵێت: "هێشتا ئومێدمان هەیە، بەڵام ئەو زانیارییانەی لە شوێنی کەوتنەخوارەوەی فڕۆکەکەوە دەستمان کەوتووە؛ زۆر جێگەی نیگەرانییە”.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥ڕاگەیاندنی هەواڵی مردنی ڕەئیسی تاوانە!

هاوکات لەگەڵ ڕاگەیاندنی ئامادەیی خەڵک بۆ ئاهەنگگێڕان و خۆشی لە شەقامەکاندا بەبۆنەی مردنی ڕەئیسی جەلادی ٦٧ ساڵ، دادستانی تاران بانگەشەی ئەوەی کرد کە ئەو کەسانە دادگایی دەکات کە هەواڵی مەرگی ئەم تاوانبارە بڵاودەکەنەوە.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥سێ فریاگوزار لە کاتی گەڕان بەدوای هەلیکۆپتەرەکەدا کە ڕەئیسی هەڵگرتبوو، بێسەروشوێن بوون

دوابەدوای بڵاوبوونەوەی هەواڵ و ڕاپۆرتەکان سەبارەت بە وردەکارییەکانی کەوتنەخوارەوەی ئەو کۆپتەرەی هەڵگری ڕەئیسی، ئەمیر عەبدوڵڵاهیان و چەند سەرکردەیەکی دیکەی کۆماری ئیسلامی بووە، میدیاکانی حکوومەتی لە زاری وتەبێژی مانگی سوورەوە نووسیویانە کە سێ فریاگوزار لە ئۆپەراسیۆنی گەڕان و پشکنیندا بێسەروشوێنن .

هەروەها هەندێک لە ڕاپۆرتەکان ئاماژە بە بارینی بەخوڕ لەو شوێنەی کە کۆپتەرەکە کەوتووەتە خوارەوە و بوونی بەردی زەبەلاح بە بەرزی زیاتر لە ٧٠ مەتر لە ڕێڕەوی ئۆپەراسیۆنی گەڕانەکەدا دەكەن.




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥خەڵک لە سەرتاسەری ئێران ئامادەکاری دەکەن بۆ ڕاگەیاندنی هەواڵی مردنی ئیبراهیم ڕەیسی




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi

💥دیمەنی دەربڕینی خۆشحاڵی خەڵکی سەقز لە ئەگەری مەرگی ئیبراهیم ڕەئیسی و گەندەڵکارانی دیکەی کۆماری ئیسلامی




🔹٥٧٣ ڕۆژ ڕاپەڕین
🌐 ئاڤاتوودەی ـ یەكشەممە،
٣٠ی بانەمەڕی ١٤٠٣

‏@avatodaykurdi