💥كرێكارێكی ژینگەدۆستێك لە كاتی هەوڵدان بۆ ئازادكردنی گیانی باڵندەیەك گیانی لەدەست دا

ڕۆژی هەینی ڕێکەوتی ٦ی پووشپەڕی ۱٤۰٤ی هەتاوی كرێكارێكی ژینگەدۆست بە ناوی “ڕەحیم براخاسی” تەمەن ٣٣ ساڵ و خەڵكی بانە، كە دەگوترێت لە كێڵگەیەكی پەلەوەر كاری كردووە، هەوڵی داوە گیانی باڵندەیەک كە بە تەلی كارەباوە بووە و پێویستیی بە یارمەتی بووە ڕزگار بکات، بەڵام بەداخەوە بەهۆی شۆرتی کارەباوە تووشی ڕووداو بووە، کەوتۆتە خوارەوە و بە سەختی بریندار بووە و بۆ نەخۆشخانەی سەقز گواستڕوەتەوە، بەڵام دوای چەند ڕۆژ مانەوە لە نەخۆشخانە بەهۆی سەختی برینەكەیەوە گیانی لەدەست داوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥دیمەنێكی دیكە لە وێرانییەكانی بەشەكانی زیندانی ئێڤین لە ئەنجامی هێرشەكانی ئیسڕائیلدا





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥كوژرانی سولماز عەباسی، ڕاهێنەری والیبالی ورمێ، لەلایەن هاوسەرەکەیەوە

ڕاپۆرتەکان ئاماژە بەوە دەکەن کە ئێوارەی ڕۆژی شەممە ٧ی پووشپەڕی ساڵی ١٤٠٤، سوڵماز عەباسی، ڕاهێنەری والیبالی شاری ورمێ، لە نووسینگەی پارێزەری ئەو شارە، لەلایەن هاوسەرەکەیەوە بە چەقۆ کوژراوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥گواستنەوەی سامان کەریمی و فەرزانە ڕەشیدی هاوسەری بۆ زیندانەکانی بانە و سەقز





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

گواستنەوەی سامان کەریمی و فەرزانە ڕەشیدی هاوسەری بۆ زیندانەکانی بانە و سەقز

سامان کەریمی، زیندانیی سیاسیی پێشوو و سزادراوی پێشوو بە سزای لە سێدارەدان، دوای ٣٥ ڕۆژ دەستبەسەری بۆ زیندانی بانە گوازرایەوە. هەروەها هاوسەرەکەی، فەرزانە ڕەشیدی، خوێندکاری تەمەن ٢٦ ساڵ لە زانکۆی پەیام نوور لە بانە، بۆ زیندانی ناوەندیی سەقز گوازرایەوە.

ئەو ژن و مێردە ڕۆژی یەکشەممە ٤ی جۆزەردانی ١٤٠٤، لە لایەن ئیتلاعاتەوە دەستبەسەر کراون، سەرەتا سامان کەریمی ب توندوتیژییەوە لە شەقامێکی شاری بانە دەستبەسەر و دواتر هەڵیانکوتایە سەر ماڵەکەیان و فەرزانە ڕەشیدییان دەستبەسەر کرد.

سامان کەریمی پێشتر لە ڕێکەوتی ١٧ی خەزەڵوەری ١٣٩٧ لە لایەن ئیتلاعاتی سپای تێرۆریستی پاسداران دەستبەسەر و بۆ دەستبەسەرگەی شەهرامفەر لە شاری سنە ڕاگوێزرابوو.

ناوبراو پاش ساڵێک دەستبەسەری، لە مانگی خەزەڵوەری ١٣٩٨، لە لایەن لقی یەکی دادگای ئینقلابی سنە بە سەرۆکایەتیی دادوەر سەعیدی، بە تۆمەتی “بەغی لە ڕێگەی ئەندامێتی لە حیزبی دێموکراتی کوردستانی ئێران” بە ئێعدام و ١١ ساڵ زیندان مەحکووم کرا.

ئەم حوکمە لە مانگی خەرمانانی ١٣٩٩ لە لایەن دادگای باڵای کۆماری ئیسلامیی ئێرانەوە بە هۆی کەموکوڕی لە لێکۆڵینەوەکان هەڵوەشێنرایەوە و دۆسیەکە ڕەوانەی هەمان دادگا کرا بۆ دووبارە دادگایی کردنەوە. دوای دووبارە دادگاییکردنەوە، لە مانگی پووشپەڕی ١٤٠٠ لەلایەن دادگای تێهەڵچوونەوەی سنەوە بە ٩ ساڵ زیندانی سزا درا، لەو ژمارەیەش ٤ ساڵ بەپێی یاسای چەسپاندنی سزاکان جێبەجێ دەکرا.

سەرەڕای تێپەڕاندنی حوکمەکەی، دووبارە دەستبەسەرکردنەوەی سامان کەریمی و هاوسەرەکەی بەبێ هۆکارێکی دیاریکراو و بەبێ ڕاگەیاندنی تۆمەتەکان، نیگەرانیی نوێی لەبارەی چڕبوونەوەی فشارەکان بۆ سەر چالاکانی سیاسی و مەدەنی لە شارەکانی کوردستان دروستکردووە.

https://www.tg-me.com/avatodaykurdi/136897

💥کاتێک "کۆتری ئیسرائیل" لە دڵی نمادی کۆماری ئیسلامی نیشتەوە!

میدیاکانی ئیسرائیل، بە بڵاوكردنەوەی وێنەی فڕۆکەیەکی بێفڕۆکەوانی بچووك لە شێوەی کۆترێک کە بارێكی تەقینەوەی تێدایە، بە زمانێكی گاڵتەجاڕانە نووسیویانە؛

"کۆترەکەمان، بەداخەوە، بەهۆی كێشەی تەکنیکییەوە، لەسەر گۆڕی خومەینی كەوتە خوارەوە".

دیزاینکردنی فڕۆکەی بێفڕۆکەوان بە شێوەی باڵندە یەکێکە لە شێوازە نوێیەکان بۆ دزەکردنە ناو خاڵە ئەمنییە هەستیارەكان بەبێ ئەوەی سەرنج ڕابکێشێت. هێشتا دیار نییە ئامانجی سەرەکیی ئەم فڕۆکە بێفڕۆکەوانە چی بووە و تەقینەوەیەک ڕوویداوە یان نا، بەڵام پێشتر لە کاتی هێرشەکانی ئیسرائیل بۆ سەر پێگەکانی کۆماری ئیسلامی، ڕاپۆرتی تەقینەوە لە نزیک گۆڕی خومەینی بڵاو کرایەوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥دەستبەسەرکران و ناڕوونی چارەنووسی عەلیڕەزا خالیدی، هاووڵاتیی کوردی خەڵکی ئورمیە

بەپێ سەڕچاوەكانی هەواڵ، چوارشەممە ۴ی پووشپەڕ، دوای ئاگربەستی نێوان ئێران و ئیسرائیل، عەلیڕەزا خالیدی، هاووڵاتیی خەڵکی گوندی حەسەناوای سەر بە ناوچەی سۆمای برادۆستی ورمی لە لایەن هێزە ئەمنییەکانەوە دەستبەسەر کرا.

سەرچاوەیەکی نزیک لە بنەماڵەی عەلیڕەزا خالیدی پشتڕاستی کردووەتەوە کە ئەو لاوە تەمەن ۲۲ ساڵە بەبێ نیشاندانی هیچ بەڵگەیەکی دادوەری دەستبەسەر کراوە و سەرەڕای بەدواداچوونەکانی بنەماڵەکەی تا ئێستا هیچ زانیارییەک لەسەر چارەنووسی لەبەر دەستدا نییە.

هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، چارەنووس و شوێنی ڕاگرتنی ئەو هاووڵاتییە کوردە لەبەر دەستدا نییە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

فەرماندەی مەشقی پاراگلایدەری کۆماندۆکانی حەماس لەلایەن ئیسرائیل و لە شاری قوم کوژرا

ئەوەی سەرەنجی هەمووانی ڕاکێشا لە ئۆپەراسیۆنی ٧ی تشرینی یەکەم، بوونی کۆماندۆکانی حەماس بوو کە بە پاراگلایدەر دزەیان کردە ناو خاکی ئیسرائیل.

وەک میدیای ئیسرائیل بڵاوی کردەوە، بۆ ڕاهێنانی کۆماندۆکانی حەماسیش، هاوینی دوو ساڵ بەر لە ئێستا، چەند سەربازگەیەکی سەر بە سوپای قودسی پاسداران لە ئێران وەک سەربازگەی ئیمام عەلی لەسەر ڕێگای کەرەج و فڕیگەی عەسکەری لە دەوروبەری چیتگار دروست دەکرێت تا مەشق و ڕاهێنان بەو کۆماندۆیانە بکرێت و فێری پاراگلایدەر بکرێن!

دواتر ڕاهێنانەکەیان دەگوازرێتەوە بۆ سەربازگەی مستەفا خومەینی لە شاری قوم.

ئەم پادگانانە لە ژێر چاودێری و کارگێڕی هێزی ئاسمانی سوپای پاسداران بوون بە فەرماندەیی ئیسماعیل شاکری کەسی نێزیک لە ئەمیر عەلی حاجی زادە کە لە سەرەتای هێرشەکەی ئیسرائیل کوژرا.

حاجیزادە پلانی ئۆپراسیۆنی پاراگلایدەر و مەشق و ڕاهێنانی کۆماندۆکانی حەماسی بە شاکری سپاردبوو.

شاکریش، فەرماندەی پادگانی مستەفا خومەینی لە قوم، بە مووشەکی ئیسرائیل کوژرا.


🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥ترەمپ: ئێستا ئێران بیر لە گەڕانەوە بۆ بەرنامە ئەتۆمییەکەی ناکاتەوە

سەرۆکی ئەمەریکا دەڵێت: ڕەنگە سزاکانی سەر ئێران هەڵگرین، ئەگەر وڵاتەکە نیازپاکی نیشان بدات. جەختی لەوەش کردەوە، ئێستا ئێران بیر لە گەڕانەوە بۆ بەرنامە ئەتۆمییەکەی ناکاتەوە.

ڕۆژی یەکشەممە، دۆناڵد ترەمپ، سەرۆکی ئەمەریکا، لە میانەی چاوپێکەوتنێکدا لەگەڵ کەناڵی فۆکس نیوز، گوتی: بەر لە هێرشەکانمان بۆ سەر بنکە ئەتۆمییەکانی ئێران، هیچ یۆرانیۆمێکی پیتێنراو نەگوزاربووەوە و مووشەکەکانمان ئامانجەکانیان پێکاوە.

سەرۆکی ئەمەریکا، دەڵێت: ئێستا ئێران بیر لە گەڕانەوە بۆ بەرنامە ئەتۆمییەکەی ناکاتەوە، هەروەها ڕەنگە سزاکانی سەر ئێران هەڵگرین، ئەگەر وڵاتەکە نیازپاکی نیشان بدات.

گوتیشی: ئێران چەند هەفتەیەکی مابوو ببێتە خاوەنی چەکی ئەتۆم، هەروەها تێچووی جەنگی ١٢ ڕۆژە لەسەر ئێران زۆر بوو.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥كڕینی ستارلینك سزای بەندكرانی بۆ دیاریكرا; سەركوتكردنی خەڵك لەلایەن ڕێژیمەوە لە هەموو ڕێگەیەكەوە بەردەوامە





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

كڕینی ستارلینك سزای بەندكرانی بۆ دیاریكرا; سەركوتكردنی خەڵك لەلایەن ڕێژیمەوە لە هەموو ڕێگەیەكەوە بەردەوامە

بەپێی زانیارییە بڵاوەبووەکان لە گەڵاڵەی نوێی مەجلیسی ڕێژیم سەبارەت بە چڕکردنەوەی سزاکان بۆ سەر سیخوڕان و یارمەتیدەرانی ئیسرائیل، کڕین و فڕۆشتنی ئینتێرنێتی "ستارلینک"، لە ٢ تا ١٠ ساڵ بەندکرانی بۆ دیاری کراوە.

ڕێکەوتی ٢ی پووشپەڕ، نوێنەرانی مەجلیسی ڕێژیم گەڵاڵەیەکیان لەژێر ناوی "چڕکردنەوەی سزاکانی سیخوڕی و یارمەتیدەرانی ئیسرائیل و وڵاتانی دوژمن بە دژی ئەمنییەت و بەرژەوەندییەکانی میللی" پەسەند کرد کە لە بەشێک لەو گەڵاڵەیەدا کڕین و فرۆشتنی ئینتێرنێتی ستارلینک بۆ هاووڵاتییان قەدەغە کراوە و هەروەها سزای ٦ مانگ تا ٢ ساڵ بەندکرانی بۆ دیاری کراوە.

هەروەها یاساکە جەخت دەکاتەوە کە ئەگەر کەسێک بە مەبەستی بەرپەچدانەوەی هەوڵەکانی دەسەڵات بۆ پچڕانی ئینتێرنێت، زیاتر لە ١٠ ئامرازی ئینتێرنێتی ستارلینک هاوردە بکات، سزاکەی لە ٥ـەوە تاکوو ١٠ ساڵ بەندکران، زیاتر دەبێت.

یاساکە هەر چەشنە هەوڵێک بۆ یارمەتیدانی ئیسرائیل و ئەمریکا یان بە وتەی خۆیان وڵاتانی دوژمن، وەک "افساد فی الارض" دێنێتە ئەژمار و سزای لەسێدارەدانی بۆ دیاری کردووە.

لە بەشێکی دیکەی یاساکەدا هاتووە کە هەر چەشنە چالاکییەک وەک بڵاوکردنەوەی هەواڵی ناڕاست، بەرهەمهێنانی نێوەڕۆکی میدیای کە بە وتەی مەجلیسی ڕێژیم "ببێتە هۆی لێکترازان، تۆقاندنی گشتی و زیان بە ئەمنییەتی میللی"، سزای ١٠ تا ١٥ ساڵ بەندکرانی بۆ دیاری دەکرێت.

هەروەها جەخت لەسەر ئەوە کراوەتەوە کە گرتنی وێنە و گرتە ڤیدیۆ بۆ کاناڵەکانی دەرەوەی وڵات ٢ تا ٥ ساڵ و کۆبوونەوە و ناڕەزایەتیش لە کاتی شەڕدا ٥ تا ١٠ ساڵ بەندکرانی بەدواوە دەبێت.

پەسەندکردنی ئەم یاساگەلە کە گوشاری ڕاستەوخۆ دەخاتە سەر خەڵک، پاش تەواوبوونی شەڕی ١٢ ڕۆژە پەرەی سەندووە.

بە وتەی ناوەندە مافی مرۆڤییەکان، ڕێژیم وەک هەوڵەکانی خۆی لە ڕابردوودا، جارێکی دیکە بۆ سەرپۆش خستنەسەر شکستەکانی، بەتایبەتی شکستەکانی بەرامبەر بە ئیسرائیل و ئەمریکا، دەستی کردووەتەوە بە سەرکوتی بەربڵاوی خەڵکی ئێران.

هەر لەم ماوەیەدا ڕێژیم هەزاران هاووڵاتیی بەتۆمەتگەلی هاوکاریکردن لەگەڵ ئیسرائیل دەسبەسەر کردووە و تاکوو ئیستاش ٦ کەسی لە سێدارە داوە.

https://www.tg-me.com/avatodaykurdi/136903

💥مووساد گاڵتە بە سەرکردەکانی ڕژیم دەکات: پاکپوور و مووسەوی و عەراقچی شوێنکەوتووی دڵسۆزی ئێمەن!

لە ئاشکراکردنێکی گاڵتەجاڕانە و بێ وێنەدا، پەیجی فارسیی مووساد بە بڵاوكردنەوەی پەیامێکی هۆشداری ڕایگەیاند كە سێ کەسی باڵای کۆماری ئیسلامی، سەردار پاکپوور، سەید عەباس مووسەوی و عەباس عەراقچی لە "شوێنکەوتوانی دڵسۆز"ی ناوەڕۆکی دەزگای هەواڵگریی ئیسرائیلن.

لەو بەیاننامەیەدا هاتووە کە ئەم بەرپرسانەی ڕێژیم بە بەردەوامی چاودێریی ناوەڕۆکی بڵاوکراوەی مووساد بە کەڵک وەرگرتن لە مۆبایلی دووەم و هێڵی ئینتەرنێتی تایبەت دەکەن.

مووساد بە زمانێكی گاڵتەجاڕانەوە دەڵێ: وەک ڕێزلێنانێك، ئێمەش بە شوێنی ئەوان دەكەوین.

ئەم پەیامە بە ڕوونی هەڕەشەی ڕاستەوخۆ بۆ سەر بەرپرسانی ڕێژیم لەخۆدەگرێت؛ کە تەنانەت بەرزترین ئاستە ئەمنی و دیپلۆماسییەکانی ڕژیم لە چاوی مووساد ناشاردرێنەوە و بەدواداچوونی نهێنییەکانیان لە ژێر وردبینیی دەزگا هەواڵگرییە دەرەکییەکاندایە.

مووساد هەروەها داوای لە گەلی ئێران کرد بۆ پاراستنی ئاسایشی خۆیان لە شوێنکەوتن یان کاركردنی ئاشکرا لەگەڵ پەیجەکە خۆیان بپارێزن.



🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥ڕۆژی چوارشەممە ٢٨ی جۆزەردانی ١٤٠٤، شارۆمەندێک بە ناوی "عەبدول ڕەسووڵی" تەمەن ٣٧ ساڵ، کوڕی عەلی و خەڵکی ئاوایی "تازەئاوا دۆڵەڕەش"ی دیواندەرە، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥سەدا و سیمای كۆماری ئیسلامی لە شەڕ لەگەڵ ئیسڕائیل هێندە زەلیل بووە، بۆ ئەوەی نیشان بدات زیانی بە ئیسڕائیل گەیاندووە، فیلمی زیرەكی دەستكردی بڵاو كردووەتەوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥دەسبەسەرکرانی هاووڵاتییەك لە کرماشان لە لایەن تیرۆریستانی خامنەییەوە

عەسکەر نەجەفی خەڵکی گوندی بەچە یاڵی پشت تەنگی زەهاو سەر بە شارستانی سەرپێل زەهاو دەسبەسەر کراوە.

عەسکەر سەر بە ئایینی یارسانە، لە بازاڕچەی قەسری شیرین کاری ئاڵوگۆڕی پارەی دەکرد و سەڕافیی هەیە.

لە بازاڕچەی قەسری شیرین بە تۆمەتی بێ بنەمای هاوکاریی مووساد دەسبەسەر کراوە.

٥ ڕۆژ پێش لە شوێنی کارەکەی لە بازاڕچەی قەسر، دەسبەسەر کراوە و ئێستاش مەترسیی ئێعدامکردنی هەیە، بنەماڵەکەی لە چارەنووسی کوڕەکەیان بێ ئاگان و لەو ڕۆژەوە کە گیراوە نازانن لە کوێیە.

ڕێژیم لەوپەڕی بێ دەسەڵاتییەوە خەڵکانێکی هەژار و کاسب بە تۆمەتی سیخوڕی بۆ ئیسرائیل دەگرێت.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥لە هەواڵەكانی کاتژمێر ٢ی پاشنیوەڕۆی ئەمڕۆدا. سەدا و سیمای کۆماری ئیسلامی دیمەنی پەیوەندیدار بە تەقینەوە لە چین و بۆردومانی عێراق لەلایەن ئەمریکاوەی وەک "هێرشی ئێران بۆ سەر ئیسرائیل" بڵاوکردەوە.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥دەستبەسەر كردنی هاووڵاتییەكی خەڵكی شنۆ لەلایەن بەكرێگیراوانی خامنەییەوە

سەرلەبەیانیی ڕۆژی شەممە ٧ی پووشپەڕی ١٤٠٤، هاووڵاتییەكی کورد بە ناوی "کامیار عوقابی" تەمەن ٣٣ ساڵ، خێزاندار و خەڵکی شنۆ، لە لایەن هێزە ئەمنییەکانەوە دەستبەسەر و بۆ شوێنێکی نادیار ڕاگوێزراوە .





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥ئاگرێکی گوماناوی لە کێڵگەکانی جوانڕۆ

لە درێژەی شەپۆلی ئاگرکەوتنەوە بە ئامانج و گوماناوییەكان، ئەمجارە کێڵگە کشتوکاڵییەکانی خەڵکی گوندی حوریاوا، سەر بە ناوچەی جوانڕۆ سەر بە پارێزگای کرماشان بوونە ئامانجی ئاگرکەوتنەوەیەکی بە ئەنقەست.

لە ئەنجامی ئەم ئاگرکەوتنەوە بەربڵاوەدا، دەیان هێکتار لە کێڵگەی گەنم کە خەریک بوو دروێنە بکرێن، لەگەڵ لەوەڕگە سروشتییەکان و سەرچاوە خۆراکییەکانی ناوچەکە، بە تەواوی لەناوچوون. ئەم کارەساتە ڕاستەوخۆ مەترسیی لەسەر بژێوی دەیان خێزان دروستکرد و زیانی گەورەی بە ژینگەی ناوچەکە گەیاند.





🌐 ئاڤاتوودەی
یەكشەممە،٨ی پووشپەڕی ١٤٠٤
‏@avatodaykurdi

💥ڕۆژتان باش


▪️سروشتی جوانی داوێنی كەلیخان لە بانە




🌐 ئاڤاتوودەی
دووشەممە، ٩ی پووشپەڕی ١٤٠٤
‏@avatodaykurdi

💥لە سەردەشت بەبۆنەی ٧ی پووشپەڕ، یادی كیمیاباران كردنی ئەو شارە، بە دەف ژەنین و گوڵباران كردنی مەزاری شەهیدان، ڕێز لە قوربانیانی ئەو تاوانە گەورە گیرا.
سەردەشت بە یەكەم شار لە جیهاندا دادەنرێت كە لە سەردەمی شەڕی نێوان ئێران و عێراق و بەدەستی ڕێژیمی بەعسی عێراق كیمیاباران كرا.





🌐 ئاڤاتوودەی
دووشەممە،٩ی پووشپەڕی ١٤٠٤
‏@avatodaykurdi