هێرشی هێزە نیزامییەکان بۆ سەر گوندی گونیچ لە خاش؛ تەقەی ڕاستەوخۆ لە ژنانی ناڕازی و کوژرانی کەسێک و برینداربوونی ١١ی دیکە

به پێی ڕاپۆرتی حال وەش/ ئەمڕۆ، سێشەممە ١٠ی پووشپەڕی ساڵی ١٤٠٤، دوابەدوای هێرشی بەرفراونی هێزه سەربازی و ئەمنییەكان بۆ سەر گوندی گونیچ، له بەشی کارواندەر له شاری خاش، ژنێکی بەلووچ بە ناوی خان بی بی بامری تەمەن چل ساڵ به گوللە کوژرا و لانیکەم ١١ ژنی دیکەش بریندار بوون كە دۆخی تەندروستیی دوو لەوان ناجێگیرە. وێنە و گرتە ڤیدیۆییەکان کە لەلایەن دانیشتووانەوە نێردراوە دیمەنی ترسناکی تەقەکردنی ڕاستەوخۆ لە ژنانی ناڕازی و هێرشی هێزەوكان بۆ سەر ماڵەکانی گوندەكە نیشان دەدەن.

لەم دیمەنانەدا ژنانی بەلووچ کە بە فڕێدانی بەرد بەرەنگاری هەڵمەتی ئەفسەرەکان دەبنەوە، بە تەقەی گوللەی جەنگی و ساچمە دەکرێنە ئامانج. هێزە هێرشبەرەکان بەبێ ئاگادارکردنەوە پێشوەختە چوونەتە سەر شەقامەکان و تەقە لە ژنان و کچانی ناڕازی دەکەن.

بەگوێرەی سەرچاوەکان، هێزە هێرشبەرەکان بانگەشەی ئەوە دەکەن کە بۆ دەستگیرکردنی "ئەندامی چەکداری دژبەری ڕژێم"، چوونەتە نێو گوندەكە و بە گوتەی دانیشتووانی ئەو گوندە، لە کاتی هێرشەكەدا هیچ پیاو و کەسێکی چەکدار لە گوندەکەدا نەبوون و تەنیا ژن و منداڵ لە ماڵەکاندا بوون.

لەو ڤیدیۆیانەی بڵاوکراونەتەوە، تەقەی بەردەوام و هاوارکردنی ژنان و دیمەنی هەڵاتن و ترس و دڵەڕاوکێی خەڵک دەبینرێت. هەروەها سەرچاوەکان پشتڕاستیان کردووەتەوە کە “رێحانە بامری” ژنێکی دووگیان بەهۆی لێدانی ئەفسەرەکان و بەركەوتنی گوللەی ساچمە کۆرپەکەی لەدەستداوە.

هەروەها دەردەكەوێ کە ژنانی بەلووچی ناڕازی هەوڵیانداوە ڕێگری لە هاتنە ژوورەوەی هێزە داگیرکەرەکان بكەن و بە سووتاندنی تایە دەروازەکانی چوونە ژوورەوە بۆ گوندەکەیان داخستووە.

ئەمانە دیمەنی هێزێكی داڕماوی كۆماری ئیسلامییە كە دوابەدوای شكستەكانی لە شەڕ لەگەڵ ئیسڕائیل و هێرشەكانی ئەم دواییەی ئیسڕائیل و ئەمریكا ترسی لە سەرهەڵدانی خەڵك هەیە و بەو هۆیەوە كەوتۆتە گیانی خەڵك و تۆڵەكەی لە خەڵكێ بێدەسەڵات دەكاتەوە.

https://www.tg-me.com/avatodaykurdi/136974

💥ئەمڕۆ بەیانی، كرێكارانی كۆمپانیای “پویان نەخ”ی ئیلام لە بەردەم باڵەخانەی پارێزگادا گردبوونەوە و هۆكاری كۆبوونەوەكەشیان بۆ پێنەدانی شایستە داراییەكانیان گەڕاندەوە.

ئەوان گلەیی لە كاربەدەستانی فەرمانگەی كاری پارێزگای ئیلام دەكەن كە لە جیاتی ئەوەی پشتیوانییان لێ بكەن، هەڕەشەیان لێ دەكەن.





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥گاڵته‌جاڕییەكانی ڕێژیم كۆتایی نایەت

چه‌ند ئاخوندێکی حه‌وزه‌ی عیلمییه‌ی قوم که‌ له‌ "نوخبه‌"کانی ئه‌و حه‌وزه‌یه‌ن، له‌ هه‌وڵ و فتوایه‌کی گاڵته‌جاڕانه‌دا ئاماده‌یی خۆیان بۆ جێبه‌جێکردنی سزای له‌سێداره‌دانی دۆناڵد ترامپ سه‌رۆککۆماری ئه‌مریکا و بێنیامین نەتانیاهۆ سه‌رۆکوه‌زیرانی ئیسرائیل ده‌ربڕیوه‌.

له‌ دوای هه‌ڕه‌شه‌ی ئیسرائیل و ئه‌مریکا له‌ عه‌لی خامنه‌یی ڕێبه‌ری ڕێژیم، هه‌واڵده‌ریی "حه‌وزه‌"ی سه‌ر به‌ حه‌وزه‌ی عیلمییه‌ی قوم له‌ ڕاپۆرتێکدا باسی له‌وه‌ کردووه‌ که‌ ناوه‌ندی کاروباری بژارده‌ و بلیمه‌ته‌کانـ"ـی حه‌وزه‌ی عیلمییه‌ که‌ پێشتر مه‌کارمی شیرازی مه‌رجه‌ع ته‌قلیدی شێعه‌کان ترامپ و نەتانیاهۆی به‌ موحاربه‌ یانی شه‌ڕ له‌گه‌ڵ خودا تاوانبار کردبوو، به‌ له‌به‌رکردنی کفن به‌ شێوه‌ی سەمبۆلیک له‌ به‌یاننامه‌یه‌کی فه‌رمیدا ئاماده‌یی خۆیان بۆ جێبه‌جێکردنی سزای له‌سێداره‌دانی ترامپ و نەتانیاهۆ ده‌ربڕیوه‌.

له‌و به‌یاننامه‌دا ئاماژه‌یان به‌وه‌ داوه‌: "له‌ ئێستادا گه‌وره‌ترین ستراتیژی په‌یڕه‌وی له‌ وه‌لی فه‌قیهـ و مه‌راجعی ته‌قلیده‌".





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥لە باشووری ڕۆژهەڵاتی تاران، ئەمڕۆ دووكەڵ بەرز بووەوە بەڵام هۆكارەكەی دیار نییە





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥ترامپ: لە دیدار لەگەڵ ناتانیاهۆ بە بۆنەی لەناوبردنی بەرنامە ئەتۆمییەکەی کۆماری ئیسلامی ئاهەنگ دەگێڕین

دۆناڵد تڕامپ، سەرۆككۆماری ئەمریكا، سێشەممە ١٠ی پووشپەڕ، لە سەردانێکیدا بۆ کۆمەڵگەی "ئالکاترازی تیمساحەکان" لە فلۆریدا، ڕایگەیاند کە لە سەردانەکەی بنیامین ناتانیاهۆ سەرۆک وەزیرانی ئیسرائیل بۆ واشنتۆن بە بۆنەی لەناوبردنی بەرنامە ئەتۆمییەکەی کۆماری ئیسلامی ئاهەنگ دەگێڕن.

ترامپ گوتی: ئێمە لە کۆشکی سپی لە دیدار لەگەڵ ناتانیاهۆ، ئاهەنگی سەركەوتن بەسەر ڕێژێمی ئێران و کۆتایی هاتنی بەرنامە ئەتۆمییەکەی دەگێڕی و ئەمەش سەرکەوتنێکی گەورەیە.

ناوبراو هەروەها میدیا سەرەکییەکان بە تایبەت سی ئێن ئێنی بە بڵاوکردنەوەی درۆ سەبارەت بە هێرش بۆ سەر کۆماری ئیسلامی تۆمەتبار کرد و گوتی: ڕەنگە کاتی ئەوە هاتبێت ئەو میدیایە بە هۆی هەواڵی درۆوە دادگایی بکەین.

ترامپ پێشتر ڕایگەیاندبوو کە تەرکیزی دیدارەکەی لەگەڵ نەتانیاهۆ لەسەر غەززە و سیاسەتە توندەکانی دژ بە کۆماری ئیسلامی دەبێت.

بەپێی زانیارییەکان، کۆبوونەوەکە ڕۆژی دووشەممە ١٦ی پووشپەڕ لە کۆشکی سپی بەڕێوەدەچێت.





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥ئایا ئیسرائیل جارێکی تر هێرش دەکاتەوە؟ ئایا پێویستە بۆ کۆتایی هاتنی کۆماری ئیسلامی ئامادە بین؟

بەرنامەی ڕاستەوخۆی شەوی سێشەممە، ١٠ی پووشپەڕی ١٤٠٤!

🆔 @javanmardi77

🔗 لینکی ڤیدیۆی کوالێتیی بەرز:
https://youtu.be/vXaZh-GsydQ





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥هۆشداریی سوور لە ئیسرائیل؛ میدیاكانی عیبری: “هێرشەکانی یەمەن بە مانای تەقەی ڕاستەوخۆی کۆماری ئیسلامی دێت”

میدیاکانی عیبری زمان ئێوارەی سێشەممە ١٠ی پووشپەڕ، ڕاپۆرتیان سەبارەت بە سیستەمی ئاگادارکردنەوەی سوور لە ناوچەی ناوەندی ئیسرائیل دا؛ ئاگادارکردنەوەیەک کە بەزۆری لە وەڵامدانەوە بە هەڵدانی مووشەک یان فڕۆکەی بێفڕۆکەوان چالاک دەکرێت.

بەگوێرەی ئەو میدیایانە، هێرشەکانی ئەم دواییەی یەمەن بۆ سەر ئیسرائیل بە “تەقەی ڕاستەوخۆی ڕژیمی ئێران” دادەنرێت و پێشێلکارییەکی ئاشکرای ئاگربەستی نێوان کۆماری ئیسلامی و ئیسرائیلە.

شرۆڤەکارێکی سەربازیی ئیسرائیل لە چاوپێکەوتنێکدا لەگەڵ کەناڵی ١٣ ڕایگەیاند؛
"ئەو ڕاستییەی کە مووشەکێک لە خاکی یەمەنەوە بەرەو ئیسرائیل هەڵدەدرێت، دواجار بە فەرمانی تارانە، ئەمەش بەو مانایەیە کە تاران جارێکی دیکە ئاگربەستی پێشێل کردووە و دەبێت وڵامدەر بێت."





🌐 ئاڤاتوودەی
سێشەممە،١٠ی پووشپەڕی ١٤٠٤
‏@avatodaykurdi

💥ڕۆژتان باش


▪️دیمەنی جوانی سروشتی گوندی شوێ _ بانە



🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥لە سایەی بەرپرسانی گەندەڵ و ناكارامە; ئەمە دۆخی نالەباری یەكێك لە پاركەكانی شاری ئیلامە

دانیشتوانی گەڕەكی زەمین شەهری ئیلام ناڕەزایەتی بە دۆخی نالەباری ئەو پاركە دەردەبڕن و دەڵێن: ئەم پاركە كە تەنیا ناوچەی سەوزایی گشتییە لە نزیك شوێنی نیشتەجێبوونمان، ماوەیەكی زۆرە لە دۆخێكی زۆر نالەبار دایە.
هەندێك لە كێشەكان بریتین لەمانەی خوارەوە:

▪️نەبوونی چیمەن و سەوزایی گونجاو
▪️وشكبوونی دارەكان و گرنگی پێنەدانیان
▪️پاكنەكردنەوەی ژینگە و كۆبوونەوەی زبڵ و خاشاك
▪️نەبوونی خزمەتگوزارییە سەرەتایییەكان بۆ منداڵان و بەساڵاچووان





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥سەید جەماڵ تەها کانی سۆرخ، دوای ١٠٦ ڕۆژ دەسبەسەرکران، بە دانانی بارمتە ئازاد کرا

ڕۆژی یەکشەممە ٨ی پووشپەڕ، "سەید جەماڵ تەها کانی سۆرخ"، هاووڵاتیی تەمەن ٥٨ ساڵە و خەڵکی شاری شنۆ، دوای ١٠٦ ڕۆژ دەسبەسەرکران، بە دانانی بارمتە بە شێوەی کاتی لە بەندیخانەی ئەم شارە ئازاد کرا.

ناوبراو ڕێکەوتی ٢٤ی ڕەشەمەی ١٤٠٣، بەبێ حوکمی دادوەر و بە شێوەیەکی توندوتیژانە، بە فەرمانی "سەعید ئیقباڵ‌جوو"، دادستانی شاری شنۆ، لەلایەن هێزە ئەمنییەکانەوە دەسبەسەر کرابوو.

ئەم هاووڵاتییە بەهۆی دەستپێڕانەگەیشتنی هێزە ئەمنییەکان بە کچەکەی “گەوهەر تەها کانی سۆرخ”، لەلایەن هێزە ئەمنییەکانەوە دەسبەسەر کرابوو. "گەوهەر" بەهۆی دۆسیەسازی لە ڕەوتی ڕێوڕەسمە نەورۆزییەکان لە شنۆ و گوشاری ناوەندە ئەمنییەکان، ناچار بووە وڵات بەجێ بهێڵێت.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi