💥ترەمپ: ئاگربەستی ٦٠ ڕۆژە لە غەززە لەسەر مێزە؛ ئەگەر حەماس ڕەتی بکاتەوە، شتەکان خراپتر دەبن

ماڵپەڕی ئەکسیۆسی ئەمەریکی بە پشتبەستن بە بەرپرسێکی ئیسرائیلی بڵاوی کردەوە، ڕۆن دێرمەر، وەزیری کاروباری ستراتیجی ئیسرائیل بە پێشنیازی قەتەر بۆ ئاگربەست لە غەززە ڕازی بووە.

ماڵپەڕەکە ئاماژەی بەوەش کردووە، ئیسرائیل ئامادەیە بۆ گفتوگۆی ناڕاستەوخۆ لەگەڵ حەماس بۆ تەواوکردنی دانوستان لەبارەی بارمتە و ئاڵوگۆڕی زیندانییەکان.

بەگوێرەی ئەکسیۆس، بە پشت بەستن بە بەرپرسانی ئیسرائیل، "ئەگەر دانوستانەکانی ئاگربەست و ئاڵوگۆڕی دیلەکان پێشکەوتن بەدەست نەهێنن، سوپای ئیسرائیل ئۆپەراسیۆنەکانی لە غەززە پەرەپێدەدەن".

دۆناڵد ترەمپ، سەرۆکی ویلایەتە یەکگرتووەکانی ئەمەریکا داوای لە حەماس کرد، بە "پێشنیازی کۆتایی" بۆ ئاگربەستی ٦٠ ڕۆژە لەگەڵ ئیسرائیل لە غەززە ڕازی بێت، ئەگەر ڕەتی بكاتەوە دۆخەكە خراپتر دەبێت.

تا ئێستا وەڵامێکی فەرمی لە لایەن حەماس بۆ ئەو پێشنیازە نەدراوەتەوە، بەڵام میدیا عەرەبییەکان باسیان لەوە کردووە کە شاندێکی حەماس بۆ پێداچوونەوە بەو پێشنیازە لە دەوحەیە.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥یسرائیل کاتز: ئەوەی بە تارانمان کرد بە حووسییەکانی یەمەنی دەکەین

حووسیەكانی یەمەن ڕایگەیاند "چوار ئۆپراسیۆنی سەربازییان لەدژی ئیسرائیل کردووە. یسرائیل کاتز وەزیری بەرگریی ئیسرائیلیش هەڕەشە لە یەمەن دەکات و دەڵێت: چیمان بە ئێران کرد ئەوەش بە یەمەن دەکەین

گوتەبێژی سەربازیی حووسییەکان ڕایگەیاند، یەکێک لە مووشەکەکان فڕۆکەخانەی بن گۆریون و هەروەها سێ شوێنی دیکەیان لە یافا و عەسقەلان و ئیلات بە درۆن بە ئامانج گرتووە.

دوابەدوای هێرشەکان، یسرائیل کاتز، وەزیری بەرگریی ئیسرائیل هەڕەشەی لە حووسییەکان کرد و گوتی: دوای پانکردنەوەی سەری مارەکە،  نۆرەی یەمەنە، وەک تاران مامەڵەی لەگەڵ بکەین، ئێمە لە حووسییەکانی یەمەن دەدەین و هەرکەسێکیش دەستی لە دژی ئیسرائیل بەرز بکاتەوە، ئەو دەستەی دەبڕین. 

هەروەها مایک هاکابی، باڵیۆزی ئەمەریکا لە ئیسرائیل هۆشداریی بە حووسییەکان دا و گوتی "پێمان وابوو هەڵدانی مووشەک بۆ ئیسرائیل تەواو بووە، بەڵام حووسییەکان مووشەکێکیان ئاراستەی ئێمە کرد لە ئیسرائیل، ڕەنگە فڕۆکە بۆمب هاوێژەکانی بی دوو پێویستیان بە سەردانی یەمەن بێت".





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥دانپێدانانی عەراقچی بە زیانی گەورە بە فۆردۆ | هێرشێک کە بێدەنگیی ڕێژیمی شکاند

عەباس عەراقچی، وەزیری دەرەوەی کۆماری ئیسلامی لە چاوپێکەوتنێکدا لەگەڵ كاناڵی ئامریكایی “سی بی ئێس”، بۆ یەکەمجار دانی بەوە دانا كە “زیانێکی گەورە و بەرفراوان” بە دامەزراوەی ئەتۆمی فۆردۆ كەوتووە؛ دامەزراوەیەک کە ساڵانێک بوو وەک هێمای “پێشکەوتنی ئەتۆمی”ی کۆماری ئیسلامی باسی لێوە دەكرا.

عەراقچی گوتی: لە ئێستادا کەس بە تەواوی نازانێت لە فۆردۆ چی ڕوویداوە، بەڵام ئەوەندەی من بزانم، ڕادەی زیانەکان زۆرە و زۆر جددی بووە.

هەروەها پشتڕاستی کردەوە لە ئێستادا سایتی فۆردۆ “قابیلی بەكارهێنان نییە” و ڕوون نییە "ئایا دەتوانرێت بەهیچ شێوەیەک دووبارە بەكاربێتەوە یان نا."

ئەمە یەکەمجارە کە بەرپرسێکی باڵای ڕێژیم بەو شێوەیە بە ئاشکرا باسی بێتوانایی و بێ ئاگایی و توندی لێدان لە دڵی بەرنامە ئەتۆمییەکەی ڕێژیم بکات؛ لێدوانگەلێک کە ڕۆشنایی زیاتر دەخەنە سەر شکستەکانی ئیتلاعاتی و تەکنیکیی کۆماری ئیسلامی لە بەرامبەر هێرشەکانی ئەم دواییەدا.




🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥ڕاوكردنی بەكرێگیراوانی كۆماری ئیسلامی لە باشووری سووریە لە لایەن هێزە تایبەتەکانی ئیسرائیل

ئەرتەشی ئیسڕائیل شەوی ڕابردوو ڕایگەیاند کە هێزە تایبەتەکانی ئەو وڵاتە لە ئۆپراسیۆنێکی سەرکەوتووانە لە باشووری سووریە، چوار ئەندامی تیمێکی تیرۆریستی سەر بە کۆماری ئیسلامییان دەستبەسەر کردووە.

بەپێی بەیاننامەكەی ئەرتەش، ئەم کەسانە کە لە گوندەکانی بیابانی لە باشووری سووریە جێگیر بوون، لە ژێر پەردەی تۆڕەکانی نفووزی ئەمنی سەر بە سوپای قودس و وەزارەتی ئیتلاعاتی کۆماری ئیسلامی چالاکیان دەکرد.

ئۆپەراسیۆنەکە لەسەر بنەمای هەواڵگریی پێشوەختە و ورد ئەنجامدراوە؛ بەشێک لەم زانیارییانەش لە ڕێگەی لێپرسینەوە لەگەڵ بریکارەکانی دیکەی ڕێژیمی ئێران بەدەست هاتوون.

بەرپرسانی ئیسرائیل ئەم کارەیان بە بەشێک لە هەوڵەكانیان بۆ پووچەڵ كردنەوەی بەرنامە ناسەقامگیرییەکانی کۆماری ئیسلامی لە ناوچەکە و کۆنتڕۆڵکردنی تۆڕە تیرۆریستییەکانی پەیوەندیدار بە کۆماری ئیسلامی وەسف کرد.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥سیناریۆی دووبارەی کۆماری ئیسلامی: سەرکوتی ناوخۆیی و گەڕاندنەوەی بۆ دەرەوە

لەو ڕۆژانەدا کە ناڕەزایەتییەکان، ناڕەزاییی گشتی، یان ئاشکراکردنی میدیاکان کەشوهەوای وڵاتی ئاڵۆز كردووە، هەمیشە ئامرازێکی دیاریکراو دێتە مەیدانەوە: پچڕان یان كێشەی بەرفراوان لە ئینتەرنێتدا.

کۆماری ئیسلامی بە بڕینی دەستڕاگەیشتنی خەڵک بە تۆڕە جیهانییەکان نەک هەر هەوڵی شاردنەوەی ڕاستییەکان دەدات، بەڵکوو لە سیناریۆیەکی دووبارەدا ئەم کارە بۆ " دوژمنانی بیانی دەگەڕێنێتەوە”.

مەبەستی سەرەکیی ئەم ڕێوشوێنانە ڕووبەڕووبوونەوەی دوژمنێکی بیانی نییە، بەڵکوو بە فەرمانی دەزگا ئیتلاعاتییەکان و بە تایبەت سپای تێرۆریستی پاسداران، بۆ پچڕاندنی پەیوەندیی خەڵک لەگەڵ یەکتر و نەهێشتنی دەنگی ناڕەزایەتییەكانە.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥رۆیتەرز: ئێران لە هەوڵی دانانی بۆمب لە گەرووی هورمزە

ئاژانسی رۆیتەرز ڕایدەگەیەنێت، ئێران دەیان بۆمبی ژێردەریای بە کەشتی بارکردووە بۆ گەرووی هورمز، وەک ئامادەکارییەک بۆ داخستنی گەرووەکە.

ئاژانسەکە لە زاری دوو بەرپرسی ئەمریکییەوە بڵاویکردووەتەوە، “ئێران ماوەیەکی کەم دوای هێرشی ئیسرائیل بۆسەر ئێران، دەستی بە بارکردنی بۆمب بۆ گەرووی هورمز کردووە و تا ئێستاش بەردەوامە”.

ڕۆیتەرز ئاماژەی بەوەشکردووە، بارکردنی ئەو بۆمبانە ئەوە نیشاندەدات، کە تاران جددییە لە داخستنی گەرووی هورمز، کە یەکێکە لە قەرەباڵغترین هێڵەکانی کەشتیوانی لە جیهاندا و ڕێیەكی گرنگە بۆ گواستنەوەی كەشتیگەلی نەوتی بۆ بازاڕی جیهانیی نەوت.

شرۆڤەکاران پێیان وایە ئەگەر گەرووەکە دابخرێت، ئەوا نرخی نەوت بەشێوەیەکی بەرچاو بەرز دەبێتەوە و وەڵامدانەوەی سەربازیی بەهێزی ئەمریکا و هاوپەیمانەکانی لێدەكەوێتەوە، چونکە نزیکەی ٢٠% نەوتی جیهان بەم ڕێگایە تێدەپەڕێت.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥مەسعوود پزیشکیان یاسای ڕاگرتنی هاوکارییکردنی ئاژانسی نێودەوڵەتیی وزەی ئەتۆمی پەسەند کرد

مەسعوود پزیشكیان، سەرۆک کۆماری دانراوی خامنەیی، یاسای ڕاگرتنی هاوکاریی لەگەڵ ئاژانسی نێودەوڵەتیی وزەی ئەتۆمی پەسەند کرد، کە پێشتر لەلایەن پەرلەمانی وڵاتەکە پەسەند کرابوو.

دەرکردن و پەسەندکردنی ئەم یاسایە لە دوای هێرشەکانی ئەمەریکا و ئیسرائیل بۆ سەر دامەزراوە ئەتۆمییەکانی ئێران هات.
پێشتر ئەندامانی پەرلەمانی ئێران پڕۆژە یاسایەکیان لەژێر ناوی "هەڵپەساردنی هاوکاریی نێوان کۆماری ئیسلامیی ئێران و ئاژانسی نێودەوڵەتیی وزەی ئەتۆمی" خستە ڕوو، دواتر بەپەلە پڕۆژە یاساکە پەسەند کرا.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥بۆکان؛ دووبارە دەستبەسەرکرانی سمکۆ مەعرووفی، لەلایەن هێزەکانی ئیدارەی ئیتلاعات

ڕۆژی دووشەمە ٩ی پووشپەڕی ١٤٠٤، سمکۆ مەعرووفی، چالاکی ژینگەپارێز و زیندانیی سیاسیك پێشووی شاری بۆکان، لەلایەن هێزەکانی ئیدارەی ئیتلاعاتی کۆماری ئیسلامیی ئێران دەستبەسەرکرا و بۆ شوێنێکی نادیار گواسترایەوە.

بەپێی سەرچاوەكانی هەواڵ، هێزەکانی ڕێژیم بە چەندین ئوتۆمبێل ماڵی سمکۆ مەعرووفیان لە گەڕەکێکی شاری بۆکان دەور داوە و ناوبراویان دەستبەسەر کردووە.

تا ئێستا هیچ زانیارییەك سەبارەت بە هۆکاری دەستبەسەری، شوێنی مانەوە و تۆمەتەکان ناوبراو نییە.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥وەزیری دەرەوەی ئیسرائیل داوای سەپاندنەوەی سەرجەم سزاکان بەسەر ئێراندا دەکات

جەدعۆن ساعر، وەزیری دەرەوەی ئیسرائیل، دوابەدوای ڕاگرتنی هاوکارییەکانی لەگەڵ ئاژانسی نێودەوڵەتیی وزەی ئەتۆمی، داوای سەپاندنی سەرجەم سزاکانی سەر ئێرانی کرد.

 وەزیری دەرەوەی ئیسرائیل، لە پۆستێکی تۆڕی کۆمەڵایەتیی ئێکس نووسیویەتی: "کاتی ئەوە هاتووە میکانیزمی سناپباک چالاک بکرێت، داوای لە وڵاتانی E3 کردووە؛ ئەڵمانیا، فەرەنسا و بەریتانیا "هەموو سزاکان بەسەر ئێراندا بسەپێننەوە".

ساعر پێیوایە، "ئێران سەبارەت بە ڕاگرتنی هاوکارییەکانی لەگەڵ ئاژانس بێڕێزیی کردووە و بەمەش وازهێنانێکی تەواو لە هەموو پابەندبوونە ناوەکییە نێودەوڵەتییەکان پێکدەهێنێت".
دەشڵێ: ئێستا کاتی ئەوەیە کۆمەڵگای نێودەوڵەتی بە شێوەیەکی یەکلاکەرەوە هەنگاو بنێت.

سناپباک واتە "سەپاندنەوەی سزاکان، یەکێکە لە بەهێزترین ئامرازە دیپلۆماسییەکان، تا ئێستا لە پەیوەندییە نێودەوڵەتییەکاندا پێشبینی کراوە. ڕێگە دەدات بە سەپاندنی خێرای سزاکانی ئەنجومەنی ئاسایش بەسەر ئێراندا لە ئەگەری پێشێلکردنی بەڵێننامە ئەتۆمییەکانی.




🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥ساڵیادی لەدایكبوونی شەهید پەیمان مینبەری، یەكێك لە شەهیدانی شۆڕشی ژن ژیان ئازادی لەسەر گڵكۆكەی بەرز ڕاگیرا

ڕۆژی شەممە، ١٦ی ڕەزبەر، پەیمان مینبەری، تەمەن ٢٥ ساڵ، خەڵکی گوندی "نییەر"، دانیشتووی سنە، کە وەستای کاری نەردە ئێستیل بوو، لە ناڕەزایەتییە سەرتاسەرییەکاندا بە تەقەی هێزە سەرکوتکەرەکان گیانی لەدەست دا.

پەیمان مینبەری لە دوایین ستۆریی ئینستاگرامەکەیدا نووسیبووی: " ئەمە دەبێتە باشترین شەممەی مێژوو، ناڕەزایەتی دەردەبڕین، مان دەگرین، بە قەولی خۆیان تێک دەدەین، ئێغتشاش دەکەین، کەسێک بیهەوێ ڕێگامان لێ بگرێ، لەگەڵی دەرگیر دەبین، بریندار بین، شەهید بین، شەقامەکانی شار دەکەینە جەهەنەم بۆیان، تا ئازادیی تەواوی خەڵکەکەم و بنەماڵەکەم و شارەکەم درێژە دەدەم."





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥بۆ دەربڕینی ناڕەزایەتی لە هەرزانبوونی نرخی نان ئەمڕۆ چوارشەممە نانەواخانەكانی سەقز مانیان گرت و دەرگاكانیان داخست.

كێشەی نانەواكان بۆ چەند هەفتە لەمەوبەر دەگەڕێتەوە، كاتێك لە بەردەم قایمقامییەت كۆبوونەوە و داوای گرانكردنی نانیان كرد.

هەرچەندە دەگوترێت پارێزگا (ئوستانداری) ڕەزامەندیی لەسەر بەرز كردنەوەی نرخەكە داوە، بەڵام ڕاگەیاندنی فەرمیی نرخە نوێیەكە بەهۆی شەڕی ئێران و ئیسڕائیلەوە دواخراوە.

لە ماوەی ڕابردووشدا هەندێك نانەواخانەكان بۆ ماوەی دوو ڕۆژ نانیان بە نرخی نوێ و هەر نانێك بە هەزار تمەن فرۆشت، بەڵام لەلایەن قایمقامییەتەوە ناچار كران بگەڕێنەوە بۆ نرخی پێشتر.

ئێستا كە دۆخەكە ئارام بووەتەوە، نانەواكان داوای ڕاگەیاندنی فەرمیی نرخی نوێ دەكەن.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥شەڕ كۆتایی هات و كارەبا دیسان وەك پێشتر دەبڕێت
ئەمەش گلەییی خاوەن نانەواخانەیەك لە دیواندەرە كە بڕانی كارەبا زیانی پێ گەیاندووە.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥دەستبەسەرکردنی بەکۆمەڵی نانەوا ناڕازییەكانی سەقز لەوان بەرپرسی سەندیکا

لە درێژەی ڕەوتی سەرکوتکردنی ناڕەزایەتییەکانی سەندیکاکان لە ئێران، ڕۆژی چوارشەممە ١١ی پووشپەڕی ١٤٠٤، یەدوڵڵا عیلمی، بەرپرسی یەکیەتیی نانەواکانی سەقز لەگەڵ لانیکەم ١٠ نانەوا، بەهۆی مانگرتنی سێنفی، لە لایەن بەكرێگیراوانی ئیدارەی ئیتلاعاتی تیرۆریست دەستبەسەر و بۆ شوێنێکی نادیار گوازرانەوە.

بەپێی ڕاپۆرتی هەنگاو، ئەم دەستبەسەرکردنانە چەند سەعاتێك دوای ئەوە هات كە نانەواکانی سەقز لە ناڕەزایەتی بەرامبەر بە بەدوادانەچوونی بەرپرسان بە داواکارییەکەیان بۆ بەرزکردنەوەی نرخی نان و هاوتەریبنەبوونی ڕێژەی ئێستا لەگەڵ تێچووی بەرهەمهێناندا بە كۆمەڵ مانیان گرت.

سەرچاوە خۆجێیەکان باس لەوه دەكەن، ئەو نانەوایانە له ماوەی چەند مانگی ڕابردوودا چەندین جار نووسراویان بۆ پارێزگار كردووە و داوای زیادکردنی نرخی نانیان کردووه بەڵام حکوومه ت وەڵامی داواکارییەکانی سەندیكای نەداوەتەوه . ئەمەش لە کۆتاییدا بووەتە هۆی داخستنی نانەواخانەکان بە کۆمەڵ، کە لەگەڵ سەرکوتکردنی ئەمنیەتیی بەرەوڕوو بووەتەوە.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥دوو تەقینەوەی گەورە لە دەوروبەری کرماشان

چەند خولەکێک لەمەوبەر سەرچاوە خۆجێییەکان باسیان لە بیستنی دوو تەقینەوەی بەهێز لە دەوروبەری کرماشان كرد.

بە گوتەی شایەتحاڵان دەنگی ئەم تەقینەوانە لە ناوچەکانی دەوروبەری شارەکە بیستراوە و نیگەرانیی هاووڵاتیانی لێکەوتەوە.

وردەكاریی ڕووداوەكە بەدواداچوونی بۆ دەكرێت.



🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥فەرماندەی نهێنی ئاشکرا بوو؛ ڕێژێم ترسی لە ڕاوكردنی فەرماندەی سێیەمی بنکەی خاتەم ئەلئەنبیا هەیە

لە درێژەی زنجیرە شکستە ئیتلاعاتییەکان و ئەمنیەتییەکانی کۆماری ئیسلامیدا، هەژماری "مووساد بە فارسی" ئاشکرای کرد کە فەرماندەی نوێی بارەگای ناوەندیی "خاتەم ئەلئەنبیا"ی سپای تیرۆریستی پاسداران، عەلی عەبدوڵڵاهی عەلی ئابادییە؛ کەسێک کە کۆماری ئیسلامی لە ترسی چارەنووسی دوو فەرماندەی پێشوو ناسنامەکەی شاردبووەوە.

ئەم بنکەیە وەک ژووری فەرماندەیی سەرەکیی شەڕ و ئۆپەراسیۆنە تیرۆریستی- سەربازییەکانی سوپای پاسداران، لە چەند مانگی ڕابردوودا دوو لە فەرماندەکانی بە ناوەکانی غوڵام عەلی ڕەشید و عەلی شادمانی لە کاتی هێرشە بەربڵاوەکانی ئیسرائیلدا كوژران.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥بەردەوامیی کەشی ئەمنی و دەستبەسەرکرانی هاووڵاتییان لە کوردستان؛ پێنج هاووڵاتی بریتی لە دوو بەندکراوی سیاسیی پێشوو دەستبەسەر کران





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

بەردەوامیی کەشی ئەمنی و دەستبەسەرکرانی هاووڵاتییان لە کوردستان؛ پێنج هاووڵاتی بریتی لە دوو بەندکراوی سیاسیی پێشوو دەستبەسەر کران

ئەمیر (هەژار) عەبدوڵڵاپوور، ئاوات عەلیپوور، ئەنوەر ئیبراهیمزادە و سمکۆ مەعرووفی و ئیسماعیل سانیار، دوو بەندکراوی سیاسیی پێشووی خەڵکی شاری بۆکان لە لایەن هێزە ئەمنییەکانی کۆماری ئیسلامیی ئێرانەوە دەستبەسەر کران و بۆ شوێنێکی نادیار گواسترانەوە.

بە پێی ڕاپۆرتی هەنگاو، کاتژمێر ۱ی بەرەبەیانی ڕۆژی چوارشەممە ۱۱ی پووشپەڕ، ئیسماعیل سانیار، تەمەن ۴۵ ساڵ، باوکی دوو منداڵ و بەندکراوی سیاسی، پێشوو و خەڵکی گوندی داشبەندی بۆکان دەستبەسەر کرا.

ئیسماعیل سانیار مانگی بەفرانباری ساڵی ۲۷۱۶ بە تۆمەتی هاوکاری لەگەڵ پارتی ژیانی ئازادی کوردستان (پژاک) لە لایەن لقی ۱۰ی دادگای پێداچوونەوەی ورمێ سزای ۲ ساڵ و ۶ مانگ بەندکرانی بەسەردا سەپێندرابوو.

ئەو هاووڵاتییە دواتر بەمەبەستی جێبەجێکرانی سزای بەندکرانەکەی بۆ بەندیخانە گواسترایەوە و کۆتاییەکانی مانگی خاکەلێوەی ۲۷۲۰، بە لێبوردن بەبۆنەی نەورۆزەوە لە بەندیخانە ئازاد کرا.

هەروەها ڕۆژی سێشەممە ۱۰ی پووشپەڕی ۲۷۲۵، ئاوات عەلیپوور، هاووڵاتیی خەڵکی گوندی شێخلەری سەر بە شاری بۆکان و ئەنوەر ئیبراهیمزادە، تەمەن ۳۶ ساڵ و خەڵکی شاری بۆکان لە لایەن هێزەکانی ئیدارەی ئیتلاعاتی سوپای پاسدارانەوە دەستبەسەر کران.

ڕۆژی دووشەممە ۹ی پووشپەڕی ۲۷۲۵، سمکۆ مەعڕووفی، چالاکی ژینگەپارێزی و بەندکراوی سیاسی پێشووی خەڵکی شاری بۆکان دەستبەسەر کرا.

سمکۆ مەعڕووفی پێشتر بەهۆی چالاکییەکانییەوە دەستبەسەر کرابوو و دوو جار لە لایەن دەزگای دادوەریی کۆماری ئیسلامیی ئێرانەوە سزای بەندکرانی بەسەردا سەپێندرابوو.

ڕۆژی چوارشەممە ۲۸ی جۆزەردانی ۲۷۲۵ (۱۸ی ژۆئەنی ۲۰۲۵)، ئەمیر عەبدوڵڵاپوور، خەڵکی شاری بۆکان لە لایەن هێزە ئەمنییەکانەوە لە ماڵەکەی خۆیدا دەستبەسەر کرا.

سەرەڕای تێپەڕبوونی ۱۴ ڕۆژ هیچ زانیارییەک لەسەر چارەنووسی ئەمیر عەبدوڵڵاپوور لەبەر دەستدا نییە و بارودۆخی ڕاگرتنی ناوبراو نادیارە.

هەتا کاتی داڕشتنی ئەم هەواڵە، زانیارییەکی ورد لەسەر هۆکارەکانی دەستبەسەرکران، ئەو تۆمەتانەی دراونەتە پاڵ ئەو هاووڵاتییانە و شوێنی ڕاگرتنیان لەبەر دەستدا نییە.

https://www.tg-me.com/avatodaykurdi/137017

💥ڕاپۆرتی تەواوكەر لەسەر تەقینەوەكەی کرماشان؛ بینینی دووكەڵ لە پادگانی “تنگ كنشت”

سەرچاوە خۆجێیەکان لە کرماشان ڕایانگەیاند، ئێوارەی ئەمڕۆ چوارشەممە ١١ی پووشپەڕ، نزیکەی کاتژمێر ٦:٠٠ی پاشنیوەڕۆ، سێ تەقینەوەی یەک لە دوای یەک لە سایتی مووشەکیی “تنگ كنشت” لە نزیک شاری کرماشان ڕووی داوە.

شایەتحاڵەکان باس لەوە دەکەن کە تەقینەوەکان لە نێو پادگانەكەوە بیستراون و ڕاستەوخۆ دوای ئەوە دووکەڵی سپی لە نێو ئەو کۆمەڵگە سەربازییە بەرزبووەتەوە. دوای ماوەیەکی کەم، ئۆتۆمبێلی ئاگرکوژێنەوە و ئەمبولانس بە خێرایی ڕەوانەی شوێنی ڕووداوەکە کراون و چوونە نێو سەربازگەکە.

سایتی “تنگ كنشت” بە یەکێک لە ناوەندە هەستیارەکانی سەربازی-مووشەکیی سپای تێرۆریستی پاسداران لە ڕۆژئاوای وڵات دادەنرێت.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥تامی بروس: پێویستە ئێران دەستبەجێ دەست بە هاوكاریی لەگەڵ ئاژانسی نێودەوڵەتیی وزەی ئەتۆم بكاتەوە

دوای ئەوەی سەرۆككۆماری ئێران یاسای ڕاگرتنی هاوكاریی ئێرانی لەگەڵ ئاژانسی نێودەوڵەتیی وزەی ئەتۆم خستە بواری جێبەجێكردن، وتەبێژی وەزارەتی دەرەوەی ئەمریكا رایگەیاند، ئەم كارەی ئێران "قابیلی قبوڵكردن نییە."

تامی بڕوس، وتەبێژی وەزارەتی دەرەوەی ئەمریكا، ئەمڕۆ چوارشەممە، لەبارەی راگرتنی هاوكاریی ئێران لەگەڵ ئاژانسی نێودەوڵەتیی وزەی ئەتۆم وتی، "ئێمە وشەی قابیلی قبوڵ نەكردن بەكاردەهێنین، چونكە ئێران لەكاتێكدا بڕیاری راگرتنی هاوكاریی لەگەڵ ئاژانسەكە داوە كە هێشتا دەرفەتی هەبوو بۆ گۆڕینی ڕێگەكەی و هەڵبژاردنی ڕێگەی ئاشتی و خۆشگوزەرانی."
تامی بروس وتیشی، پێویستە ئێران دەستبەجێ دەست بە هاوكاریی لەگەڵ ئاژانسی نێودەوڵەتیی وزەی ئەتۆم بكاتەوە.
جەختیشی كردەوە كە دەبێت ئێران پابەندی پەیماننامەی رێگریی لە بڵاوبونەوەی چەكی ئەتۆم بێت.





🌐 ئاڤاتوودەی
چوارشەممە، ١١ی پووشپەڕی ١٤٠٤
‏@avatodaykurdi

💥ڕۆژتان باش


▪️سروشتی جوانی سەردەشت




🌐 ئاڤاتوودەی
پێنج شەممە، ١٢ی پووشپەڕی ١٤٠٤
‏@avatodaykurdi