"‏إعلم أن ألمك سيصبح ذات يوم علاجك."

- جلال الدين الرومي
"لا يُعذب الرُّوح ويشوش القلب، شيئاً بقدر التعلُق."

- شمس التبريزي
{ الأَخِلّاءُ يَومَئِذٍ بَعضُهُم لِبَعضٍ عَدُوٌّ إِلَّا المُتَّقينَ }[ الزخرف: ٦٧ ]

عامل أي يا صديقي...
يوم القيامة، في وقت الحساب فاجأة تلاقي صحاب عمرك بيذمك و بيشتكيك و بيتبرأ منك رغم إنك كنت جدع معاه جدا، معاه في كل حاجة، سواء حلوة أو وحشه، معاه في شرب، معاه في خروجه حرام، معاه في عمل شر، و جدع جدا، و كنت بتعتبره صديق عمرك، صور مع بعض، حكيات و حوارت لكن تتصدم فيه يوم القيامة أنه بيتخلى عنك و يتبرأ منك، و العكس ممكن يحصل عادي، إنك انت اللي تكون مكان صحبك و انت اللي بتتبرأ منه و بتقوله ليه خدتني معاك في السكه دي....
فعشان اليوم ده اختار صاحبك، اختار من المتقين، اختار اللي يصحبك في الخير ينهيك عن شر، يأمرك بمعروف و ينهاك عن منكر و ياخد بإيدك للجنة، ساعتها هتشفع له و هيشفعلك إنكو تدخلوا بعض الجنة، ساعتها هتكون من الفائزين، وانت عايز اي غير إنك تدخل الجنة فختار صاحبك بعنايه عشان مش الجدع ولا الشبح ولا قليلة الأدب اللي هيدخلك الجنة لكن المتقين .

{ وَاصبِر نَفسَكَ مَعَ الَّذينَ يَدعونَ رَبَّهُم بِالغَداةِ وَالعَشِيِّ يُريدونَ وَجهَهُ وَلا تَعدُ عَيناكَ عَنهُم تُريدُ زينَةَ الحَياةِ الدُّنيا وَلا تُطِع مَن أَغفَلنا قَلبَهُ عَن ذِكرِنا وَاتَّبَعَ هَواهُ وَكانَ أَمرُهُ فُرُطًا }[ الكهف: ٢٨ ]

#موضوع_كل_جمعة
1
{ أَفَأَمِنَ أَهلُ القُرى أَن يَأتِيَهُم بَأسُنا بَياتًا وَهُم نائِمونَ }
{ أَوَأَمِنَ أَهلُ القُرى أَن يَأتِيَهُم بَأسُنا ضُحًى وَهُم يَلعَبونَ }[ الأعراف: ٩٧- ٩٨ ]

الساعة ٢ بليل و جزء منا كان نايم، وجزء بيصلي قيام أو على طاعة من أذكار أو قراءة قرآن، و جزء تاني بيعصي ربنا، و فجأة بيحصل ظاهره رعبتنا كلنا، بل كان ممكن نكون كلنا تحت التراب دلوقتي لولا ستر الله و رحمته...
بس يا ترا أنت كنت مع انهي جزء؟ اللي نايم و هو على معصية أو بيقول بكرة هصلي و بكرة هتوب، طب ما كان ممكن ميكونش في بكرة اصلا؟

طب كنت صاحي بتعصي؟!
تخيل لو كان الزلزال ده خدك وانت على الحالة دي كان أي هيكون موقفك، و من مات على شيء بعث عليه فتخيل في اي لحظة أنت ممكن تموت على معصيتك دي ف ابدء خد النية للتوبة.

طب لو انت كنت مع المقيمين الليل و على طاعه في الوقت ده، فأبشر و استمر.

{ أَفَأَمِنوا مَكرَ اللَّهِ فَلا يَأمَنُ مَكرَ اللَّهِ إِلَّا القَومُ الخاسِرونَ }[ الأعراف: ٩٩ ]
1
{ وَما أَصابَكُم يَومَ التَقَى الجَمعانِ فَبِإِذنِ اللَّهِ وَلِيَعلَمَ المُؤمِنينَ }[ آل عمران: ١٦٦ ]

عامل اي يا صديقي...
في كل حاجة ف حياتك ايد ربنا هتكون موجوده فيها، مفيش حاجة بتحصل عبث حتى لو كان أي، كل حاجة ليها حكمة وعشان الحكمة لازم يكون ليها حكيم فربنا هو الحكيم العليم، و عشان كده استعين بالله في كل حاجة في حياتك، شوف نفسك في اي وأطلبه منه حتى لو كان قليل أو كان كثير و هو سبحانه قادر إنه يهيئلك الأسباب،
كمان مهما كانت مصائبك، في حكمة خفية وراها، فستعين بالله عليها و أصبر.

والأية دي بتتكلم عن الرماه يوم غزوة أحد لما النبي امرهم إنهم مينزلوش ولكنهم عصو الرسول و كانوا سبب في هزيمة المسلمين ولكن الله هو صاحب الحكمة من الهزيمة دي إنه يقول للمسلمين كله بإذني، و يفوقهم عشان يتوكلوا عليه، عشان تكون غزوة أحد هي بداية لعدم هزيمة جيش المسلمين تاني طول حياة النبي و بعده من الصحابة.
فسبحان الله هو العزيز الحكيم

#موضوع_كل_جمعة
1
{ يا حَسرَةً عَلَى العِبادِ ما يَأتيهِم مِن رَسولٍ إِلّا كانوا بِهِ يَستَهزِئونَ }[ يس: ٣٠ ]

عامل اي يا صديقي...
يمكن من اكتر الحاجات اللي بتحصل حولينا اليومين دول هي التحذيرات و علامات من ربنا اللي بتقولنا ها هترجع امتى؟
زلزال و بعد كده اشاعة تاني أن في زلزال تاني ولكن الأغرب أن كل اللي موجود عبارة عن كوميكس!
اللي بيحصل في اخوتنا و اللي بيحصل في العالم من حولنا واحنا برضو ولا احنا هنا!
الموت فاجأة لناس قريبة ليك و شباب صغير وانك لازم تحط نفسك انك كان ممكن تكون مكانه، فهل أنت مستعد ول لا ؟
ايات و حكم و مواقف بتقولك:
{ أَلَم يَأنِ لِلَّذينَ آمَنوا أَن تَخشَعَ قُلوبُهُم لِذِكرِ اللَّهِ وَما نَزَلَ مِنَ الحَقِّ وَلا يَكونوا كَالَّذينَ أوتُوا الكِتابَ مِن قَبلُ فَطالَ عَلَيهِمُ الأَمَدُ فَقَسَت قُلوبُهُم وَكَثيرٌ مِنهُم فاسِقونَ }[ الحديد: ١٦ ]

#موضوع_كل_جمعة
2
"‏إعلم أن ألمك سيصبح ذات يوم علاجك."

- جلال الدين الرومي
🔥1
لا تقوم الساعة حتى يتقارب الزمان ، فتكون السنة كالشهر، والشهر كالجمعة ، وتكون الجمعة كاليوم، ويكون اليوم كالساعة ، وتكون الساعة كالضرمة بالنار
الراوي : أنس بن مالك | المحدث : الألباني | المصدر : صحيح الترمذي
الصفحة أو الرقم: 2332 | خلاصة حكم المحدث : صحيح

عامل اي يا صديقي؟!..
كام مرة جه عليك يوم جمعة وانت مستغرب هو اي ده مش امبارح كان الجمعة؟!! و كأن الاسبوع عدى في لحظة و ده اللي الرسول صلى الله عليه وسلم قالنا عليه و هو من علامات يوم القيامة....
فأنت مستني أي عشان تسرع الرجوع لربنا؟
علامة بتحصل قدام عينك و انت عايش فيها، وانت عامل تأجل توبة و تأجل صلاة و تأجل اعمال خير؟؟
طب ده مفيش اسرع من الأيام و يمكن مفيش بكرة ليك اصلا؟!
{ سابِقوا إِلى مَغفِرَةٍ مِن رَبِّكُم وَجَنَّةٍ عَرضُها كَعَرضِ السَّماءِ وَالأَرضِ أُعِدَّت لِلَّذينَ آمَنوا بِاللَّهِ وَرُسُلِهِ ذلِكَ فَضلُ اللَّهِ يُؤتيهِ مَن يَشاءُ وَاللَّهُ ذُو الفَضلِ العَظيمِ }[ الحديد: ٢١ ]
قالﷺ :
"ما من مسلم تصيبه مصيبة، فيقول ما أمره الله:
إنا لله وإنا إليه راجعون، اللهم أجُرْنِي في مصيبتي وأخلف لي خيرا منها.
إلا أجره الله في مصيبته، وأخلف له خيرا منها".
صحيح مسلم

عامل اي يا صديقي؟..
في قصة جميلة جدا لأمنا أم سلمة و زوجها أبو سلمة اللي اللي كان تقريبا أول بيت يهاجر من مكة للمدينة بعد ما أمر النبي المسلمين إنهم يهاجروا، ولكن أهلها منعوها من إنها تهاجر و بالفعل هاجر ابو سلمة و فضل هي و إبنها الرضيع سنة في مكة لحد ما كانت كل يوم تعيط و تترجى أهلها إنها تهاجر، وبعد سنة فعلا هاجرت أم سلمة لوحدها من ابنها في رحلة ٥٠٠ كيلو تقريبا من مكة للمدينة و ساعدها الرحلة دي سيدنا عثمان بن طلحة ولكن العجيب إنه ساعتها كان كافر لأنه أسلم بعد صلح الحديبية، و عرفها و هي في الطريق و سألها هي رايحه فين لوحدها و كمان وصلها لحد المدينة من غير ما يكلمها أو يتعرض لها و وصلت أم سلمة اخيرا لزوجها ابو سلمة...
ابو سلمة اللي كانت أم سلمة بتعتبروا أحسن زوج في الدنيا من طيبة و حنية و مرؤة و لما مات أبو سلمة دعت أم سلمة و قالت قول ﷺ : إنا لله وإنا إليه راجعون، اللهم آجرني في مصيبتي، وأخلف لي خيرًا منها...
ولكن اللي جه في بالها ساعتها مين أحسن من أبو سلمة ؟!!
و كانت المفاجأة إنها تكون بعد كده من أزواج النبي صلى الله عليه وسلم و هو اللي يكون خيرا من أبو سلمة.

فعند كل مصيبة قول الدعاء ده و خليك على يقين إن ربنا هيرزقك خيرا مما فقدت.

#موضوع_كل_جمعة
يا غلامُ، إنِّي أُعَلِّمُكَ كلماتٍ، احفظِ اللهَ يَحْفَظْكَ، احفظِ اللهَ تَجِدْهُ تُجَاهَكَ، إذا سألتَ فاسألِ اللهَ، وإذا استَعَنْتَ فاستَعِنْ باللهِ، واعلم أنَّ الأُمَّةَ لو اجتمعت على أن ينفعوكَ بشيءٍ لم ينفعوك إلَّا بشيءٍ قد كتبه اللهُ لك، ولو اجتمعوا على أن يضرُّوكَ بشيءٍ لم يضروكَ إلَّا بشيءٍ قد كتبه اللهُ عليكَ، جَفَّتِ الأقلامُ، ورُفِعَتِ الصُّحُفُ
خلاصة حكم المحدث : صحيح
الراوي : عبدالله بن عباس

عامل أي يا صديقي؟...
بذكرك و بذكر نفسي أن كل شيء بيتم بأمر الله، مهما سعيت و مهما حاولت، مهما جبت وسايط، مهما اعدائك حاولوا يوقفوك، أمر الله نافذ لا محالة....
لكن أحفظ الله، اذكر الله كتير، الصلاة، حفظ القرآن و قرأته، الذكاة، كل ده تحت بند احفظ الله عشان يحفظك و تلاقي ربنا عون ليك في كل شيء انت هتعمله و يبعد عنك شرور الناس و شرور نفسك.

اسأل الله دائما حوائجك قبل ما تسأل الناس، فهو اللي معاه مفاتيح الرزق و مفاتيح الرحمة و هو القادر على أن يقول للشيء كن فيكون.

استعين بالله في حوائجك قبل ما تستعين بالناس، فوالله الناس لن تنفعك في شيء بدون إرادة الله و حوله و قوته.

و تذكر قصة سيدنا يوسف و ازاي اخواته ألقوه في غيابة الجب و بتدبير ربنا و حكمته سيدنا يوسف بقى عزيز مصر..

تذكر قصة سيدنا موسى و ازاي أتربى في قصر فرعون رغم إن فرعون كان واخد كل أحتياطاته على أن مفيش ولد يجي ياخد منه ملكه ولكنها إرادة الله إن الولد ده يتربى في قصره بدون أي أذى من فرعون فالله أكبر من أي فرعون.

وقصص كتير في القرآن بتقولك إن كل الأمور بيدي الله هو القادر المقتدر.

{ إِنَّما أَمرُهُ إِذا أَرادَ شَيئًا أَن يَقولَ لَهُ كُن فَيَكونُ }[ يس: ٨٢ ]

#موضوع_كل_جمعة
"ثم تدرك أن عظمة المحبة في أن تجد من يراعي مخاوفك، يحتويها متفهمًا دون أن يضاعفها."

- أحمد مدحت
👍1
‏"ويكفيك مني عقابًا، بأنني لن أراك كما كنتُ أراك."

- محمود درويش
👍1
"إنَّ المرءَ لا بدَّ أن تمُرَّ عليه ساعاتٌ يشعرُ فيها بآلامٍ خفيَّةٍ تلدغُ نفسَهُ وتؤلمُهُ!."

- المنفلوطي
👍1
{ يَعلَمونَ ظاهِرًا مِنَ الحَياةِ الدُّنيا وَهُم عَنِ الآخِرَةِ هُم غافِلونَ }[ الروم: ٧ ]

عامل اي يا صديقي؟
الحمدلله لسه متخرج الأسبوع اللي فات ١٦ سنة تعليم عدوا على خير، اتعلمت فيهم حاجات كتير جدا مش بس دراسيا؛ لا ده في كل حاجة في حياتي يمكن بس في حته ناقصه و مش عارف مهمه ول لا وهي الدين!!
١٦ سنة من التعليم من غير ما استفاد منهم أي حاجة دينية تقريبا، حتى في ابتدائي الدين مكنش مادة اساسية كنا بندخل مش حافظين السورة و بنعدي عادي بدال حلينا الاختر و الصح وغلط تمام، دخلنا اعدادي و الموضوع هو هو، و بعد كده جه ثانوية ومفيش حاجة اتغيرت، لحد ما دخلنا جامعة و المواد مكنش ليها علاقة بالدين اصلا... يعني ١٦ سنة ضاعوا كده من غير ما أعرف فقه الصيام ولا الطهاره ولا الصلاة و دول الحاجات اللي هدخل بيهم الجنة، ١٦ سنة محفظتش كتاب ربنا ولا حتى نصه ولا ربعه، ١٦ سنة من النجاح الوهمي و الشهادة التقديرية الدنياويه التي لا تغني لها في الاخرة من شيء، حتى الأغرب إني وانا بروق المكتب بتاعي لقيت كتب ابتدائي و اعدادي بتاعت الدين اللي كنا بنخدهم في المدارس و لقيت معلومات قيمة جدا و بتحسر ازاي مكناش بنتعلم الحاجات دي وقتها و المدرسين كانوا فين، ده في حاجات انا معرفش عنها حاجة كمان وانا سني ٢٢ سنة!!..

طب أي أمتى بقى هنبدأ نتعلم عن دينا؟ على الأقل الحاجات الواجبة على كل مسلم،
امتى هنبدأ نحفظ كتاب ربنا؟ و نحط النية اننا نحفظه كله حتى لو موتنا قبل ما نحفظه النيه تكون صادقة و ناخد الأجر إن شاء الله...
ما شاء الله اليوتيوب مليان شيوخ كبيرة، الكتب موجودة على جوجل في كل مكان حوليك اسهل حاجة توصلها دلوقتي هي المعلومات، فمش هيكون ليك حجة قدام ربنا هتقول أي ساعتها مكنتش فاضي؟! أنت خلاص خلصت ١٦ سنة تعليم مفيش سنة او سنتين تعرف فيهم عند دينك ، مفيش وقت لدينك في يومك ساعة واحدة بس؟!
ده مش تقليل من مسيرتك التعليمية بس من غير معلومات عن دينك وأخرتك أنت للأسف عرفت ظاهر من الحياة وغافل عن الأخرة.

{ كُلُّ نَفسٍ ذائِقَةُ المَوتِ وَإِنَّما تُوَفَّونَ أُجورَكُم يَومَ القِيامَةِ فَمَن زُحزِحَ عَنِ النّارِ وَأُدخِلَ الجَنَّةَ فَقَد فازَ وَمَا الحَياةُ الدُّنيا إِلّا مَتاعُ الغُرورِ }[ آل عمران: ١٨٥ ]

و بفكرك أن النجاح لما تدخل الجنة بس .

#موضوع_كل_جمعة
{ ۞وَلَوۡ أَرَادُواْ ٱلۡخُرُوجَ لَأَعَدُّواْ لَهُۥ عُدَّةٗ (٤٦) }[ التوبة ]

عامل اي يا صديقي ؟
دايما لو عاوز تحقق هدف ليك بتسعى و بتبذل اقصى جهد عشان توصله، لدرجة إنك ممكن تتخلى عن حاجات كتير بتحبها عشان توصل...
زي مثلا فاكر في امتحانات الثانوية أو أي امتحانات و انت بتمنع نفسك من التيلفون و الاسكرول و تضيع وقت عشان تجيب درجة كويسة؟
فاكر وانت بتمنع الاكل اللي بتحبه عشان توصل لجسم بتحلم بيه؟
فاكر نفسك وانت بتشتغل و بتجيب اخرك عشان تجيب الحاجة اللي نفسك فيها؟

لكن للأسف عمرك ما اجتهدت في حاجة للأخرة زي مثلا إنك تمنع نفسك من حاجة بتحبها عشان تطلع صدقة؟
إنك تسعى عشان تبطل ذنب أنت مدمنه و تاخد بالأسباب و تبعد عن الحاجات اللي بتخليك تعمل الذنب ده زي صُحبة بتعينك عليه و مضيعاك لكن أنت بتحبها؟
عمرك حضرت نفسك وعشان تصوم يوم واحد في سبيل الله؟
عمرك اجتهدت عشان تحافظ على وردك من القرآن وحفظك له رغم مشغال الحياة ؟
وأمتى اخر مرة زعلت على صلاتك اللي فاتتك بسبب انك ضيعت وقتها لأي سبب زي ما زعلت على ميعاد مع حد أو متش كورة فاتك .
واكيد و المخزي اكتر عمرك اجتهدت عشان تنقذ اخواتك هناك؟
حاول تقاطع، متبطلش تدعي ليهم، اللتزم بدينك و اعرف عنه عشان دي بداية اجتهادك عشانهم و هو ده سلاحك الأول قبل أي حاجة و افتكر إني تكملة الأية دي صعبة أوي لأنها نزلة في المنافقين اللي كانوا عاوزين دنيا بس و رفضوا الخروجة في الجهاد في غزوة تبوك.

{ ۞وَلَوۡ أَرَادُواْ ٱلۡخُرُوجَ لَأَعَدُّواْ لَهُۥ عُدَّةٗ وَلَٰكِن كَرِهَ ٱللَّهُ ٱنۢبِعَاثَهُمۡ فَثَبَّطَهُمۡ وَقِيلَ ٱقۡعُدُواْ مَعَ ٱلۡقَٰعِدِينَ(٤٦) } التوبة

#موضوع_كل_جمعة
مَرُّوا بجَنَازَةٍ، فأثْنَوْا عَلَيْهَا خَيْرًا، فَقَالَ النبيُّ صَلَّى اللهُ عليه وسلَّمَ: وجَبَتْ ثُمَّ مَرُّوا بأُخْرَى فأثْنَوْا عَلَيْهَا شَرًّا، فَقَالَ: وجَبَتْ فَقَالَ عُمَرُ بنُ الخَطَّابِ رَضِيَ اللَّهُ عنْه: ما وجَبَتْ؟ قَالَ: هذا أثْنَيْتُمْ عليه خَيْرًا، فَوَجَبَتْ له الجَنَّةُ، وهذا أثْنَيْتُمْ عليه شَرًّا، فَوَجَبَتْ له النَّارُ، أنتُمْ شُهَدَاءُ اللَّهِ في الأرْضِ.

الراوي : أنس بن مالك | المحدث : البخاري | المصدر : صحيح البخاري
{ إِنَّا فَتَحۡنَا لَكَ فَتۡحٗا مُّبِينٗا(١) }[ الفتح ]
عامل اي يا صديقي؟..
سورة الفتح نزلت بعد صلح الحديبية مباشرة الصلح اللي كل الصحابة استغربوا من بنوده و إزاي النبي صلى الله عليه وسلم يوافق بالشروط اللي كلها تبان إنها ضد المسلمين و ازاي أحنا أقوى منهم ايمانا ساعتها و لو حربناهم هنكسب رغم قلة العدد بس زي يوم بدر، لكن الله له حكمة في الصلح ده و كان سبب في قوة المسلمين تبقى اضعاف اضعاف قوتهم بعد الصلح، كان سبب في نشر الدعوة للعالم كله و كان جيش المسلمين داخل مكه بعدد ١٠ الف جندي بعد ما كان ١٥٠٠جندي في الصلح ، كان سبب في نشر الإسلام في بلاد فارس و الروم
و عشان كده ربنا سماه فتح...
و من المواقف العجيبة في الصلح ده هو موقف سيدنا عمر بن الخطاب اليوم ده كان مستغرب وكان هيتجنن مش فاهم اي اللي بيحصل لدرجة انه راح و سأل الرسول صلى الله عليه وسلم ألسنا على الحق و هم على الباطل؟! طب ليه قبلنا بالشروط دي و كان سيدنا عمر ميعرفش الحكمة و ميعرفش إن ده أمر من الله للرسول لما قاله إني عبد الله ورسوله ولست أعصيه ولن يضيعني وهو ناصري و بعد كده لما عرف سيدنا عمر الحكمة ندم و فضل يعمل أعمالا خير تكفر عنه اليوم ده.

الشاهد من القصة إن حكمة ربنا و حكمة النبي في الهدنة دي مش هتبقى للراحة و خلاص كده الحرب خلصت! لا كان الحكمة أننا نستعد أننا ننشر الدين صح بدماغ صافية من غير اي مشاكل مع قريش، وفعلا ده اللي حصل و رجع المسلمين اقوى و دخلنا مكة من غير أي قتال و الإسلام أنتشر ودخل ناس كتير اوي في الإسلام قبل الفتح!
و الإستفادة برضو من القصة إنك مش لازم الأمور تمشي زي ما انت عاوز، في حاجات كتير أوي انت مغيب عنها ربنا له حكمة فيها فلما تسعى و تلاقي الموضوع ماشي عكس هواك يبقى ده الصح و تدبير ربنا أحسن ليك.

كلنا عارفين إن الهدنة و الصلح مش نهاية الأمر، والموضوع ده هيخلص إزاي و نهايته على أي؛ و عشان كده جهز نفسك إيمانيا و دينيا عشان اللي جي إن شاء الله هيكون الفتح لينا بس الموضوع في ايدنا احنا .

يا أَيُّهَا الَّذينَ آمَنوا إِن تَنصُرُوا اللَّهَ يَنصُركُم وَيُثَبِّت أَقدامَكُم (٧) سورة محمد

#موضوع_كل_جمعة
2025/10/20 09:13:33
Back to Top
HTML Embed Code: