جروحك والنهايات
ويرتل نحرك ايات
سوه الممشه وحچي الموت
انهتك خدر السبيات

واقع حالي بحبال
واتماشه وي چتال
اخوتي گبالي بس روس
ويزمخ بينه جمال

نسوان تشمت اجت لا صايره ولا دايره
وياطبت الكوفه الصبح وبالسوگ وادم ناطره
بت حيدر انجر ابحبل وعباس ضل بخاطره
المحد عرف اسمي گبل يصحوني هيه العاثره

اي عاثره من كثر مادورت
وبخاطره عباس ضل لمن صحت
يعيوني اخت انشافت تره
وضربوني ومن عله الناگه طحت

خويه حسين خويه حسين …….

…………………………………

طريقي اشگد صعب جان
واشوف فلان وفلان
الاله وياك ممشاي
اطبن تالي ديوان

التهظم لال اميه
ومكيوده وسبيه
وعلي ضحكوا عله الصوت
وخذو صوغة رقيه

ماردت اسولفك جنت وبالي اسكت خايفه
بس وعلي هظمه السبي وكلساعه اطب بطايفه
يحسين اكشف ياجرح تشوفه واگلك نازفه
مزورگه من كل كتر من حجارهم ومگاطفه

ها خويه اتشوف اثر لحجارهم
وبگصتي هاك شوف اثارهم
يضربوني واشگف بطرف العبا
وسبوني اصغارهم واكبارهم

خويه حسين خويه حسين ……..

……………………………………….

صعدت النوگ فشله
واگول اتهون سهله
اذا مالت اكض بيش
التكتلك خويه هزله

ابمشيها الناگه تگزل
ويبعد اختك تعلعل
واسكت واسمع اشكال
الشتايم صعبه تكتل

انسبيت واشتم الهوه وياريته ماطال العمر
وعباس راسه اعله الرمح يفتر لون صاح الشمر
فوگ الاذيه من الذبح يغثونه بسوالف خدر
من غبشه علناگه اكعدت شيوصل غروب العصر

علناگه كاعده من الصبح
تاذيني وجرح ضل يلچم جرح
مو گدري وانت تدري بهايه
بالكوفه الوادم اطش الملح

خويه حسين خويه حسين

………………………….

تحيرني السؤالات
وتجرحني المسافات
طويله الرحله يحسين
وشرف هاشم غريبات

اقيم اقرايه الك وين
وانه الملايه يحسين
بخرابة الناس شدگول
شني هاي النسواين


يحسين من كد اللطم فوگ الزراگ اتزورگن
اتمنيت حاضر بالعزه اتشوف البنات اتهدلن
واسكينه تشهگ بالبچي وليله ورباب اتگابلن
المفاگده بالطف اخو فگدت ابن فگدت وطن

والفاگده تنقري بعيونها
ومسبيه اختك يسمونها
ماقصرت هاك شوف امتوني
ورقيتك لا تشوف امتونها

خويه حسين خويه حسين

…………………………………………….

الامس ممشاي اميره
وهسه بلا عشيره
جنت وين وصرت وين
يصيحوني الاسيره

وحگ شوغات السهام
تحدي بروحي الالام
اذا بالكوفه بحجار
شني المضموم بالشام

اباب ساعات الهضم يحسين شفت المايصح
صوت الهلاهل ينسمع وبالشام عيد ومفترح
مدنگه من المستحه وطبت الخرابه اكبر جرح
تنام البنات من التعب وانه ابقه اناطر للصبح

ماتنحجي الخرابه اسرارها
ومكشفه خويه كل اكتارها
تمر الخلگ واسمع اشكال الحجي
ولامتنام التطلب برد ثارها

خويه حسين خويه حسين

………………………………………


الأقل شرفاً
كرار اللامي
#محرم الحرام

يامهيج روحي واحزان الطفوف
….. ارزقني دوس الحافر
يالرضا گلبي انعمه خلي يشوف
….. شصار يوم العاشر


خليني …. حدر ذاك الحافر
وازگيني …. بعطش يوم العاشر
وعلمني …. شلون اصير بنادم
وادبني …. بحيرة الظل حاير

كون المحب مثل اليحب يموت اله
وبلاوعي لمن يطب الكربله
هو العشگ يراد اله مرسل نبي
ويفسره مشيت النوگ بعايله

مدد مدد مولاي الرضا

………………………………………..

يلضمنت ادموعي عيشني غريب
…….. وكون اعيش الحاله
امنيتي نفس الحر يمرني وهم سليب
…….. وادوسني الخياله


وامنيتي …… غصب تطلع روحي
وتعزيتي ….. تصير همي ونوحي
وتاليتي ….. مثل اول عشره
انسانيتي … تبين من اجروحي



الساتر علينه بخدمته المعدله
واعمالي گدام الزچيه امبهذله
ارزقني يالضامن دمع يكفي الجره
وبكل جزء من ثانيه اشتاگ اله


مدد مدد مولاي الرضا

…………………………………

بالنيابه عن هلي وامي وابوي
….. يالرضا ارزقنه يسر
ونمشي مجتوفين بحبال واخوي
… باقي جثه بلا نحر


وينطگن …. وينهتك ذاك الستر
وينجرن …. ويضحك اعليهن شمر
واتوهدن …. وانه بجفوفي حبل
ياهو احسن …. امي لو ام الخدر


اه يالرضا خلني بخيالي ومحترگ
طالبها منك من گلب يحجي صدگ
ماريد ادگن باب غيرك للهظم
انته الوحيد التقرا بعيون العشگ

مدد مدد مولاي الرضا

…………………………………

ما اريدن انحرم منكم واموت
…… وبالمجالس نوحي
يالرضا والنيه يعرفها السكوت
…… والطين هيبت روحي


من طينكم ….. خلي فوگ اهدومي
وبدينكم …….. خلص ليلي ويومي
ماذيكم ….. وادري سود اعمالي
وهل يمكم ….. مكشفات اعلومي


اعليك بالظل وحده بعازت اخو
شديت اديه ابيرغك وارجو العفو
يالماترد واحد گصد محتام الك
يالضامن احسبني عبد رايد لفو

مدد مدد مولاي الرضا

………………………………………

اتلاثه يتحققن لليطلب وجاك
…… وانه عندي هوايه
احترگ گبل الخيم وانطر رضاك
…… واخدم المشايه



وايماني …. علجمر امشيله
اوجداني …. وكل وجودي بحيله
وقراني ….. من ارتل اسمه
وعنواني ….. انه عبده دخيله


ادخيلك يوارث كل الم بعياله
ورثني حرگه اعله الحرم چتاله
مارايد اصبح جون لو عابس اله
يحسبني اكون اتراب دوس انعاله


مدد مدد مولاي الرضا


…………………………………………


الأقل شرفاً
كرار اللامي
#محرم الحرام

محـرم

( نزله للاكبر ع )

هـذا الاكبر علي او علي ويــاه
هـذا الاكبر علي او علي ويــاه

……………………...
الحومه من طباها .. چـنه داخل طه
وكالسعـف تـتناكث .. الـزلـم خـلاهـا

الجـيش لمن شافه .. هـذا طـه اوصافه
هد عليهم صايل .. ورمحه فوگ اچتافه

بالحـومه مـن نـزل .. خـلاها هالبطـل
تـتراجف منه كـلها
هد بيهم چن عصف .. زلزلهم بالقصف
وراواها الزلم ذلـها

هـذا الاكبر علي او علي ويــاه
هـذا الاكبر علي او علي ويــاه

……………………...
صال صولة حيدر .. وحاس بيها الاكبر
والـزلـم خــلاهـا .. مـن الرعـب تـطـشر

الرمح بـيـهم هـزه .. چنه جـده الحمزه
والگـرب من عنده .. بسيفه راسه يحزه

طب بيهم او رعد .. چن حمزه الاسد
خـلاها كـلها ترجـف
اخو خيته بالفـعل .. من حيدر هالشبل
بالحومه گام يعصف

هـذا الاكبر علي او علي ويــاه
هـذا الاكبر علي او علي ويــاه

……………………...

طبـها رافـع راسه .. الهـيبه من عباسه
من ابوفاضل ماخذ .. غيرته ونوماسه

هـيه نفـس الثـايه .. بالهـدف والغايه
يموت ماينـطيـها .. وما يطيح الرايه

بالغايـه والـهدف .. ماينـذل هالشـرف
بقاموسه الموت عزه
بناموسه والاصل .. صاحب حق مايذل
والكـثـره مــا تـهـزه

هـذا الاكبر علي او علي ويــاه
هـذا الاكبر علي او علي ويــاه

……………………...

الزلـم من يخفگـها .. الروس گام ايطگـها
الشـارده جــدامـه .. بـالسـهـم يـلـحگـهـا

اليلـوحه يشرگـه .. وعالتراب ايطـرگـه
والشمر ضل دايـخ .. عليه فاتـح حلگـه

من شافه الشمر .. ضل لا ما مستقر
ومن خوفه مات حيله
يلطم ضل گـصته ..فشل كـل خطته
ورجليه ضل ماتشيله

هـذا الاكبر علي او علي ويــاه
هـذا الاكبر علي او علي ويــاه

……………………...

الحرب عنده ونسه .. وچن تزفـه العرسه
وهـيبه ينطي لشكله .. الدرع من ايلبـسه

من علي هالهـيبه .. وحگـه بيده يجيبه
من يطب عالعسكر .. تحس كلها بخيبه

بساعات الموزمه .. يسويها ملحمه
والغيره يطگ عرجها
يكـر وما ينـهزم .. يگـلبها عالخصم
ويتعـاله منـها عجـها

هـذا الاكبر علي او علي ويــاه
هـذا الاكبر علي او علي ويــاه

……………………...

حسين من يدعيله .. يهـد عليها بحيله
الكون فوگ اچـتافه .. مستـعد ايشيله

عفيه من ايگـله .. يضوي وجهه ويحله
هـذا قــرة عـينه .. او حـبـيـبه وخـلـه

للاكبر لو دعـه .. هالدعوه تشجـعـه
ويطـبـهـا علي بـهـمـه
ليلى من ربـتـه .. لحـسينـه طاعـتـه
ويرخصله برضه دمه

هـذا الاكبر علي او علي ويــاه
هـذا الاكبر علي او علي ويــاه


#الشاعر عقيل الحسناوي..

قصيدة اهلال الحزن لاستقبال شهر محرم الحرام

هلال الحزن ...لو مر علي ....اتالم ابمصابي
لو مر سنه .... ما ينسي ....وي هظمتي وعذابي

حسين.غريب ......حسين.سليب

يبقى الجرح .للمنذبح... ما ينكطع... نزيفه
مثل الشجر .لو مر هوى.. .يتناغه وي حفيفه
يومك صعب يا بو علي .. واني صبحت ضعيفه
ريت الزمن يرجع عكس ..ويرجع وكت شبابي
*
لا ونتي ..ولا دمعتي .....ماتنفع وعتابي
كل لوعتي..وي حسرتي.. وي هظمتي وعذابي

حسين قتيل ... حيسن . خليل
__

فراك الاخو كلش صعب. ما ينحمل مصابه
سيد شباب اعله الارض. يتلطخ بترابه
وعبد الله تنزف ركبته. متخضب بخضابه
وانه اطلعت من الخيم. وتستر بحجابي

نار الخيم . ويه الحرم. مكتوبه في كتابي
اشبع بواجي .من القهر .وي هظمتي وعذابي

حسين كسير ......حسين اسير .

شفت الشمر فوك الصدر.كاعد يحز ركبته
جافي الحسين اعله الوجه وتذبح ذبح شفرته
ضمآن مات من العطش محد رحم غربته
بالشمس عريان الجسد ودم النحر ترابي

لا صايته ..لاعمامته .....شفت الوجه خظابي
من طيحته ...وي اخوته....وي هظمتي وعذابي

_حسين طريح ....حسين ذبيح ...
_
مات الأمل ويا الاهل. بيهم جنت اميره
يل هظمتي ما تنوصف .من صدمتي الجبيره
جنت اني تربات الخدر.تالي بغرب اسيره
كفالي طاح اعلى النهر ولا واحد من احبابي

لا رايته ..ولا جربته.. ضل حاير بجوابي
زاد الأم..عن فركته ...وي هظمتي وعذابي

حسين وحيد ...حسين شهيد

بقلم خادم الثقلين صادق الخفاجي

مـابـيـن الـحـابـل والـنـابـل ------ تـيـهـنـه الـفـرهـدنـه مـنـيـن
وادم تركض صوب اخيامي ------ وادم تركض صوب حسين

ارهاب ونار ودخان -------- مابيهن حيل النسوان
تيهنه الفرهدنه منين ♪♪♪♪ تيهنه الفرهدنه منين
_

هدو هدت ماي السيل من سمعو طاح المهيوب
صاحو فرهود وماشفنه بس ثوب وخنصر مسلوب
لاغيرة ولاعـدهـم ذمـة ذبـحـوك وداسـوك أنـوب

لاحرمة خلو للعدل لاحرمة للميت بقت
المن يدوسونك بعد ياخوية غير انته متت
بـضـلـوعـك متربع حافر -------- ومـتـونـك صـارن نـصـيـن
وادم تركض صوب اخيامي -------- وادم تركض صوب حسين
اصعب يوم الزينب چان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

بسيوف الحاقد مـتـوذر واثـار الـحافر مـطـبـوعـة
وبن امي استشهد گالولي وابصفه الوادم مجموعة
ما شوفنه ابعيد اهوايه اسمع بس كسرات اضلوعه

كـلـش بـعـيـده امـسـافـتـه ماشـوفـه لكني اسمعّت
ترس اذني احس كسر الضلع بس لا صدگ خوية رحت
ماشوفن بس اسـمـع صـوت -------- ملعب بضلوعه امسوين
وادم تركض صوب اخيامي -------- وادم تركض صوب حسين
دمك طابع بل تربان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

عبدالله اشسوه ايذبحونه بمثلث ليش ايصيبونه
والقاسم ريحانة گلبي چا ليش ابدمه ايحنونه
والاكبر جسمه اموذرينه چا جدكم وين اتشوفنه

راح اليشيم بل حرب واليشبهك يل مصطفى
راحو فرد ساعة اومشو كلهم انذبحو بل سرى
حـتـى الـيـرضع مـارحـمـوه -------- مـن يـامـلـه ومـن يـاديـن
وادم تركض صوب اخيامي -------- وادم تركض صوب حسين
لا اولاد ولا خوان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
_

عباس الماقصر وفـه يـسـتـاهـل اسـم الـوفاي
من جابتله الجود اسكينة ذل الماي وجاب الماي
غدراً گطعوهن چفينه ضربوه ابنشاب اهواي

لو ماغدر چفه انگطع چـا هسه طافيهم طـفـي
الأذاني ضربت هامته والـحـاقـد الـبـي يشتفي
عين ابـنـشـاب امـصـوبـيـهـا --------- والدم حـاجـب هـاي الـعـيـن
وادم تركض صوب اخيامي ---------- وادم تركض صوب حسين
كلش خواني انه احنان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
__

اصعب ساعة بيوم العاشر من چلچل فوگانه اليل
حرگو خيمتنه وطشينه مامش والي وكلها اتعيل
مذعوره اطفالك ياخوية والعكسر راواها الويل

من خولي تشرد والشمر خلاها ركضت عل خيم
يرعبها شكله المنمسخ فوگاها طگهه ابـلا رحـم
يـاريـت اكـبـار اوتـتـحـمـل --------- كلهم جوى العشر اسنين
وادم تركض صوب اخيامي --------- وادم تركض صوب حسين
كلش اذونه العدوان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
____

مدوهن بالي ومـشـدوه مـحـتـاره اجـمـع بـل أيـتـام
جاي امشي ولن واحد شفته خارج عن دين الاسلام
مـتـرهـي وگـاعـد متربع يـذبـح بـحـسـين وجـسـام

هسه انه هم اتحيرت المن اصدّن ياكتر
اجمع يتامة العايلة لو تاني من يمشي الشمر

لاضـلـت طـاقـة ولاحـيـل ----------- گـدامـي انـذبـحـو سبعين
وادم تركض صوب اخيامي ---------- وادم تركض صوب حسين
راح الحيل اوي الوليان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
____
فرضو راي الشام اعلينه حزمو اله انروح اليله
وآنه بگلبي اتمنى الكافل سالم حتى الضيم اشكيله
گلتلهم بس عطوة اطوني للضيغم خلوني امشيله

اتوادع اوياكم ردت لاچـن غـصـب سـار الـضـعـن
امشي واحسب يل گمر وبروحي گمت اطحن طحن

زحمة امشي وماهمه اخواني ----------- ولوادم تـنـظـر صـوبـيـن
وادم تركض صوب اخيامي ---------- وادم تركض صوب حسين
تتفرج كلها العربان ♪♪♪♪ مابيهن حيل النسوان
تيهنه الفرهدنه منين •••••• تيهنه الفرهدنه منين
___
#صادق_البطاط

قصيده لأستقبال فاجعة أرض البقيع وهدمهم من قبل الارهاب السعودي .....
اللهم عجل لوليك الفرج

بارض البقيع الطاهرة__ اعظم واطهر مقبرة
ارض الرسالة

لاحرمة خلو للنبي __ هدموها بغضاً بل ولي
هاي السلالة
____
نفس الشرذمة القذرة فقط تاريخها اتغير
حياية مسممة ولليوم تخلق بل فتن والشر
عن أهل السقيفة احچي المارحمو گلب حيدر
عله راس الهرم عائش الگالو عنها خط احمر

للهل السقيفة انطت خبر -------عل زهرة ودولي عمر
وبكل عجاله
يحرگلي دار المرتضى ------- يفجعلي گلب المصطفى
هوه وعياله
______
من يوم الحرگ لليوم نفس الخطط مرسومة
گدام النبي المختار قبور اولاده مـهـدومـة
الصادق والحسن ياحيف هظيمة وباقر اعلومة
مـن عـبـد الـوهـاب الناس صارت كلها مسمومه

للناصبيه اصبح نبي ------- جهرن يجوز سب علي
ابن الحثالة
باچر المهدي لوضهر ------- للناصبي يكسر ضهر
لوهل هلاله
_____
بيده ايشيد البنيان در او ذهـب يبنيهن
وگبور البقيع اهناك من يضهر ايسويهن
مثل گبة علي الكرار الگبب زوار يمليهن
وگبور الرذيل اسعود من الگاع يسحيهن

بچفوفه هـوه المنتظر ------- للزهرة يبني اعظم قبر
ابماله وحلاله
ماينسى ذني لـو طـلـع -------- ثـار الـعـقـيـلـة والضلع
كلشي بعداله
______
اسامي مسجلة من الله الياخذ ثاره من عدهم
مـايـستـثـنـي مـنـهـم دوم اكـبـرهـم اوصغرهم
عمر وام الفتن عائش هذولي الشرذمة اولهم
عله جذع انخلة الـمـوعـود ينبشهم ويصلبهم

ذولي العصابة الاربعة --------- شلة الشر الطامعة
اهل الرذالة
كلهم بساميهم غداً ----------- يصلبهم ابنك يل حسن
عده الوكالة
______
انتم يل عبدتو الات تبعتو ناس مدري منين
اعبدو دينكم هذا وخلونه احـنـه نعبد دين
احنه ويه النبي المختار كلش حيل مرتاحين
وذا حجّتكم التطبير بـاچـر ننتحر لحسين

دينك اعبده وانلصم --------- لاتفتي عني ابلا علم
ونطي الدلالة
آنه بمحبتهم هـمـت ---------- وانته ابمسبتهم متت
شوف الجلالة
______
#صادق_البطاط

نزلة موشح

امشونه ياشيعة انتلگه اضعونها
الـيـوم هـاشـم كـربـلـه ايطبونها
___
اليلة ابو الـسـجـاد يوصل نينوى
امشونه نرخي اركابنه برض الوغى
انـلاگـي خـيـر الـنـاسِ أمـاً وابـى
گبل لا خـيـمـتـهـم ايـحـرگونـهـا
______
اليوم بل طف اعلن حسين الجهاد
أمـر واجـب لازم اتطيعه العباد
يحي دين الله وأجه الـهـذا الـمـراد
همه هاي المعضلة ايزيحونها
______
مايهمه اشما كثر عسكر يزيد
ولا كثر نشاب ورماح وحديد
همه بس الدين يرجع من جديد
همهم اصنام البشر يسحونها
______
لجل هذا الدين دمهم خصصوه
حتى ازغر طفل عدهم رخصوه
تضحيات العمر كله خلصوه
والحياة بتضحية ايخلصونها
______
اهل بيت المصطفى وخير البشر
ارجال يوم الموزمة تگسم ضهر
مـا أطـول وخـتـصـر بـس الگمر
من نزل مغضب تغير لونها
___
من نزل عباس وج حتى التراب
سيفه سله وگام يحصد بل رگاب
جيش كامل حطمه وسوى انقلاب
والجيم داسها واطفه اعيونها
___
آل هـاشـم ونـعـم هـذا الاسـم
الدنيه منهم خذت كل هذا العلم
لچن محد وسفة من عدهم سلم
الحاربتهم ريت عميه اعيونها
____
#صادق_البطاط

قصيدة ملمع
خُلِقا الانسان من وحلاً وطين
ومن درٌ خـلـق اللهُ الـحـسـيـن

فاطمٌ والمرتضى _ خيرُ اماً وأبى
خيرت الخلق ونعم الوالدين

____
الله طـهـرهـم الله فضلهم .... اهـل بـيـتـه
رحمه خلاهم ولي والاهم .... رفـع صيته
ضحو ابدمهم كلش ماهمهم…. بس وصيته
حـيـدر الزاهد والنبي العابد .... ويـه ذريـتـه

ان آل المصطفى _ خيرُ أماً وأبى
امرغو في الارضِ انف الكافرين
___
حسين بل عاشر طشره الحافر .…. اتسهم امسهمه
زيـنـب الكـبـرى مالگت نـحـرى ..… رادت اتـشـمـه
حـتـى عبدالله ابياذنب بالله ….. امـوذر انـلـمـه
عمره ست اشهر صايم ويفطر ….. يـرتـوي بـدمـه

صائماً دم ارتوى ___ خير أماً وابى
هوى كل طير ذبيحاً في اليدين
____
حرگو الخيمة طـشـت بـهـيـمـه…… هـدو اعـلـيـهـا
حشمت زينب خـدرك اتـسلـب …… مـايـحـا چيـهـا
هشمو راسي حرگه بـنـفـاسـي …… گمت احس بيها
حيل تاذيـنـي مـن تناديـنـي …… گـلــهــا والـيـهـا

اُتركي هذا الندى __ خير اماً وأبى
هُشم الرئس بعمداً والجبين
____
حايرة اتنادي ضاعو اولادي …… كون تنضرها
لا أبـو يـمـها والحچي ايهمها ……. كلش ايضرها
راح كـافـلـها ياهو ضل الـهـا ….... حتى ينصرها
مارحم بيها سوطه ياذيها ……. شـمـر ذاعرها

جدنا كف الاذى _ خير اماً وابى
ابرح الايتام ضرباً ذا العين
____

مـاأســولـفـلـك من خـذو بـنـتـك…… لـبـن مـرجـانـة
الكارثة التهظم متـنـي ينگط دم …… حـيـل حزنـانـه
موعله امتوني يبچن اعـيـونـي …… عل شتمني آنه
للخرابة امشو داعي گلي اهدو …… بـيـهـا خـلانـه

اين مصباح الهدى ____ خير اماً وأبى
اين انته يبن خير الخيرتين
_____
بل طشت راسه بس بقى احساسه .….. شافته اطفالة
ما تحاچينه صاحـت اسـكـيـنـة …… والـدمـع سـالـة
وسفة يرقيه شـــافـتـه اوهــيــه …… تهظم الـحـالـة
عل ولي طاحت بـاسـتـه وماتت ……. فـرح چـتـالـه

دمعُنا دماً جرى __ خير اماً وأبى
انتي للمذبوحِ كُنتِ نور عين
______
#صادق_البطاط

قصيدة في الأمام القاسم ع وزن حدي

يوليدي ياريع العمر •••• لشده ضميتك ذخر
عمك يجاسم وحده •••• محد الضل ايساعده

للشده ضميتك ذخر•••• للشده ضميتك ذخر
==================================
انـزل يـيـمـه للـحـرب تگضيها اريدك من تطب
وصـاك ابـوك مـن الزغـر لازم تنفذ هل طلب
لمن سمعها ابن الحسن بين عله اعيونه الغضب
حضريلي سيفي ولامتي خل انزل احسمها الحرب

وصلت الخيمتنه العده •••• عمك وحيد انشاهده
انهض يبن اكرم بشر •••• للشده ضميتك ذخر
==================================
من لكّد ميمونة ونزل راواهم انجوم الضهر
موتها رجلين الخصم و وجوهم صارت صفر
ماعنده صفحة محدده نازل مثل ماي المطر
عل ميمنة وعل ميسرة كل ساعة ينشاف بكتر

ماعنده صفحة محدده •••• سجيل سيفة بساعده
راواهم انجوم الضهر •••• للشده ضميتك ذخر
==================================
حيل الحسن وبقوته متحزم احزام ابعلي
صاح ورجف حتى النهر گلهم اسمعو مايلي
الزلمة بيكم والتجف خل يدنه ويگرّب الي
ما ارد اطول بل حرب اگضيها ورجع للولي

يابا الحسن صاح وبده •••• ارعبهم ابهذا النده
ضهر وخشم منهم كسر •••• لشده ضميتك ذخر
================================
غرگت الحومة بل جثث بتاره ينگط كله دم
بل صدفه لن شسعه انگطع دنگ وصابوه ابسهم
لن غفلة كلها اتعنته حاطته ياوسفة الجيم
لو ماغدر راسه انطبر بل طف ولا كافر سلم

حاطته وسفة الحاقده •••• خيل وعساكر حاشده
متعيني جـسـام انغدر •••• لـشـده ضميتك ذخـر
================================
من لمح جسام انضرب اسرع من الصوت اعتنه
قبل اعيونه وجبهته يم راسه ابوسكينة انحنه
شاله وتوجه للخيم والرملة جـابـلـهـا الضنه
گـلـتـلـه الك فـدوى الـبـزر ونـدارِلك فـدوى آنـه

نفذ وصيت والده •••• للكلفة جاسم رايده
ماقصر ابني وانتصر •••• لشده ضميتك ذخر
==========================
#صادق_البطاط

نــــزال ســـريـــع

يـمـه ''''''''''جــســام يــمــه ''''''''جــسـام
=================================
انزل اوصفيها يوليـدي الجـيـم
لاتخلي الناس توصل لـلـخــيـم
وداعتك نـسـوان مابـيهـم زلــم
كون اريد الحرب بيدك تنحسم

يـمـه '''''''' جـسـام. يـمـه '''''''' جـسـام
=================================

من سمع رمله نزل شبل الحـسـن
مبتسم والگوم غـطـاهـا الــحــزن
الانس والجن عله افــعـالـه صـفـن
سيفه من گد الذبـح كـلـش سـمـن

يـمـه '''''''جـسـام يـمـه'''''''' جـسـام

=================================

من دخل مختاض دخـلـهم انـذار
والـعـسـاكر كلـهـا لـاذت بـل فــرار
ريش همه وهوه ثـاگـب كـلـه نــار
جيشهم والماي ذيـچ الـسـاعـه فـار

يمه '''''''جسام يمه'''''''''' جسام

=================================

مايهموني العده اوكثر السـيـوف
واله اترسها جثث گاع الطفوف
خاف باچر بلخيم يـمـه تـحــوف
بـعـده ماكمل وماتـت كلها خـوف

يمه '''''''' جسام يمه '''''''' جسام

=================================
دنگ اوغدراً القاسـم صـووبـوه
ولون ذرة شرف عدهم گابلووه
طايح العريس بـس ماخـوفـوه
همه بيهم خوف منه ومن ابوه

يمه '''''' جسام يمه '''''' جسام
=================================

شافه عمه حـسيـن وتـعـنـه ألـه
من وصل صاحاله يا مـيـت هله
توه من عدي يعـمي الـهـم جـلـه
اي يـعـمـي اويـاك الموادع حـلـه

يمه '''''' جسام يمه'''''' جسام
=================================

رمــلـه مـن بـعـيـد ابـنـهـا شافتـه
تستحي وبصوت خـافـت نـادتــه
كلشي لجل الدين يرخص حاچته
وبـنـي بـل فـردوس احـلـه زفتـه

يمه'''''''جسام يمه ''''''''''جسام

===================================
آل هاشم بل حرب عدهم شهود
همه اهلاً للشجاعه او للـصـمـود
والحسن عدهم كريم ابلا حدود
ضحه لجل الدين ببنه الكله زود

يمه''''''' جسام يمه''''''' جسام
#صادق_البطاط

قصيدة الى فخر المخدرات زينب عليها السلام

آنه اخت حامي الشريعة ••••• اتحملت هاي الفجيعة
حتى هذا الدين يحيه °°°°°رخصت كل غالي اليه
آنه اخت حامي الشريعة

_ ۞ ۞ ۞_
ويـنـه هـذا الگال عـنـي خـدي الطمنه وانـوحـن
خله للتاريـخ يـرجـع يـنـظـر وزيـن ايـتـمـعـن
احـنـه اهـل البيت احـنـه ابيتنه الأيات نـزلـن
بس بچيت انه عله خوتي وحگهن من عيوني يعمن

الگالت الطم بل وسيعة •••••••• هل امر بغضاً تذيعه
آنه دوم اسمي ألأبــيـه °°°°°°°°ورخصت كل غالي اليه
آنه اخت حامي الشريعة

_۞ ۞ ۞___

ياهي مثلچ يل عقيلة مـصـيبتچ ياهو ايحملها
ياجبل للـصبـر شـامـخ تنطي وتضحي ابـأهـلـهـا
كلشي لجل الدين زينب رخصّت كل غالي الها
حسين وخوانه الثلاثة وجاسم وذاك الكفلها

ياهي مثلچ يل وديعة ••••••••• تحمل الجثه الصريعة
نفذت اعظم وصيه °°°°°°°°رخصت كل غالي اليه
آنه اخت حامي الشريعة

۞ ۞ ۞___

من وگع من فوگ مهره حسين ونفجعت عياله
والشمر من شفته يركض راح لبنمي اعـتـنـالـه
راسه حزه گبال عيني وعل رمح گدامي شـاله
ماجزعت عله المصيبة وكملـت اعـظـم رسـالـة

احنه ثبتنه الشريعة •••••••• منزلت جـدنـه رفيعة
طه ابو نفس الزكية °°°°°°°رخصت كل غالي أليه
آنه اخت حامي الشريعة

_۞ ۞ ۞__

ازغر اسماعيل عـدنـه ضامـي ونـصـاب بوريـده
حرملة ابنشاب صابـه من عـسـاهـا انشلت أيــده
تدري ذيچ الساعة اخيي اشگال عن ابنه الصميدة
كلشي لجل الدين يرخص وابني دين الله يريده

ضحه اخوي بدم رضيعه •••••••• گال امر الله ونطيعه
مـنـذبـح مـابـيـن اديـه °°°°°°° رخصت كل غالي اليه
آنه اخت حامي الشريعة

_۞ ۞ ۞__

آل هاشم بل شجاعة اسـبـاع مـحـد گا بـلا هـم
من نزل ساجي العطاشة جـيـش والخيل أسحگاهم
وجاسم العريس يـرهـب هـوه والـاكـبـر مـحـاهم
والحسين بسيف حـيـدر نـزل عـل عسـكـر فـنـاهـم

فزعت اخواني فزيعة •••••••• كسرو اصنام الخديعة
غيرة عدهم هاشمية °°°°°°°°رخصت كل غالي اليه
آنه اخت حامي الشريعة

_۞ ۞ ۞__

ماسباني ابن الرذيلة الشاهد الله آنه السبيته
گـيـدانـي بـحـبـل لاچـن آنـه بـل ذل گـيـديـتـه
حاول ابكل قوته ابچي دمـعـي ضل ومابچيته
آنه خت سبع الگناطر راسه يهتز لـو نخيته

هاي زينبكم يشيعة •••••••• ذلت القوم الشنيعة
چذّب الگلكم سبية °°°°°°° رخصت كل غالي اليه
آنه اخت حامي الشريعة

_۞ ۞ ۞__

مجلس ابن ازياد يشهد من دخلته ابكل فخامة
هدّمت عرش الخرافة الضنه يجرحني ابكلامة
وين اخوتچ گلي زينب كتله اخوتي اهل الشهامة
رخصّو وانطو دمـاهـم احـيـو الـديـن الـنـشـامـة

نرفض الذل بل رديعة ••••••• نـطـي دمـنـه ومانبيعه
الهـذا دين الجـعـفـريـة °°°°°°° رخصت كل غالي اليه
آنه اخت حامي الشريعة
#صادق_البطاط

ضهري اخلاف عينك صار نصين ------- مو وكت المفارگ خله بعدين
آهل ترضاها عباس ♪♪♪♪♪♪ بيه اتشمتّ ناس
مو وكت المفارگ خله بعدين
~~
حيلي انته يخوي وعزمي عباس°°°° من اتروح يعني اتهدم الحيل
احل حزامي زحمة اگبال شمات °°°° وانته اتشوف كل ربعك مچاتيل
لاهمني العطش لاكثرت الجيش °°°° ولاهمني العليه ابفگدك ايعيل
بس الكسر گلبي وخاطر ام عون °°°° من غدروك غفلة ابزحمة الخيل
وين اتريد ونته اربات السنين ------- وجاي اتشوفها حاطتني صوبين
فرحت كل الارجاس ♪♪♪♪♪♪ بيه اتشمتّ ناس
مو وكت المفارگ خله بعدين
~~~
خله الماي هسه وخلي الاعذار °°°° احنه بعازتك موعازت الماي
اذا خجلان من اختك يضرغام °°°° ابمجيئك ترضى زينب گوم وياي
ما نحمل وجع وثنينه احنان °°°° ونته اونعم منك خوش وفاي
تدري الاخو ياخذ كلش لو راح °°°° خصوصاً من يكون ابحجمك اعضاي

اخوي انته وعضيدي وگرة العين ------ شبيهك يابوفاضل بس الحسين
بيك الغيرة تنقاس ♪♪♪♪♪♪ بيه اتشمتّ ناس
مو وكت المفارگ خله بعدين
~~
هاعباس هسه اشرايك ايگول °°°° ابواسكينة يگله ابآخر اوداع
شال الراس باسه وزاح الاتراب °°°° وبوفاضل ترجه ايرده للگاع
بعد ساعات راسك بيد شمات °°°° وحوافر خيل تطحن كل الاضلاع
خليني ابمچاني وروح مولاي °°°° او گل لختك يخيتي التعب ماضاع

يزينب گلها اخبرچ لاتـتـانـيـن ------ اخيچ گطّعوها اچفوفه الاثنين
ضل متهمش الراس ♪♪♪♪♪ بيه اتشمتّ ناس
مو وكت المفارگ خله بعدين
~~~~
رجع للخيم بس الوحده حسين °°°° عمت عيني اعله اخيه اهواي مهموم
شافته العقيلة وصاحت ابصوت °°°° اخيك وينه اخيك ها يمضلوم
البگه ابراسچ يزينب راح عباس°°°° اخوچ انصاب غدراً هاي العلوم
من هل ساعة اخبرچ تبدي الالام °°°° الله يعين گلبچ زينب اليوم

اليلة ابلايه اخوتچ راح تمشين ------ اليلة الكون يختل من تونين
حنينه اوكلچ احساس ♪♪♪♪♪ بيه اتشمتّ ناس
مو وكت المفارگ خله بعدين
~~~
سبع فدوات اروحلك يمهيوب °°°° وحيد اشلون وختك ضاله وياك
آنه احزام ضهرك ياضوه العين °°°° ولو محد يسدلك فجوة اعضاك
لچن بلكت اخفف حملك اهواي °°°° المصايب فرد ساعة التمن احذاك
مايطيني گلبي اتخيلك هيچ °°°° بس انته وجيوش امجيشه اعداك

ابن امي وحيد اتحيطه سبعين ------ هد الكفر كله ايحارب الدين
ضحى الآخر انفاس ♪♪♪♪♪ بيه اتشمتّ ناس
مو وكت المفارگ خله بعدين
~~~
اصعب ساعة چانت يوم عاشور °°°° من ضلت حراير دون وليان
الحرم ضلت ثكالة ابلايه نغار °°°° ياصوب التروحه اتشوف عدوان
لاشيخ العشيرة ولاكو عباس °°°° كلها ا اذبّحت ياوسفة الاخوان
ماضل حيل عدي وحالي متعوب °°°° ولتنه ارجاس خنث وحنه نسوان

بس نسوان ضلت تشرد امنين ------- وين اتروح بل بر تلتجأ وين
عليها اتحوم الانجاس ♪♪♪♪♪ بيه اتشمتّ ناس
~~~~
النار الگبل فـتـرى شـبـت الدار °°°° اجت لهفانه وتعنت للخيام
و حرت مابين الم اعظاك يحسين °°°° لو لمن بقايانه مــــــن الايتام
اي ياخوية اريـدك راح يـمـشـون °°°° فرضو راي هسه انروح للشام
عدل ميت يخوي احتاجك اوياي °°°° عصيبة وكلفث كلش هاي الايام

واحد ردت منعدكم يطيبين ------ اريده اوياي يبقى الساعة البيّن
زحمة ابلايه حراس ♪♪♪♪♪ بيه اتشمتّ ناس
مو وكت المفارگ خله بعدين
~
#صادق_البطاط

عمري ماريده يخوي اخلاف عينك
وياهظيمة ادگطّعن گـدامي اديــنـك

والسهم طافيله عين •••• ضهره مكسور الحُسين
عمري ماريده يخوي اخلاف عينك

========================================

ماحسبت احساب هيجي ايصير بينه
ســـالـم اتـروح اوتـرد مـذبـوح لـيـنـه
آه يـاخيمتنه يــل ســاتــر عـلــيــنـــه
من طحت من فوگ مهرك تــيـهـيـنـه

اسنيني كون ايصير اديرنها السنينك
ونته اشوفك سـالـم اتـرد الحُسينك
حيل محتار الحنين••••• ضهره مكسور الحسين
عمري ماريدة يخوي اخلاف عينك
========================================

حسين من ردلي عرفته انكسر ضهره
من عمود الخيمة شفته ابحرگة جره
ومن سمعته الحمد والاخلاص يـقـره
گـال خـلّـونـي اشـم بل خيمة عطره

گتله ها خوية صدگ راح اليعينك
صدلي وبعينه شفت گطعت يمينك
عذّبت گلبه الحزين••••• ضهره مكسور الحسين
عمري ماريده يخوي اخلاف عينك
========================================

الماي ماريـده ردت سـالـم اشـوفـك
للخيم ترجـع وقـبلـهـن چــفــوفــك
ماحسبت اعله النهر ياخوية اعوفـك
والخيول الحاقـده بغــضـاً تدوفـــك

راسك الطاهر نزل دمـه الجبينك
اشلون تمسح دمك ومگطوعه ادينك
غدر گطعوها الأدين ••••• ضهره مكسور الحسين
عمري ماريده يخوي اخلاف عينك
========================================

اخ كـونـك شـاهدت حـالـة عـظـيـدك
ابلا مناصر ضل يبو الحملة او يريدك
گطّعو گلبه يخوية ابـگـطّـعـت ايـدك
ليش تكسر خاطرّي اوخاطر وحيدك

ونعم مـنـك صـدگ وفيت دينك
بآخر انفاسك وابو اليمة ونينك
وحدك وسفة الونين •••• ضهره مكسور الحسين
عمري ماريده يخوي اخلاف عينك
========================================
ادري شي حمله فگدكـم هـايـخــوتي
صيحت مافاد يرجـع عـلـي صـوتـي
ليش هيجي اتعوف اخيتك ياسلوتي
اي يـعـبـاس بجـفـاك اتـمـنـى مـوتـي

المن اتضل لورحل عنك حنينك
بعد ماضل صبر ياعباس وينك
وين اروحن امشي وين•••• ضهره مكسور الحسين
عمري ماريده يخوي اخلاف عينك
========================================
لاتـخـلـوني يـخـوتي أمـشـي وحدي
زحمه بضعون الهواشم غربه تـحدي
ضربو اطفالي واجـو لـبـدو ابـسـدي
عنكم اينشدون مـامـش عذر عـندي

لاحـرم خولي رحمها ولابنينك
حتى سباني الحچي بيني وبينك
طگنه بل سوط العين •••• انكسر ضهر الحسين
عمري ماريده يخوي اخلاف عينك
========================================
#صادق_البطاط

قصيدة على وزن الدارمي الى الامام العباس عليه السلام

لـمـن نــزل عـبـاس وگــبــل عـلـيهم
ذلـهـم وخـلـه الـكـون يـسـمع بچيهم

_
لمـن نزل عباس والـحـومـه طـرهـا
نص العساكر ذيـچ بـعـيـونـه كرهـا
خلاهـا مـاتـت خـوف لـمـن خـزرهـا

والهذا يومك خوف من عده بيهم

__

من حشمت عباس اخته الحنيـنة
گلتله جيب المـاي ورجـع ولـيـنـه
صعدت الغيره ونار ورث جـبيـنـه

الـنـهـر والحراس شبگها أديهم

_

بچفوفه شال الماي وعيون اخــيـه
عرضت وذبه وصاح يـحـرم عـلـيـه
زحمة اشـرب وعطشان خير البريـه

خل اترس انه الجود وتعنه ليهم

_

شال العلم والجود وتـوجـه وغـار
صوب الخيم والگوم سواها طشار
بسيفه يگطع روس من كل الاكـتـار

من سيفي صاح بصوت ياهو ايحميهم

__

اعــظــم درس عـبـاس لـلـخـوه انــطـاه
بس هوه بل تاريخ ضحه وفده اعـضـاه
ديـن الـأخـيـه حـسـيـن بـچـفـوفـه وفاه

وضل مستحي العباس هل مايجيهم

____

ضل مستحي العباس ما وصل الماي
با أخر انفاسه يصيح تعذرني مـولاي
لو ما غدر يحسين گـطعوهـا يمـناي

چا وصليت الماي ونته اتسگيهم

____

ما وصليت الـمـاي ياخـويه خـلـنــه
نـتـوادع انـه اويـاك ورجــع لـهـلـنــه
وخـاف الأطفال ادگول وين الكفلنـه

گلهم لأن خجلان مارد وليهم

#صادق_البطاط

عزمي ينشد من اشوفك ------ گلبي مايطيني اعوفك
شوفتك شوفت محمد ------ حيلي من اتروح يبرد

يبني الاكبر يبني الاكبر
✭​​​​----✺✺----✭​​​​

بويه انته اهواي غالي لاچن الدين اغله منك
تدري ليش انكسر گلبي لان افضل بشر چنك
بينك وبيني دقايق بس احسه اسنين حزنك
گبل لا تمشي يل اكبر خلني اودعنك وحضنك

يالله بويه اطيني أيدك ------- خل احبك من وريدك
بلكي نهر العين ينـسـد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

نزل شبل الأسد يرهب نفس طه ونفس حيله
بكر بن غانم تقدم گلها ادعـي حـسيـن ليله
ماجزت يمكن ثواني وراسه حطاه ابشليله
رجع جاب الراس صوغه قدمه العمته وخليله

گلها صوغه الراس جبته ------- ابچفي موش ابسيفي صبته
محد ايـگـابـلـنـي محد ------- حــــيــلـــي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

زينب اتلگته صاحت هله ومقبوله الهدية
گلها ياعمة ادركيني نار احسها اتفور بيه
حيل عطشان آنه عمة والـحـديـد أثر عليه
للحرب ارد ارجعلها بلكي ماي ايصح اليه

استحي من احسين اگله ------- زحمة عن الــــمــاي اسأله
عـتـبـك الدلالي يـمـرد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

ودع احرار الهواشم والموادع طال مده
باس راس امه الحنينة وگلبه يعلم ماكو رده
نزل بس اشلون نزله وجها ذابل چنه ورده
ضامي كلش حيل ضامي طاقة مامش بعد عده

نزل بس اشلون نزله -------- ضامي يابس حتى ضله
شنهو ذنبه الله ولـحـد -------- حيلي مـــــن اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

حاطته انذال الخلايق بغض رادو هدر دمه
لأن حامي الجار جـده الچتلته اتعنو ابهمه
خيل وشكال العساچر زحمة صارت ناس يمه
غدر بسيوف الضلالة وذرو ياحيف جسمه

لاخجل لارحمة عدهم -------- لاحياء الـــــي يردهم
جيش عل اكبر تحشّد ------- حيلي من اتروح يـبـرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

ليله حست بل مصيبة صدت وشافت بعلها
اتگله يامعصوم احسّن روحي مايرجع املها
گلبي يعلم راح الاكبر يابـــعــد لـيـلـه وأهلها
نزل شبه البرق چنه والـكـتـايـب ذيـچ حلها

گعد يم ابنه الصميده ------- قبّله ابگصّته او وريده
گله يبني الباري يشهد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​✭​​​​----✺✺---✭​​​​✭​​​​----✺✺-----

للخيم شاله وتوجه هوى والضيغم عضيده
گال كلشي ايهون خوية بزري للتكلف اريده
صح كسر ضهري ابرحيله لچن رد الدين بيده
احنه ديدنه الشهادة فزنه بـل روح الشهيده

كلشي لجل الدين يرخص ------- وحنه بل اسلام نختص
هاشم اول دوم تـــنــعـــد ------- حيلي مـن اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​
#صادق_البطاط

هاي زينب خاف ماتعرفها زين
من تسولف عنها احذر لاتعيل

هاي موحيه الله تربات الرسول
ياهو گلك جزعت اطيني الدليل

خرطت الخدين ومكيف تگول
مادريت احچايتك تاذي الچفيل

ولك هاي الرخصت دم العزيز
ولجل هذا الدين سوت مستحيل

ما اگولن الله يهديكم اگول
يـــــــل تكتبون الشعر مابينه حيل

اشويه ركزو عل صبر والتضحيات
لاتچلبون ابضرب متن العليل

لاتخلي السانك ايصيرلها سوط
ولاتخلي احچايتك ناگة وتميل

زينب اغلى من النفس عند الحسين
والحُسين انعرفه شيخص الجليل

يعني اليغثهم غضب ينزل عليه
وبعد يم ربك بقى اخلاء السبيل

الماي هم گبلك مشى ابراي الزنيم
الهسه ماي الطف نسميه العميل
#صادق_البطاط

#علي_بن_أبي_طالب_ع
عهد وياك مـــن صلبي ::: خطيته
وجدمي من ثگل ذنبي ::: خطيته
اجاك اخويدمك تغفر ::: خطيته
الذنب ماخله شي يعتب عليه
#صادق_البطاط

#عيد_الغدير_عيدالله_الأكبر
#متباركين_لــــــكــــــم_الــــــولايـــــة

عدل ميت يحيدر ابقى وياك
ماعوفك لآن حبك تجارة
ومادور مصالح لا والحسين
بس شفتك ذهب فوگ المنارة
بلاطلبه اشوفك توگف وياي
وعلي خيرك يطيح بكل غزارة
انته الدين كله وأنته ليمان
وعليك اكد الباري ابنص قراره
موبس آيه نزلت نزلت ايات
الك بيهن الباري مسوي اشارة
غدير الخم دليل وتشهد الناس
وبدت من خم عليك اول شرارة
ومو قصدي الولاية وانت معروف
ابرحم امك ولك جاه وقداره
بس القصد واضح عن ابوفلان
اغتاض وأذته هــــــــــــــاي العبارة
علي مني سمعها وصاح مغتاض
الخلافة آنه استحقنها ابجدارة
خله اشما يسولف صوته مكتوم
المهم حيدر علي راعي الصدارة
ابأمر ربك قرارك جابه جبريل
وصك مختوم الك دولة او وزارة
وگل الطه حيدر بعدك ايصير
ولي ونعم الولي الماينسى جاره
ولوماطه خاتـــــــــــــم چاأخليه
نبي وسيف الله متلقب فقاره
ماقصر علي وانــــــــه ارد اجازيه
ابكفيه الجنة جنة النار نارة
بس هــــــــــوه ومحمد اول ثنين
ابهمهم هدّمو جــــهــــل الحجارة
لذالك عدنه غالي اهواي ابوتراب
الدين ابزود سيفه ابده انتشاره
منو مثله يعزب وهوه جوعان
ويگضّي الّيل عـــــل وادم خفارة
وياهو المثل حيدر محتوي الناس
وملجئ لليتامة امسوي داره

ولامـره الـتـجي البيته ::: يملها
الناس وگال حگ عندي ::: يملها
علي الفرقان والـشـاهـد ::: يملها
لمن زرعو فتن بين البرية

علي ابكل المواقف سيفه مسلول
وأله بصمات خلدها انتصاره
بدر صفين خيبر خندق أحزاب
وعلي لوما علي كلهن خسارة

الآيــدرون حــيــدر قـاد !!!صفين
وسيوف اولاده بـل كـفـار !!!صفين
انجسم چاليش ذاك الجيش !!!صفين
بأمر حرمة ابغضت خير البرية

اشعجب تبعو الهندس مو ≈≈ بدرها
علي الكل ولده لـجـل الله ≈≈ بدرها
الـه وگـفـات والـشـاهـد ≈≈ بدرها
لمن سيفه انتصر عل جاهلية

بـرگـاب الـكـفـر سـنـهـا ∞وحدها
اسيوفه وخيبرآ تشّهد ∞وحدها
آل الـبـيـت بـس هـيـه ∞وحدها
ازهدو بل دنيه واشروها المنية

أنته وآل بيتك خيرت الناس
عليكم نبچي ليل الله ونهاره
او وي صافي اللبن حبكم رضعناه
وعشگناكم لأن كلكم غياره
#صادق_البطاط

نزلة تجليبة ثقيل + زنجيل

اعاين عــــــل رماح ابعين مذهولة
شمسوي اوشتال ابصدره مشتولة

اول مادرو طاح شتلو جثته ارماح
شـمـسـوي اوشتال ابصدره مشتولة
~~~~~~~~~~~~~

ابكثر حقد السقيفة اعله النبي وآله
يزيد ابصدر اخيي امشچّخا انباله
ســــيـــوف ارماح يردف گام چتاله
خبيث وهـــمـــه يسمع لوعة اعياله

يمن فدوه اتغدّون الكشخته اوطوله
شمسوي اوشتال ابصدره مشتولة

حتى ابين الاصفاح شتلو جثته ارماح
شـمـسـوي اوشتال ابصدره مشتولة
~~~~~~~~~~~~~

لارحمو حرم لا رحمو اطفاله
هدو غيمة سوده اعلينه خيالة
داسو صدر اخونه وداسو ارجاله
أذا كفار أمّــــيّـــه الحافر اشماله

طشّر جسم اخيي ابوسعة الچولة
شمسوي اوشتال ابصدرة مشتولة

تطشّر والمسچ فاح شتلو جثته ارماح
شمسوي اوشتال ابصدره مشتولة
~~~~~~~~~~

اصداً عل مخيم وانظر الحاله
كلها اتريد تنهب چسوته وماله
كسر گلبي العليل ابهل حچي الگاله
المرض ياعمة لو ماجسمي يغتاله

چا هسه رمل تارس حلگ ذوله
شمسوي اوشتال ابصدرة مشتولة

حيلي من المرض راح شتلو جثته ارماح
شمسوي اوشتال ابصدره مشتولة
~~~~~~~~~~

الأمس لحسين اغاثة ابكتب وداله
ويصيح ادركنه لسه امدونه اقواله
اجينه وچان حچيه ايعاكس افعاله
ذبح شيخ العشيرة او حضّر احباله

يريت آنه ابمچان حسيّن مچتولة
شمسوي اوشتال ابصدره مشتولة

ماضن روحي ترتاح شتلو جثته ارماح
شمسوي اوشتال ابصدره مشتولة
~~~~~~~~~~~

هظيمة الماكو واحد يچهب اخياله
غدر گطعو يمينه وگطعو اشماله
الضعن ياهو اليديره الطاح كفاله
يضل مايمشي كون التحدي عيّاله

الناگة وأيد خولي اتمنّى مشلولة
شمسوي وشتال ابصدره مشتولة

ابشتايم سرنه وصياح شتلو جثتة ارماح
شمسوي اوشتال ابصدره مشتولة
~~~~~~~~~~~

محد ضيم گلبي من البشر شاله
اهواي اهموم بيه ودمعتي اوشاله
ذبح سوط وعليل الوحده الحاله
يشاجف عل يتامه ودم دمع ساله

حچيت الينحچي والباقي ماگوله
شسموي وشتال ابصدره مشتولة

الحچي موكله ينباح شتلو جثته ارماح
شمسوي اوشتال ابصدره مشتولة
~~~~~~~~~~~
#صادق_البطاط

قصيدة #للأنصار

احنه المايهمنه الــمـوت
احنه المايهمنه الـــمـوت همنه حسين وولاده

موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

باچر لو ندهنا حسين كلنه اعله المناية انفوت
ماهمنه العدد والجيش لاهمنه الذبح والموت
احنه اجنود ابو السجاد همنه انهدّم الطاغوت
التكليف الوصي المعصوم نفزع اسرع من الصوت

كلنه جنود ابوالسجاد
وحنه بخدمة القاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

ماترهم يبوالسجاد كلش دوم ماترهم
اشلون اتريدنه انخليك هاي الناس ماترحم
اذا موالكم اهل البيت المن ينرّخص هل دم
لذالك فدوه نترجاك خلينه أحنه نتقدم

نيزك من نزل عابس
الرجم شيطانهم راده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

اصفنت واتحزمو ليها اعدال الألف واحدهم
لسدور المناية احيود تسيورة عصر عدهم
نشامة امحزمين احزام الهاي الكلفة رايدهم
النصر اما الشهادة ايصيح نص الگوم قايدهم

حبيب الگلبه مثل الشيب
هوه بهل الدرر ناده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

ندري الصحبة حگ اتريد لاچن قله وفايه
ونتم ياحبيب ارجال ماقصرتو ابهايه
وهب مسلم زهير وجون كلكم ناس شرايه
اشتريتو الدين والصحبان طبقتوها هل آية

رجالاً عاهيدتو الله
وألكم بل صدق عاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

هذولي اصحاب ابوالاحرار منهو العده هيچ اصحاب
درر ياقوت معدنهم المثلهم مو سهل ينجاب
گول وفعل بل شدات زلم كلفة ورجال اطياب
عافو كلشي لجل الدين دحرو زمرة الارهاب

ابادو عسكر أبن ازياد
لوما عورة اجداده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

نعمة المنزلة انطاكم الآه الكون جازاكم
وي خير البرية اهناك نفس الجنة خلاكم
لأن كلش يحب حسين وي حسين وداكم
نسألك ياحبيب اليوم ابسجّلك خلنه وياكم

نحلفك بل يعزها حسين
ونحلّفك ابسجاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

اخذ منهم عبر ينسان شوف التضحية الزينه
الامام ايريد وادم حوك ماتتضاها بل شينة
يريد الگلبه خالص كون ويضحي لجل دينه
رزق من الله حب حسين والله اموصي بحسينه

الدين الأسسه المختار
وبنه الثبت اوتاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

الا من ناصراً من صاح مامحتاج مولانه
لچن باخر ثواني ايريد أمل ينطيها عدوانه
آخر حجة بيها ايگول اهلاً بل يجي ويانه
يعطف عل يذبحا حسين چا شيجازي صدگانه

الكرم وجود والماجود
بس لحسين واحفاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}
#صادق_البطاط