نــــزال ســـريـــع

يـمـه ''''''''''جــســام يــمــه ''''''''جــسـام
=================================
انزل اوصفيها يوليـدي الجـيـم
لاتخلي الناس توصل لـلـخــيـم
وداعتك نـسـوان مابـيهـم زلــم
كون اريد الحرب بيدك تنحسم

يـمـه '''''''' جـسـام. يـمـه '''''''' جـسـام
=================================

من سمع رمله نزل شبل الحـسـن
مبتسم والگوم غـطـاهـا الــحــزن
الانس والجن عله افــعـالـه صـفـن
سيفه من گد الذبـح كـلـش سـمـن

يـمـه '''''''جـسـام يـمـه'''''''' جـسـام

=================================

من دخل مختاض دخـلـهم انـذار
والـعـسـاكر كلـهـا لـاذت بـل فــرار
ريش همه وهوه ثـاگـب كـلـه نــار
جيشهم والماي ذيـچ الـسـاعـه فـار

يمه '''''''جسام يمه'''''''''' جسام

=================================

مايهموني العده اوكثر السـيـوف
واله اترسها جثث گاع الطفوف
خاف باچر بلخيم يـمـه تـحــوف
بـعـده ماكمل وماتـت كلها خـوف

يمه '''''''' جسام يمه '''''''' جسام

=================================
دنگ اوغدراً القاسـم صـووبـوه
ولون ذرة شرف عدهم گابلووه
طايح العريس بـس ماخـوفـوه
همه بيهم خوف منه ومن ابوه

يمه '''''' جسام يمه '''''' جسام
=================================

شافه عمه حـسيـن وتـعـنـه ألـه
من وصل صاحاله يا مـيـت هله
توه من عدي يعـمي الـهـم جـلـه
اي يـعـمـي اويـاك الموادع حـلـه

يمه '''''' جسام يمه'''''' جسام
=================================

رمــلـه مـن بـعـيـد ابـنـهـا شافتـه
تستحي وبصوت خـافـت نـادتــه
كلشي لجل الدين يرخص حاچته
وبـنـي بـل فـردوس احـلـه زفتـه

يمه'''''''جسام يمه ''''''''''جسام

===================================
آل هاشم بل حرب عدهم شهود
همه اهلاً للشجاعه او للـصـمـود
والحسن عدهم كريم ابلا حدود
ضحه لجل الدين ببنه الكله زود

يمه''''''' جسام يمه''''''' جسام
#صادق_البطاط

قصيدة الى فخر المخدرات زينب عليها السلام

آنه اخت حامي الشريعة ••••• اتحملت هاي الفجيعة
حتى هذا الدين يحيه °°°°°رخصت كل غالي اليه
آنه اخت حامي الشريعة

_ ۞ ۞ ۞_
ويـنـه هـذا الگال عـنـي خـدي الطمنه وانـوحـن
خله للتاريـخ يـرجـع يـنـظـر وزيـن ايـتـمـعـن
احـنـه اهـل البيت احـنـه ابيتنه الأيات نـزلـن
بس بچيت انه عله خوتي وحگهن من عيوني يعمن

الگالت الطم بل وسيعة •••••••• هل امر بغضاً تذيعه
آنه دوم اسمي ألأبــيـه °°°°°°°°ورخصت كل غالي اليه
آنه اخت حامي الشريعة

_۞ ۞ ۞___

ياهي مثلچ يل عقيلة مـصـيبتچ ياهو ايحملها
ياجبل للـصبـر شـامـخ تنطي وتضحي ابـأهـلـهـا
كلشي لجل الدين زينب رخصّت كل غالي الها
حسين وخوانه الثلاثة وجاسم وذاك الكفلها

ياهي مثلچ يل وديعة ••••••••• تحمل الجثه الصريعة
نفذت اعظم وصيه °°°°°°°°رخصت كل غالي اليه
آنه اخت حامي الشريعة

۞ ۞ ۞___

من وگع من فوگ مهره حسين ونفجعت عياله
والشمر من شفته يركض راح لبنمي اعـتـنـالـه
راسه حزه گبال عيني وعل رمح گدامي شـاله
ماجزعت عله المصيبة وكملـت اعـظـم رسـالـة

احنه ثبتنه الشريعة •••••••• منزلت جـدنـه رفيعة
طه ابو نفس الزكية °°°°°°°رخصت كل غالي أليه
آنه اخت حامي الشريعة

_۞ ۞ ۞__

ازغر اسماعيل عـدنـه ضامـي ونـصـاب بوريـده
حرملة ابنشاب صابـه من عـسـاهـا انشلت أيــده
تدري ذيچ الساعة اخيي اشگال عن ابنه الصميدة
كلشي لجل الدين يرخص وابني دين الله يريده

ضحه اخوي بدم رضيعه •••••••• گال امر الله ونطيعه
مـنـذبـح مـابـيـن اديـه °°°°°°° رخصت كل غالي اليه
آنه اخت حامي الشريعة

_۞ ۞ ۞__

آل هاشم بل شجاعة اسـبـاع مـحـد گا بـلا هـم
من نزل ساجي العطاشة جـيـش والخيل أسحگاهم
وجاسم العريس يـرهـب هـوه والـاكـبـر مـحـاهم
والحسين بسيف حـيـدر نـزل عـل عسـكـر فـنـاهـم

فزعت اخواني فزيعة •••••••• كسرو اصنام الخديعة
غيرة عدهم هاشمية °°°°°°°°رخصت كل غالي اليه
آنه اخت حامي الشريعة

_۞ ۞ ۞__

ماسباني ابن الرذيلة الشاهد الله آنه السبيته
گـيـدانـي بـحـبـل لاچـن آنـه بـل ذل گـيـديـتـه
حاول ابكل قوته ابچي دمـعـي ضل ومابچيته
آنه خت سبع الگناطر راسه يهتز لـو نخيته

هاي زينبكم يشيعة •••••••• ذلت القوم الشنيعة
چذّب الگلكم سبية °°°°°°° رخصت كل غالي اليه
آنه اخت حامي الشريعة

_۞ ۞ ۞__

مجلس ابن ازياد يشهد من دخلته ابكل فخامة
هدّمت عرش الخرافة الضنه يجرحني ابكلامة
وين اخوتچ گلي زينب كتله اخوتي اهل الشهامة
رخصّو وانطو دمـاهـم احـيـو الـديـن الـنـشـامـة

نرفض الذل بل رديعة ••••••• نـطـي دمـنـه ومانبيعه
الهـذا دين الجـعـفـريـة °°°°°°° رخصت كل غالي اليه
آنه اخت حامي الشريعة
#صادق_البطاط

ضهري اخلاف عينك صار نصين ------- مو وكت المفارگ خله بعدين
آهل ترضاها عباس ♪♪♪♪♪♪ بيه اتشمتّ ناس
مو وكت المفارگ خله بعدين
~~
حيلي انته يخوي وعزمي عباس°°°° من اتروح يعني اتهدم الحيل
احل حزامي زحمة اگبال شمات °°°° وانته اتشوف كل ربعك مچاتيل
لاهمني العطش لاكثرت الجيش °°°° ولاهمني العليه ابفگدك ايعيل
بس الكسر گلبي وخاطر ام عون °°°° من غدروك غفلة ابزحمة الخيل
وين اتريد ونته اربات السنين ------- وجاي اتشوفها حاطتني صوبين
فرحت كل الارجاس ♪♪♪♪♪♪ بيه اتشمتّ ناس
مو وكت المفارگ خله بعدين
~~~
خله الماي هسه وخلي الاعذار °°°° احنه بعازتك موعازت الماي
اذا خجلان من اختك يضرغام °°°° ابمجيئك ترضى زينب گوم وياي
ما نحمل وجع وثنينه احنان °°°° ونته اونعم منك خوش وفاي
تدري الاخو ياخذ كلش لو راح °°°° خصوصاً من يكون ابحجمك اعضاي

اخوي انته وعضيدي وگرة العين ------ شبيهك يابوفاضل بس الحسين
بيك الغيرة تنقاس ♪♪♪♪♪♪ بيه اتشمتّ ناس
مو وكت المفارگ خله بعدين
~~
هاعباس هسه اشرايك ايگول °°°° ابواسكينة يگله ابآخر اوداع
شال الراس باسه وزاح الاتراب °°°° وبوفاضل ترجه ايرده للگاع
بعد ساعات راسك بيد شمات °°°° وحوافر خيل تطحن كل الاضلاع
خليني ابمچاني وروح مولاي °°°° او گل لختك يخيتي التعب ماضاع

يزينب گلها اخبرچ لاتـتـانـيـن ------ اخيچ گطّعوها اچفوفه الاثنين
ضل متهمش الراس ♪♪♪♪♪ بيه اتشمتّ ناس
مو وكت المفارگ خله بعدين
~~~~
رجع للخيم بس الوحده حسين °°°° عمت عيني اعله اخيه اهواي مهموم
شافته العقيلة وصاحت ابصوت °°°° اخيك وينه اخيك ها يمضلوم
البگه ابراسچ يزينب راح عباس°°°° اخوچ انصاب غدراً هاي العلوم
من هل ساعة اخبرچ تبدي الالام °°°° الله يعين گلبچ زينب اليوم

اليلة ابلايه اخوتچ راح تمشين ------ اليلة الكون يختل من تونين
حنينه اوكلچ احساس ♪♪♪♪♪ بيه اتشمتّ ناس
مو وكت المفارگ خله بعدين
~~~
سبع فدوات اروحلك يمهيوب °°°° وحيد اشلون وختك ضاله وياك
آنه احزام ضهرك ياضوه العين °°°° ولو محد يسدلك فجوة اعضاك
لچن بلكت اخفف حملك اهواي °°°° المصايب فرد ساعة التمن احذاك
مايطيني گلبي اتخيلك هيچ °°°° بس انته وجيوش امجيشه اعداك

ابن امي وحيد اتحيطه سبعين ------ هد الكفر كله ايحارب الدين
ضحى الآخر انفاس ♪♪♪♪♪ بيه اتشمتّ ناس
مو وكت المفارگ خله بعدين
~~~
اصعب ساعة چانت يوم عاشور °°°° من ضلت حراير دون وليان
الحرم ضلت ثكالة ابلايه نغار °°°° ياصوب التروحه اتشوف عدوان
لاشيخ العشيرة ولاكو عباس °°°° كلها ا اذبّحت ياوسفة الاخوان
ماضل حيل عدي وحالي متعوب °°°° ولتنه ارجاس خنث وحنه نسوان

بس نسوان ضلت تشرد امنين ------- وين اتروح بل بر تلتجأ وين
عليها اتحوم الانجاس ♪♪♪♪♪ بيه اتشمتّ ناس
~~~~
النار الگبل فـتـرى شـبـت الدار °°°° اجت لهفانه وتعنت للخيام
و حرت مابين الم اعظاك يحسين °°°° لو لمن بقايانه مــــــن الايتام
اي ياخوية اريـدك راح يـمـشـون °°°° فرضو راي هسه انروح للشام
عدل ميت يخوي احتاجك اوياي °°°° عصيبة وكلفث كلش هاي الايام

واحد ردت منعدكم يطيبين ------ اريده اوياي يبقى الساعة البيّن
زحمة ابلايه حراس ♪♪♪♪♪ بيه اتشمتّ ناس
مو وكت المفارگ خله بعدين
~
#صادق_البطاط

عمري ماريده يخوي اخلاف عينك
وياهظيمة ادگطّعن گـدامي اديــنـك

والسهم طافيله عين •••• ضهره مكسور الحُسين
عمري ماريده يخوي اخلاف عينك

========================================

ماحسبت احساب هيجي ايصير بينه
ســـالـم اتـروح اوتـرد مـذبـوح لـيـنـه
آه يـاخيمتنه يــل ســاتــر عـلــيــنـــه
من طحت من فوگ مهرك تــيـهـيـنـه

اسنيني كون ايصير اديرنها السنينك
ونته اشوفك سـالـم اتـرد الحُسينك
حيل محتار الحنين••••• ضهره مكسور الحسين
عمري ماريدة يخوي اخلاف عينك
========================================

حسين من ردلي عرفته انكسر ضهره
من عمود الخيمة شفته ابحرگة جره
ومن سمعته الحمد والاخلاص يـقـره
گـال خـلّـونـي اشـم بل خيمة عطره

گتله ها خوية صدگ راح اليعينك
صدلي وبعينه شفت گطعت يمينك
عذّبت گلبه الحزين••••• ضهره مكسور الحسين
عمري ماريده يخوي اخلاف عينك
========================================

الماي ماريـده ردت سـالـم اشـوفـك
للخيم ترجـع وقـبلـهـن چــفــوفــك
ماحسبت اعله النهر ياخوية اعوفـك
والخيول الحاقـده بغــضـاً تدوفـــك

راسك الطاهر نزل دمـه الجبينك
اشلون تمسح دمك ومگطوعه ادينك
غدر گطعوها الأدين ••••• ضهره مكسور الحسين
عمري ماريده يخوي اخلاف عينك
========================================

اخ كـونـك شـاهدت حـالـة عـظـيـدك
ابلا مناصر ضل يبو الحملة او يريدك
گطّعو گلبه يخوية ابـگـطّـعـت ايـدك
ليش تكسر خاطرّي اوخاطر وحيدك

ونعم مـنـك صـدگ وفيت دينك
بآخر انفاسك وابو اليمة ونينك
وحدك وسفة الونين •••• ضهره مكسور الحسين
عمري ماريده يخوي اخلاف عينك
========================================
ادري شي حمله فگدكـم هـايـخــوتي
صيحت مافاد يرجـع عـلـي صـوتـي
ليش هيجي اتعوف اخيتك ياسلوتي
اي يـعـبـاس بجـفـاك اتـمـنـى مـوتـي

المن اتضل لورحل عنك حنينك
بعد ماضل صبر ياعباس وينك
وين اروحن امشي وين•••• ضهره مكسور الحسين
عمري ماريده يخوي اخلاف عينك
========================================
لاتـخـلـوني يـخـوتي أمـشـي وحدي
زحمه بضعون الهواشم غربه تـحدي
ضربو اطفالي واجـو لـبـدو ابـسـدي
عنكم اينشدون مـامـش عذر عـندي

لاحـرم خولي رحمها ولابنينك
حتى سباني الحچي بيني وبينك
طگنه بل سوط العين •••• انكسر ضهر الحسين
عمري ماريده يخوي اخلاف عينك
========================================
#صادق_البطاط

قصيدة على وزن الدارمي الى الامام العباس عليه السلام

لـمـن نــزل عـبـاس وگــبــل عـلـيهم
ذلـهـم وخـلـه الـكـون يـسـمع بچيهم

_
لمـن نزل عباس والـحـومـه طـرهـا
نص العساكر ذيـچ بـعـيـونـه كرهـا
خلاهـا مـاتـت خـوف لـمـن خـزرهـا

والهذا يومك خوف من عده بيهم

__

من حشمت عباس اخته الحنيـنة
گلتله جيب المـاي ورجـع ولـيـنـه
صعدت الغيره ونار ورث جـبيـنـه

الـنـهـر والحراس شبگها أديهم

_

بچفوفه شال الماي وعيون اخــيـه
عرضت وذبه وصاح يـحـرم عـلـيـه
زحمة اشـرب وعطشان خير البريـه

خل اترس انه الجود وتعنه ليهم

_

شال العلم والجود وتـوجـه وغـار
صوب الخيم والگوم سواها طشار
بسيفه يگطع روس من كل الاكـتـار

من سيفي صاح بصوت ياهو ايحميهم

__

اعــظــم درس عـبـاس لـلـخـوه انــطـاه
بس هوه بل تاريخ ضحه وفده اعـضـاه
ديـن الـأخـيـه حـسـيـن بـچـفـوفـه وفاه

وضل مستحي العباس هل مايجيهم

____

ضل مستحي العباس ما وصل الماي
با أخر انفاسه يصيح تعذرني مـولاي
لو ما غدر يحسين گـطعوهـا يمـناي

چا وصليت الماي ونته اتسگيهم

____

ما وصليت الـمـاي ياخـويه خـلـنــه
نـتـوادع انـه اويـاك ورجــع لـهـلـنــه
وخـاف الأطفال ادگول وين الكفلنـه

گلهم لأن خجلان مارد وليهم

#صادق_البطاط

عزمي ينشد من اشوفك ------ گلبي مايطيني اعوفك
شوفتك شوفت محمد ------ حيلي من اتروح يبرد

يبني الاكبر يبني الاكبر
✭​​​​----✺✺----✭​​​​

بويه انته اهواي غالي لاچن الدين اغله منك
تدري ليش انكسر گلبي لان افضل بشر چنك
بينك وبيني دقايق بس احسه اسنين حزنك
گبل لا تمشي يل اكبر خلني اودعنك وحضنك

يالله بويه اطيني أيدك ------- خل احبك من وريدك
بلكي نهر العين ينـسـد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

نزل شبل الأسد يرهب نفس طه ونفس حيله
بكر بن غانم تقدم گلها ادعـي حـسيـن ليله
ماجزت يمكن ثواني وراسه حطاه ابشليله
رجع جاب الراس صوغه قدمه العمته وخليله

گلها صوغه الراس جبته ------- ابچفي موش ابسيفي صبته
محد ايـگـابـلـنـي محد ------- حــــيــلـــي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

زينب اتلگته صاحت هله ومقبوله الهدية
گلها ياعمة ادركيني نار احسها اتفور بيه
حيل عطشان آنه عمة والـحـديـد أثر عليه
للحرب ارد ارجعلها بلكي ماي ايصح اليه

استحي من احسين اگله ------- زحمة عن الــــمــاي اسأله
عـتـبـك الدلالي يـمـرد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

ودع احرار الهواشم والموادع طال مده
باس راس امه الحنينة وگلبه يعلم ماكو رده
نزل بس اشلون نزله وجها ذابل چنه ورده
ضامي كلش حيل ضامي طاقة مامش بعد عده

نزل بس اشلون نزله -------- ضامي يابس حتى ضله
شنهو ذنبه الله ولـحـد -------- حيلي مـــــن اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

حاطته انذال الخلايق بغض رادو هدر دمه
لأن حامي الجار جـده الچتلته اتعنو ابهمه
خيل وشكال العساچر زحمة صارت ناس يمه
غدر بسيوف الضلالة وذرو ياحيف جسمه

لاخجل لارحمة عدهم -------- لاحياء الـــــي يردهم
جيش عل اكبر تحشّد ------- حيلي من اتروح يـبـرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​

ليله حست بل مصيبة صدت وشافت بعلها
اتگله يامعصوم احسّن روحي مايرجع املها
گلبي يعلم راح الاكبر يابـــعــد لـيـلـه وأهلها
نزل شبه البرق چنه والـكـتـايـب ذيـچ حلها

گعد يم ابنه الصميده ------- قبّله ابگصّته او وريده
گله يبني الباري يشهد ------- حيلي من اتروح يبرد

يبني الاكبر يبني الاكبر
✭​​​​----✺✺----✭​​​​✭​​​​----✺✺---✭​​​​✭​​​​----✺✺-----

للخيم شاله وتوجه هوى والضيغم عضيده
گال كلشي ايهون خوية بزري للتكلف اريده
صح كسر ضهري ابرحيله لچن رد الدين بيده
احنه ديدنه الشهادة فزنه بـل روح الشهيده

كلشي لجل الدين يرخص ------- وحنه بل اسلام نختص
هاشم اول دوم تـــنــعـــد ------- حيلي مـن اتروح يبرد

يبني الاكبر يبني الاكبر
✭​​​​----✺✺----✭​​​​ ✭​​​​----✺✺----✭​​​​ ✭​​​​----✺✺----✭​​​​
#صادق_البطاط

هاي زينب خاف ماتعرفها زين
من تسولف عنها احذر لاتعيل

هاي موحيه الله تربات الرسول
ياهو گلك جزعت اطيني الدليل

خرطت الخدين ومكيف تگول
مادريت احچايتك تاذي الچفيل

ولك هاي الرخصت دم العزيز
ولجل هذا الدين سوت مستحيل

ما اگولن الله يهديكم اگول
يـــــــل تكتبون الشعر مابينه حيل

اشويه ركزو عل صبر والتضحيات
لاتچلبون ابضرب متن العليل

لاتخلي السانك ايصيرلها سوط
ولاتخلي احچايتك ناگة وتميل

زينب اغلى من النفس عند الحسين
والحُسين انعرفه شيخص الجليل

يعني اليغثهم غضب ينزل عليه
وبعد يم ربك بقى اخلاء السبيل

الماي هم گبلك مشى ابراي الزنيم
الهسه ماي الطف نسميه العميل
#صادق_البطاط

#علي_بن_أبي_طالب_ع
عهد وياك مـــن صلبي ::: خطيته
وجدمي من ثگل ذنبي ::: خطيته
اجاك اخويدمك تغفر ::: خطيته
الذنب ماخله شي يعتب عليه
#صادق_البطاط

#عيد_الغدير_عيدالله_الأكبر
#متباركين_لــــــكــــــم_الــــــولايـــــة

عدل ميت يحيدر ابقى وياك
ماعوفك لآن حبك تجارة
ومادور مصالح لا والحسين
بس شفتك ذهب فوگ المنارة
بلاطلبه اشوفك توگف وياي
وعلي خيرك يطيح بكل غزارة
انته الدين كله وأنته ليمان
وعليك اكد الباري ابنص قراره
موبس آيه نزلت نزلت ايات
الك بيهن الباري مسوي اشارة
غدير الخم دليل وتشهد الناس
وبدت من خم عليك اول شرارة
ومو قصدي الولاية وانت معروف
ابرحم امك ولك جاه وقداره
بس القصد واضح عن ابوفلان
اغتاض وأذته هــــــــــــــاي العبارة
علي مني سمعها وصاح مغتاض
الخلافة آنه استحقنها ابجدارة
خله اشما يسولف صوته مكتوم
المهم حيدر علي راعي الصدارة
ابأمر ربك قرارك جابه جبريل
وصك مختوم الك دولة او وزارة
وگل الطه حيدر بعدك ايصير
ولي ونعم الولي الماينسى جاره
ولوماطه خاتـــــــــــــم چاأخليه
نبي وسيف الله متلقب فقاره
ماقصر علي وانــــــــه ارد اجازيه
ابكفيه الجنة جنة النار نارة
بس هــــــــــوه ومحمد اول ثنين
ابهمهم هدّمو جــــهــــل الحجارة
لذالك عدنه غالي اهواي ابوتراب
الدين ابزود سيفه ابده انتشاره
منو مثله يعزب وهوه جوعان
ويگضّي الّيل عـــــل وادم خفارة
وياهو المثل حيدر محتوي الناس
وملجئ لليتامة امسوي داره

ولامـره الـتـجي البيته ::: يملها
الناس وگال حگ عندي ::: يملها
علي الفرقان والـشـاهـد ::: يملها
لمن زرعو فتن بين البرية

علي ابكل المواقف سيفه مسلول
وأله بصمات خلدها انتصاره
بدر صفين خيبر خندق أحزاب
وعلي لوما علي كلهن خسارة

الآيــدرون حــيــدر قـاد !!!صفين
وسيوف اولاده بـل كـفـار !!!صفين
انجسم چاليش ذاك الجيش !!!صفين
بأمر حرمة ابغضت خير البرية

اشعجب تبعو الهندس مو ≈≈ بدرها
علي الكل ولده لـجـل الله ≈≈ بدرها
الـه وگـفـات والـشـاهـد ≈≈ بدرها
لمن سيفه انتصر عل جاهلية

بـرگـاب الـكـفـر سـنـهـا ∞وحدها
اسيوفه وخيبرآ تشّهد ∞وحدها
آل الـبـيـت بـس هـيـه ∞وحدها
ازهدو بل دنيه واشروها المنية

أنته وآل بيتك خيرت الناس
عليكم نبچي ليل الله ونهاره
او وي صافي اللبن حبكم رضعناه
وعشگناكم لأن كلكم غياره
#صادق_البطاط

نزلة تجليبة ثقيل + زنجيل

اعاين عــــــل رماح ابعين مذهولة
شمسوي اوشتال ابصدره مشتولة

اول مادرو طاح شتلو جثته ارماح
شـمـسـوي اوشتال ابصدره مشتولة
~~~~~~~~~~~~~

ابكثر حقد السقيفة اعله النبي وآله
يزيد ابصدر اخيي امشچّخا انباله
ســــيـــوف ارماح يردف گام چتاله
خبيث وهـــمـــه يسمع لوعة اعياله

يمن فدوه اتغدّون الكشخته اوطوله
شمسوي اوشتال ابصدره مشتولة

حتى ابين الاصفاح شتلو جثته ارماح
شـمـسـوي اوشتال ابصدره مشتولة
~~~~~~~~~~~~~

لارحمو حرم لا رحمو اطفاله
هدو غيمة سوده اعلينه خيالة
داسو صدر اخونه وداسو ارجاله
أذا كفار أمّــــيّـــه الحافر اشماله

طشّر جسم اخيي ابوسعة الچولة
شمسوي اوشتال ابصدرة مشتولة

تطشّر والمسچ فاح شتلو جثته ارماح
شمسوي اوشتال ابصدره مشتولة
~~~~~~~~~~

اصداً عل مخيم وانظر الحاله
كلها اتريد تنهب چسوته وماله
كسر گلبي العليل ابهل حچي الگاله
المرض ياعمة لو ماجسمي يغتاله

چا هسه رمل تارس حلگ ذوله
شمسوي اوشتال ابصدرة مشتولة

حيلي من المرض راح شتلو جثته ارماح
شمسوي اوشتال ابصدره مشتولة
~~~~~~~~~~

الأمس لحسين اغاثة ابكتب وداله
ويصيح ادركنه لسه امدونه اقواله
اجينه وچان حچيه ايعاكس افعاله
ذبح شيخ العشيرة او حضّر احباله

يريت آنه ابمچان حسيّن مچتولة
شمسوي اوشتال ابصدره مشتولة

ماضن روحي ترتاح شتلو جثته ارماح
شمسوي اوشتال ابصدره مشتولة
~~~~~~~~~~~

هظيمة الماكو واحد يچهب اخياله
غدر گطعو يمينه وگطعو اشماله
الضعن ياهو اليديره الطاح كفاله
يضل مايمشي كون التحدي عيّاله

الناگة وأيد خولي اتمنّى مشلولة
شمسوي وشتال ابصدره مشتولة

ابشتايم سرنه وصياح شتلو جثتة ارماح
شمسوي اوشتال ابصدره مشتولة
~~~~~~~~~~~

محد ضيم گلبي من البشر شاله
اهواي اهموم بيه ودمعتي اوشاله
ذبح سوط وعليل الوحده الحاله
يشاجف عل يتامه ودم دمع ساله

حچيت الينحچي والباقي ماگوله
شسموي وشتال ابصدره مشتولة

الحچي موكله ينباح شتلو جثته ارماح
شمسوي اوشتال ابصدره مشتولة
~~~~~~~~~~~
#صادق_البطاط

قصيدة #للأنصار

احنه المايهمنه الــمـوت
احنه المايهمنه الـــمـوت همنه حسين وولاده

موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

باچر لو ندهنا حسين كلنه اعله المناية انفوت
ماهمنه العدد والجيش لاهمنه الذبح والموت
احنه اجنود ابو السجاد همنه انهدّم الطاغوت
التكليف الوصي المعصوم نفزع اسرع من الصوت

كلنه جنود ابوالسجاد
وحنه بخدمة القاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

ماترهم يبوالسجاد كلش دوم ماترهم
اشلون اتريدنه انخليك هاي الناس ماترحم
اذا موالكم اهل البيت المن ينرّخص هل دم
لذالك فدوه نترجاك خلينه أحنه نتقدم

نيزك من نزل عابس
الرجم شيطانهم راده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

اصفنت واتحزمو ليها اعدال الألف واحدهم
لسدور المناية احيود تسيورة عصر عدهم
نشامة امحزمين احزام الهاي الكلفة رايدهم
النصر اما الشهادة ايصيح نص الگوم قايدهم

حبيب الگلبه مثل الشيب
هوه بهل الدرر ناده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

ندري الصحبة حگ اتريد لاچن قله وفايه
ونتم ياحبيب ارجال ماقصرتو ابهايه
وهب مسلم زهير وجون كلكم ناس شرايه
اشتريتو الدين والصحبان طبقتوها هل آية

رجالاً عاهيدتو الله
وألكم بل صدق عاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

هذولي اصحاب ابوالاحرار منهو العده هيچ اصحاب
درر ياقوت معدنهم المثلهم مو سهل ينجاب
گول وفعل بل شدات زلم كلفة ورجال اطياب
عافو كلشي لجل الدين دحرو زمرة الارهاب

ابادو عسكر أبن ازياد
لوما عورة اجداده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

نعمة المنزلة انطاكم الآه الكون جازاكم
وي خير البرية اهناك نفس الجنة خلاكم
لأن كلش يحب حسين وي حسين وداكم
نسألك ياحبيب اليوم ابسجّلك خلنه وياكم

نحلفك بل يعزها حسين
ونحلّفك ابسجاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

اخذ منهم عبر ينسان شوف التضحية الزينه
الامام ايريد وادم حوك ماتتضاها بل شينة
يريد الگلبه خالص كون ويضحي لجل دينه
رزق من الله حب حسين والله اموصي بحسينه

الدين الأسسه المختار
وبنه الثبت اوتاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}

الا من ناصراً من صاح مامحتاج مولانه
لچن باخر ثواني ايريد أمل ينطيها عدوانه
آخر حجة بيها ايگول اهلاً بل يجي ويانه
يعطف عل يذبحا حسين چا شيجازي صدگانه

الكرم وجود والماجود
بس لحسين واحفاده

موفدوه احنه كلنه انروح
موفدوه احنه كلنه انروح
عشر فدوات للسادة
{}---{}---{}---{}---{}---{}---{}---{}--{}--{}--{}--{}--{}--{}--{}
#صادق_البطاط

هلالية مقدمة مجلس 2022

لحظه ما انسه العشت وياهم
الدنيا ظلمه وموحشه بفرگاهم
يامحرم. يامحرم
...............

عشت مهيوبه بعهدهم راسي عالي
بين اخوتي ولانظر واحد خيالي
جارت علينه النواصب والليالي
ذبحوا خواني وبقيت بلايه والي

للمنيّــة روحـي ما تنســاهم
الدنيا ظلمه وموحشه بفرگاهم
يامحرم.      يامحرم
..............

حسين والعباس مشغوله بذكرهم
فراگهم يچوي الگلب يكتل هجرهم
يامحرّم عايشه ابّالي صورهم
فارگوني بكربله وضحّوا عمرهم

لخوتي مشتاگه وين الگاهم
الدنيا ظلمه وموحشه بفرگاهم
يامحرم.      يامحرم
..............
يا محرم لا تهل تجرح دليلي
حيل ما ظل بالمصايب راح حيلي
نهاري يگضي بالدمع والنوح ليلي
عله خوتي ما ينگطع وني وعويلي

راحوا العشت العمر بحماهم
الدنيا ظلمه وموحشه بفرگاهم
يامحرم.      يامحرم
..............

بعاشر ايامك محرم چم رزيه
بعيني شفت حسين طايح عالوطيه
گطّعوا جسمه النواصب آل اميه
وداست بصدره الخيول الأعوجيه

ما خضع ليّزِيد وتحداهم
الدنيا ظلمه وموحشه بفرگاهم
يامحرم.      يامحرم
..............

يامحرم عالنهر شفت الفجيعه
طايح العباس وچفوفه گطيعه
من بعدهم سلبوا ابنات الوديعه
عذّبونه وضاگت علينه الوسيعه
عالنهر طاح اللذي ذلّاهم
الدنيا ظلمه وموحشه بفرگاهم
يامحرم.      يامحرم
..............

آنه زينب يا محرم حن علية
لا تذكّرني بمصابي الصار بية
من رحت للشام مچتوفه وسبية
ريت ميته شگد تمنّيت المنية

وين اخوتي تعذّبت بجفاهم
الدنيا ظلمه وموحشه بفرگاهم
يامحرم.      يامحرم

سيد زيد الفحام
___________

#هلال محرم

نزلة هلالية 2022

ياشهر الاحزان ارحم گلب مهدينه
............

يا شهر عاشور تدري جرحك يهد حيله
يبچي عالمذبوح جده كل نهاره وليله
عاشر ايامك يفجعه چم جرح يحچيله
للفرج وايام ثاره كل وكت ندعيله

يتنطّـر الثـار. ما تغفه تنزف عينه
ياشهر الاحزان    ارحم گلب مهدينه
..........

الف وربعميت عام امن الحزن واللوعه
ياشهر عاشور خده منحفــر بـدمـوعــه
يبچي عالمكسور صدره موجّرات ضلوعه
والاشد جرح السبية عمّته المفجوعه

ماتنعد جروح. ما بينك وما بينه
ياشهر الاحزان    ارحم گلب مهدينه
..........
هلالك اليحمل مآسي غربته وآلامه
وين ما يمشي يشاهد كربله گدامه
يذكر حسين ومصابه وشجَرَه بايتامه
للفرج يحسب ليالي وينتظر ايامه

خلصت يعاشور. دمعه ومناحه سنينه
ياشهر الاحـــزان    ارحم گلب مهدينه
..........

من يهلّ هلال شهرك ينفجع بجروحه
تذوب مثل الشمعه ويلي بالمصايب روحه
المهدي يگضي الليل دمعه والنهار بنوحه
عالغريب حسين جده دمعته المسفوحه

نحسبله ايام. ننتظره يظهر لينه
ياشهر الاحزان    ارحم گلب مهدينه
..........

اكبر واعظم مصيبه منها شيّب راسه
زينب وجمرة سبيها تسعر بانفاسه
الشام وجروح الشماته تجرح باحساسه
تنتظر ساعة ظهوره بالمدامع ناسه

من يظهر انشوف راية نصر بيمينه
ياشهـر الاحــزان    ارحم گلب مهدينه
...........

راية العباس بيده يظهر لثاراته
ياخذ بثارات جده وتنتشر راياته
يذبح الذبحوا حسينه والسبوا عمّاته
صولة الكرار حيدر بالحرب صولاته

خدامه انصار. يوم الوعد يلگينه
ياشهر الاحزان    ارحم گلب مهدينه

سيد زيد الفحام
#هلال محرم _________

(نعي)

االيله الثانيه
نزول الضعن في كربلاء


وصـلـت الـكـربـلـه والـراس عـالـي
وخـوتـي عـلـى ايـمـيـنـي وشمالي
ومـحـد يـصـد طـولـي وخـيـالـي
زيـــنـــب انـــه وام الــمــعــالــي


ضـعـنـي بـگـمـر عـبـاس مـهـيـوب
وشـمـعـه يصير بـوكـت الـغــروب
عـيـنـه عــلـيــه بــطــول الـدروب
وارث ابــوه وحــيــد مــعــتــوب


فـجـئــه وعـلـيـه قـسـت دنـيـاي
لـنـي ســبــيــه بــولــيــه اعـداي
صـار الــشــمــر لـلـضـعـن حـداي
وكـلـهـا تــصـيّـح هـاي مـا هـاي


عـگـب الـخـدر بـالـنـوح ضليـت
راحـو هـلـي والــدمــع هـلـيـت
مـيـتــه گـبــل هـايــه تـمـنـيـت
غـاب الـدلال بـسـاع والـصـيـت

*--------------------*------------------*
ابوذيات


عَلّي خـلـي يـگـاع الـطـف .. ترابيچ
اروح اشـلــون وعـيـونـي .. ترابيچ
اخـوتـي اتـذبـحـو كـلـهـم .. ترابيچ

الـمـوت اهـون ولا روحـن سـبـيـه

*----------------------*-----------------*

عـلـيـنــه والــدهــر يـمـچ .. وضعنه
ويگاع الحزن هـم شوفي .. وضعنه
حسيـن انطحنت اضلوعه .. وضعنه

تـطـشّــر بــيــچ يـا گــاع الــرزيــه

*--------------------*------------------*

✍خـادم الحسين ع
الشاعر رعد الجريخي

نعي
الليله الثالثه العليله



عـلـيـلـه واكـسر الـخـاطـر
هـلـي بـالــنــوح خـلـونـي
بـيـن الـحـزن والحسرات
تـهـمـل دمــعــه عـيـونـي
الـهـوادج يـوم شـدوهـه
ألــم وهــمــوم زادونـي
خـواتـي صـعـدن بهيبـه
وانـه بـخيـبـت اضنونـي

*-----------------------*-------------------*

اعــايــن لـلـضـعـن ضـلـيـت
بسكوتي ايسولف الـمـدمـع
الـعـلـيـلـه ويـانـه صعدوهـه
هـالـكـلـمـه ردت اســمــع
رقـيـه بـعـيـنـي اصـدلـهـه
شـذره بـهـودج وتـلـمــع
بــعــد هـيـهـات نـتـلاگـه
وثـنـيـن الـدهـر يـجـمـع

*-------------------------*----------------------*

خـذو احـلامـي ويـاهـم
احبابـي وخـذو كـلـشـي
عـلـيـهـم شابحه عيونـي
ولحضه ما طبك رمشي
تمنيت المرض مـو هـاذ
واگـدر عالـسـفـر وامشي
خلوني بـگـلـب مـجـروح
والـدار اصبحـت نـعـشـي


*----------------------------*---------------------*

ابـوي أگـبـالـي صـديـتـه
اجانـي ودمـعـتـه بـخـده
چـنـه ايگـول اعـذريـنـي
يــبــويــه مـا بــعــد رده
المثلي يـمـوت احـسـلـه
يبقـه بـدنـيـتـه اشـعـنـده
اكـابــر بــالــحــزن گــوه
وخـلـصـان الـصـبـر حـده

*--------------------*-----------------*

ابوذيات

هـلـي الماگطـعـوا بـواحـد .. وصلهم
الـدنـيـا اتـسـولـف بجدهم .. وصلهم
لـو بـيـدي اعـتـنـي للطـف .. وصلهم

واگـلهـم حـيـل جـاري الـوكـت بـيـه

*--------------------*----------------*

جـفـونـي ونـار فـرگـاهـم .. ويتني
وعـلـيـه هـلــت احـزانـي .. ويتني
دلـيلـي اينـاطـر الـمـلـگـه .. ويتني

عـلـيـلـه ومـا رجـع واحـد عـلـيـه

*--------------------*----------------*

✍خادم الحسين ع
الشاعر رعد الجريخي

نعي
الليله الرابعه (ام البنين)



بـصـافـي الـلـبـن ربـيـت ولـدي

وضـنـي السنـد والعون عـنـدي

اربــع شــبــاب افـذاذ چــبــدي

كلـهـم جفوني وصـرت وحـدي

وبـس الــمــدامـع فــوگ خـدي

دمـعـه تـطـيـح ودمـعـه تـبـدي

لـمـن ضـعـنـهـم راح يـحــدي

بــيــه بــقــت نــيــران وجـدي

اغـفـه ويصيح الـنـوح اگـعـدي

طــارش يــحــره وخـبــر ودَي

كليلهم يـاهـو الـحـفـر لـحـدي

*--------------------------*---------------------*

حـگ الـربـه هـالـيـوم اريـده
لـيش ابـدمـع ابـقـه وحـيـده
بـنـار الـغـرب حـالـه شـديـده
واربــع ولــد عـنـي بــعـيـده


غـربـه عـلـيـه الـنـاس كـلـهـه
وبين الغـرب دمعـات اهـلـهـه
روحـي الحـزن زيـد عـلـلـهـه
وداري اصبحت موحش نزلهه

*----------------------*-----------------*

ابوذيات

ولـدي احـيـود مـا تـخـلف .. وعدهه
واتـانـي ايـام سـفــرتـهـم .. وعدهه
الروحي امـعـلـگـه بـيـهـم .. وعدهه

امـل لاچـن ضـعنـهـم گـطـع بــيــه

*-------------------------*---------------------*


بـغـربـتـي وحـسـرة إبـنـيـنـي.. لهاجر
ولا مــريــم مــثــل حـــزنـــي.. لهاجر
لـــو بـيـدي الـهـجـر يـحـصـل.. لهاجر

واروح لـكـربـلــه وانــصــب عــزيـــــه

*---------------*---------------*


✍خادم الحسين ع
الشاعر رعد الجريخي

يا أم البنين


عـنـهـم مـا خـبـر روحـي .. بشرها
وعَلّي دنيـاي مـتـحـزمـه .. بشرها
الـمـديـنـه مـن نـعـه بيها .. بشرها

اعـرفـت ولـدي گـضـوا بالغاضريه

*----------------------------*-----------------*

✍خـادم الحسين ع
الشاعر رعد الجريخي

نعي
الليله الخامسه
مسلم ع



مـسـلـم لــم كـتـايـبـهـه
ومـنـه الـكـوم مذعـوره
يـشـبــه صـولـه الـكـرار
بـالـكـوفــه اخـذ دوره
شجاعت هـاشـم اجداده
عـاداهـه ورسـم صـوره
مـعـذوره الدموع اتطيح
الـلـيـلـه عـليـه مـعـذوره


*------------------------------*--------------------*

كـلـهـه اجـمّـعـت ضـده
اوهـوّه مـحــزم بـزوده
مـادام ابيمينه السـيـف
مـحـد وصـل لـحـدوده
ابـن أزيـاد يـتــراجــف
بعرشه وكثرت اجنوده
لا چـن الــغــدر طـالـه
حيف ابفـعلتـه السوده

*---------------------------*-----------------------*

بـحُـكـمـه اصـدر الضالـم
يـوم الـطـبـبـه الـقـصـره
مـن الـصـطـح يـرمـونـه
ويـتـكسّـر وسـف صـدره
وينجر بـحبـل يـا حيـف
يـاويـلـي والـف حـسـره
خـلـت بـالجفـن دمـعـات
وبـنـص الـگـلـب جـمـره

*---------------------------*--------------------*

يـدمـوع العيون سيلـن دمـه يـدموع العيون
ابجثته يجرون مـسـلـم تـره بجثته يجرون
ماكو اليدفنون ابديرت غرب ماكو اليدفنون
يوصلهم اشلون واهله الخبر يوصلهم اشلون


هـاي الـثـجـيـلـه بـس الـغـرب هايه الثجيله
مـحـد يـشيـلـه لـيـش بـنـعـش مـحـد يشيله
الحامي دخـيـلـه عـمـه عـلـي الحامي دخيله
يـرفـع عَـويـلـه ويـنـه اللذي يــرفـع عـويـلـه



*------------------*----------------*

ابوذيات


مـصـابـه بـالـحـزن روحـي .. ويرهه
ونـيــران الـگـلـب فــگــده .. ويرهه
أشـكم ضالم ربـط جـثـتـه .. ويرهه

بـحـبـل والـنـاس مـاعـدهـم حـمـيـه

*--------------------------*-------------------*

غـــريـــب وحـــزنـــه لــلــــدلال.. ماراد
وتـــقـــدم لــلــمــنــيــه بـــــزود.. ماراد
حـيــاتــه بــدون ابـــو الـسـجـاد.. ماراد

ورســم لـــوحــة وفــه بـوجـه المـنـيــه

*-----------------*----------‐----*

✍بقلم خادم الحسين ع
الشاعر رعد الجريحي

نعي
الليله السادسه
الانصار


غيـرة ومـرجـلـه وهـمـه
شنسولف عـلـى الانصـار
بـذلـوهـه النفس لحسين
وسوو بـالحـرب مـا صار
بـهـمـه اتـرجلـوا لـلـمـوت
وخـلـوها الـعـده تـحـتـار
حــتـى الــمـاعــرف ربـه
مـنـهـم صـاح يـا سـتـار

الـهـم يـشـهـد الـتـاريـخ
انـصـار ونــعــم مـنـهـم
ما هـمـو أجيوش وموت
وبـزفـة عـرس چـنـهــم
حبـيـب تـحـزم بـشيـبـه
يـالــرايــد خـبــر عنـهـم
بعقيده ثابـتّـه واخلاص
وفّـوو بـالـعـهـد كـلـهـم

بـدمـهـم سـجلـوا عـنـوان
رفَـعـة راسـنـه السـبـعـيـن
ابــد مـا يــوم نـنـسـاهـم
ذولــه الـقـدمـو لـلـديـن
مـا عـافـو ابـو الـسـجـاد
ولحسين العمر مـن طين
صـاروا قـدوة الاحـرار
ولـهـم ديـن مطلوبين

*-------------------*---------------*

احيـود ونـعـم كـلـهـم غـيـاره
ويـن الـوفـي الـمـاخـذ قـراره
بـحـب النبي وألـه افـتـخـاره
اليمشي بدرب واضح مساره
لـحسـيـنـكـم صـغـتـو عـبـاره
نـدري العـمـر بـعـدك خـسـاره
وي الـسـبـط عـدكـم تـجـاره
دمـكـم صـبـغ گـاع الـمـعـاره
واجمل شـهـاده الـكـم بشاره
كـلـهـه تـجـي وتـقـره الزياره

*------------------*---------------*

دم ابــكــربــلــه طـاهـــر فضلهم
وكـل حــر وأبـي يـعـرف فضلهم
ابشمس محد وصل ليهم فضلهم

الـتـراب بـيـوم ضلوا عـالـوطيـه

*-----------------*-------------*

انين الروح اجـاني وصحت ينصار
بـوكـت مـاكـو صحيب البيه ينصار
كـسـرتـوا ظـهـر ابـو السجاد ينصار

وخـذتـكـم حيف مـن يـمـه الـمـنـيـه

*--------------------*-----------------*

✍خادم الحسين ع
الشاعر رعد الجريخي

نعي
الليله السابعه
العباس ع
للسيدة زينب ((ع)) تخاطب ابا الفضل
((ع))


طِلَعْت امن الظُهُر والليل دَنّه
وتـتـانـيـك ويـن ام الـمـحـنه
اصبّر بالحرم بلكت تجي النه
كفيلچ ويـن صـاحن والكفلنه


يعلويات اسكتن گـلـت ليهن
سِمعني وعِلَه الصوت البچيهن
يـعبـاس گــوم الـحـگ عليهن
احشمَّن يـبـو الـغيـره ويجيهن


صـارت لـلـزلــم والـخـيـل عـيّـه
أأيـس يـالـگـمـر لـو بـيـك جيّه
وتـصـد الـعـين لسكينه ورقـيـه
چـل الـلـيـل ومـچـلـبـات بـيّـه


اكـابـر والـدمـع وحده ايتجاره
واعـايـن لـلـحـرم ضلن حيـاره
گـلـي شلـون ضلتك بـالـمـعـاره
وعلينه الـکـون مـظـلـم ابنهاره

*-------------------------*--------------------*

نعي مفجع السيده زينب والعلّويات

بس الليلة يم عبــــــاس
باچر ما نظل يمــــــــــه
باچر بالحبل ننگـــــــــاد
ونشبع ضيم يا عمــــــه

بظهور الهزل للشـــــام
ما ظل والي نشكيلـــــه
إحسبن للفجر ساعــــات
يجينه وتخلص الليلـــــه

تمشن وي ظلام الليـــل
سبايه ولا زلــــم عدچـن
اصبرن يا بنات حسيـــن
راح الچان كــــــــافلچن

علينه امسجل ومكتـــوب
نصير بوليــــة الــعدوان
والتحدي الغرب بينـــــه
واهلنه موسده التربــان

اتحملن حچـــي الـعدوان
واسياط الشمر كلهـــه
يعمه الحرم هيج تصـيـر
مــــن يطيح كافلهــــــــه

چلبن بالعبايه ويــــــــاي
وكلچن صيــــرن بسـدي
مــــا اگـــــدر اجمعچـــن
بــاچر حيل مــــــا عندي

ادري بوليـــة الظــــلام
وبنوگ الهزل حيـــــــــره
اصبرن والصبـر مطلوب
شسوي وراح ابو الغيره

نمشي وي العده گـــــوه
وبالهيمـــــــه ندنّگ راس
خاف تصد معانينــــــــــه
وتجرح خاطر العبـــــاس

من نمشي ونطب ديــوان
وعلينه الـــــــوادم التمت
لا تبچن يبعد اهلــــــــــي
تــــراهــــــه تريد تشمـت

تذكرن من اجينه ويـــــاه
وبيده يرفرف الوانـــــــه
ياهو الــــــــي گدر يجسر
علينه ويِطْوَل السانــــــه

انه مخدرت عبــــــــــاس
غــــــايتهم يذلونــــــــــي
اضلن وحــدي احــاميچن
وضربهم يجرح امتونــي


÷÷÷÷÷÷÷÷÷÷÷÷÷÷÷÷÷÷÷÷÷



ابوذات

مـصـاب الـطـف مـثـل گـلــبــي.. يلمچن
ومـــن تــبــچــن دمـــه يـاهـــو.. يلمچن
اخــوي الـگـبـل چـــن خـيــمــه.. يلمچن

فـگـد شـوفـه وغـفـه بـحـضـن الـمـنـيـه

*------------------*---------------*


ادري بـغـيـبـتـه اعيـوني .. يكفَين
وأصـيــح بـصــوت ردلّـه .. يكفَين
الدمـوع النوحي ماظنـن .. يكفَين

نــهــر مــن الــدمــع يـراد ألـيـه
*----------------------*--------------------*

✍خـادم الـحسيـن ع
الشاعر رعد الجريخي