هلالية مقدمة مجلس 2022

لحظه ما انسه العشت وياهم
الدنيا ظلمه وموحشه بفرگاهم
يامحرم. يامحرم
...............

عشت مهيوبه بعهدهم راسي عالي
بين اخوتي ولانظر واحد خيالي
جارت علينه النواصب والليالي
ذبحوا خواني وبقيت بلايه والي

للمنيّــة روحـي ما تنســاهم
الدنيا ظلمه وموحشه بفرگاهم
يامحرم.      يامحرم
..............

حسين والعباس مشغوله بذكرهم
فراگهم يچوي الگلب يكتل هجرهم
يامحرّم عايشه ابّالي صورهم
فارگوني بكربله وضحّوا عمرهم

لخوتي مشتاگه وين الگاهم
الدنيا ظلمه وموحشه بفرگاهم
يامحرم.      يامحرم
..............
يا محرم لا تهل تجرح دليلي
حيل ما ظل بالمصايب راح حيلي
نهاري يگضي بالدمع والنوح ليلي
عله خوتي ما ينگطع وني وعويلي

راحوا العشت العمر بحماهم
الدنيا ظلمه وموحشه بفرگاهم
يامحرم.      يامحرم
..............

بعاشر ايامك محرم چم رزيه
بعيني شفت حسين طايح عالوطيه
گطّعوا جسمه النواصب آل اميه
وداست بصدره الخيول الأعوجيه

ما خضع ليّزِيد وتحداهم
الدنيا ظلمه وموحشه بفرگاهم
يامحرم.      يامحرم
..............

يامحرم عالنهر شفت الفجيعه
طايح العباس وچفوفه گطيعه
من بعدهم سلبوا ابنات الوديعه
عذّبونه وضاگت علينه الوسيعه
عالنهر طاح اللذي ذلّاهم
الدنيا ظلمه وموحشه بفرگاهم
يامحرم.      يامحرم
..............

آنه زينب يا محرم حن علية
لا تذكّرني بمصابي الصار بية
من رحت للشام مچتوفه وسبية
ريت ميته شگد تمنّيت المنية

وين اخوتي تعذّبت بجفاهم
الدنيا ظلمه وموحشه بفرگاهم
يامحرم.      يامحرم

سيد زيد الفحام
___________

#هلال محرم

نزلة هلالية 2022

ياشهر الاحزان ارحم گلب مهدينه
............

يا شهر عاشور تدري جرحك يهد حيله
يبچي عالمذبوح جده كل نهاره وليله
عاشر ايامك يفجعه چم جرح يحچيله
للفرج وايام ثاره كل وكت ندعيله

يتنطّـر الثـار. ما تغفه تنزف عينه
ياشهر الاحزان    ارحم گلب مهدينه
..........

الف وربعميت عام امن الحزن واللوعه
ياشهر عاشور خده منحفــر بـدمـوعــه
يبچي عالمكسور صدره موجّرات ضلوعه
والاشد جرح السبية عمّته المفجوعه

ماتنعد جروح. ما بينك وما بينه
ياشهر الاحزان    ارحم گلب مهدينه
..........
هلالك اليحمل مآسي غربته وآلامه
وين ما يمشي يشاهد كربله گدامه
يذكر حسين ومصابه وشجَرَه بايتامه
للفرج يحسب ليالي وينتظر ايامه

خلصت يعاشور. دمعه ومناحه سنينه
ياشهر الاحـــزان    ارحم گلب مهدينه
..........

من يهلّ هلال شهرك ينفجع بجروحه
تذوب مثل الشمعه ويلي بالمصايب روحه
المهدي يگضي الليل دمعه والنهار بنوحه
عالغريب حسين جده دمعته المسفوحه

نحسبله ايام. ننتظره يظهر لينه
ياشهر الاحزان    ارحم گلب مهدينه
..........

اكبر واعظم مصيبه منها شيّب راسه
زينب وجمرة سبيها تسعر بانفاسه
الشام وجروح الشماته تجرح باحساسه
تنتظر ساعة ظهوره بالمدامع ناسه

من يظهر انشوف راية نصر بيمينه
ياشهـر الاحــزان    ارحم گلب مهدينه
...........

راية العباس بيده يظهر لثاراته
ياخذ بثارات جده وتنتشر راياته
يذبح الذبحوا حسينه والسبوا عمّاته
صولة الكرار حيدر بالحرب صولاته

خدامه انصار. يوم الوعد يلگينه
ياشهر الاحزان    ارحم گلب مهدينه

سيد زيد الفحام
#هلال محرم _________

(نعي)

االيله الثانيه
نزول الضعن في كربلاء


وصـلـت الـكـربـلـه والـراس عـالـي
وخـوتـي عـلـى ايـمـيـنـي وشمالي
ومـحـد يـصـد طـولـي وخـيـالـي
زيـــنـــب انـــه وام الــمــعــالــي


ضـعـنـي بـگـمـر عـبـاس مـهـيـوب
وشـمـعـه يصير بـوكـت الـغــروب
عـيـنـه عــلـيــه بــطــول الـدروب
وارث ابــوه وحــيــد مــعــتــوب


فـجـئــه وعـلـيـه قـسـت دنـيـاي
لـنـي ســبــيــه بــولــيــه اعـداي
صـار الــشــمــر لـلـضـعـن حـداي
وكـلـهـا تــصـيّـح هـاي مـا هـاي


عـگـب الـخـدر بـالـنـوح ضليـت
راحـو هـلـي والــدمــع هـلـيـت
مـيـتــه گـبــل هـايــه تـمـنـيـت
غـاب الـدلال بـسـاع والـصـيـت

*--------------------*------------------*
ابوذيات


عَلّي خـلـي يـگـاع الـطـف .. ترابيچ
اروح اشـلــون وعـيـونـي .. ترابيچ
اخـوتـي اتـذبـحـو كـلـهـم .. ترابيچ

الـمـوت اهـون ولا روحـن سـبـيـه

*----------------------*-----------------*

عـلـيـنــه والــدهــر يـمـچ .. وضعنه
ويگاع الحزن هـم شوفي .. وضعنه
حسيـن انطحنت اضلوعه .. وضعنه

تـطـشّــر بــيــچ يـا گــاع الــرزيــه

*--------------------*------------------*

✍خـادم الحسين ع
الشاعر رعد الجريخي

نعي
الليله الثالثه العليله



عـلـيـلـه واكـسر الـخـاطـر
هـلـي بـالــنــوح خـلـونـي
بـيـن الـحـزن والحسرات
تـهـمـل دمــعــه عـيـونـي
الـهـوادج يـوم شـدوهـه
ألــم وهــمــوم زادونـي
خـواتـي صـعـدن بهيبـه
وانـه بـخيـبـت اضنونـي

*-----------------------*-------------------*

اعــايــن لـلـضـعـن ضـلـيـت
بسكوتي ايسولف الـمـدمـع
الـعـلـيـلـه ويـانـه صعدوهـه
هـالـكـلـمـه ردت اســمــع
رقـيـه بـعـيـنـي اصـدلـهـه
شـذره بـهـودج وتـلـمــع
بــعــد هـيـهـات نـتـلاگـه
وثـنـيـن الـدهـر يـجـمـع

*-------------------------*----------------------*

خـذو احـلامـي ويـاهـم
احبابـي وخـذو كـلـشـي
عـلـيـهـم شابحه عيونـي
ولحضه ما طبك رمشي
تمنيت المرض مـو هـاذ
واگـدر عالـسـفـر وامشي
خلوني بـگـلـب مـجـروح
والـدار اصبحـت نـعـشـي


*----------------------------*---------------------*

ابـوي أگـبـالـي صـديـتـه
اجانـي ودمـعـتـه بـخـده
چـنـه ايگـول اعـذريـنـي
يــبــويــه مـا بــعــد رده
المثلي يـمـوت احـسـلـه
يبقـه بـدنـيـتـه اشـعـنـده
اكـابــر بــالــحــزن گــوه
وخـلـصـان الـصـبـر حـده

*--------------------*-----------------*

ابوذيات

هـلـي الماگطـعـوا بـواحـد .. وصلهم
الـدنـيـا اتـسـولـف بجدهم .. وصلهم
لـو بـيـدي اعـتـنـي للطـف .. وصلهم

واگـلهـم حـيـل جـاري الـوكـت بـيـه

*--------------------*----------------*

جـفـونـي ونـار فـرگـاهـم .. ويتني
وعـلـيـه هـلــت احـزانـي .. ويتني
دلـيلـي اينـاطـر الـمـلـگـه .. ويتني

عـلـيـلـه ومـا رجـع واحـد عـلـيـه

*--------------------*----------------*

✍خادم الحسين ع
الشاعر رعد الجريخي

نعي
الليله الرابعه (ام البنين)



بـصـافـي الـلـبـن ربـيـت ولـدي

وضـنـي السنـد والعون عـنـدي

اربــع شــبــاب افـذاذ چــبــدي

كلـهـم جفوني وصـرت وحـدي

وبـس الــمــدامـع فــوگ خـدي

دمـعـه تـطـيـح ودمـعـه تـبـدي

لـمـن ضـعـنـهـم راح يـحــدي

بــيــه بــقــت نــيــران وجـدي

اغـفـه ويصيح الـنـوح اگـعـدي

طــارش يــحــره وخـبــر ودَي

كليلهم يـاهـو الـحـفـر لـحـدي

*--------------------------*---------------------*

حـگ الـربـه هـالـيـوم اريـده
لـيش ابـدمـع ابـقـه وحـيـده
بـنـار الـغـرب حـالـه شـديـده
واربــع ولــد عـنـي بــعـيـده


غـربـه عـلـيـه الـنـاس كـلـهـه
وبين الغـرب دمعـات اهـلـهـه
روحـي الحـزن زيـد عـلـلـهـه
وداري اصبحت موحش نزلهه

*----------------------*-----------------*

ابوذيات

ولـدي احـيـود مـا تـخـلف .. وعدهه
واتـانـي ايـام سـفــرتـهـم .. وعدهه
الروحي امـعـلـگـه بـيـهـم .. وعدهه

امـل لاچـن ضـعنـهـم گـطـع بــيــه

*-------------------------*---------------------*


بـغـربـتـي وحـسـرة إبـنـيـنـي.. لهاجر
ولا مــريــم مــثــل حـــزنـــي.. لهاجر
لـــو بـيـدي الـهـجـر يـحـصـل.. لهاجر

واروح لـكـربـلــه وانــصــب عــزيـــــه

*---------------*---------------*


✍خادم الحسين ع
الشاعر رعد الجريخي

يا أم البنين


عـنـهـم مـا خـبـر روحـي .. بشرها
وعَلّي دنيـاي مـتـحـزمـه .. بشرها
الـمـديـنـه مـن نـعـه بيها .. بشرها

اعـرفـت ولـدي گـضـوا بالغاضريه

*----------------------------*-----------------*

✍خـادم الحسين ع
الشاعر رعد الجريخي

نعي
الليله الخامسه
مسلم ع



مـسـلـم لــم كـتـايـبـهـه
ومـنـه الـكـوم مذعـوره
يـشـبــه صـولـه الـكـرار
بـالـكـوفــه اخـذ دوره
شجاعت هـاشـم اجداده
عـاداهـه ورسـم صـوره
مـعـذوره الدموع اتطيح
الـلـيـلـه عـليـه مـعـذوره


*------------------------------*--------------------*

كـلـهـه اجـمّـعـت ضـده
اوهـوّه مـحــزم بـزوده
مـادام ابيمينه السـيـف
مـحـد وصـل لـحـدوده
ابـن أزيـاد يـتــراجــف
بعرشه وكثرت اجنوده
لا چـن الــغــدر طـالـه
حيف ابفـعلتـه السوده

*---------------------------*-----------------------*

بـحُـكـمـه اصـدر الضالـم
يـوم الـطـبـبـه الـقـصـره
مـن الـصـطـح يـرمـونـه
ويـتـكسّـر وسـف صـدره
وينجر بـحبـل يـا حيـف
يـاويـلـي والـف حـسـره
خـلـت بـالجفـن دمـعـات
وبـنـص الـگـلـب جـمـره

*---------------------------*--------------------*

يـدمـوع العيون سيلـن دمـه يـدموع العيون
ابجثته يجرون مـسـلـم تـره بجثته يجرون
ماكو اليدفنون ابديرت غرب ماكو اليدفنون
يوصلهم اشلون واهله الخبر يوصلهم اشلون


هـاي الـثـجـيـلـه بـس الـغـرب هايه الثجيله
مـحـد يـشيـلـه لـيـش بـنـعـش مـحـد يشيله
الحامي دخـيـلـه عـمـه عـلـي الحامي دخيله
يـرفـع عَـويـلـه ويـنـه اللذي يــرفـع عـويـلـه



*------------------*----------------*

ابوذيات


مـصـابـه بـالـحـزن روحـي .. ويرهه
ونـيــران الـگـلـب فــگــده .. ويرهه
أشـكم ضالم ربـط جـثـتـه .. ويرهه

بـحـبـل والـنـاس مـاعـدهـم حـمـيـه

*--------------------------*-------------------*

غـــريـــب وحـــزنـــه لــلــــدلال.. ماراد
وتـــقـــدم لــلــمــنــيــه بـــــزود.. ماراد
حـيــاتــه بــدون ابـــو الـسـجـاد.. ماراد

ورســم لـــوحــة وفــه بـوجـه المـنـيــه

*-----------------*----------‐----*

✍بقلم خادم الحسين ع
الشاعر رعد الجريحي

نعي
الليله السادسه
الانصار


غيـرة ومـرجـلـه وهـمـه
شنسولف عـلـى الانصـار
بـذلـوهـه النفس لحسين
وسوو بـالحـرب مـا صار
بـهـمـه اتـرجلـوا لـلـمـوت
وخـلـوها الـعـده تـحـتـار
حــتـى الــمـاعــرف ربـه
مـنـهـم صـاح يـا سـتـار

الـهـم يـشـهـد الـتـاريـخ
انـصـار ونــعــم مـنـهـم
ما هـمـو أجيوش وموت
وبـزفـة عـرس چـنـهــم
حبـيـب تـحـزم بـشيـبـه
يـالــرايــد خـبــر عنـهـم
بعقيده ثابـتّـه واخلاص
وفّـوو بـالـعـهـد كـلـهـم

بـدمـهـم سـجلـوا عـنـوان
رفَـعـة راسـنـه السـبـعـيـن
ابــد مـا يــوم نـنـسـاهـم
ذولــه الـقـدمـو لـلـديـن
مـا عـافـو ابـو الـسـجـاد
ولحسين العمر مـن طين
صـاروا قـدوة الاحـرار
ولـهـم ديـن مطلوبين

*-------------------*---------------*

احيـود ونـعـم كـلـهـم غـيـاره
ويـن الـوفـي الـمـاخـذ قـراره
بـحـب النبي وألـه افـتـخـاره
اليمشي بدرب واضح مساره
لـحسـيـنـكـم صـغـتـو عـبـاره
نـدري العـمـر بـعـدك خـسـاره
وي الـسـبـط عـدكـم تـجـاره
دمـكـم صـبـغ گـاع الـمـعـاره
واجمل شـهـاده الـكـم بشاره
كـلـهـه تـجـي وتـقـره الزياره

*------------------*---------------*

دم ابــكــربــلــه طـاهـــر فضلهم
وكـل حــر وأبـي يـعـرف فضلهم
ابشمس محد وصل ليهم فضلهم

الـتـراب بـيـوم ضلوا عـالـوطيـه

*-----------------*-------------*

انين الروح اجـاني وصحت ينصار
بـوكـت مـاكـو صحيب البيه ينصار
كـسـرتـوا ظـهـر ابـو السجاد ينصار

وخـذتـكـم حيف مـن يـمـه الـمـنـيـه

*--------------------*-----------------*

✍خادم الحسين ع
الشاعر رعد الجريخي

نعي
الليله السابعه
العباس ع
للسيدة زينب ((ع)) تخاطب ابا الفضل
((ع))


طِلَعْت امن الظُهُر والليل دَنّه
وتـتـانـيـك ويـن ام الـمـحـنه
اصبّر بالحرم بلكت تجي النه
كفيلچ ويـن صـاحن والكفلنه


يعلويات اسكتن گـلـت ليهن
سِمعني وعِلَه الصوت البچيهن
يـعبـاس گــوم الـحـگ عليهن
احشمَّن يـبـو الـغيـره ويجيهن


صـارت لـلـزلــم والـخـيـل عـيّـه
أأيـس يـالـگـمـر لـو بـيـك جيّه
وتـصـد الـعـين لسكينه ورقـيـه
چـل الـلـيـل ومـچـلـبـات بـيّـه


اكـابـر والـدمـع وحده ايتجاره
واعـايـن لـلـحـرم ضلن حيـاره
گـلـي شلـون ضلتك بـالـمـعـاره
وعلينه الـکـون مـظـلـم ابنهاره

*-------------------------*--------------------*

نعي مفجع السيده زينب والعلّويات

بس الليلة يم عبــــــاس
باچر ما نظل يمــــــــــه
باچر بالحبل ننگـــــــــاد
ونشبع ضيم يا عمــــــه

بظهور الهزل للشـــــام
ما ظل والي نشكيلـــــه
إحسبن للفجر ساعــــات
يجينه وتخلص الليلـــــه

تمشن وي ظلام الليـــل
سبايه ولا زلــــم عدچـن
اصبرن يا بنات حسيـــن
راح الچان كــــــــافلچن

علينه امسجل ومكتـــوب
نصير بوليــــة الــعدوان
والتحدي الغرب بينـــــه
واهلنه موسده التربــان

اتحملن حچـــي الـعدوان
واسياط الشمر كلهـــه
يعمه الحرم هيج تصـيـر
مــــن يطيح كافلهــــــــه

چلبن بالعبايه ويــــــــاي
وكلچن صيــــرن بسـدي
مــــا اگـــــدر اجمعچـــن
بــاچر حيل مــــــا عندي

ادري بوليـــة الظــــلام
وبنوگ الهزل حيـــــــــره
اصبرن والصبـر مطلوب
شسوي وراح ابو الغيره

نمشي وي العده گـــــوه
وبالهيمـــــــه ندنّگ راس
خاف تصد معانينــــــــــه
وتجرح خاطر العبـــــاس

من نمشي ونطب ديــوان
وعلينه الـــــــوادم التمت
لا تبچن يبعد اهلــــــــــي
تــــراهــــــه تريد تشمـت

تذكرن من اجينه ويـــــاه
وبيده يرفرف الوانـــــــه
ياهو الــــــــي گدر يجسر
علينه ويِطْوَل السانــــــه

انه مخدرت عبــــــــــاس
غــــــايتهم يذلونــــــــــي
اضلن وحــدي احــاميچن
وضربهم يجرح امتونــي


÷÷÷÷÷÷÷÷÷÷÷÷÷÷÷÷÷÷÷÷÷



ابوذات

مـصـاب الـطـف مـثـل گـلــبــي.. يلمچن
ومـــن تــبــچــن دمـــه يـاهـــو.. يلمچن
اخــوي الـگـبـل چـــن خـيــمــه.. يلمچن

فـگـد شـوفـه وغـفـه بـحـضـن الـمـنـيـه

*------------------*---------------*


ادري بـغـيـبـتـه اعيـوني .. يكفَين
وأصـيــح بـصــوت ردلّـه .. يكفَين
الدمـوع النوحي ماظنـن .. يكفَين

نــهــر مــن الــدمــع يـراد ألـيـه
*----------------------*--------------------*

✍خـادم الـحسيـن ع
الشاعر رعد الجريخي

نعي
الليله الثامنه (القاسم)
لسان حال رمله ع


يـجـاسم يبني ربـيـتـك ولـلشـيـب الـولـد يراد
يـزهـرة عـمـري وسنيني ما ادري زمانـي اشـراد
اكـابـر وحـمـل جروحي لچن ماينفع الهه اضماد
شسوي وفرگتك صعبه والگلبي الـصبـر مـا فـاد


احـلـم بـيـك يـولـيـدي افـز وصورتـك بـالـعـين
يالغالي انگطع رجواي هالفجعه اجتني مـنـيـن
عفتني بحزني والدمعه وعگبك ما رحمني البين
امــك يـا بــعــد امــك واهلك عـرسـك متانين



چانت ضنتي اتشوفـك عيني وبـيـدك الـحنـه
يـوم بـيـوم احـسـبـهـن گـلـت يـكـبـر وزفـنـه
اجتنه الغاضـريـه منين يـويلي وگطعت الضنه
يـيـمه الـمـوت اشوالـي امـوت واخلص اتـمـنـه



دهـري زاوداني أعـلـيك وبـعـد هيهات نتلاگـه
الـمـثـلـك ولـد ويـروح يـتـرك نـار حـرّاگــه
ثـكـلـه وبالحزن ضليت وروحي عليك متلاگه
يگلولي خـذاچ الـشـيب گلتلـهـم عـلـى فـراگـه


*------------------*--------------*

ابوذيات

الـلـيـالـي خـوش بـفـراگـك .. يزتني
وشـجـاهـه أسـهـام عدوانك .. يزتني
يـجـاســم يـاهـو الـگــبــري .. يزتني

ويـقـره الـفـاتـحـة ويـنـصب عـزيـه

*-----------------*--------------*

ظـهـري انـكـسـر بـمـصـابـك.. وحنيت
ودمـعـتـي ســالــت بــخـدي.. وحنيت
يـجـاسـم خـضـبـت شـيـبـي.. وحنيت

بــدمــك والـنــهــار اظـلــم عــلــيـــــه

                             
                                  *---------------*---------------*

✍خادم الحسين ع
الشاعر رعد الجريخي

نعي
الليله التاسعه
الأمام الحسين ع يدودع علي الأكبر ع


حــال حـسـيـن يـعـلــم بــيــه ربـنـه
مـره أيـشـم عـلـي ومـره يـحـضـنـه
اشــلـــون اوداع والــد ودّع ابــنــه
يـبـويه ايصيح گـلـبـي بـيـش اسكنه


عـلـي يـبـني اضـل ابـدونـك اشـلـون
يصيح بـصـوت يـمـه وتجـري العيون
عـگـب عـيـنـك يـگـلـه اضلـم الـكـون
يـغـالـي ابـسـاع عـنـي ليش تـرحـون


مـشـه الاكـبـر وأبــو الـيـمـه يـشـوفـه
گـمـر چـنـه ودنـت سـاعـة كـســوفــه
اشيروفه جرح حسين بفراكه اشيروفه
لـزم ظـهـره ومـسـح دمـعـه ابـچـفوفـه

*-----------------*--------------*
نعي طريقه ثانيه


ظـهـري كـسـرتــه اه الـولـد ظـهـري كـســرتـه
تصعب فـركـتـه المثلك علي تصعب فـركـتـه
دمعي احتسبته الـرب العُلى دمعي احتسبته
شـد حيلك انته عوف الابو شـد حيلك انـتـه



روح الـلـه ويـاك يبني عـلـي روح الله وياك
ادمـوع عـيـنـاك امـسـح يبويه ادموع عيناك
امــي اتـلـگـاك سـاعــه وتــرة امــي أتــگـاك
ابـولـيـت اعداك ادري تطيح ابـوليـت اعـداك


*--------------------*---------------*


انـكـسـر صـبـري واجـرن اه وياه
ودلـيـلـي أبنـار حـزنـه الولد وياه
اخـذ حيلـي علـي حـسـيـت وياه

انـحنـه ظهري وعـلـي راح مـن اديـه

*-------------------*-----------------*

انـه وزيـنـب خـبــر مــوتــه .. علنه
انجرح گـلبـي وعلى اوليدي .. علنه
بـعـد هيهات مـا يـرجع علي .. النه

ونـصبنه ابخيمته الـفـگـده عـزيـه

*-------------------*------------------*

✍خادم الحسين ع
الشاعر رعد الجريخي

نعي
الليله العاشره
للرضيع ع


ذهـيـلـه ابـكـربلـه ومشدوه بالي
ألـولـي لـلـمـهـد والـمـهـد خـالـي
فـجـئـه وخـبــر عبدالله اجـالـي
فــت الـدلـيــل وشــاب حــالــي



ضـاع الامـل والـگـلـب مجروح
وضـلـيـت اونـن ونّـت الـدوح
ورده الرضيع وريحته اتـفـوح
جـابـاه ألـيـه حـسيـن مـذبـوح



شـفـت الـسـهـم حـافـر رگبتـه
وراح الـتـعـب كـلـه الـتـعـبـتـه
مـثـل الـحـلـم غـابـت ضحكتـه
مـادارت بـعـدهـه ايـام سَـنـتــه


*------------------------*--------------------*

ابوذيات

اســولــف بـأسـم عـبـد الـلـه.. ورد بيه
واشـمـن مـهـده چــن ريـحـة.. ورد بيه
خــــذاه حـسـيـن لـلـحـومــه.. ورد بيه

ابـوسـط نـحـره السـهـم جـابـاه الـيـــه

*-------------------------*----------------------*

شــوفــي بـحـزن لـولـيـدي.. دريته
وسـالـم بـعـد مـــــــايـرجـع.. دريته
مـــو درّي دمـــع عـــيــنــي.. دريته

خــذاه الـمـوت مـنـي وگـطـع بـيــه

*---------------------*------------------*

✍خـادم الـحسيـن (ع)
الشاعر رعد الجريخي

العليلة عليها السلام

شكد صحت انه وراهم من مشوا
التفتت النوگ وهَلي ما باوعوا


يدريني الحسين امنضل اشبع قهر من دونه
التهضمني ما حاجيته ابد جا ليش حمره عيونه
اليتمرض ايباروه هَله مو وحده يخلونه
هو اني يمه وابچي دم شلون امنفارگ لونه

انغمى عليه وطحت من سلموا
التفتت النوگ وهَلي ما باوعوا

.
.
.
.

فرحانه بهلي والسفر وصرتي اكبال عيوني
ما دامني اتنفس ألم كلت اهلي ميخلوني
ميته امي والعله سهم بگلبي وهَلي عافوني
من ما خذوني كمت احس يحلى السفر من دوني

احجايه التنگال روحي ما حجوا
التفت النوگ وهلي ما باوعوا

.
.
.
.
كلمن وگف يم ناگِته وبالباب وحدي اتحسر
مستحوذ اعليه المرض كل ما اكومن اعثر
العباس يفتر عالضعن والكاع بيه تفتر
مشكوله ذمتك يالمرض ذبلت عودي الاخضر

السبب انت بضلتي وأهلي حِدوا
التفتت النوگ وهَلي ما باوعوا
.
.
.
.
كل المدينه سمعته صوتي وهَلِي ما سمعو
كلشي التفت ليه وبچه وأهلي ابد ملتفتو
عن ناظري بسرعه مشوا دفعة الغيم اندفو
ومن دمعت النوگ الضعن كلت الاهل ما رجعو

حتى بحلامي وعلي هم ما اجو
التفتت النوگ وهَلي ما باوعوا
.
.
.
.

يمته تجي ما كتله ابد ادري بعد ما يرجع
ومو انه الاغراب البِدي ما رضه وياهم يطلع
اركض وراه لَمن طلع والدمع صار مربع
صيحت يا بويه انتظر وچنه الابو ما يسمع

وصوتي مسموع وأهَلي كلهم بجوا
التفت النوگ وهلي ما باوعوا
.
.
.
.
عبدالله الشويلي

شافو طبها عباس وصار امدافع الناس
ابو فاضل ابو فاضل
**
جبير وتارس البيده صكر وتخير الصيده شايل موتهم بيده
ابن فارس مظر
كاشخ طبها بالرايه وسوه العسكر حجايه شنهي العلكمي ومايه
يشك حلك النهر

شد الحيل بالحيل وذب الخيل عالخيل
ابو فاضل ابو فاضل
***
عيونه من برز حمره وخله اوجوهم صفره طف يرادله بكبره
زغيره كربله
شويه اجيوشهم عنده كام ايشمر ابزنده منو عباس البگده
وياهو يوصله

طبهم شايل الموت وما ظل للزلم صوت
ابو فاضل ابو فاضل
****
ثگيل ويذبح بظله عله ثگله الكاع متحمله عله حيدر طلع كله
ومثل حملات ابوه
غيرة حيدره شايل انخلق لحسين ابوفاضل ويرد بي الله كل عايل
وبي شد ظهر اخوه

قدم كلشي لحسين جفوف وهامه والعين
ابو فاضل ابو فاضل
*
زمخ بيهم زلم رايد اواحد يدفع ابواحد يكله اطلع له لتعاند
تره الكل ينسحك
هذا ايكول ليش اطلع وذاك بصايته اتكبع اواحد جنه مايسمع
من صارت صدك

الزلم طشرها عالكاع وصوت اسباعهم ضاع
ابو فاضل ابو فاضل
**
خزرها وتكتل الخزره وذب العشره عالعشره واهس سوه للمهره
من طبو سوه
من يجهب عله الاول يظل الثاني يتوسل حيل العسكر اتبهذل
من راعي اللوه

الكافل بالحرب حار خزرها وخزرته نار
ابو فاضل ابو فاضل
*
من صاح الكمر اني واحد كال لثاني اشرد منه شمتاني
اشردو الكل هتف
بساعك منه ضم راسك واكطع حتى انفاسك وامشي بهذا احساسك
عله درب النجف

واحد بالجمع صاح اله سلموها الارواح
ابو فاضل ابو فاضل
****
تمت
ميثم العمري

بالرايه طبها الهاشمي وحالف يجيب العلكمي
***
شال بيده راية الله وعتنه للشاطي
گله زامطت عله مايك وانه گد ازماطي
بزغري عنك سولفولي وگطعيت اگماطي
مايك انه اوصله وگلبها كربله

بيه انتخت بت فاطمه مو ماي اجيب الها السمه
****
ابوفاضل غيرة الله وغيرته محلاها
والزلم بالزلم تعثر من وصل خلاها
والشريعه اخو زينب للخيم جاباها
ذلاها المشرعه والعسكر رجعه

احتارت الدنيه بغيرته وبالسمه رفت رايته
**
لا فتى اله ابو فاضل بالكتايب هايه
مفصله الرايه على جفه واله اتلوك الرايه
زغيره يم جوده الشريعه وجوده جان اهوايه
طب سبع الگنطره وذكرها بحيدره

هذا ابن قتال العرب تهتز الحومه لو غضب
**
ابو فاضل جيش وحده وقائد بأفعاله
ومن برز والرايه بيده روع الخياله
فصل الطف عله طوله وطفها ما كفاله
وگفهم بالسره وسواها مجزره

من زغره ابو فاضل شهم والزلم ذبها عله الزلم
****
حسين من زامط زلمهم زامط بعباسه
ابو فاضل صاح جيشي والشهم ضم راسه
وذاك يركض هذا لابد وگطع ذاك انفاسه
من عنده الكل رجف وصلهم للنجف

شايل الموت بصارمه وسواها بالطف ملحمه
**
كشف كل جيش الشريعه ابو الغيره بزوده
اهواي همه وهو وحده ورجع تارس جوده
جده ابو طالب وحمزه وعلي الانزع عوده
وعليهم من حمل ذكرهم بالجمل

بجفوفه جاباهم سطر وكل عشره خلاها بكتر
*
تمت
#ميثم العمري

زينب ورمله ام القاسم ع

طفـي الشمـع يالـوالـده بدمـه الولـد تحـنه
للحومه جاسم من مشه سيوف العده زفنه
صبرچ يرمله .. فگده شيحمله
راح جاسم

…………………………

الراح ابنـها شلون تـتحمل مغـيبه
يصبرچ الله آه يرملـه لهل مصيبه
شلون گـلبچ راح هسه يكف نحيبه
وجاسم اگبالچ اجـه جثـته خضيبه

الچان الچ خيمه وعمد طاحت عليچ الخيمه
يـالفـاگــده راح الـوالـد هـالـنـايـبه عـظـيـمه
ورد وصله وصله .. فگده شيحمله
راح جاسم
…………………………

تحمل شلون المصيـبه ويـهـده ونـها
الياخذ الموت الضنه من نص حظنها
والـيـرد امگـطـعـيـنه شلـون ابـنـها
تمـوت ويـاه امــه حگـها من حزنـها

ايساعد الله التفگـد بهـذا الوكـت ولـدها
الرادتـه لشيب العـمر يصير الولد سندها
وياخلـته خله .. فگده شيحمله
راح جاسم

…………………………

الچان سلـوى بالحلـگ يارمله اسمه
جاسـم بـيا حالـه هـسه جـابه عـمه
وذر شاله وزحف گـوه جاب جسمه
حسين راح من البچي يارمله يعـمه

رد للخيم محني الظهر حسين وعله نحيبه
ومـدده مابـين اخـوتـه ابن الحسن حبـيـبه
وضل نوحه يعله .. فگده شيحمله
راح جاسم

…………………………
حسين گـلبه علـه الولد يمـكـنـه واگــف
وگمت اشوفه حسين دمه بوجهه ناشف
منـين مـا صدالـه شـافـه جــرح نـازف
وهـاي اول مـره اشـوفـه حسين خـايـف

خايف اشوفه وينظرچ رمله وحزينه عينه
وصاح بهضم راح الولد عريسچ امن ادينه
وبگـلبه عله .. فگده شيحمله
راح جاسم

…………………………

صعبه يارمله المصيبه الفگد يكـتل
الينذبـح بالطـف ابنـها بخـربه تـنزل
وتگطع ادروب وبراري بلاحمه وظل
وتصعد النوگ الهـزيله وكـون تحمل


تصعد على ظهور الهزل الينذبحـه حلمـها
وبحلوگ شماتة حچي يضل ينذكر اسمها
وبسفره ذلـه .. فگده شيحمله
راح جاسم

……………………… ..
يعينها الله الينذبح بالطف ضناها
خـيـمه ماعـدها وتسويله عزاها
تركـض ونـار الخـيم تـلـهب وراها
هذا يشتم بيها ذاك ابسوط اجاها

ماتگدر تسوي عزه وتبچي وتـون لبنـها
خيل وزلم ، نار الخيم ليها ركض يجنها
تلفـيها كلها .. فگده شيحمله
راح جاسم


الشاعر عقيل الحسناوي..

(نـــزلـــه ... طور بدوي)
ياشامخآ بالعزم... صگارِ كل الزلم عباسِ مِنك كفو... يا فارسٍ ياشهم.
=========@@@======1️⃣
ناخت لكَ الريح والريحِ خيالها.
يازين الأفعالِ ما غيرك الگدها.
والرايه عباسِ بس چفك الشالها.
اني ابا الفضل صوت الفخر گالها.
يارافع المگدرا.... شمرة علي حيدرا
سوح الوغا نادتك... منك نِعم والنعم
=========@@@======2️⃣
تحصدهن الروس يوم الذي ترتجل.
زايد بنا الشوگ نسمع ثنايا الفعل.
يانسنه طرواك يامنصفن بالعَدل.
تربات الأجوادِ ماينخفى هالنسل.
والحومه للمرجله.... صاحت هلا وياهلا.
والجدمك انته الترب... لو لامسو يبتسم.
========@@@========3️⃣
يمأسر اليل واليلِ في قبظتك.
للطفِ عباسِ أم الوفا جابتك.
طاحنهم بيوم دارت رحا صولتك.
والاف السنيني تحچي افخر هيبتك.
ضاع الوصف ياگمر... والوصفِ نگطه ابحر.
يومآ جوادك يهب... يعني الأمر منحسم.
=======@@@=========4️⃣
منك على الصوتِ عونك يبن فاطمه.
يم جدمك المايِ يركع يطفي الضمه.
محتار الجيوشِ منهو البرز صارمه.
ماندري عباسِ لو هذا حامي الحمه.
حيدر بّحيدر فزع... والجيشِ منك جزع.
دوخت العگولِ... ماواحد المفتهم.
========@@@========5️⃣
الحومه ديوانِ چف الكرم طبها.
يمعزب ابروسِ لمن دنه اغرابها.
امصيحهم الغوثِ ياتالف اعصابها.
ضاگت بالآكتارِ محتاره بالصابها.
ابدمهم الحومه انسگت... بمثلك مره مطلگت.
تمشي اوترج الأرض... حتى الأرض تنهدم.
========@@@========6️⃣
بيك انته الأوصافِ لاتنحصى اولاتِعد.
لو طول السنينِ نحچي اونسولف بعد.
عباسِ عباسِ هوه اليوصفك بجد.
تربات الأفعالِ وانته اسد من أسد
عباسِ يبن الفحل... ياشامخآ ياجبل.
طولك يتعب النضر... راسك يطخ بالنجم.

للشــاعر✍️
ابو عبــد الله الشمــري

كل سنه لهفه ابدليلي.. يمته يمحرم تجيلي.
كلشي ماريـــد بس اشبع لطم.
واعله الحســـــين اون وانهضم.
يـــامحــــــرم يـــامحــــــرم
____1️⃣
حصرة الفاگد چبيره...وانته تدري.
يامحرم والله حيره... اشتاگ صدري.
امتانيـــك اوبلهفه انتضر.
ربـــي طول بالعمر..حتــى احضه بالأجر.
بالمجـــــالس.... بالمجــــالس.
*كون طول السنه انته* هايم اوحزنك عشگته*
أيلمصــــاب عالناس اشعِظم.
واعله الحســـــين أون وانهضم.
يـــامحــــــرم يـــامحــــــرم
_____2️⃣
صدري يستناس احسه.. لدگ چفوفي.
انه اعمى بغير هسه..... وانته شوفي.
أحضــر چني مِنولد.... أحــزن من امشي أوارد... ألــطم حتى بالحد.
أعله ابو السجاد ..... اعله ابو السجاد .
*ياحُسين اشسوى بيه*
*والله ماغيره أليه*
انه لجــــــله بيه ما أضم.
واعله الحســـــين اون وانهضم.
يـــامحــــــرم يـــامحــــــرم.
_____3️⃣
انه ولهاي المناضر.... عيني تدمع.
اوچلمة الهل من مناصر... أذني تسمع.
حالي بحزنك ملتهي... ريتك لا ماتنتهي.....عمري الطم مشتهي.
طــول الأيـام..... طـول الأيـام.
* رغم ما احزن واعاني.*
*لكن اشگد بيك اتاني*
رغُـم جرحــك أحبنك رغُـم
واعله الحســـــين اون وانهضم.
يـــامحــــــرم يـــامحــــــرم
_____4️⃣
الفقره متلهفه تشوفك... واعله بابك.
الهم اتمد ابچفوفك.... من ثوابك.
ابجيتك فقره استقبلت... ناسك بالخير ابذلت... خدمه بيامك حِلت.
خير الحسين ....... خير الحسين
*امطرزه ايامك سودات*
*ياحُسين اسمع منادات*
واجب اشبيــك اله اضل محِترُم.
واعله الحســـــين اون وانهضم.
يـــامحــــــرم يـــامحــــــرم
_____5️⃣
من اجيك ابكل مسيه... عندي واهس.
تحضر الزهره الزچيه... بالمجالس.
اتگــلي ياميت هلا... اسمي الزهره اتسجله.
عايش واقع كربله.
ذاك المصــاب......ذاك المصــاب.
*اه يايوم الفواطم *
*اشسوه بيه الله عالم*
عايش ابحــــــال كلش مِنسگُم.
واعله الحســـــين اون وانهضم.
يـــامحــــــرم يـــامحــــــرم.
_____6️⃣
لمن اضكني اليالي... اوماكو راحه.
انه احس يرتاح بالي....بالمناحه.
من ابچي واهمل دمعتي... راحه هاي لحالتي.
انسه جرحي اوعلتي.
اشــفي صــدري....... اشـفي صــدري.
*لهذا ما اريدك تسافر*
* بلا محرم ابقه باچر*
لسمك اجلال اوگف وانتضم.
واعله الحســـــين اون وانهضم.
يـــامحــــــرم يـــامحــــــرم

للشاعر ✍️
ابو عــبدالله الشمري

شوط كربلائي
الامام السجاد عليه السلام يسال الميمون
&&&&&
يـاميمـون حـاچيــني أبـوي بيـاوضع شـفتـه
وانـت دافعــت عنـّــه لـو وحده بغرب عفتـه
&&&&&
يـاميـمــون جـاوبــني أبـوي شصارت احـوالـه
أشـوفك يامهــرمدمي چـنهـه سهـــام چتــالــــه
أحچيلـي الـوضع كله عيـوني اعليه همـــالــــه
وانت أتعـايـن الحالي وعـايـن حالـة أعيــالـــه
عاين عمتي يالميمون واطفـال ابحزن يبچـون
يــاميـمـون خبـرنـــه لـو وحده بغرب عفتـه
&&&&&
يبـو الباقرششوف الصار مـاشـايـــف أبــد مثـلـــــه
أبـوك حسـيبن بالميــدان وكـلـهه أتــزاود الچتلــــه
بيـن اسـهـام بين أرمـاح جسـمه شـلـون ويحـملـــه
ومـثـلـث ضرب گلبــــه وعـلى صـدره الشمرعله
وبگـصته حجر صـابـه آه الجـمرت أمصــــابـــه
وآنــي مـارحـت عنــّه لـو وحده بغرب عفتـه
&&&&&
نـاديت أبعــلاة الصـوت ويـاهـو اليـفـهـم صيـاحي
ظليمـه من هذوله الناس وأزيــدن بيـهه بنـيـاحــي
ابچتـل حسـين يتشفــون وريــتك سـيدي صـاحـي
وبـعيـنـك اريد تشـــوف راحــت بـعـده أفـراحــي
و ظهري اشوف حسين وافرح كل وكت كل حين
ومـامـلـن أبـــد منــّــه لـو وحده بغرب عفتـه
&&&&&
يـاميمـون أســألــنـــــك چـم طـبـره انطبر جسمه
وانـت تعـاين اوموجود تـتـصـور أظـن رســمــه
شـنهـو الصـارأحچيلـي ابــو ومـن سـفـح دمـــــه
هاي الناس كلهه أعليه كـلـهه أوچـبـت يــمــــــه
تريـد الجأئـزه اتحصل ولامــر الطاغيه تنــــزل
يــم حســين تـتعنــــه لـو وحده بغرب عفتـه
&&&&&
شخبرك ســيدي ومولاي هـاي الـوادم شـبيهــــــه
واحــد سـَلـّب أهـــدومـه وتـتـعـارك أهي اعليهـه
وگطعـوخنصره من ايده ا, واحد ةهـامـه يدميهه
وبسيفـه الشمر طــــــوح أثنعش ضربه يعد بيهه
والخيل اسحگت صـدره صعـبه هـواي هاليجره
يـبـو البـاقـرتـحيـرنـــــه لـو وحده بغرب عفتـه
&&&&&
صحـت وحـربت لجلــه وشــبيـت ونـزلت الگــاع
ارفس هذاواضرب ذاك وگلبي أعليه والله ارتــاع
ويــاه أجـرعـــــت آلام وادري حسيـن مايـ،نبـاع
وگفت أمحير أومجنون من شدت علي الاوضاع
مـن حــز الشمرنـحـره ورفـع راسه وعلن أمـره
صـعبـه بـهاي أشوفنـه لـو وحده بغرب عفتـه
&&&&&
نسألكم الدعاء
خادم الحسين ع
الحاج ابو اياد البيجاوي

زيـنـب تـنــادي بحـنـيـن مــودع الـلـه يــا حسين

*
شـحـال زينب لــوعـفـتـها يــاخـو زينب لـلمـحن
وهــذا جـبــرائـيــل أشوفه فـصل أتــرابك الچفن
صوّت الناعي عله فگـدك وسفه وأنـدار الـزمن
بـاچـــر أعـيـالـك يــتـامه وينسلب أشرف ضعن

بالخيم صــار الـونـيـن مــودع الـلـه يــا حسين

*



الدنـيـه مــو دنــيـه بغـيابك وحـشـــه بـعــدك دنيتي
مـروتــك لـلـمـوت أخـذنــي ويــاك وأرحــم حالــتي
شابچه العشره عله راسي وعيني بعـيـون أخــوتي
والصخــــر ذاب وتـــفـسر وأنــصــدع مـن ونـتـي

يــا مـــلاذ الحائـــرين مــودع الـلـه يــا حسين
*
تـزاحمت بخيامــي لـيـش الـلـيلـه أمـــلاك الــسمه
شلون هـاي الليله أشـوفك ســـــابــح بفيض الدمه
ويــا گـمـر عـنـدك أمــانـه ودعــتـــنـــي فــــــاطمه
شلون لو رحت وعـفتني وأنت أبن حـامي الحمه

روحـي كتبت عالجـبـين مــودع الـلـه يــا حسين
*



صدگ باچـر مـا أشوفك لــو مـشــيـت أميسره
خـــويــا عـدمـن أمنتني وماشي سبع الگنطره
راح أشاهـد چم مصيبه من عـگـب عينك تره
عالـفـــراگ وعالنوايب مثلي مـــا تصبر مره

وبعد ما تغمض العين مــودع الـلـه يــا حسين
*
چنت تـمـســح دمع عيني من تـضـمنـي بلهفتك
شلون هاي الليله أودعك وأيدي تمسـح دمعتك
شـالـوا الــروح وخذوها لــــون داسـوا جثتك
حـيـره يــا والـي اليتامه تحـيــــرت بمصيبتك

وعـن جثـثــكـم راحـليـن مــودع الـلـه يــا حسين
*



طلب هاي الليله عــدها من أخـوهـا أم الخـدر
صحـت خـليـنــي أضمك خــاف ضلعـك ينكسر
عليك ضلع أمي الزچيه أقــبـــل لاتـعـــتـــذر
عالترب باچــر أشـوفك لــو طلع خـيط الفجر

وين أشوفك خويا وين مــودع الـلـه يــا حسين
*
لـيــلـة أوداعـك رهـيـــبه يـاشـبــل عـقـد الوله
ريت مـيـتـه أبدال أخوتي ولاشفـت طــف كربله
طفل ست أشهور عمره تـذبحـه نبـلـة حـرمله
وعالـتراب حسين نايـم مــاكــو أحــد غـسـله

وعالصبر ألـله المعين مــودع الـلـه يــا حسين
*
تمت
علي الخفاجي