Xo'sh, dekabr oyiyam tugayapti. Qani biz @dengizortidan nima qildik?

Aylani-i-ib olingan rasmlar:
1. Kiberdushanba
2. Toshkent'ga borganim haqida
3. Sherdor kafesida
4. Philz Coffee
5. Beton chakalakzor
6. Bruklinda yog'ayotgan qor
7. Yana va yana qor

#surishsirlari:
1. Grin karta (lotoreyasi) orqali kelish
2. Yevropa orqali turist > talaba > grin karta
3. Grant bilan konferensiya yoki almashinuvga kelish
4. Amerikada o'zbek tilidan dars berish uchun kelish
5. Magistratura > stajirovka > ish vizasi > grin karta
6. Maktabga grant yutib kelish > "серийный" ishbilarmon bo‘lish
7. Yevropa orqali turist vizasini olib kelish
8. 17 yoshda Amerikaga bir tiyin ishlatmasdan kelish

#Xarakirixachapuri — ingliz tilidagi iboralarni o'zbekcha izohlari
Ivory tower | Digital detox |Generation gap |Grammar Nazi | Same difference | Odds/ways | Sounds like a plan | Care | Better safe than sorry | Significant other

Kuningiz xayrli o'tsin!

@dengizortidan

Uik-end mutolaasi uchun.

Bugun 1,5 yil ichida sun‘iy ong orqali generatsiya qilingan tasvirlar oxirgi 149 yilda yaratilgan media kontent soniga yetib olgani haqida o‘qigandim.

Mana bu yerda sun‘iy ong yaratgan reklamani ko‘rishingiz mumkin.

Наконец-то! Адекватная, красивая и вкусная реклама еды от нейросетей

Картинки создавал Midjourney, анимацию добавляли Runway и Pika Labs.

Dangasalar

G’ayratlilar yelib-yugurib,
Mehnat bilan mudom ovora.
Dangasalar esa o’y surib,
Yotish uchun izlashar chora.

Ishchan azal tinmay yer chopgan,
O'g'ir tuygan, sovurgan somon.
Yalqov o’ylab charxpalak topgan,
Ijod qilgan shamol tegirmon.

Parvoz etsam yuksak samoda
Zamonaviy laynerda bukun.
Rahmat deyman yorug' dunyoda
Dangasalar borligi uchun.

Yo’qsa yurar edik hoynahoy
Hanuz yayov changitib tuproq.
Xo’b yurtim bor, dangasaga boy,
Ishchanidan yalqovi ko‘proq.

Rost aytsam, bu mening ham dardim,
Xolimasman bu kasallikdan.
G’ayrat qilsam bir kasb topardim,
Shoir bo’ldim dangasalikdan.

Bizlar shundoq, bizda yo’q ixlos
Dabdaba-yu as'asalarga.
Ishlang, bizni tinch qo’ying xolos,
Tega ko’rmang dangasalarga.

Erkin Vohidov

Weekend Watch

Ректор Балтийского федерального университета посоветовал студентам съездить на учебу в Узбекистан. На встрече со студентами ректор объяснил, что академическая мобильность ограничена, ряд стран больше не доступен для российских студентов, а Узбекистан — новый партнер с высоким уровнем вузов. @banki_oil

Argentinada inson kapitali vazirligi tashkil qilinadi. Bunga alohida e‘tibor qaratganimni bu tashabbus uchun xayrixohlikka yo‘ymang. Ammo, fikri ojizimcha, yashashga haqli bir g‘oya.

Jamoamiz O‘zbekistondagi eng yorqin media loyihalardan biri bo‘lgan "Uzbekistan‘s club" jurnali ustida ishlash imkoniyatiga ega bo‘ldi.

Vazirdan intervyu oldim. Ammo islohotlar, davlat siyosati va boshqa shu kabilar haqida emas. "Rasmiy haqida norasmiy" degan ruknimiz uchun mamlakat tarixidagi eng yosh ayol vazir Hilola Umarovaning shaxsiyati, uning bolaligi va o‘y-xayollari haqida.

"Albatta quvondim. Boshqa tomondan, bu ulkan mas'uliyat talab qiladigan soha”, deb xotirlaydi vazir bo‘lganidagi hayratini Hilola Umarova.

Uning hayotida tub burilish yasaydigan katta-kichik syurpriz-u shoklar talaygina. Ota-onasining kasbi tufayli Germaniyadagi shaharchada tug‘ilib, bog‘chaga va boshlang‘ich sinfga chiqqan jajji Hilola yetti yoshga to‘lar-to‘lmay jo‘shqin, sershovqin va deyarli hech kim nemischa gaplashmaydigan Toshkentga ko‘chib keladi. O‘zbekchani-ku sal-pal “fershteyn”, lekin maktabdagi mashg‘ulotlarda qatnashishi, uyda qattiq intizom o‘rnatgan harbiy otasi undan talab qiladigandek yaxshi o‘qishi uchun bu yetarlimas edi. 241-umumta’lim maktab partalarida harf tanigan qizaloq Toshkentdagi mahallalarning birida yashaydigan buvisi ko‘magida, qolaversa, ko‘chadagi bolalardan o‘zbek tilini to‘liq o‘rganadi..."

Hikoyalarni sevuvchi mushtariylar, albatta, ko‘z yugurtiring.

@azamov_com

Hilola Umarova: 60 ta yigit bilan o‘qib, “starosta" bo‘lganman

Batafsil 👉 https://uzbekistans.club/uz/top/hilolaumarova

2050-yilda O‘rta Osiyodan 26 mln odam ketadi! — «Global halal» va «ESGU» asoschisi bilan suhbat

Loyihamizning yangi sonida dastlab O'zDJTU hamda AQShdagi USML universitetida o‘qigan, keyinchalik «CANN» festivalida qatnashib, hozirda «ESG» (Environmental, Social, Governance) yo‘nalishida «ESGU» kompaniyasiga asos solgan Saidaziz A’zamov bo‘ldi.

Amerikada o‘qish va ishlash, keraksiz orzu-havaslar, O‘zbekistonning tashqi imiji kabi muhim mavzular haqida «Osmondagi bolalar» loyihasining bu galgi sonida bilib oling.

Premyerani quyidagi havola orqali 8-dekabr — juma kuni 20:30 da tomosha qiling.

👉 https://youtu.be/uKknNv8JTAE

Oliy ta‘limdagi korrupsiyaning 2.0 versiyasi

Biz talaba bo‘lgan paytlar domlalar yomon o‘qiganlardan pul ta‘ma qilardi. Hozir, ayniqsa, xususiy universitetlarda domlalar yaxshi topyapti. Baho uchun pul berishlar deyarli yo‘q.

Biz talaba bo‘lgan paytlar bilimli talabalar domlalari yaxshi dars o‘tmaganda ularning ustidan arz qilardi. Hozir 97-yilda tug‘ilgan va bir kun ham sohada amaliyotda ishlamagan domlalar safsata sotyapti, ammo hech kim norozi bo‘lmayapti (bechora talabalar ehtimol yaxshi dars qanday bo‘lishini ham bilishmas o‘z tajribalaridan).

Qiyin imtihonlar, sinaydigan va sindiradigan savol-javoblar tuzish va olish uchun ham aql kerak. Hozirgilar shunday o‘tkazvoryapti. Iqtisodiyot fakultetini "valyuta kross-kursi" nimaligini bilmaydiganlar bitirib chiqyapti (vaholanki, bu ilm Dubayga qatnaydigan mokkilarda bor).

Xullas, lallaygan talabalar va nokompetent domlalar o‘zaro til biriktirishyapti. Domlalar pul topyapti shu tahlid. Talabalar diplom olyapti.

Mana sizga korrupsiya.

Bir kun kelib "Baho uchun pul so‘ralgan vaqtlar yaxshiroq bo‘lgan ekan" deymiz deb hech o‘ylamagan edim.

P.S. Ayrim o‘qishlarda o‘zim guvohi bo‘lganman, imtihonlarda nima tushishi sizdiriladi oldindan. Xullas, "keling universitet-universitet o‘ynaymiz" degandek narsa bu. Xolakasim.