انا بشر لي في حياتي غرامي
اصنع من احساسي دول عشق واجيال

واللي حظت عن غيرها بإهتمامي
بآموت عاشقها على كل الاحوال ..

علمتها فن الغزل من كلامي
وهي علمتني اضحك اليا شوش البال
"
اليا اقبلت قامت تراجف عظامي
وان دبرت .. كنه ضرب الارض زلزال
"
تحبني وتحب عزة مقامي
واحبها واحب في خدها الخال
"
من عينها تروى القلوب الضوامي
في وجهها تقراء ' تبـارك والأنفال
"
ياغارة الله وين اودي هيامي
لامن على جيد الظبي لفت الشال
"
لا تسألوني بالغلا وش علامي
وعلى فراق عيونها لييه ماحتال
"
طقت كعبها في البلاط الرخامي
تلوي رقاب القوم رجـال رجـال
"
مهدي بن سميطان ...

القمر لو شافك تشوفه وتحته تمر
‏هو لازم يبهرك ، ، وانت لازم تبهره

‏ وش يفك عاد دهشة قمر قابل قمر
‏كل واحد يحسب انه مقابل منظره .

و اقبلي مثل التباشير في وجه الكريم
‏وارحلي مثل التعازي على موت الشجاع

ضيدان بن قضعان

🔴🔴لمدة اسبوع فقط 🔴🔴

تم فتح طلبات التصميم للشعارات والهويات التجارية فقط
للتواصل واتساب : 0552443040

خفوا علي من العتب يالاصاحيب
اشوي لين اني جروحي تشاوا

انا طموحي كايد وعسر وصعيب
وجروحي الي في ما تنتداوا

ارمي الرجا في بعض الاصحاب ويخيب
تبينت ماعاد فيها مراوا

قدام عيني تبدي نجوم وتغيب
ونجوم قامت من عيوني تهاوا

كم لي وانا اقنب مثل ما يقنب الذيب
واحس في صدري ذياب(ن) تعاوا

ولا ارتحاح لين اركب على طارت الجيب
ولا تستوي لين الطريق يتساوا

واقلط على مجلس حصان الاطاليب
الي لربعه والاجانيب ماوا

ومنارته تاكل من السمر ماجيب
وصينيته تاكل ظهور الشتاوا

ماجور يا ستر البنات الرعابيب
وبيضَ(ن) على خوتك يوم نتخاوا

مرزوق المقاطي ..

كل نوماسٍ على ساس وركايز
له من صدوف الزمن يومٍ محدّد

تقبِل الدنيا وتقفي بالغزايز
وكم توطّت صلب منعورٍ مردّد

واليا دخل له مجلسٍ صاروا برايز
ومن غدت عينه على عينه تصدّد

أشهد ان الذل قضّاي العوايز
من كرامتنا عوايزنا تلدّد

والله انه أشدّ من شوف الجنايز
شوفة المحتاج لاقام يتردّد

راشد القطيماء

روت روحي من الحب واللي يهم من جال
‏ماعاد اتبع المقفي ولا أذكر الناسي

‏سلامي على اللي حبها ساقني للجال
‏وقامت تلين في طبوعي وانا قاسي

‏تمر المره من عقبها كنها رجّال
‏ما والله تحرك شعرةً من شعر راسي

محمد المقحم