اللهم صل على محمد 🍃🕊️

يامرحبا والبال ماهوب مانوس
ومن جيز من سلّم بنقبل سلامه

اسمي عزيز وخاطري وسطه حسوس
ودي ولا ودي .. واخاف الملامه

لولا حكي الاذناب ومعاتب الروس
والله لا اخليها على اسمك علامه

والوقت شين وحده اقوى من الموس
والطيّب الله لا ينزل .. مقامه

والمال مامن زود والبيت مدعوس
والعود يذبح كل يومً .. كرامه

والله العظيم انها على الكبد دبوس
العام يومنك " جنوب الثمـامه

جيتك وانا ضايق وناقصني فلوس
ورجعت ناقصني ( فلوس وكرامه ).

هادي بن مانع اليامي ..

مالله خلق مثل ابوك ولا خلق زيك
الناس في حبكم ماهيب منلامه

سلالة الزين جدك لعنبوا حيّك
اطيب من الباتل اللي جاب خزامه

مطرب دحيم

الليله اهداف المحبه بلنتي
والزاوية في ثومة القلب تسعين
"
على دقاق سخيّف العرق منتي
ياورد يايشموم ياخوخ ياتين
"
لا شك في عمر الشباب امتحنتي
انتي نتيجة حُور عين وحَوَرْ عيّن
"
استحلفك باللي عليه استعنتي
اللي خلق من قبّلتك .. قٌبلة الزين
"
يوم ان ابوك انتجّك وشلون كنتي
كنتي بعد ورعه .، سوات الوراعين !؟
"
الناس مخلوقين من طين .. وانتي !!
اسغفرالله ' كيف جيتي من الطين
"
مطرب بن دحيم