Pireezidantiin duraanii Afrikaa Kibbaa Jaakoob Zuumaa hidhamuu hordofee hokkora dhalateen manneen daldalaa saamamanii gamoowwan ibiddaan gubachaa jiru.

Filannoo Biyyaalessaa jahaffaa bu'aan isaa Sanbata xiqqaa darbe ibsame irratti dhuunfaan teessoo paarlaamaaf dorgomanii kan injifatan Hayyu dureen duraanii ABO Obbo Galaasaa Dilboo filannichi kan amma dura gaggeeffaman irra wayyaa'aadha jedhan.

Pireezidantiin duraanii Afrikaa Kibbaa Jaakoob Zuumaa hidhamuu hordofee hokkora biyyattii keessatti dhalateen daldaltootni lammiilee Itoophiyaa yaadda'uu BBC'tti himan.

Iraaq hospitaala bakka namoonni Covid-19n qabaman adda itti baafamuun wal'aanamanitti ibidda ka'een namoonni 50 ol lubbuu dhaban.

Chaayinaa keessatti daa'imman ukkaamsanii butuun rakkoo hammaataa ta'eera, waggaa waggaan daa'imman kuma kurnaan lakkaa'amantu butamu.

Waraanni naannoo Tigraay Kibba naannochaatti kan argamtu magaalaa Kooram to'achuu Rooyitarsi gabaase.

Gaggeessaan Imaammata Alaa Gamtaa Awurooppaa Hoseph Boreel rakkoo Naannoo Tigraay jirun walqabatee miseensonni gamtichaa Itoophiyaa qoqqobuu akka yaadan yaada dhiheessaniiru.

Erga Pirezidaantiin duraanii hidhamanii booda hookkara Afriikaa Kibbaa keessatti mudateen yoo xiqqaate namoonni 72 ta'an du'an.

Mootummaan Itoophiyaa yaada murtee Gamtaan Awurooppaa dhimma Tigraay ilaalchisee Mana Maree Mirga Namoomaa UN'f dhiyeessee sagalee caalmaan fudhatama argateen ''yeroo isaa kan hin eegnee fi dantaa siyaasaa of duubaa kan qabu'' jechuun balaaleffate.

Itoophiyaan Masrii fi Sudaan dhimma Hidha Haaromsaa irratti marii jaarsummaa Gamtaa Afrikaan hogganamu jalatti akka deebi'an waamicha dhiyeessite.

Baqattoonni Eertiraa Tigraay jiran wayita waraanaa qaama tokko ykn kaaniif loogdaniittu jedhamuun haleellaa, ukkaamfamuu fi hidhaaf saaxilamuu isaanii gabaasaaleen amanamoon na gahaniiru jedhe UN.

Dhiyeenya kana miidiyaan biyya Ameerikaa New York Times gabaasa dhiyeesse keessatti suuraalee hedduu fayyadame keessaa tokko, ijoolleen umuriin isaanii xixiqqaafi loltummaaf hin geenye fakkaatan meeshaa waraanaa qabatanii wayita imalan kan mul'isu ture.

Namoota achi buuteen isaanii wallaalamee iyyannoon hedduun isa dhaqqabaa akka jiru fi barbaacha eegaluuf akka ta'e Komishinii Mirgoota Namoomaa Itoophiyaa beeksise.

Ajjeechaa Artiist Haacaaluu Hundeessaa raawwachuusaa manni murtii kan mirkaneesse Xilaahun Yaamii du'aan akka adabamu Abbaan Alangaa gaafate.

Naannoleen Itoophiyaa garaa garaa Raayyaa Ittisa Biyyaa tumsuuf humnoota addaa isaanii gara Kaaba Itoophiyaa baatii saddeet darbeef lolli itti adeemsifama jirutti ergaa akka jiran beeksisan.

Hokkoraa fi hiriira mormii Afrikaa Kibbaatti umameen lammiileen Itoophiyaa lubbuun isaanii darbe akka hin jirre Ambaasaaddar Shifarraaw Taklamaariyaam himan.

Kibba bulchiinsa Somaaliyaa Jubaalaandiitti namtichi intala buddeensaa kan waggaa sadii gudeeduun du'aaf saaxile itti dhukaafamuu akka du'u taasifame.

Waraana Tigraayiin walqabatee magaalaa Finfinnee dabalatee bakka adda addaatti namoota akka feeteen hidhuufi dararuun qaamolee mootummaan raawwatu akka dhaabatu dhaabbileen mirga namoomaaf falman gaafatan.

Barsiisaa amantii Islaamaa kan ta'an Ustaaz Raayyaa Abbaa maccaa, yeroo baayyee manzuumaa hojjetan keessatti rakkoo hawaasa kaasuun beekamu.

Halkan hunda dargaggoonni daangaa eegumsa cimaa qabu qaxxaamuruun, laga saffisaan yaa’u daakanii Sudaanitti miliqu.