#архітэктурабсср
Альтэрнатыўны Менск архітэктара Георгія Лаўрова.
Працягваю рабіць ШІ-генерацыі на тэму нерэалізаваных архітэктурных праектаў міжваеннай БССР. Гэтым разам паглядзім, як мог бы выглядаць Менск, калі б спраектаваныя Георгіем Лаўровым аб'екты былі рэалізаваныя у поўнай меры, а не аддадзеныя на дапрацоўку іншым архітэктарам, як тое было ў рэальнасці:
1-4. Праект Вялікага (опернага) тэатра БССР, закладка каторага адбылася 11 ліпеня 1933 года ў гадавіну Вызвалення Беларусі ад белапалякаў на пл.Парыжскай камуны (у 1934 годзе быў абвешчаны новы конкурс, у якім перамог праект Лангбарда, які мы ведаем зараз).
5. Праект Дома Урада, 1929 год.
6. Першы варыянт праекта Беларускай акадэміі навук, 1929 год (ШІ дальнабачна абліцаваў будынак керамагранітам, як зараз модна).
7-8. Другі варыянт праекта Беларускай акадэміі навук, 1930 год (гэты варыянт быў потым дапрацаваны Лангбардам).
9-10. Галоўны корпус БНТУ, 1930 год (рэалізаваны ў спрошчаным выглядзе, у 1936 перапрацаваны Макляцовай, пасля вайны - Усавай).

#архітэктурабсср
Дататак да папярэдняга паста: ШІ-генерацыі на тэму, як бы будынкі Вялікага тэатра БССР і Беларускай акадэміі навук, спраектаваныя Георгіем Лаўровым, выглядалі ў 1930-я непасрэдна пасля іх пабудовы.

#архітэктурабсср
Апошняя на сёння ШІ-генерацыя: малавядомы праект усё таго ж Георгія Лаўрова - жылы "Дом пісьменнікаў" 1933 года.
Планаваўся для пабудовы на беразе Свіслачы, у раёне сучаснай вуліцы Янкі Купалы (цікава, што і Янка Купала, і Якуб Колас ў 1930-я і так жылі прыкладна ў тым раёне, дзе планаваўся гэты дом).