💥 #галоўнае за 25 кастрычніка

✔️Літва аднавіла пропуск транспарту праз «Мядзінінкай» і «Шальчынінкай». Як і планавалася, гэта адбылося сёння а 12-й гадзіне

✔️Міністр замежных справаў Літвы пракаментаваў праблемы, з якімі сутыкнуўся Офіс Ціханоўскай пасля змянення статусу аховы з боку літоўскіх службаў

✔️Запыталіся ў кіраўніка «BY_Help» Аляксея Лявончыка, чаму «Кіберпартызаны» не раскрываюць змест спісу «агентаў КДБ», да якога яны атрымалі доступ

✔️Сталі вядомыя імёны сёлетніх пераможцаў прэміі Анемпадыстава

✔️Літоўскі дзяржаўны архіў алічбаваў 115 старажытных кніг ВКЛ

✔️Яна стварыла па-сапраўднаму галівудскі сюжэт, пакладзены ў беларускія рэаліі. Размаўляем з пісьменніцай Югасяй Калядой

✔️Маргарыта Ляўчук падзялілася кранальным відэа ў дзень нараджэння свайго сына Максіма

✔️У ЗША пахавалі беларускага пісьменніка, які таямніча знік 50 гадоў таму

✔️Кубракоў у В'етнаме падпісаў Канвенцыю ААН па барацьбе з кіберзлачыннасцю

✔️Пабывалі на сустрэчы з літоўскай пісьменніцай Крысцінай Сабаляўскайце ў Варшаве

✔️Яны зазірнулі на іншы бок... і вярнуліся. Гісторыі з памежнай зоны між жыццём і смерцю

✔️Прыгадваем трагедыю на «Пінскдрэве», якая здарылася роўна 15 гадоў таму

#рэпрэсіі:

▫️На спатканнях у гомельскай жаночай калоніі даводзіцца крычаць праз шкло, бо не працуюць слухаўкі для размоваў

☝️Пры яго жыцці выйшлі толькі 3 зборнікі, але творчасць гэтага паэта значна паўплывала на іншых паэтаў таго часу.

26 кастрычніка 1959 года нарадзіўся паэт Анатоль Сыс. Ён пачаў пісаць яшчэ ў школе, а першы наклад аднаго са зборнікаў ягоных вершаў быў раскуплены ўсяго за некалькі тыдняў.

🎞 Расказваем пра лёс нашага выбітнага земляка, паглядзіце!

🇺🇸🇨🇳 Доналд Трамп хоча абмеркаваць з Сі Цзінь Пінам скарачэнне імпарту расейскай нафты Кітаем

«Я буду з ім гаварыць пра тое, як нам спыніць вайну з Расеяй і Украінай, няхай гэта будзе праз нафту, энергію ці што-небудзь яшчэ. І я думаю, што ён будзе вельмі ўспрымальны. Я думаю, што ён можа аказаць вялікі ўплыў на Пуціна».

Сустрэча прэзідэнта ЗША з кіраўніком КНР павінна адбыцца на наступным тыдні ў Паўднёвай Карэі.

📍 Чытайце пад спасылкай

🚨 Расея атакавала Кіеў дронамі: ёсць ахвяры

Ратавальныя службы паведамляюць пра сама меней 3 загінулых, яшчэ 29 пацярпелі, з іх 7 – дзеці.

Гэта другая атака ўкраінскай сталіцы за апошнія 24 гадзіны.

💥 Ранішняе шоу на «Белсаце»

Навошта сілавікі Лукашэнкі кашмараць Літву? Суботнікі ў Беларусі – рабства? Ці можна займацца спортам у сталым узросце? У чым карысць бокса і чаму ён папулярны сярод жанчын? Ноч расстраляных паэтаў: дзе пройдуць прысвечаныя ёй імпрэзы і чаму варта пра гэта памятаць?

Далучайцеся да нашага эфіру!

💼 Беларускі бізнесоўца, блогер Аляксандр Кныровіч пакідае склад Каардынацыйнай рады

Кныровіч адзначыў, што ў ягонага рашэння асабістыя прычыны, але сваё рашэнне суправадзіў жорсткай крытыкай у адрас кіраўніцтва і працы Каардынацыйнай рады.

Ён заявіў, што за паўтара года існавання КР стала «пустазеллем».

📍 Чытайце пад спасылкай

💪 Такому ўзроўню падтрымкі могуць пазайздросціць многія футбольныя каманды

Клуб «М'ельбю» з шведскай вёскі Гэллевік, дзе жыве 1500 жыхароў, заваяваў тытул чэмпіёна Швецыі.
Яны маюць самы сціплы бюджэт у лізе, а трэнуе каманду 59-гадовы былы дырэктар школы Андэш Тоштэнсан.

Паглядзіце, як іх сустрэлі мясцовыя жыхары.

☢️ «Адразу пасля катастрофы з'явіліся чуткі пра мутантаў і пачвараў, якія быццам бы апанавалі зону»

Даследаванні паказваюць, што катастрофа стварыла новы тып экасістэмы – без чалавека, але з жыццём, якое навучылася прыстасоўвацца. Навукоўцы кажуць пра натуральны адбор, а не пра мутацыі: выжылі наймацнейшыя, і цяпер Чарнобыль – гэта жывое сведчанне таго, як прырода сама здольная аднавіцца пасля трагедыі.

🔗Адкуль з’явіліся «цёмныя жабы», што навукоўцы знайшлі ў генах ваўкоў і сабак, і як на беларускім Палессі зноў завяліся зубры, шакалы і рысі – чытайце ў матэрыяле

Расея выпрабавала ядравую ракету «Буравеснік», якой «у свеце ні ў кога няма»

Пуцін паведаміў пра новае выпрабаванне ракеты «Буравеснік» з ядравым рухавіком. Паводле яго слоў, яна здольная лётаць на любую адлегласць і паражаць любую цэль. Начальнік Генштаба Расеі Герасімаў дадаў, што ракета праляцела каля 14 тысяч кіламетраў і была ў паветры 15 гадзін.

Пуцін назваў «Буравеснік» «унікальнай зброяй, якой ні ў кога няма». Але раней падчас тэстаў гэтай ракеты ўжо адбываліся смяротныя выбухі.

🔗Падрабязнасці – па спасылцы

Услед за Кныровічам з КР выйшла яшчэ група дэлегатаў

Фракцыя «Воля» зноў пакінула Каардынацыйную раду. Раней яны ўжо рабілі гэта ў ліпені 2025 года, але потым вярнуліся.

У склад «Волі» ўваходзяць Аляксандр Кабанаў, Генадзь Манько і Аляксандр Клачко. Раней з імі працаваў Сяргей Пятрухін

🔗 Падрабязнасці — па спасылцы

💬 Міністр замежных спраў КНДР наведае Беларусь

Міністр замежных спраў КНДР Чхве Сон Хі наведае Беларусь і Расею па запрашэнні знешнепалітычных ведамстваў. Падрабязнасці візіту пакуль не раскрываюцца.

Раней лідары краін абмяркоўвалі супрацоўніцтва на высокім узроўні, а ў траўні ў Пхеньяне прайшло пасяджэнне двухбаковай камісіі па гандлёва-эканамічным супрацоўніцтве. Беларусь і КНДР працягваюць дыялог праз рэгулярныя палітычныя і дыпламатычныя кантакты.

📺 Навіны за 8 хвілін

⬆️ ЗША гатовыя павялічыць ціск на Пуціна

А яшчэ:

🔻Літва зачыняла мяжу з Беларуссю

🔻Вынікі суботніку

🔻 Двое загінулых у ДТЗ пад Лепелем

🔻Менскія "Багамы" затапіла

🔻Еўропа перайшла на зімовы час

🔻Атака расейскіх БПЛА на Кіеў

🔻Прэмія Анемпадыстава – у кнігі пра Палессе

Глядзіце ў кароткім выданні навін на Белсаце 💻

🕒 Праграмы «Белсат» для Беларусі будуць выходзіць пазней

З 26 кастрычніка «Белсат» змяняе расклад — для гледачоў у Беларусі эфір будзе выходзіць на гадзіну пазней. Гэта адбываецца таму, што краіны Еўразвязу, у тым ліку Польшча, перавялі гадзіннікі на зімовы час, а Беларусь засталася ў летнім

🗓 Поўны расклад нашых перадачаў — глядзіце па спасылцы

🎭 Віцебскі тэатр «Лялька» пачаў ставіць пастаноўкі па-расейску

Дагэтуль тэатр працаваў выключна па-беларуску, але цяпер паставіў першы расейскамоўны спектакль. Прэм’ера пастаноўкі «Девочка и медведь» адбылася 25 кастрычніка.

Рэжысёркай стала акторка Дар’я Зімніцкая, якая нядаўна заняла пасаду мастацкай кіраўніцы тэатру. Да гэтага на гэтай пасадзе з 1986 года працаваў Віктар Клімчук – пры ім усе спектаклі ішлі толькі па-беларуску. У 2024-м ён быў вымушаны пакінуць пасаду пасля вымовы, хоць, паводле крыніцаў, прэтэнзіі не датычылі сферы ягоных абавязкаў.

Да гэтай прэм’еры толькі чатыры прафесійныя тэатры ў Беларусі засталіся выключна беларускамоўнымі: Купалаўскі, РТБД, Коласаўскі і «Лялька». Цяпер іх засталося тры. Больш за тое, у РТБД таксама абвясцілі пра намер уключыць расейскамоўныя пастаноўкі, таму беларускіх тэатраў, што працуюць толькі на роднай мове, можа стаць яшчэ менш😢

👻 Гэлаўін у Беларусі? На свой страх і рызыку

У апошнія гады беларуская ўлада абмяжоўвала свята Гэлаўін, называючы яго «замежным уплывам». Забарона была ў школах і дзяржаўных установах, а прыватныя кавярні рызыкавалі штрафамі. Аднак у 2025 годзе сітуацыя змянілася: чыноўнікаў пакуль не чуваць, а ў інтэрнэце і гарадскіх кавярнях з’явіліся тэматычныя імпрэзы і ўпрыгожванні.

🎃Падрабязней пра тое, якое стаўленне ў Беларусі да Гэлаўіну – чытайце ў артыкуле

🇱🇹 Наўседа: паветраныя шары з Беларусі — гібрыдная атака

У суботу з тэрыторыі Беларусі ў Літву заляцелі паветраныя шары з кантрабандай, што прымусіла часова зачыніць рэйсы ў Віленскім аэрапорце і памежныя пераходы. Гэта ўжо трэці падобны інцыдэнт за некалькі дзён.

Прэзідэнт Літвы Гітанас Наўседа назваў дзеянні беларускага боку «гібрыднай атакай супраць Літвы» і прапануе працяглае закрыццё мяжы з Беларуссю і абмежаванне транзіту ў Калінінград. Ён склікае міжведамаснае паседжанне 28 кастрычніка для абмеркавання захадаў у адказ.

🔗Падрабязнасці — па спасылцы

💪 Тарашкевіцу спрабавалі адмяніць, але яна выжыла

Бо мова – гэта не дакумент, а памяць. Як тарашкевіца прайшла праз рэформы, забароны і ўсё яшчэ ўплывае на сучасную беларускую мову распавядаем у нашым відэа.

Паглядзіце!

Даведацца больш пра гісторыю беларускай мовы можна ў нашай праграме «Раніца з Белсатам» на YouTube-канале «БЕЛСАТ LIFE»