‏عارفين ايه اسوء موقف ممكن تتحط فيه في أي علاقة ، لما تبقى أنت دايمًا الشخص اللي بيحاول يبقى متفهم، ومتسامح، بتعدي يعني عشان الدنيا تمشي لحد ما تحصل حاجة بسيطة جدًا، بتبقى خلاص that's it for you وقتها لما تتعصب وتبتدي تتكلم بتبقى أنت الغلطان التافه اللي مصغر دماغه.

‏أنا بعد كُل المحاولات دي ، سيبتها لله و راضي باللي هيحصل كمية رضا متتوصفش ، سواء كان اللي أنا عايزه او مش اللي أنا عايزه ، راضي علشان متأكد إن لو دا خير ربنا هيخليه زي م انا عايز ، ولو مش خير ف خلاص ربنا عايز كدا ، و في الحالتين انا عشمي في ربنا ميتوصفش والله

‏لما بفتكر الأوقات الصعبة في حياتي، بتأكد إن مفيش حاجة موقفاني على رجلي لحد دلوقتي غير يقين جوايا إن ربنا بيحبني ومعايا، وإنه هيسترني وهيسندني، ومش هيفضح ضعفي لمخلوق.. مع إني كُلي ذنوب، لكن دايمًا مصدق في لُطف الله ورحمته بشكل غريب، وإنه هيصلّح كل شيء ويرتب كل حاجة لمصلحتي دايمًا.

‏كُل حاجة في الدنيا بتتطلب شوية مجهود، أبذل مجهود دايماً في سبيل الاشياء إللي عايز تحافظ عليها لسبب من اتنين اما إنها تستحق أو إنك تبقى عارف إنك عملت إللي عليك فـ ميبقاش بيلاحقك شعور "لو بس كنت عملت ".

‏أنا بحب أكون لوحدي لما اكون زعلان او لما بمر بفتره اكتئاب ، مبيبقاش عندي طاقه اتكلم مع حد ولا ارد على حد ولا اتعامل مع بشر اصلا ، بحب اسحب نفسى فى هدوء لحد ما ابقى كويس وبعدين ارجع اتعامل تانى ، والموضوع ملوش علاقه بأنى بحبك او بكرهك ، بس مبحبش اتعامل مع حد وانا مزاجى مش كويس !

‏خسرت نفسي و خسرت طاقتي و خسرت مشاعري و خسرت ناس و خسرت ايام و خسرت حاجات كتير كنت فاكر اني هلاقي مقابل ليها ، بس انا ولا لقيت مقابل ولا لقيتني.

" إحساس إن شخص ما أنا مقاطعه "وحشني"، ملوش علاقة خالص بإني ممكن أفكر أرجع أكلمه .. دي أحاسيس ممكن تيجي غصب عننا أحيانًا ، بحكم العِشرة وبعض الأصل الطيب الموجود جوانا .."

موضوع انك تحس انك مكنتش تستاهل كده من اكتر الحاجات المحزنه في العالم

غريب جدًا والله ان قد ايه الواحد ممكن يمارس حياته بشكل طبيعي وقلبه مكسور ، ويتعامل عادي ويتجاهل مشاعر الحزن ولا كأنها موجودة عشان يعرف يعدي يومه واللي حواليه ميحسوش أنه مخبي حاجة .. غريب وقاسي فوق القسوة قسوة .

الواحد بيبقيٰ هاين عليه يدي عيونه للناس اللي بتقف جمبُه و بتثبت وجودها ولو بأبسط المواقف و اللفتات ، حقيقي صغائر الأمور عُمرها ما كان تأثيرها قليل و مبتتنسيش ..

أنا شخص واضح وشفاف وقلبي منكب بأكمله على وجهي ونظراتي وصوتي و تصرفاتي، حبي واضح وكرهي واضح وغضبي واضح ونسياني واضح وحتى لامبالاتي واضحه، لا تفكر ولا تحاول تبنيني على إحتمالاتك وتوقعاتك وشكوكك، لا تخمنّي

عارف لما تشوف أقرب حد بيتعامل مع حد جديد بنفس التعامل وبيقوله نفس الڪلام اللى ڪنت فاڪرهُ مختلف ليك وبيڪتب نفس الڪلام وبعدها تشوفوه بيعمل نفس الأعمال دِ مع حد تاني وتڪتشف انك ڪنت مش مميز ولا حاجه ، انت ڪنت تڪرار للي قبلك مش اڪتر .

عارف لما تشوف أقرب حد بيتعامل مع حد جديد بنفس التعامل وبيقوله نفس الڪلام اللى ڪنت فاڪرهُ مختلف ليك وبيڪتب نفس الڪلام وبعدها تشوفوه بيعمل نفس الأعمال دِ مع حد تاني وتڪتشف انك ڪنت مش مميز ولا حاجه ، انت ڪنت تڪرار للي قبلك مش اڪتر .

مش عايزين غير "تقدير" رايح جاى.. أنا مش عايز اللي قدامي يعاملني أحسن ما بعامله؛ ما أنا مش شاريه.. لكن في نفس الوقت مش عايزه يعاملني أقل ما بعامله ما أنا برضه مش رخيص!.

‏نفسي الفترة اللي جاية من حياتي تبقى هادية، مش حابب أسمع أخبار وحشة، ولا أعرف مين اتكلّم عليا ولا حتى قال إيه، مش عايز يوصل لي أي كلام مُمكن يضايقني، مش عايز صِراعات وحوارات وضغط، محتاج هدوء وراحة بال والناس تسيبني في حالي.. وكدا أنا راضي ومش عايز أي حاجة تاني من الدُنيا.

عتابي في حد ذاته اهتمام ، ف لما تلاقيك غلطت وماعاتبتكش اعرف ان خيط الامل بينا اتقطع

‏هتفضل فاكر ان السكوت هو افضل رد لحد ما تنام تحلم بالكلام المحشور ف زورك وهتموت مخنوق وندمان انك مستخدمتش افظع الشتايم