كل مناسبه بتعدي عليا بيجي في بالي الناس اللي كانوا موجودين في المناسبه دي من سنين وبفتكر الحاجات الحلوه اللي كنا بنعملها ولحظات الإنبساط وبتناسي خالص كل حاجه وحشه وبتمني فعلاً يفتكروني بكل حلو ومكونش اتنسيت والأهم متكونش سيرتي بتيجي بالوحش وقد اي كنت تقيل عليهم.

‏بتيجى كذا فترة إحتياج بتمر بيها لوحدك ، بعد كدة تلاقى نفسك بتتحول لشخص مكتفى بنفسه ..
شخص مُكتفى بمفاتيح سعادته البسيطة ، إللى بيقدر يعملها لوحده و يفصل بيها من أى حالة بيمر بيها !
و مع الوقت ، ترفض وجود حد بقرب زايد من الأساس .. تحس بعدم إرتياح فى وجود حد فى حياتك بشكل يومى ، عكس ما معظم الناس بتسعى و بتدور على حد يشغل يومهم !
يتعود بالك على الروقان .. مشاكلك و حلولها ، حزنك و فرحتك ، كل شئ واضح و معروف أسبابه !
الأسباب إللى ملهاش علاقة بأى غموض يضيفه حد ..
و تلاقى نفسك تختار طريق إنك تبقى لوحدك بمزاجك ، بدون ما يكون مفروض عليك .. تختار الطريق ده و إنت متأكد إن لما تقابل حد يستحق بجد ، هيملك القوة على قلبك لإنك تسيبه يشغل المكان الفاضى جواك !

‏لسه في حاجات معلمة جوايا مش قادر أنساها رغم إن عدى عليها كتير بس أحياناً وأنا قاعد ممكن أفتكر حاجات تخلي نفسي تصعب عليا مواقف حصلت ولسه بتيجى علي بالي من وقت للتاني لسه بتشغل تفكيري أتاري الوقت لا بينسى ولا الزمن بيمحى ذكريات محفورة جواك .

‏المُشكلة الحقيقة إنكو ما بتفتكروش الناس اللي بتحبوهُم غير في المحطة الأخيرة؛ يبقى الواحد معاك وبيحاول يرضيك بكُل الطُرق وإنتَ مُتجاهله تمامًا لغاية ما يتعب ويستنفز كُل طاقته ومُحاولاته معاك ويقرر يبعد ويسيبك، فتبدأ إنتَ بقى تندم عليه وتحاول ترجعه لإنّك مش قادر تعيش من غيره.

‏بمناسبة الصحاب عايز اقول مش بالصور وكترالخروجات والرغي، مش هتعرف صحابك فعلا غير وانت لوحدك فى ازمه او فتره صعبه ومش طايق حد في حياتك مش هتعرف حبهم ليك غير وسط الخنقه والزعل ولو مشوفتش حد سند فى الفتره الصعبه اللي بتمر بيها في حياتك أعرف انك عمرك ما صاحبت ناس عدله!

‏لما اسيب موبايلي علي الشاحن واقعد جنب ماما

‏لازم اتعلم اني اول ما اتضايق من حاجة من اول مرة اتكلم فيها عشان فكرة انك بتعدي وبتكبر دماغك دي بتطلعك الغلطان في الاخر لما تتكلم بعد ما تكون جيبت أخرك.

صباح الخير..!''

''كنت عايزه اقول ان اللي بيروح بيجي احسن منه الف مره ، واللي بتبكي عليه دلوقتي ربنا بعده عنك عشان انت تستاهل حاجه احسن واطمن هيجبر بخاطرك بس فـ المعاد المظبوط والمُناسب فـ متشغلش بالك فـ حاجه مش بتاعتك ولا بإيدك يا جميل🤍''

‏عمرك ماهتتخيل انا بعاني قد ايه من ضغوط الحياة وقرفها والناس وكل حاجه عايز اسيب كل ده وامشي عايز ارمي كل حاجه ورا ضهري بس نش قادر مش عارف ليه كأن في حاجه بتمنعني حقيقي عايز اسيب كل حاجه حرفيا كل حاجه وامشي..

‏عارف ايه أسوء إحساس ممكن يقابلك إن يبقى موجود حواليك ناس كتير بس مجرد عدد، محدش فاهمك ولا عارف يفهمك، محدش حاسس بيك ولما بتحاول تحكي بتلاقي إن اللي جواك ميتحكيش فابتصعب عليك نفسك وبتوصل لمرحلة خايف تقرب فيها من أي حد بسبب إنك خايف تكون تقيل ويتزهق منك .

انا ممتنه جدا لكل حد وصلي احساس حلو عن نفسي، انتي جميله ، لطيفة ، بحب دماغك، بحب طريقة تفكيرك ، طريقتك ف عمايل الحاجه مميزه، الجيبة والفساتين حلوين اوي عليكي، انا متابعاكي بقالي فترة ، يبخت اي حد انتي ف حياتو بيكي، عشان حقيقي الكلام دا بيداوي جروح قديمه ، وبيشيل كلام كتير معاكس اتقال لينا من ناس حسستنا اننا وحشين، مش كفايه او قليلين ، شكرا جدا لكل حد قال حاجه حلوه ف وقتها.💜

انا قضيت وقت طويل بجري ورا الناس عشان احافظ علي وجودهم في حياتي عشان بحبهم وعشان محسش اني لوحدي وفي وسط ده كله نسيت يعني ايه حد ممكن يجري عشاني ويعافر عشان علاقتنا قعدت اهتم بكل اللي حواليا لدرجه اني نسيت ازاي اهتم بنفسي واكتشفت ان اغلب الناس مكنش ينفع حتي يكونوا معارف سطحيه .

مش سهلة خالص فِكرة إن الشخص يعافر ويجاهد نفسه عشان يتعايش مع وضع هو مُجبر عليه، وضع لا يملُك فيه رفاهية الاختيار .. لإن الحقيقة هو ما كانش فيه خيارات عشان يقرر أو يختار ما بينهُم، هو لقى نفسه مرة واحدة بيتفرض عليه واقع مُعيّن ومطلوب منّه يعيش ويتعايش مع الوضع دا من غير أيّ اعتراض!

‏لو بطلت تستنى هترتاح في حياتك، متستناش حد ولا تستنى حاجة من حد، خلي عندك اِكتفاء بنفسك وباللي تملكه، لو اِكتفيت بنفسك صدقني مش هتستنى حد ولا هتحس إن يومك ناقص لما يغيبوا، أكبر غلط مُمكن ترتكبه في حق نفسك إنك تربط سعادتك بوجود الناس او حد مُعين ساعتها عُمرك ما هتبقى سعيد ابدًا.

‏وجود شخص مش judgmental في حياتك دي حاجه حلوه أوي بصراحه..شخص تقدر تحكيله كل حاجه بصراحه، لما يسألك "انت كويس ؟" تقدر ترد ب "لأ" عادي جداً و تشرحله الأسباب..وجودك مع حد بيشجعك تتكلم عن مشاكلك ده شيء جميل جداً وأديله ١٠/١٠ ونجمة🤎

اللهم اجبر كسر قلبي جبراً يتعجّب منه أهل السماوات والأرض ، جبراً يليق بكرمك ، وعظمتك ، وقدرتك يا ربّ ، اللهم فوّضتك أمري كلّه ، فجمّله خيراً بما شئت ، واجعلني يا ربّ مِمّن نظرت إليه فرحمته ، وسمعت دعاءه فأجبته 💜 .

‏مش شرط لو أفترقنا نكُون أعداء في حاجه إسمها فِ يوم كنا سبب ضحكِة بعض .

‏أنا مبمسكش فى إيد حد مش عايز يبقى مهما كُنت بحبه بدوس ع قلبى وبمشى ، محدش يستاهل يعافر فى أى علاقة أيًا كان مُسماها لوحده ، العلاقات إتخلقت علشان الطرفين يتحملوها مع بعض حد يشد والتانى يرخى علشان الأمور تمشى ، لما تلاقى نفسك بتعافر لوحدك إمشى .

كيف سيكون عناقنا بعد كُل هذا البعد💜

‏بيصعب عليا جدًا إني أزعل من حد بحبه فـ ميصالحنيش، ومنتكلمش بيبقى عندي رغبة إني اقوله تعالى صالحني ونخلص الدنيا يعني وعِزة نفسي منعاني جدا