@bokurd

#چەن_سەرنجێک_لە_سەر_پیتی بێدەنگی ئ  ئـ  ء

هەندێ لەو وشەگەلەی کە لەناو فارسیدا هەن و ئەم پیتەیان (ئ  ئـ  ء)  تێدایە وشەی عەرەبین.


لە وشەکانی زمانی کوردیدا پیتی " ئـ " لە سەرەتا و نێوان وشەدا دەبینرێت، بەڵام لە کوتاییی وشەدا  بە دەگمەن بەدی دەکرێت. بۆ نموونە وشەی " نە " بە شێوەی جەخت (تەئکید) دەرببڕێت و بوتڕیت، دەبێ بە شێوەی " ء " بنووسرێت : نەء.
@bokurd
شێوەی نووسینی پیتی " ئـ " لەگەڵ دوو بزوێنی "واوی کوردی" و دەنگی "بزرۆکە" لە وشەدا:

ئـ + و وەکوو : ئومێد، ئوستاد، ئوستان
ئـ + بزرۆکە وەکوو : ئستران، ئستاندارد، ئشکێل (چوار مێخە، چوارمێخەکێشان)، ئسپانیا، ئڕا

ڕێنووسی پیتی " ئـ " لەگەڵ ٦ پیتی بزوێنی دیکەی کوردی:

ئاو، ئەز، ئەوانە، ئەسپ، ئاسۆ، ئاش، ئاغا، ئاقڵ، ئاگر، ئاوڵە، ئامانج، ئاوەڵا، ئاڵن، ئاڵا، ئارام، ئاوات، ئازاد، ئارین، ئاژوان، ئاسن

ئـ+ ا👈ئاسن ئاو  ئاگر
ئـ +ێ👈ئێرە ئێوە
ئـ + ی👈ئیدانە
ئـ + و👈ئومێد ئوستاد
ئـ + ە👈ئەدەب ئەوە ئەشێ
ئـ + بزرۆکە i 👈ئستران  ئشکێل، ئڕا
@bokurd

"( ا ) درێژ" لە ناوەڕاست و کۆتایی وشە دێت.
نموونە:
چاو، پار، ماڵ، مامە، باخ، پاوە، بانە، بۆکان، جوانڕۆ، ساج،
بارگین(یابو، قاتر)،
برا، باوا، باو، دەوا، داو، برازا، نەما، بڕیا، دنیا، کوا؟ کەوا
@bokurd

۱- میلەتەکان خۆیان سەرمایەی خۆیانن، بە مەرجێک باشتر یەکتر بناسن و باشتر لە فریوەکانی فریوچییەکان تێبگەن و فریو نەخۆن.

ئەرز و ئاسمان و ژینگە و خاک و وڵاتەکانیان ماڵێکی فراوانترە، پشتیوانێکی پێشکەشکراوە لە لایەن خوداوەند.

۲- سەرمایە و بیرۆکە و جێ و ڕێگەی زۆر ئەکرێتە کار تا بەندیخانە دروست بکرێت و خەڵکی سادە وا لێکەن ببنە بەندیگەلێ تا بەندیخانەکان پڕ بکەن و تووشی بەند و تاوانیان بکەن (تەنانەت ئەگەر لەڕێی سەپانی تاوانێکی نەکراوە و درۆ بێت.)

۳- جێی سەرسووڕمانە
کە: خودی ئەم سەرمایە و خاڵگەلە گرینگ و موهیمانە، لەو میلەت و گەلە دەسنرێت و ئەدزرێت کە دژ بە بوونی بەندیخانە و ترۆر و پەت و سێدارە و کوشتارن، ئەیانەوێت کەس تووشی هیچ تاوان و خەتا و زیندانێ نەبێت.

ئەمانەیش بە شێوەگەلێکی نگریس بەشێکی چکۆلە لە فێڵ و پێچ‌دانەوەکانە کە لە درێژایی زەماندا لە لایەن کاربەدەستان و بەڕواڵەت گەورەکانی قاییمکراوی ناو خەڵک بەسەر میلەت و گەلەکاندا دێت.

۴- بە مێژووەکاندا گەڕێنەوە دەردەکەوێ کە ئەم ڕێگە قێزەونانە زیاتر لە یەهوودییەکانەوە پەرەی سەندگە و کەوتۆتە ناو جوگڕافیگەلی جۆراوجۆر.
ئەم دیاردەیە زیاتر لە ئەمریکا و ئەورووپا بەتایبەت فەڕانسە، ئینگلیس
هەروەها لە وڵاتێکی دەستکرد و دەستدرووسی وەک ئیسڕاییل سەخت و سەنگین بەڕێوە چووگە و
ئەیشکرێ بڵێین لەوانەیە بەنێو وڵاتانی دنیادا بڵاو بووگن تەنانەت کشوەرە باوەڕدار و ئیسلامخوازەکانیش.

۵- شتێکی سەیرتر ئەوەسە کە هەر خودی ئەمانە، بۆ ئەوەی وەک کەسگەلێ باش و تیرەیێکی باش بدرێنە بەر چاو (بۆ فریودانێکی گرینگتر و ئەبەدی و سواربوونێکی هەتاهەتایی)دێن بە هانای بەندی و گیرۆدەکانێ کە خودی خۆیان زوڵمیان لێکردوون.

۶- دیسان بەو شێوەیش میلەت فریو  ئەدرێت و میلەتیش ئێژن: دەوڵەتێ عادڵمان هەس و ئەم  کەسگەلە بەڕاستی خوێنخۆر، خەتاکار و شیاوی زیندان و بەندیخانەن.
@bokurd
تێبینی و ئامانج:
ئەلف - لە سەرێکەوە زۆربەی زانایان و مێشکەزیرەکەکان بەند ئەکرێن و لەنێو دەچن.
ب - زۆربەی خەڵکیش وەک خزمان و هەواخوازەکانی کوژراو و گیراوەکان، ژیانیان لەلا قورستر و گرفتارتر ئەبن.
لە سەرێ تریشەوە بڕێک خەڵک مێشکیان ئەفەوتێ و دوادەکەوێت و ئەبنە لایەنگری زاڵمانی سەرەکی و دیکتاتۆرەکانی ناو دنیا.

پ - فریوخواردنێکی زۆر سادە کە میلەتەکان بە خۆیشیان زانیوە کەچی هێشتا هەر خواهانی مانەوەی زاڵمان و زلهێزانن.
بۆچی؟
چونکوو دڵ و مێشکیان گەرمە گەرم.
بە چییەوە؟
بەوەی کە بەڵێ: ئەشێ ئازا بیت و چنگی خۆت لە قوڕاو دەربێنیت.
دنیا دنیایێکی بەڕۆژە و نابێت کارت بە ژیانەکانی ترەوە بێت. کام ژیان؟ ئەوەی کە زوڵمیان لێدەچێت و دەسەڵاتیان نییە.

ت - ئەوەیە کە بێگانەکان بەسەر گەلەکاندا حکوومەت ئەکەن و لە بازاڕ شەقام و خوێندنگە و کلیسە و پەرەستگاکاندا خەیانەت و زوڵمگەلێکی وەحشیانە و دڕندانە ئەکرێت و خەڵک بۆ سەرکەوتنی حاڵی مەجازیی خۆیان وێنە و فیلم ئەگرن و بە باارەقەڵایی بڵاوی دەکەنەوە؛ لە یەکقەدەمیی زۆڵملێکراوەکاندان ناچن بە هانا و هاواری کەس یا کەسانی قوربانیشدا.
بەڵام گەر مناڵی هاوساکەی یا مناڵی خزمەکەی لار تماشای درگاکەی کات، لار تماشای مناڵەکەی خۆی کات، هەتا ئەوپەڕی قین ڕۆدەچێتە سکیەوە و ئەچێتە شکات و شکاتکاریش.
دیسان سەرقاڵی و دواکەوتنێکی زیاتر بۆ خەڵکی و مافخۆران.

ع، م، تیژباڵ
@bokurd

#سڵاو_ئازیزان

(ی) هەم دەکرێ بزوێن بێت هەم دەکرێت نەبزوێن بێت.

سەرنجی ئه‌م وشانه‌ بده‌ن:
( #مه‌ی mey )، ( #بی bî ).

له‌و دوو نموونه‌‌دا، (ی y) نه‌بزوێنه و ده‌نگێکی کورته‌‌،
به‌ڵام (ی î) بزوێنه و ده‌نگێکی درێژه‌‌.
گه‌ر سه‌رنج بده‌ین: ده‌بینین که‌ له‌ ئه‌لفبێی ئارامیدا، هه‌ر دوو شێوه‌که‌ی (ی) وه‌کوو یه‌کن.
به‌ڵام له‌ لاتینیدا دوو جۆرن (y) و (î).

له‌ ئه‌لفبێی ئارامیدا جیاکردنەوەی بزوێن و نه‌بزوێنی (ی) هێندێک وردبوونه‌وه‌ی دەوێت،
لە نووسینی ئارامی ئەگەر پیتی پێش (ی)  بێدەنگ و کپ بوو ئەوا خودی پیتی (ی) دیارە بزوێنە و دەنگدار،
وەک:
#کیمیا👉لە وشەی کیمیا یەکەم ی بزوێنە دووهەمین ی  نەبزوێن
#نیما #سیما #شیما
هیچکات پیتە دەنگدار و بزوێنەکان لە سەرەتای وشە و بڕگە نایێن،

ئەگەریش پیتی پێش(ی) دەنگدار بوو ئەوا خودی پیتی(ی) بێدەنگە
وەک:
#سەیوان #کەیوان #پەیمان
هیچکات دوو پیتی دەنگدار پێکەوە نایێن مەگەر پیتێ نەبزوێن و کپ لە بەینیاندا بێ

پیتی ی له‌ لاتینی کوردیدا، دوو شێوازی جیایە و به‌و جۆره‌ جیاکردنەوەی بزوێن له‌ نه‌بزوێن زۆر ساناتره‌.
دوو پیتی دەنگدار بە دوای یەکدا نایێن

سه‌یری ئه‌م وشه‌یه‌ بکه‌ن:
( کوردی+ەکان kurdî+ekan = کوردیه‌کان kurdîekan ).

لەو نووسینه‌دا هه‌ڵه‌یه‌کی گه‌وره‌مان ‌کردووه‌، ئه‌ویش ئه‌وه‌یه‌ که‌ دوو بزوێنمان پێکه‌وه‌ نووسیوه‌:
(یە  ‌îe).

چار؟ دەبێت که‌ڵک له‌ پیتی یارمه‌تیده‌ری (ی y) وه‌رگرین و بنووسین: (کوردیـیـەکان kurdîyekan).

  له‌م وشەدا بە ئه‌لفبێی ئارامی دوو پیتی (ییـ) وه‌کوو یه‌کن، به‌ڵام له‌ڕاستیدا یه‌که‌میان بزوێنه‌ و دووه‌میان نه‌بزوێنه‌. ئه‌گه‌ر سه‌یری لاتینییه‌که‌ی بکه‌ین باشتر بۆمان ڕوونه‌:  (îy).

@bokurd

بە هەزارێ دەنگم بدەن، بانگم کەنە تاکەکەسی.
ناچم گیانە
نەکا بە ملی وردت! خۆت بێیتە پیوی و بێئاگا بم.
ع، م، تیژباڵ
@bokurd

موناجات
@bokurd
یا رسول‌اللە سەر و گیانم بە قوربانت دەکەم
ڕێم بدە بێم و ئیشارەی خەتی پایانم مەکە

من بە کۆڵباری گوناحی شانەوە دێمە پەنات
تۆ بەپێی باری گرانم، تووشی تاوانم مەکە

چۆن سەرم هەڵبێ لە قاپیت یا شفیع‌المرسلین؟
سەر بەژێری تانە دێم ‌و چاو لە پاوانم مەکە

"أَيُّهَا الْإِنْسَانُ مَا غَرَّكَ بِرَبِّكَ" .... الامان
تۆبەکاری غەڕڕەبانم دەس بە دامانم،، مەکە

"لَنْ تَنالُوا البِرَّ حتی تُنْفِقُوا" یە، خەونی‌ من
خوا بەڵێنی داوە پێم، بێبەش لە پەیمانم مەکە

چاوی ئاواتم لە دەرگای ڕەحمی خۆتە، دڵنیام
زۆر خەتابارم، بەڵام تۆ بیت و ئیمانم،،، مەکە

ئارەزووی دینی جەماڵت، گڕ دەخاتە سەر دڵم
تۆ بەپای گڕکانی ناخم تووشی سووتانم مەکە

بوومە شینگێڕی هەواڵان و بەتەنیا مامەوە
تاسەباری کۆچی یارانی غەزەلخوانم،، مەکە

ئەی حبیبی خوا، بە جلکی ئاڵەوە بمبە حوزوور
شەرمەزاری ڕووی شەهیدانم، پەرێشانم مەکە
#ماۆستا_سەلاح_کوردی
سێشەمە ۴ی سەرماوەزی ۱۳۹۳
@bokurd

سڵاو و ڕێز.

دەنگی دڵلاوێنی مامۆستا ناسر ڕەزازی
چیمەن هەی چیمەن چیمەن کەرکووکی
ئەمن چۆن نەمرم چیمەن تۆ بەن بەبووکی؟
@bokurd

خۆزگە وەک پەخشانەشێعرەکەی کاکە فەرهادی پیرباڵ
وەک گشت دروومانی بەرگدوورانی ڕێی دلێرانی مێرمنداڵ
هەموو ئاوا کوردیپۆشی خاکی و ڕاستەقینە بووینایە
بەڵکوو هیچ کۆپتێرێکی خەیانەت ئێمەی کوردی نەبینیایە
ع، م، تیژباڵ
@bokurd

خاسەکەوێ بووم تەنیا دەمخوێند لە بانی قەڵا
دە کچێ بمدەرێ ماچێ لە نیەتی دەردوبەڵا
@bokurd
ساڵوەگەڕی کۆچی‌دوایی گۆرانیبێژی بەناوبانگ و خاوەنی سەدان ئاهەنگ و گۆرانی ڕەسەن و بەندی خۆشی خۆماڵی؛ خوالێخۆشبوو
#کاک_موحەمەد_کێلەشینی_سەقز
شەممە ڕێکەوتی ۱۲ی جۆزەردانی ۱۳۹۷ی هەتاوی

دوای بینینی ئازاری سەخت بە دەس نەخۆشیەوە بۆ هەمیشە چاوەکانی سەر یەک نا و ماڵاوایی لە زێد و نیشتمانەکەی و کوێستانەکانی کەلی خان، گوڵزەرد، مەحموودشایەر، سەرتوون، قەڵات، نەکەرۆز و دەشت‌ودەری کێلەشین کرد. کاک موحەمەد دەنگێکی خۆشی خۆماڵیانەی هەبوو لە زۆرینەی کۆڕ و کۆبوونەوەکانا بۆ دڵخۆشکردنی هاوڕێیان و تامەزرۆیانی گۆرانی کوردی و زیندووڕاگرتنی فەرهەنگی خۆیی بەستەی دەچڕی و لە ڕێزبەندی گۆرانیبێژانی خۆماڵی ئەگەر بێ هاوتا نەبووبێ هاوتاییشی لەم چاخەدا کەم بووە.

گۆرانییەکانی بێ چاووڕا و خۆبەخشانە بڵاو دەکردنەوە و هەستی دەروونی خۆی دەردەبڕی.

سەرەنجام بە داخ و خەفەتی نیشتمان و وڵات سەری نامورادیی، بۆ پشووی یەکجاری لەنێو خاکی نیشتماندا نایەوە.

ڕۆحی بەرزەفڕی بە بەهەشتی بەرین شاد بێت. ئامین.،.

@bokurd

سڵاو و ڕێز و خۆشەویستی.

دۆستان و ئازیزانی هێژا لەوەی نەمانتوانیوە وەک پێویست خزمەتگوزار بین؛
بمانبوورن.

ئینشائەڵڵا ئەو جەژنەیشتان بەدڵی خۆش و پیرۆزتان بێت.

🌺وەڪ پەند🌺
@bokurd
درۆ پێگەی ژین؛ بێرێتە ناوۆ
مەترسی زۆرە هاڪا ڕووخاوۆ

جەستەی ژیانت هەڵبەی بە درۆ
پێگە و ئابڕووت دەخاتە گورۆ
@bokurd
#ئوسمان_سەقز

ڪە زوڵم و زۆری داگیرڪەر و خەیانەتی بڕێ دۆستان ئەبینم
ڪە سینگی دابـێژراوی مناڵانی بێتاوان، سینەی چاڪی لاوان و بەرۆڪی بە شین هەڵگرساوی دایڪان ئەبینم
ڪوێرایی ڪوێر و لاڵایـیم دادێ.
ئەچمە ژووری مێشڪم لەگەڵ خاتوونە جوانەڪانی هزر و بیرم،
بە هاوڕێیی لاوەجوانەڪانی ئاسۆی هیوا و تۆڵەی جوانی و خۆشەویستیی ماف، هەموو زامەڪانی خۆم و گەل لەو ژوورەدا ساڕێژ ئەڪەم؛
ئەوسا بەهارێڪی ڕزگاری بەسەر زستانی نەیاریمان دادێ.
هەر بە هیوای عەداڵەتێڪی مافخوازانە و وڵاتێڪی سەربەخۆ پڕ لە یەڪبوون
ڪە دڵنیام ئەو ڪاتە منیش نەبم سەربەخۆیی و ڕزگاری هەر دێ و هەر دێ
#ئوسمان_سەقز_تیژباڵ
@bokurd

شەرتە وەتەن هەتا مابێ
تنۆڪێ خوێن لە سووری دڵ
هەر تۆناس بم خۆشەویستیت
دڵ بۆنخۆش ڪا چوون شاخەی گوڵ
#ئوسمان_سەقز_تیژباڵ
@bokurd

باوکم لێی‌دەدام و دایکم ڕزگاری دەکردم لەژێر دەستی .
لە دڵی خۆمدا وتم:
باوکم هەڵوێستی چی دەبێت ئەگەر ڕۆژێك دایکم لێی‌دام ؟
بۆ ئەوەی توڕەیی دایکم ببینم بڕیارم دا لە دایکم یاخی بم.
ڕۆژێك پێی وتم: بڕۆ لە بازاڕ شیر بکڕە، نەڕۆیشتم.
کاتێك دانیشتین بۆ نانخواردن وتم: نانی زیاترم دەوێ.
داوای لێکردم لەسەر کورسیە بچووکەکەم دانیشم و نانەکەم بخۆم، بەڵام من خواردنەکەم بەسەر فەرشەکەدا ڕشت و بە ئەنقەست جلەکانم پیس کرد.
بە زمانێکی توند قسەم لەگەڵ کرد، چاوەڕێ بووم بە توندی لێم بدات.
بەڵام ئەو بە توندی لە باوەشی گرتم و وتی: چیتە کوڕم؟
خۆ نەخۆش نیت؟
لەو کاتەدا فرمێسك بە چاومدا هاتە خوارەوە و دڵنیا بووم پێویستم بەوە نابێت باوکم لەژێر دەستی دایکم ڕزگارم بکات.

❣ئەدیب میرزا"

🌾🌾🌾🌾
@bokurd
🌾🌾🌾🌾

هێزی بازووی چینی زەحمەتکێشی کورد
فێری پێشکەوتن بکەین چەشنی گەلان

نەک لەبەر داخوازی تەنیا چەند کەسێ
کەونە کێشە و هەڵمەت و یەکترشکان

#مامۆستا_قانع
ڕۆحی شاد بێت.
@bokurd

تاوێ دڵخۆشم دەڪەی تاوێڪیش لە دڵ دەدەی.
تاوێ گەمەی دەستی تۆم تاوێ ڪایەم بۆ دەڪەی.
یا خەنجەر لە دڵم نێ و بمڪوژە لەو پێناوە
یا بڵێ هەر سازی تۆم بۆچی خۆت بێ‌ساز دەڪەی؟
#ئوسمان_سەقز_تیژباڵ
@bokurd
هەر سازی تۆم= بە دڵ و سازی تۆ ڪۆڪم.

بەڵـێنی دراوە: ڕەنگی گوڵی سوور

موژدە و ئەوینی پـێـیە دووراودوور

لای ئێمەی ڪوردیش ڕەنگی پڕئەوین

ڪاتێ خۆر هەڵدێ، ئەدا لە زەوین

ئەوینێ بەرزە و پڕحەز، لەسەرخۆ

تیشڪی زەردی خۆر لە ڕۆژهەڵاتۆ

ئەیخات لە ئاسۆ، پڕنوور، گەشاوە

تیشڪی لە ئاڵای ڪوردان بڵاوە

زەردی و نووری خۆی دابەش ڪردوە

پرشنگی زانین چوارپارچەی گروە

بە یاری خودا و ئامانجی خۆرمان

یەڪ دەگرنەوە گەلی ڪوردزمان

هەمووی ڪوردەوار یەڪ خۆریان هەیە

یەڪگرتوو، یەڪ ڕێ و ئامانجیان هەیە

ئامانج سەرەڪی یەڪگرتنەوەیە

ڪوردستان یەڪە و یەڪ ئاڵای هەیە
❤️💛💚💛❤️💛💚💛❤️💛💚
#ئوسمان_سەقز_تیژباڵ
@bokurd

⚜ سڵاو هاوڕێیانی بەڕێز و ئازیزم.

ئەمشەو کاژمێر 10:00 دێمە خزمەتتان بۆ بەڕێوەبردنی وانەی کەڵهوڕی لە مەکۆی کوردان.
هیوادارم لە کاتی دیاریکراو لەگەڵمان بن، چاوەڕێی بەشداریتانین.🌻

⚜ سڵام هاوڕێیان هەنین و هێژا.

ئەمشەو سات 10:00 تیەمە خزمەتدان ئڕا وەڕێیەوبردن وانەی کەڵهوڕی لە مەکۆی کوردان.
ئمێدوارم لەو دەمە دیاریکریای وەلمان بۊن،چەوەڕێ بەشداریدانیم.🌻

https://www.tg-me.com/+IV594l6rLmliNzc0