‏
‏ارفعك ياصوت ماجالك صدا
‏ون لزمت الصمت خلاني وحيد
‏
‏ارفعك من ضيق بالٍ ماهدا
‏الرجا مفقود والمغزى بعيد
‏
‏وشـ بقا لاصار مالي بك جدا
‏كل حرفٍ شاب ماجاب المفيد
‏
‏للجهود احدود وقيود ومدا
‏والصبر لاضاق يبدا من جديد
‏
‏انتهي من هم والثاني بدا
‏لاهقيته خف بحموله يزيد
‏
‏⁧ #شطر_طرالي

‏ياوجودي والتوجد مابعد قرّب بعيد
‏اتغنابه وصدري يعلم الله في خفاه
‏اتحرى من يهيضني على نظم القصيد
‏كل حرفٍ بان بالصفحه يساهم في نداه

‏خابرٍ طبعه واعرفه لانوا نيه عنيد
‏ون كتبت البيت يفهم مقصدي لامن قراه
‏مير ياقلبي تصبّر في رجا علمٍ جديد
‏مايرد القلب غير اللي من اعماقه خذاه
‏
‏⁧ #شطر_طرالي

اسعد الله اوقاتكم
وتقبل الله صيامكم
ورحم الله امواتكم
ورزقكم الله من حيث لاتعلمون
وبارك الله في مالكم وحالكم وذرياتكم
انه سميع مجيب..... آمين

اللهم صل وسلم وبارك على نبينا محمد

🌹🌹🌹🌹🌹..

ختم الله شهركم بالرحمة والغفران والعتق من النيران وتقبل صيامكم وقيامكم وصالح أعمالكم
وجعلنا واياكم من عتقائه من النار
وجعل ختام صومكم عبادة والعيد لكم فرحة وسعادة
وكل عام وأنتم بخير❤️❤️
وعساكم من عواده🌹🌹

اخوكم/ ابوراشد

‏نبي نشارك ربعنا فرحة العيد

‏واصحابنا الغالين في كل ديره

‏اللي لهم بقلوبنا كل تمجيد

‏الطيبين اهل الوجيه السفيره

‏سقنا التهاني يمهم دون تحديد

‏مرسولةٍ بالورد وازكى عبيره

‏ونكرر التقدير من قلب ونزيد

‏عسى لكم في كل الايام خيره

‏ياللي تلدّ العين في الناس من فوق
قـارون مـات ولا نـفـعتـه غنـاته

ولا ينفع الإنسان والعلم موثوق
ألّا زكـاتـه في الحـيـاة وصـلاتـه

ولا توَقف الدنيا على موت مخلوق
ولا زادهــا في شي طـولـة حيـاته

والأيّام تأخذنا كما بـيت طاروق
خـــلّاه مــن غـنّـاه مــن ذكريـاته

‎

‏دنياي عيّت لا تجيني على الكيــف
لو مــا وراءها كلبــوهــا حســوفــه

يا دوبه الراتب يســـد المصاريــف
ونصفه ديون وينخصم قبل أشوفه

لكنّي اليا من دخــل بيتي الضيـف
أكرّمـــه تكريـــم حاتـــم ضيوفــه

ومن له عليّه في حياتي معاريــف
أشـــيل همّـــه ليـن أردّ امعروفــه

‏تعال خاشرني ترا الحي للحيّ
الخير خير الله ماهوب خيري

حلفت ما اكنز من حلالي ولاشيّ
كيف اكنـزه وانا ادري انه لغيري

عسى بيـوت ٍ ما لجـدرانها فيّ ؟
تصيبـها دعـوة الاميـر السديري

القرقاح

‏سقى الله حب لا مزيف ولا تشويه ؟
‏اماري به ركون المحبه وافاخر به

‏تعلق وعلقني معه ليه مدري ليه
وانا لاني بمزيون جدّا ولا سكبه

‏لاتعجب مابقى شي بالدنيا عجيب
‏كل حاجه في زمنا تجوز وممكنه

‏الشواهد حاضره والدواعي تستجيب
‏والزمن كله عجايب وغير الازمنه

‏المحال اصبح سهل والبعيد اصبح قريب
‏واكثر احداث الليالي تهول ومحزنه

‏راح عمر المجتهد مالقى فيها نصيب
‏مات حلمه وارتضى الصمت حكمه وادفنه

‏⁧ #شطر_طرالي