‏انا لاجفيت الرجل يوم الدروب رحاب
الى ضاقت الدنيا علي ما تذكرته

ولا احب من فرغه ولا اكره بدون اسباب
ولانيب لامنه صفى الود عكرته
..
مثل لو اصير امشي على قوقل ماب
لو ادل دربي قبل ماوصل ماسكرته

احس ان فيها دناه وسوء اداب
واحس اني ارخصت الجميل وتنكرته
.
‎محمد_المقحم

‏ريح يابو وجهين ماعادلك كرت
كلن عرف وش غايتك من نواياك

خطتك مكشوفه لون انك تنكرت
الله يقطع معرفتك وحلاياك

مايوم تخجل من فعولك وفكرت
ليه الرجال اتصد عنك وتعداك

‎عبدالكريم_الطيار

‏لو تاخذ الدنيا من الطول والعرض
ويصير لك صيت العرب يسمعونه

لا صرت ماترحم ولا تركع الفرض
راحت حياتك يا حياة ... المهونه

كم واحدٍ مايعرفونه هل الارض
لكن ملائكة السماء ... يعرفونه

‎لشاعرها

‏المرجلة كايدة والطيب له نسبته
وعند الطحاطيح دايم نسبته عاليه

واللي تمنّ الجميل وطبعها حسّبته
من الحيا والمراجل روسها خاليه

‎ياسر_معيض

‏ياصاحب الوجه العبوس القمطرير
ماتشبه ألا الفقر من بعد الغناه

المجلس المفروش وشداد الأمير
وأضحوكة البائس وتهريج الرعاه

لو كبروا راسك مثل راس البعير
بكرة تبي ترجع مثل قرن المهاه

وإن كان ماصحّاك تأنيب الضمير
لابد مايومٍ تصحّيك الحياااااااه

‎سعود_بن_قويعان

‏يارفيـقي .. ماهـي بـ دايــم عـوافي
في مقاضبك الجويده شوف الأجود
.
السـنين الخضر تقـفـاهـا العجـافي
ومقتفيـة اليـوم الأبيض ليـلٍ أسـود
.
ليـت بقعـا كل ما حـدت سـنـافـي
ما تحــده .. غيــر لـلـي منـه وأزود
.
‎محمد_عوض_بن_سرور

‏الفقر فقر الأدب ماهو بفقر الفلوس
‏من يفقد الشي يعرف ويش هي قيمته
‏.
‏صحيح يالمال تخلف طيبين النفوس
‏لكنّ ما تخلف الرجّال عن شيمته

‏خاويت لي شخصٍ يسبونه الناس
‏ابعـرف العالم وراها تسـبه
‏ولقيت له في قمة المجد مجلاس
‏يعطي العطاء ومكملٍ حق ربه
‏اهل الحسد لاغاضهم طيب الراس
‏عجزوا به وسبوه من دون سبه

‏
‏الحياه احلام والواقع خصيم
‏والرجا له باب والحظ اقفله
‏
‏والصبر لو طال مايصبح نديم
‏يعتبر سجان والحكم ادبله
‏
‏والكلام احيان وقعه بالصميم
‏يثبته راعيه لازان اعمله
‏
‏والحكم تصبير لكن الحكيم
‏من يشوف الحظ مايل واعدله
‏
‏حاضر الايام والا من قديم
‏يمدحه من قام حظه وكفله
‏
‏⁧ #شطر_طرالي

رجلٍ الى مال الزمن يرتكي له
.. ورجل ٍ الى مال الزمن جاك مايل

ورجل ٍ ذخيره للظروف المهيله
.. ورجل ٍ يجي مع ظرف الايام عايل

تكشفهم اوجيه الليالي الطويله
.. لـك تنكشـف كـل الامـور الهوايـل

واللي يصدق من ضحك عزتي له
.. ما كل ضحكة نـاب تشفي الغلايل

‎الهاب_بدر

‏بعض العلوم طفاس.....وتغث الكبود
وبعض العلوم اتداوي الجرح العليل

الاوله طفايس .....الرجلٍ الحسود
نقال للاعلام .......ماعنده حصيل

والثانيه مضمونها ....يرقى سنود
سوالفٍ العقال جيلٍ.... بعد جيل

تبدي نسايمها مثل..... فوح الورود
الفرق واضح والمقارن مستحيل

‎صهيب_السلمي

‏لا صار ضيف الله تلقّيه علباك
باقي علومك خشها في عباتك

الجود مافقّرك والبخل ما اغناك
ولا تحسب انك مت من موت شاتك

الخاتمه من يوم هذي سواياك
بالله لا تعطي عتيبه بناتك

تكثر بنا الرديان مثلك وشـرواك
وتروح تشمتنا الرجال بشماتك

- رشيد الزلامي

‏واشيب عيني لاذكرت المشاكيل
اللي ليا جات المواقف حموها

زحول الرجال معدلة مايل الميل
اللي فناجيل الشموخ اشربوها

روسٍ لعتمات الليالي قناديل
النعم بالفعل المشرف خذوها

راحت بهم دنيا الفنا والغرابيل
ماكنهم روس النوايف بدوها!!


‎عويد_المطرفي

اللهم صل وسلم وبارك على نبينا محمد

‏
‏كل صبحٍ يبتدي بك تفرح العين بنهاره
‏لاتلوم اللي عيونه فيك مكتوبٍ سعدها
‏
‏نظرتك فيها طموح وكلمتك فيها بشاره
‏وابتسامتك الرقيقه ياكثر شيٍ بعدها
‏
‏يستطيب الفال منّك والنكد يخلف مساره
‏والظروف المستبده شوفتك تبعد نكدها
‏
‏⁧ #شطر_طرالي

‏الصيد صدفه والمساعي توافيق
‏والعمر رحله والحصيد التجارب

‏وشيٍاً يليق وشي بالرجل.مايليق
‏وياشينها بين الدقن والشوارب

‏والدين مفتاح الصدور المغاليق
‏يبعدك عن درب الفتن والمقالب

‏وعفتك لوتمسي وتصبح على الريق
‏رفعتك عن منّة عطا كل خايب

‏#مرزوق الصبحي

‏التقينا و الهوى ما له أمان
و الخجل عمّ المكان وعمّني

والسؤال اللي عجزت أرميه كان
انت ما عندك يدين تضمني ؟

‏انساير الدنيا ودايم في جلد
‏مدري مته تصفي ويظهر لونها

‏ماعاد فينا ياهل الحكمه جهد
‏حنا ورى الايام والا دونها

‏نجمع طوارينا ونغلط بالعدد
‏ونكذب انفسنا بصدق ظنونها

‏ماعاد باقي حلم يوفي بالوعد
‏احلام تبنى والوهم مضمونها

‏وشـ عاد يالايام باقي بك بعد
‏ماعاد يفرق كايدك من هونها
‏،
‏⁧ #شطر_طرالي

آجٍدِ نْفَسيَ بْيَنْ طُيَآتٌ آلُقمآشُ ۆگۆمةّ منْ آلُخـيَۆطُ
https://www.tg-me.com/lamshabda3