Economist-ის ინფორმაციით, 2025 წელს 1 დაღუპულ უკრაინელ ჯარისკაცზე 5 მოკლული ოკუპანტი მოდის.

რუსეთის ზაფხულის შეტევა, რომელზეც პუტინი დიდ იმედებს ამყარებდა - სრული კრახით დამთავრდა, მობილოზაციის რეკორდული ციფრების მიუხედავად.

Economist-ის ინსაიდერების შეფასებით, სრულმასშტაბიანი ომის დაწყებიდან დღემდე რუსეთმა 1.4 მილიონი ჯარისკაცი დაკარგა, აქედან დაახლოებით 500 ათასი მოკლულის სახით, რაც ფოტო და ვიდეომტკიცებულებებით დასტურდება.

🔻 Washington Post: ტრამპთან სატელეფონო საუბრისას, პუტინმა ომის დასრულების სანაცვლოდ, დონეცკის რეგიონი მოითხოვა. ინფორმაციას, ორ მაღალჩინოსანზე დაყრდნობით Washington Post ავრცელებს.

🔴 ტრამპი პუტინს ზელენსკისთან შეხვედრამდე, რამდენიმე დღის წინ ესაუბრა.

🔴 Washington Post-ის წყაროების ცნობით, ამავე საუბარში პუტინმა გამოთქვა ზაპოროჟიესა და ხერსონის რეგიონების იმ ნაწილის "დათმობის მზაობა", რომელიც რუსეთის კონტროლის ქვეშ არაა.

🔴 კიდევ ერთმა მაღალჩინოსანმა, ევროპელმა დიპლომატმა, Washington Post-ს განუცხადა, რომ ნაკლებად სავარაუდოა, რომ უკრაინა ამას დათანხმდეს - „ეს იგივეა, რაც მათთვის საკუთარი ფეხის გაყიდვა უმიზეზოდ“, - თქვა დიპლომატმა.

📍 დონალდ ტრამპს პუტინის მოთხოვნებზე საჯაროდ კომენტარი არ გაუკეთებია. ზელენსკისთან შეხვედრის შემდეგ მან განაცხადა, რომ ორივე მხარე „იქ უნდა გაჩერდეს, სადაც არიან“.

CNN-ის ინფორმაციით, თეთრ სახლში განიხილება დონალდ ტრამპის და კიმ ჩენ ინის შესაძლო შეხვედრა.

ამჟამად ვაშინგტონს და ფხენიანს შორის პირდაპირი კონტაქტები არ არსებობს, თუმცა ტრამპის წინადადებას, მოლაპარაკებების გამართვის შესახებ 2025 წლის დასაწყისში პასუხი არ გაეცა.

წყაროების ინფორმაციით, გასულ თვეს კიმ ჩენ ინმა ასევე მზადყოფნა გამოთქვა ტრამპთან ახალი მოლაპარაკებების დასაწყებად, თუმცა იმ პირობით, რომ ამერიკა შეწყვეტს ზეწოლას ფხენიანის ბირთვულ განიარაღებაზე.

"უკრაინას არასდროს სურდა ომი. ჩვენ დავთანხმდით უპირობო ცეცხლის შეწყვეტას, ვეძებდით მშვიდობის შესაძლებლობებს და არაერთხელ შევთავაზეთ მსოფლიოს, თუ როგორ შეეჩერებინათ დარტყმები ცაში, ხმელეთზე და ზღვაზე. თუმცა, სწორედ რუსეთია ის, ვინც მუდმივად ანელებს ამ პროცესს - მანიპულირებს, აჭიანურებს მოლაპარაკებებს, ატერორებს ჩვენს ხალხს საჰაერო დარტყმებით. ომი გრძელდება მხოლოდ იმიტომ, რომ მოსკოვს არ სურს მისი დასრულება.

თითქმის ყოველდღე, რუსი ტერორისტები ასობით თავდასხმას ახორციელებენ ჩვენს კრიტიკულ და სამოქალაქო ინფრასტრუქტურაზე. მხოლოდ ამ კვირაში რუსეთმა უკრაინის წინააღმდეგ გამოიყენა 3270-ზე მეტი სადესანტო დრონი, 1370 მართვადი ბომბი და სხვადასხვა ტიპის თითქმის 50 რაკეტა. ჩვენ მუდმივად ვაძლიერებთ ჩვენს თავდაცვას და ვთანამშრომლობთ ჩვენს პარტნიორებთან საჰაერო თავდაცვის გასაძლიერებლად.... პუტინს სიტყვებით ვერ შეაჩერებ - საჭიროა ზეწოლა. მსოფლიო ხედავს, რომ რუსეთი ძალაზე რეაგირებს, ამიტომ მშვიდობამ ძალის მეშვეობით შეიძლება იმუშაოს. უკრაინა არ დააჯილდოებს ტერორისტებს მათი დანაშაულებისთვის და ჩვენ იმედი გვაქვს, რომ ჩვენი პარტნიორები მხარს დაუჭერენ ამ პოზიციას. აშშ-ს, ევროპის, G20-ის და G7-ის ქვეყნების მხრიდან გადამწყვეტი ნაბიჯების გადადგმაა საჭირო. ჩვენ გვჭირდება სიცოცხლის დაცვა. მადლობა ყველას, ვინც ამაში გვეხმარება." | ნათქვამია უკრაინის პრეზიდენტის, ვოლოდიმირ ზელენსკის განცხადებაში.

გერმანიამ საქართველოდან ელჩი გაიწვია (დროებით) თავდასხმების გამო. საქართველოს ხვალ ევროკავშირის საგარეო საბჭოები მიმართავს.

პარიზში მდებარე ლუვრის მუზეუმი ძარცვის გამო დროებით დაიხურა, - BBC-ის ინფორმაციით, ამის შესახებ საფრანგეთის კულტურის მინისტრმა, რაშიდა დატიმ განაცხადა.

მინისტრის ინფორმაციით, ძარცვა დღეს დილით მოხდა, როდესაც მუზეუმი იხსნებოდა. ადგილზე პოლიცია იმყოფება და საგამოძიებო ქმედებებს ახორციელებს.

მუზეუმის ადმინისტრაციამ დაადასტურა, რომ ის „განსაკუთრებული მიზეზების გამო“ დაიხურა, თუმცა დამატებითი დეტალები არ გაუხმაურებია. ფრანგული მედიის ცნობით, მოპარულია სამკაულები.

ლუვრში მრავალი ცნობილი ხელოვნების ნიმუში და სხვა ძვირფასი ნივთი ინახება.

🚩 ჟურნალისტი ვახო სანაია გზის გადაკეტვის გამო დააკავეს.

🔴 არსებული ინფორმაციით, პოლიციამ 18 ოქტომბერს რუსთაველის გამზირზე აქციასთან დაკავშირებით რამდენიმე პირი დააკავა,­ დაკავებულთა შორის არიან აქტივისტები, ლარა ნაჭყებია, ნინო სვანიძე, ლაშა მარგიანი, შალვა ჩუბინიძე და ლაშა ჩხარტიშვილი.

🔴 იურისტი ნიკა სიმონიშვილი აცხადებს, რომ დაკავებულ ლარა ნაჭყებიას ტროტუარზე შარფით ყოფნას ედავებიან.

🗣 "ერთადერთი, რასაც ამ ადამიანს ედავებიან არის ის, რომ ტროტუარზე შარფით იდგა და შარფით სახეს იფარავდა ტროტუარზე. გზის გადაკეტვაზე არაფერს არ ამბობენ იმას, რომ გზის გადაკეტვაში მონაწილეობა მიიღო. ადამიანი არის დაკავებული ტროტუარზე შარფით დგომის გამო. ეს მუხლი ითვალისწინებს 15-დღემდე პატიმრობას, როგორც ბოლოს განხორციელებული ცვლილებები ითვალისწინებს ამას“, - აღნიშნავს ნიკა სიმონიშვილი "ტვ პირველთან“.

🗣 "დააკავეს საცხოვრებელი სახლის ეზოში დაახლოებით 11:00 საათზე. ამის შემდეგ მეუღლეს განუცხადეს, რომ მიჰყავდათ სასამართლოში გზის გადაკეტვის გამო და ისიც უთხრეს, რომ მხოლოდ და მხოლოდ ჯარიმა უნდა დაეწერათ მისთვის 5 000 ლარიანი და შემდეგ გამოუშვებდნენ”, - აცხადებს კიდევ ერთი დაკავებულის ადვოკატი და დასძენს, რომ სახალხო დამცველიც ჩართულია საქმეში, რომ გაგვიწიოს კოორდინირება, თუ სად ჰყავთ დაკავებული.

დღეს!

პუტინმა ვერ შეძლო რუსული ბაზების შენარჩუნებაზე შეთანხმება.

რუსეთის ორი საკვანძო სამხედრო ობიექტის — ხმეიმიმის ავიაბაზისა და ტარტუსის საზღვაო ბაზის — ბედი კვლავ გაურკვეველია.

სირიის ახალი ლიდერის, აჰმედ აშ-შაარას მოსკოვში ვიზიტის შემდეგ ცნობილი გახდა, რომ ბაშარ ასადის მმართველობის პერიოდში გაფორმებული შეთანხმებები 'შეჩერებულია და გადახედვას საჭიროებს“ - ამის შესახებ სირიის საგარეო საქმეთა მინისტრმა ასაად აშ-შიბანიმ განაცხადა.

მისი თქმით, დამასკო რუსეთთან ურთიერთობებს აპირებს "სირიის ხალხის ინტერესებიდან გამომდინარე“ — ყოველგვარი ისეთი დათმობების გარეშე, რომლებიც ქვეყნის სუვერენიტეტს ზღუდავს.

გარდა ამისა, მოლაპარაკებებზე განიხილეს თავად ბაშარ ასადის გადაცემის საკითხიც — ის 2024 წლის დეკემბერში რუსეთში გადაიხვეწა.

ამრიგად, მიუხედავად რუსეთის პროპაგანდის გამარჯვებულ ტონისა, ბაზებზე შეთანხმება ჯერჯერობით ვერ შედგა.

ტრამპი:

"კოლუმბიის პრეზიდენტი გუსტავო პეტრო ნარკოტიკებით ვაჭრობის ლიდერია, რომელიც აქტიურად უწყობს ხელს ნარკოტიკების მასობრივ წარმოებას კოლუმბიის მასშტაბით დიდ და პატარა პლანტაციებზე.

ეს კოლუმბიაში უდიდეს ბიზნესად იქცა და პეტრო არაფერს აკეთებს მის შესაჩერებლად, მიუხედავად შეერთებული შტატების მიერ გაწეული უზარმაზარი გადახდებისა და სუბსიდიებისა, რაც სინამდვილეში გრძელვადიანი თაღლითობაა.

დღეიდან, ეს გადახდები ან გადახდის ან სუბსიდიების სხვა ფორმები აღარ განხორციელდება კოლუმბიაში.

ამ ნარკოტიკების წარმოების მიზანია შეერთებულ შტატებში დიდი რაოდენობით პროდუქტის გაყიდვა, რაც გამოიწვევს სიკვდილს, ნგრევას და ქაოსს.

პეტრომ, დაბალი რეიტინგის მქონე და ძალიან არაპოპულარულმა ლიდერმა, რომელიც ამერიკის მიმართ მკაცრი სიტყვებით საუბრობს, ჯობია დაუყოვნებლივ დახუროს ეს „მკვლელობის ველები“, თორემ შეერთებული შტატები მათ მისთვის დახურავს და ეს არ გაკეთდება ლამაზად."

სალომე ზურაბიშვილი: "გერმანიამ თვეების განმავლობაში განხორციელებული თავდასხმების შემდეგ ელჩი პეტერ ფიშერი გაიწვია, ეს არ არის ევროპის მხრიდან ზურგის შექცევა - ეს არის საქართველოს მთავრობის მხრიდან ხალხის ნებიდან გადახვევა"

სასამართლოდან მოსამართლე ცეკვავამ გაფრთხილებით გაათავისუფლა გზის გადაკეტვის საბაბით დაკავებული თორნიკე თხილავა.

ვრცელდება ინფორმაცია კიდევ ორი დაკავებულის, ვახო მაჭავარიანისა და გიორგი ყიასაშვილის შესახებ.
ამ დროისთვის ვიცით, რომ გზის გადაკეტვისა და/ან სახის დაფარვის საბაბით კიდევ დაკავებულები არიან: ნინო სვანიძე, ლარა ნაჭყებია, ლევან მარგიანი, ლევან ჯობავა, ლაშა ჩხარტიშვილი, შალვა ჩუბინიძე, ვახო სანაია, საბა ხომერიკი, დავით გოგიჩაიშვილი.

ტრამპმა „ტომაჰავკების“ თემაზე რიტორიკა პუტინის ზარის შემდეგ შეცვალა? — რას ამბობს ზელენსკი

"მართლა არ ვიცი, რადგან (ტრამპთან) ზარამდე ჩვენ არ შეხვედრილვართ. მაგრამ ამ ეტაპზე… კარგია, რომ მან მაინც არ თქვა ‘არა’. ვფიქრობ, შესაძლოა ზარის შემდეგ ტრამპმა გააცნობიერა, რომ რუსებს ეს აშინებთ,“ — განაცხადა ვოლოდიმირ ზელენსკიმ.

ზელენსკიმ განაცხადა, რომ უკრაინულმა მხარემ შეერთებულ შტატებს გაზის ინფრასტრუქტურასა და ბირთვულ ენერგოგენერაციაზე წინადადებები წარუდგინა — და აშშ მზად არის ევროპას მიაწოდოს გაზი და ნავთობი რუსეთის ჩასანაცვლებლად.

"ევროპას უნდა ჰქონდეს ნულოვანი დამოკიდებულება რუსულ ენერგორესურსებზე.“ - აღნიშნა პრეზიდენტმა.

ზელენსკიმ გამოთქვა მზადყოფნა ბუდაპეშტში ჩასასვლელად და განაცხადა, რომ აშშ-ის პრეზიდენტმა რუს დიქტატორზე უფრო ძლიერი ზეწოლა უნდა მოახდინოს, ვიდრე ჰამასზე.

„თუ ნამდვილად გვსურს სამართლიანი და გრძელვადიანი მშვიდობა, ამ ტრაგედიის ორივე მხარე უნდა იყოს ჩართული. როგორ შეიძლება რაიმე შეთანხმება ჩვენს გარეშე?“ — აღნიშნა პრეზიდენტმა NBC News-თან ინტერვიუში.

„ტრამპის საჯარო გზავნილი ასე გავიგე — ჩვენ უნდა დავასრულოთ ეს ომი. და მისი დასრულება უნდა დავიწყოთ იქიდან, სადაც ჯარისკაცები ახლა დგანან — ფრონტის ხაზიდან… არ უნდა მივცეთ პუტინს დამატებით ის, რაც მას უნდა, რადგან ის ტერორისტია,“ — განაცხადა ზელენსკიმ.