🇺🇳🇮🇷🇺🇸🇮🇱 Эрон ТИВ раҳбари БМТ Хавфсизлик Кенгашини Исроил ва АҚШни “тажовуз ҳаракат ташаббускорлари” деб тан олишга ва Эронга етказилган зарарни қоплашни улардан талаб қилишга чақирди.

Аббос Ароқчи бу ҳақда БМТ бош котиби Антониу Гутерришга йўллаган мактубида ёзган.

🔥 @burchakostida

🇺🇸🇺🇦🇷🇺 Трамп Россияга қарши санкцияларни кучайтиришга доир қонун лойиҳасини Конгрессга киритиш вақти келган деб ҳисобламоқда

Бу ҳақда америкалик республикачи сенатор ва санкцияларни кучайтириш бўйича қонун лойиҳаси муаллифи Линдси Грэм ABC News'га берган интервюсида маълум қилди.

Сенаторнинг сўзларига кўра, кеча Трамп билан голф ўйнаган ва президент унга биринчи марта: "Сизнинг қонун лойиҳангизни киритиш вақти келди", деган. Грэм бу Трампнинг қарори эканини айтган ва сенаторлар президентга Путинни музокара столига ўтказиш учун “қурол” тақдим этаётганини тушунтирган.

Сенаторнинг аниқлик киритишича, қонун лойиҳаси июлдаги таътилардан сўнг қабул қилиниши кутилмоқда. Анъанага кўра, Сенат июл охирида танаффусга чиқади ва сентябрда ишга қайтади.

Грэм қонун лойиҳаси қандай ишлашини ҳам тушунтириб берди. "Агар сиз Россиядан маҳсулот сотиб олсангиз ва Украинага ёрдам бермасангиз, сизнинг Қўшма Штатларга кираётган маҳсулотларингизга 500 фоизлик бож солинади", — деди у.

Сенаторнинг айтишича, қонун лойиҳаси президент Трампга Россия нефтини сотиб олаётган ва шу тариқа “Путиннинг ҳарбий машинасини” қўллаб-қувватлаётган Хитой, Ҳиндистон ва бошқа давлатларга нисбатан божлар жорий этиш имконини беради.

🔥 @burchakostida

🇮🇷 Эрон ядровий дастури масаласини ҳарбий йўл билан ҳал этиб бўлмайди — МАГАТЭ раҳбари

Рафаэл Гроссининг сўзларига кўра, Эрон ядровий технологиялар нуқтаи назаридан ўта ривожланган давлат ҳисобланади ва Исроил ҳамда АҚШнинг зарбаларига қарамай, бу соҳадаги саноат салоҳиятини сақлаб қолган.

"Лекин энг асосийси, Теҳронда ҳеч қачон ядро қуроли бўлмаган. Буни очиқ айтиш керак. Шу билан бирга, МАГАТЭ ниятларни баҳоламайди", — дея қўшимча қилди Гросси.

🔥 @burchakostida

🇺🇦🇷🇺 Зеленский Россиянинг сўнгги авиазарбаларидан сўнг Ғарб давлатларига Украина қўшимча ҳаво мудофааси тизимларига муҳтожлигини билдирди

"Кремл бундай кенг кўламли ҳужумларни имкон борича давом эттиради. Биргина ўтган ҳафта давомида Россия Украинага ҳужумларда тахминан 114 та ракета, 1270 та дрон ва 1100 та авиабомба қўллади. Биз янада кўпроқ ҳаво ҳужумидан мудофаа тизимларига муҳтожмиз", — деб ёзди Украина президенти Х ижтимоий тармоғидаги саҳифасида.

🔥 @burchakostida

🇭🇰🇨🇳 Гонконгда сўнгги демократик партия тарқатиб юборилди

Гонконг Социал-демократлар Лигаси (ГСДЛ) ўз фаолиятини тўхтатганини эълон қилди. Партия бу қарорни 2020 йилда жорий этилган хавфсизлик қонунлари туфайли Пекин томонидан кўрсатилаётган “кучли сиёсий босим” билан изоҳлади.

ГСДЛ раиси Чан По Ин оммавий ахборот воситаларига берган баёнотида партиянинг олдида бундан бошқа йўл қолмаганини, чунки уни аъзоларининг ҳаёти хавф остида эканини маълум қилди.

ГСДЛ тарқатиб юборилиши билан Гонконгда энди расмий мухолифат бутунлай йўқ бўлди. ГСД сўнгги икки йил ичида ўзини-ўзи тарқатиб юборган учинчи партия ҳисобланади.

Чан По Ин тилга олган хавфсизлик тўғрисидаги қонун Гонконгда 2020 йилда, минтақада Пекин таъсирининг кучайишига қарши норозилик тўлқинидан кейин қабул қилинган эди. 2024 йилда бу қонун янада кучайтирилди, у ҳукумат томонидан “қўпорувчилик” деб баҳоланган ҳаракатлар учун умрбод қамоқ жазоси қўлланилишини назарда тутади.

Шундан буён, авваллари Пекиндан маълум даражада мустақил бўлган Гонгконгда норозилик намойишлари тўхтаб қолди, шу билан бирга ҳудудда марказий ҳукуматнинг таъсири анча кучайди.

🔥 @burchakostida

🇺🇸🇺🇦🇷🇺 WP: Россияга қарши санкциялар тўғрисидаги қонуннинг қабул қилиниши Вашингтон учун деярли бутун дунё билан савдо уруши хавфини туғдиради, бу эса АҚШга Россияга қараганда кўпроқ зарар келтиради

"Қонун лойиҳасининг асосий бандига кўра, Россия Украина билан тинчлик музокараларидан бош тортган тақдирда, унга “максимал даражада санкциялар” қўлланилиши керак", деб ёзади нашр.

Қонун лойиҳаси Россиядан энергия ресурсларини сотиб олувчи мамлакатлар учун 500 фоизлик савдо тарифини жорий этишни назарда тутади. Асосий муаммо шундаки, харидорлар орасида нафақат Хитой, балки Қўшма Штатларнинг муҳим савдо ҳамкорлари: Ҳиндистон, Туркия, Европа Иттифоқи, Бразилия, Жанубий Корея, Тайван ва Япония ҳам бор. Бундай қадам АҚШнинг ушбу давлатлар билан савдосини амалда тўхтатиб қўйиши мумкин;

"Сенатор Линдси Грэм Украинага ёрдам бераётган давлатларни санкциялар рўйхатидан чиқаришни таклиф қилмоқда. Бироқ, парадокс шундаки, Қўшма Штатларнинг ўзи Россия уранини импорт қилишда давом этмоқда, 2023 йилда ушбу импорт умумий етказиб беришнинг 12 фоизини ташкил қилган", дейилади The Washington Post мақоласида.

🔥 @burchakostida

🇷🇸 Сербиядаги намойишчилар йўллар ва кўчаларни тўлиқ тўсиб қўйишни бошлаганликларини эълон қилишди — ОАВ

"Уларнинг талаблари орасида аввалроқ ҳибсга олинган намойишчилар дарҳол озод қилиш ва мамлакатда муддатидан олдин парламент сайловларини ўтказиш кабилар мавжуд", дейилади хабарда.

🔥 @burchakostida

🇮🇷🇺🇸🇮🇱 АҚШ Теҳрон билан музокараларни давом эттириш учун Эрон ҳудудига келгусида ҳар қандай ҳужумларни истисно қилиши керак

Бу ҳақда Эрон ташқи ишлар вазири ўринбосари Мажид Тахт-Раванчи BBC'га берган интервюсида айтиб ўтди.

Тахт-Раванчининг сўзларига кўра, Эрон уранни тинч мақсадларда бойитиш ҳуқуқидан фойдаланиш масаласида қатъий туради. У, шунингдек, мамлакат ядровий бомба яратишга ҳаракат қилаётгани ҳақидаги айбловларни рад этди.

"Уранни бойитиш даражасини муҳокама қилиш мумкин, ҳажмини ҳам муҳокама қилиш мумкин, лекин “Сиз уранни умуман бойитмаслигингиз керак, сизда нол даражада бойитиш бўлиши керак, агар рози бўлмасангиз, биз сизни бомбардимон қиламиз”, дейиш — бу “ўрмонда қонунлар” ҳисобланади", — деди Эрон ТИВ раҳбари ўринбосари.

🔥 @burchakostida

🇮🇱🇮🇷 Эронга қарши урушда эришилган ғалабамиз Ғазо секторида гаровга олинганларни озод қилиш ва ҲАМАСни тор-мор этиш учун “кенг имкониятлар” очади — Исроил бош вазири Бинямин Нетаняҳу.

🔥 @burchakostida

🇨🇳 Хитой электр станциялари, электр узатиш тармоқларини ишдан чиқариш ва зарба ҳудудида электр таъминотининг узилишига сабаб бўладиган қурол ишлаб чиқди

Бу ҳақда Хитой Марказий телевидениеси (CCTV) хабар берди ва ушбу қурол намойиш этилган анимацион видеороликни эълон қилган.

Видеороликда қурол ер усти транспорт воситасидан учирилиши, кейин эса силиндр шаклидаги контейнерларни чиқариб юбориши ва улар портлаб, ингичка углерод толаларини сочиш орқали энергетика инфратузилмасида қисқа туташувни юзага келтириши кўрсатилган. Маълумотларга кўра, қуролнинг зарба масофаси 290 км, заряд оғирлиги эса 490 кг ни ташкил этади.

Телевидение Хитой Давлат аэрокосмик фан ва технологиялар корпоратиясининг (CASC) маълумотини келтириб, бу қурол душманнинг бошқарув ва назорат тизимларига зарба бериб, камида 10 минг квадрат метр майдонда электр таъминотининг кенг кўламли узилишига олиб келиши мумкинлигини билдирди. Қуролнинг номи ва бошқа хусусиятлари ҳақида батафсил маълумот берилмаган.

Шу билан бирга, South China Morning Post газетаси экспертларга таяниб, гап графит бомбаси ёки ракетаси ҳақида кетаётган бўлиши мумкинлигини тахмин қилмоқда. Нашр ҳозирча бундай ўқ-дорилар ишлаб чиқилишининг қайси босқичида экани ва у Хитой армиясининг арсеналида жойлаштирилган ёки йўқлиги номаълумлигини ёзмоқда.

🔥 @burchakostida

🇮🇷 Эрон 9 та ядро бомбаси ясаш учун етарли миқдорда яширин уран захираларига эга бўлиши мумкин — Reuters

"Ғарб давлатлари расмийлари ва Атом энергияси халқаро агентлиги (МАГАТЭ) АҚШ ва Исроил ҳаво ҳужумларидан олдин Эронда бўлган 400 кг юқори даражада бойитилган уран билан нима содир бўлганлиги ҳақида аниқ маълумотларга эга эмас", дея ёзмоқда агентлик манбаларига таяниб.

Reuters Эрон ядровий дастурини чеклаш учун масъул бўлган ўнлаб амалдаги ва собиқ расмийлар билан суҳбатлашганини даъво қилмоқда. Уларнинг сўзларига кўра, Теҳрон бойитилган уранни ядровий иншоотлардан АҚШ ёки Исроил зарбаларидан олдин олиб чиқишга муваффақ бўлганми ёки йўқми, аниқ эмас.

"Бу материалларни қидириш энди Эрон ва Ғарб ўртасидаги “мушук-сичқон ўйини”га айланади, — дея изоҳ берди манбалардан бири.

МАГАТЭ баҳосига кўра, Эрон 2025 йилги урушгача 400 кгдан ортиқ 60 фоизгача бойитилган уранга эга бўлган. Бу 90 фоиз қурол даражасига яқин ҳисобланади, бу миқдор тўққизта атом бомбасини яратиш учун етарли.

"Агар эронликлар 400 кг юқори даражада бойитилган уран ҳақида ростини айтса, муаммо ҳал бўлади. Аммо улар буни қилмаса, у билан нима бўлганини ҳеч ким аниқ била олмайди", — деди Reuters'га Ғарб давлатларидан бирининг расмийси.

🔥 @burchakostida

🇺🇸🇮🇷 Эронлик расмийлар АҚШ ҳужумларини заиф деб ҳисобламоқда — The Washington Post

Газетанинг ёзишича, АҚШ Эрон расмийларининг шахсий телефон суҳбатларини тинглаган. Ушбу суҳбатларнинг мазмуни Доналд Трамп томонидан билдирилган "Қўшма Штатларнинг ҳужумлари натижасида Эрон ядровий дастури тугатилди ёки ўн йилликларга ортга сурилди" деган версияга мос келмайди.

The Washington Post бу маълумотни АҚШ махсус хизматларига яқин бўлган тўрт манбасига таяниб берган. Нашр маълумотларига кўра, авиазарбалар кўлами ҳам, Эронга етказилган зарар ҳам Трамп маъмурияти томонидан сезиларли даражада бўрттирилган.

Бундан ташқари, АҚШ матбуоти махсус хизматларнинг дастлабки ҳисоботига таянган ҳолда Вашингтоннинг талқинини шубҳа остига қўймоқда. Мазкур маълумотларга кўра, зарбалар Эрон ядровий дастурининг ривожланишини атиги бир неча ойга орқага сурган. Худди шу фикрни Халқаро атом энергияси агентлиги (МАГАТЭ) раҳбари Рафаел Гросси ҳам CBS телеканалига берган интервюсида тасдиқлаган.

Ўз навбатида, Трамп маъмурияти эронлик расмийларнинг шахсий суҳбатлари тинглангани фактини рад этмаган. Бироқ Оқ уй матбуот котиби Кэролайн Ливитт бу борада кескин муносабат билдирди.

"Шармандалик, Wahington Post контекстдан юлиб олинган маълумотларни тарқатиб, жиноят содир этаётганларга ёрдам бермоқда. Эрон ядровий дастурига барҳам берилган", — дея у президент Трампнинг расмий позициясини яна бир бор таъкидлади.

🔥 @burchakostida

🇷🇸 Полиция Белград кўчаларида кечаси ўрнатилган барча баррикадаларни олиб ташлади — Сербия Ички ишлар вазирлиги

Blic нашрининг хабар беришича, полиция жамоат тартибини бузганликда гумон қилинган бир нечта кишини ҳибсга олҳан. Нашрга кўра, Белград кўчаларида транспорт ҳаракати аста-секин тикланмоқда.

Белграддаги норозилик акцияси иштирокчилари 30 июнга ўтар кечаси бир нечта кўчаларни тўсиб қўйишган ва баррикадалар қуришган эди. Улар илгари ҳибсга олинган намойишчиларни озод қилиш ҳамда парламентга муддатидан олдин сайловлар ўтказишни талаб қилишган.

🔥 @burchakostida