🇮🇷 Эрон 9 та ядро бомбаси ясаш учун етарли миқдорда яширин уран захираларига эга бўлиши мумкин — Reuters

"Ғарб давлатлари расмийлари ва Атом энергияси халқаро агентлиги (МАГАТЭ) АҚШ ва Исроил ҳаво ҳужумларидан олдин Эронда бўлган 400 кг юқори даражада бойитилган уран билан нима содир бўлганлиги ҳақида аниқ маълумотларга эга эмас", дея ёзмоқда агентлик манбаларига таяниб.

Reuters Эрон ядровий дастурини чеклаш учун масъул бўлган ўнлаб амалдаги ва собиқ расмийлар билан суҳбатлашганини даъво қилмоқда. Уларнинг сўзларига кўра, Теҳрон бойитилган уранни ядровий иншоотлардан АҚШ ёки Исроил зарбаларидан олдин олиб чиқишга муваффақ бўлганми ёки йўқми, аниқ эмас.

"Бу материалларни қидириш энди Эрон ва Ғарб ўртасидаги “мушук-сичқон ўйини”га айланади, — дея изоҳ берди манбалардан бири.

МАГАТЭ баҳосига кўра, Эрон 2025 йилги урушгача 400 кгдан ортиқ 60 фоизгача бойитилган уранга эга бўлган. Бу 90 фоиз қурол даражасига яқин ҳисобланади, бу миқдор тўққизта атом бомбасини яратиш учун етарли.

"Агар эронликлар 400 кг юқори даражада бойитилган уран ҳақида ростини айтса, муаммо ҳал бўлади. Аммо улар буни қилмаса, у билан нима бўлганини ҳеч ким аниқ била олмайди", — деди Reuters'га Ғарб давлатларидан бирининг расмийси.

🔥 @burchakostida

🇺🇸🇮🇷 Эронлик расмийлар АҚШ ҳужумларини заиф деб ҳисобламоқда — The Washington Post

Газетанинг ёзишича, АҚШ Эрон расмийларининг шахсий телефон суҳбатларини тинглаган. Ушбу суҳбатларнинг мазмуни Доналд Трамп томонидан билдирилган "Қўшма Штатларнинг ҳужумлари натижасида Эрон ядровий дастури тугатилди ёки ўн йилликларга ортга сурилди" деган версияга мос келмайди.

The Washington Post бу маълумотни АҚШ махсус хизматларига яқин бўлган тўрт манбасига таяниб берган. Нашр маълумотларига кўра, авиазарбалар кўлами ҳам, Эронга етказилган зарар ҳам Трамп маъмурияти томонидан сезиларли даражада бўрттирилган.

Бундан ташқари, АҚШ матбуоти махсус хизматларнинг дастлабки ҳисоботига таянган ҳолда Вашингтоннинг талқинини шубҳа остига қўймоқда. Мазкур маълумотларга кўра, зарбалар Эрон ядровий дастурининг ривожланишини атиги бир неча ойга орқага сурган. Худди шу фикрни Халқаро атом энергияси агентлиги (МАГАТЭ) раҳбари Рафаел Гросси ҳам CBS телеканалига берган интервюсида тасдиқлаган.

Ўз навбатида, Трамп маъмурияти эронлик расмийларнинг шахсий суҳбатлари тинглангани фактини рад этмаган. Бироқ Оқ уй матбуот котиби Кэролайн Ливитт бу борада кескин муносабат билдирди.

"Шармандалик, Wahington Post контекстдан юлиб олинган маълумотларни тарқатиб, жиноят содир этаётганларга ёрдам бермоқда. Эрон ядровий дастурига барҳам берилган", — дея у президент Трампнинг расмий позициясини яна бир бор таъкидлади.

🔥 @burchakostida

🇷🇸 Полиция Белград кўчаларида кечаси ўрнатилган барча баррикадаларни олиб ташлади — Сербия Ички ишлар вазирлиги

Blic нашрининг хабар беришича, полиция жамоат тартибини бузганликда гумон қилинган бир нечта кишини ҳибсга олҳан. Нашрга кўра, Белград кўчаларида транспорт ҳаракати аста-секин тикланмоқда.

Белграддаги норозилик акцияси иштирокчилари 30 июнга ўтар кечаси бир нечта кўчаларни тўсиб қўйишган ва баррикадалар қуришган эди. Улар илгари ҳибсга олинган намойишчиларни озод қилиш ҳамда парламентга муддатидан олдин сайловлар ўтказишни талаб қилишган.

🔥 @burchakostida

🇺🇸🇮🇱 Трамп Исроил судларидан Нетаняҳуга қарши суд жараёнини тўхтатишни талаб қилмоқда — Ахios

АҚШ президенти Исроил суди Нетаняҳунинг ташқи сиёсат ва миллий хавфсизлик масалалари сабабли тингловни икки ҳафтага кечиктириш ҳақидаги сўровини рад этганидан сўнг Исроил бош вазирини қўллаб-қувватлаб пост ёзди.

"Исроилда Нетаняҳуга қарши дахшатли ишлар қилинмоқда. У уруш қаҳрамони ва бош вазир, АҚШ билан бирга Эронда хавфли ядровий таҳдидни йўқ қилиш йўлида улкан муваффақиятга эришди. Нетаняҳу ҲАМАС билан гаровга олинганларни қайтариш бўйича келишув юзасидан музокаралар олиб бормоқда. Қандай қилиб уни ҳеч бир асос бўлмаган ҳолда бир кун давомида суд залида ўтиришга мажбур қилиш мумкин? Биз бундай ҳолатга чидай олмаймиз. Қўшма Штатлар Исроилни ҳимоя қилиш ва қўллаб-қувватлаш учун ҳар йили миллиардлаб доллар сарфлайди, бу бошқа ҳар қандай давлатникидан кўра кўпроқ", — деб ёзди Трамп Truth Social ижтимоий тармоғидаги саҳифасида.

Ахios'нинг ёзишича Трампнинг бу “ғайриоддий баёноти” АҚШ ҳарбий ёрдамидан Исроилда суд жараёнини бекор қилиш учун босим сифатида фойдаланишга уриниш ҳисобланади. Нашр буни “мисли кўрилмаган аралашув” деб баҳолаб, “10 миллион исроиллик инсоннинг хавфсизлигини бир одамнинг жиноий ишига боғлаб қўйиш” деб атади.

Нетаняҳу Трампга миннатдорчилик билдириб, “Биргаликда Яқин Шарқни яна буюк қиламиз!”, — дея ёзиб қолдирди.

🔥 @burchakostida

🇮🇷🇺🇸 Теҳрон воситачилар орқали АҚШнинг Эрон билан музокараларни қайта бошлаш истаги борлиги ҳақидаги хабарномани олди — Эрон ТИВ

Шунингдек, Эрон Ташқи ишлар вазирлиги воситачилар орқали АҚШ Теҳрондаги режимни ўзгартириш ёки мамлакат Олий раҳбарига қарши ҳаракатлар қилишни режалаштирмаётгани ҳақида ҳам маълумот олганини билдирди.

🔥 @burchakostida

🇦🇲🇪🇺 Арманистон ва Европа Иттифоқи мудофаа соҳасида ҳамкорликни муҳокама қилишни расман бошлади — Арманистон Ташқи ишлар вазири Арарат Мирзоян.

🔥 @burchakostida

Сурия энди Исроилдан Жўлон тепаликларини қайтаришни талаб қилмоқчи эмас — The Times of Israel

"Ҳозирги тинчлик музокараларида Сурия Исроилдан Жўлон тепаликларининг 1967 йилда босиб олган қисмларини қайтаришни талаб қилмаяпти, Дамашқ учун Аҳмад аш-Шараа бошчилигидаги янги маъмуриятнинг тан олиниши муҳимроқ", деб ёзади нашр вазиятдан хабардор манбаларига таяниб.

🔥 @burchakostida

🇦🇿🇷🇺 Озарбойжон ҳуқуқ-тартибот идоралари “Sputnik Озарбойжон” нашри офисида тинтув ўтказди

Мамлакат Ички ишлар вазирлигининг Qafqazinfo нашрига тасдиқлашича, агентликнинг Бокудаги офисида тергов ҳаракатлари олиб борилмоқда. Нашр маълумотларига кўра, полиция офисни ўз назорати остига олган.

Озарбойжон Ташқи ишлар вазирлиги вакили Ойхон Ҳожизоде 2025 йил 24 феврал куни “Sputnik Озарбойжон”нинг фаолияти тугатилганини ва агентлик фақат битта мухбир учун аккредитация олиш ҳуқуқига эга бўлиши мумкинлигини билдирганди. Бунгача “Sputnik Озарбойжон” ходимлари сони 40 нафар бўлган. Шунга қарамай, агентлик ўз фаолиятини давом эттирган ва унинг ходимлари ишга келишда давом этгани аниқланган.

Озарбойжон ва Россия ўртасидаги муносабатлар 27 июн куни Екатеринбургда озарбойжон миллатига мансуб 50 дан ортиқ шахс қўлга олинганидан сўнг кескинлашди. Қўлга олиш чоғида камида икки киши ҳалок бўлган, бир неча киши жароҳатланган. Боку бу иш бўйича айбдорларни жавобгарликка тортишни талаб қилди, Озарбайжон Ташқи ишлар вазирлиги Россия элчисига норозилик нотаси топширди. Россия ТИВ вакили Мария Захарова эса қўлга олинганлар Россия фуқаролари эканини билдирди.

Мазкур воқеа ортидан Озарбойжон парламенти делегацияси Озарбойжон Республикаси Миллий Мажлиси ва Россия Федерал Мажлиси ўртасидаги парламентлараро ҳамкорлик комиссияси йиғилишида иштирок этмасликка қарор қилди. Шунингдек, Озарбойжон Маданият вазирлиги Россиянинг давлат ва хусусий муассасалари томонидан Озарбойжонда ўтказилиши режалаштирилган барча қўшма маданий тадбирларни бекор қилди.

🔥 @burchakostida

🇳🇴🇵🇱 Норвегия Полша ҳаво ҳудуди хавфсизлигини таъминлаш мақсадида ўзининг F-35 қирувчи самолётларини ушбу мамлакатга юборади — Норвегия Мудофаа вазирлиги.

🔥 @burchakostida

🇦🇲🇷🇺 Арманистон Ташқи ишлар вазири Россия сиёсатчиларини Арманистон ички ишларига аралашмасликка чақирди

Арарат Мирзоян бу ҳақда Европа Иттифоқи дипломатияси раҳбари Кая Каллас билан бўлиб ўтган матбуот анжуманида айтиб ўтди.

"Россия расмийлари, парламент аъзолари ва экспертлари Арманистон суверенитетига катта ҳурмат билан ёндашишлари ва бундан буён ҳеч қачон бизнинг ички ишларимизга аралашишга йўл қўймасликлари керак. Жаноб Лавров ҳам Арманистоннинг ички ишларига ва ички сиёсатига аралашмасин", — дея таъкидлади Арманистон ТИВ раҳбари.

Аввалроқ Россия Ташқи ишлар вазири Сергей Лавров "Арманистондаги вазият бу мамлакатнинг ички иши эканлиги, аммо мамлакатда черковга ҳужумлар ташвишга сабаб бўлаётганлигини" айтган эди.

Мирзоян Лавровнинг "черковга ҳужумлар" ҳақидаги баёноти ҳақиқатга тўғри келмаслигини айтди. "Арманистонда ҳукумат томонидан черковга қарши кураш йўқ", — дея қўшимча қилди Мирзоян.

🔥@burchakostida

🇦🇿🇷🇺 “Sputnik Озарбойжон”да ишлаган Россия ФСБнинг икки ходими тинтувлар чоғида қўлга олинди — Озарбoйжон Тергов қўмитаси

Қўмита, шунингдек, Озарбойжон Екатеринбургда ўлдирилган ака-укаларнинг жасадларини ўзи экспертизадан ўтказишини маълум қилди.

🔥 @burchakostida

🇺🇸🇮🇱🇱🇧 АҚШ Ливандан “Ҳизбуллоҳ”ни қуролсизлантириш ва Исроил билан муносабатларни яхшилашни бошлашни сўрамоқда — The National

Нашр маълумотларига кўра, Қўшма Штатлар Байрутдан “камида янги ўт очишни тўхтатиш бўйича келишувни” тузишни талаб қилмоқда.

🔥 @burchakostida

🇪🇺🇦🇲 Европа Иттифоқи Арманистонга 270 миллион евро ажратди, бу маблағлар, жумладан "дезинформация ва гибрид таҳдидларга" қарши кураш доирасида мустақил оммавий ахборот воситаларини молиялаштириш учун фойдаланилади — Европа дипломатияси раҳбари Кая Каллас.

🔥 @burchakostida