🇷🇺🇺🇦 Украинадаги вазият бўйича музокараларнинг 3-раундини ўтказиш санаси ҳали белгиланмаган — Россия президенти матбуот котиби Дмитрий Песков.

🔥 @burchakostida

🇺🇦🇺🇸 АҚШ томонидан Украинага муҳим ўқ-дорилар етказиб беришнинг тўхтатилиши “Вашингтон урушдан чиқаётганидан” дарак беради — The New York Times

"АҚШ учун Украина энди устувор йўналиш эмас, Вашингтон ташқи сиёсатининг марказида ҳам эмас", — деди Украина Олий Радаси депутати, мудофаа қўмитаси аъзоси Соломия Бобровская.

Унинг сўзларига кўра, Patriot тизими учун ўқ-дорилар тугаб бормоқда ва бу ҳолат Киев мудофаасини анча қийинлаштиради, чунки Украинада мавжуд Patriot тизимларининг аксарияти айнан Киевда жойлашган.

"Бу жуда катта вa жиддий муаммо. Биз қурол топамиз, аммо бу анча қийин бўлади. Унгача эсa анча кўп одам ҳалок бўлиши мумкин", — деди Киев атрофида дронларга қарши кураш бўлинмаси қўмондони Олег Ворошиловский.

🔥 @burchakostida

🇬🇧 Буюк Британия ушбу ўн йиллик охирига қадар ядровий бомбаларни ташишга қодир бўлган илк F-35А қирувчи самолётларини қабул қила бошлайди — Буюк Британия мудофаа вазири Жон Ҳили.

🔥 @burchakostida

🇦🇿🇷🇺 Озарбойжон Россиядан Екатеринбургда россиялик ҳуқуқ-тартибот органлари ҳаракатлари туфайли жабрланганларга компенсация тўлашни талаб қилди — Озарбойжон ташқи ишлар вазирлиги

Вазирлик, шунингдек, озарбойжонликларга нисбатан “этник жиноий гуруҳ” каби ибораларни ишлатиш мутлақо йўл қўйиб бўлмас ҳолат эканлигини билдирди.

🔥 @burchakostida

NATO бош котиби Россия ташқи ишлар вазирининг "алянс тез орада қулаши" ҳақидаги фикрига изоҳ берди

Марк Рютте бу ҳақда ундан Fox News телеканали эфирида айтиб ўтди.

"Лавров ҳақида гапирадиган бўлсак — у, назаримда, Исо Масиҳ туғилган пайтдан бери Россия ташқи ишлар вазири ва ўшандан бери унинг оғзидан ҳеч қандай фойдали сўз чиққани йўқ. Шунинг учун унинг гапларига катта аҳамият беришга ҳожат йўқ", — деди Рютте.

30 июн куни Лавров журналистларнинг саволларига жавоб берар экан, NATO давлатлари алянс саммитида мудофаа бюджети оширилиши юзасидан келишиб олганини "фалокат" деб атаган ва бу "алянснинг қулашига олиб келади" деб баёнот берган эди.

🔥 @burchakostida

🇺🇸🇻🇳 Трамп АҚШ Вьетнам билан савдо келишувига эришганини эълон қилди

"Шуни шараф билан эълон қиламанки, ҳозиргина Вьетнам Социалистик Республикаси билан савдо келишувини имзоладим! Келишув шартларига кўра, Вьетнам Қўшма Штатларга юбориладиган ҳар қандай маҳсулот учун 20% бож тўлайди ва ҳар қандай транзит юклар учун 40% бож белгилайди. Бунинг эвазига Вьетнам АҚШга ўз бозорларига тўлиқ кириш имконини беради. Биз ўз маҳсулотларимизни Ветнамга нол бож ставкаси билан сотиш имкониятига эга бўламиз", — деб ёзди у Truth Social ижтимоий тармоғида.

🔥 @burchakostida

🇪🇺 Европарламентнинг 74 депутати COVID-19 пандемияси давридаги коррупция билан боғлиқ можаро сабабли Урсула фон дер Ляйенга нисбатан ишончсизлик вотумини қўллаб-қувватлади — Euractiv

DPA агентлигининг хабар беришича, келаси ҳафта Европарламент депутатлари Еврокомиссия раҳбари Урсула фон дер Ляенга нисбатан ишонч вотуми бўйича овоз беришни келаси ҳафта ўтказади.
Аввалроқ Еврокомиссия раҳбари COVID-19 га қарши вакциналарни харид қилиш жараёнида шаффофлик қоидаларини бузганликда айбланганди.

🔥 @burchakostida

🇺🇸🇮🇷 Қўшма Штатлар Эроннинг МАГАТЭ билан ҳамкорликни тўхтатишини “қабул қилиб бўлмас ҳаракат” деб ҳисоблайди ва Теҳрондан агентлик билан ҳамкорликни дарҳол тиклашни талаб қилади — АҚШ Давлат департаменти.

🔥 @burchakostida

🇺🇸🇮🇱🇮🇷 АҚШ Конгрессида Исроилга B-2 Spirit стратегик бомбардимончилари ва GBU-57 бункерга қарши бомбаларини топшириш масаласи муҳокама қилинмоқда — Fox News

Телеканалнинг манбаларига таяниб хабар беришича, бу чора Эрон ядровий қурол ишлаб чиқишни қайта бошлаши мумкин бўлган ҳолатга эҳтиёт чораси сифатида кўриб чиқилмоқда.

🔥 @burchakostida

Исроилнинг Ғазо секторига сўнгги ҳужумлари оқибатида 39 нафар фаластинлик ҳалок бўлди — Anadolu

Агентликнинг маълум қилишича, Исроил армияси Ғазо секторидаги уйлар ва кўчирилганларнинг чодирларига зарбалар берган.

"Ҳужум оқибатда 39 киши ҳалок бўлган. Зарбаларнинг асосий нишони тинч аҳоли ва ёрдам кутаётган ички кўчирилганлар бўлган", дейилади хабарда.

Маълумотларга кўра, Ғазо марказидаги Салаҳаддин проспектида Исроил армияси озиқ-овқат излаб инсонпарварлик ёрдам пунктларига йўл олган фаластинликларга ўт очиб, 10 кишининг ўлимига ва 50 дан ортиқ кишининг яраланишига сабаб бўлган.

🔥 @burchakostida

🇺🇸🇺🇦 АҚШ Полша ҳудудида бўлган Украинага мўлжалланган қуролларни етказиб беришни вақтинча тўхтатди — Тhe Wall Street Journal

Нашр маълумотларига кўра, етказиб бериш тўхтатилган пайтда Полшада 20 дан ортиқ PAC-3 зенит ракеталари, 20 дан ортиқ Stinger кўчма зенит мажмуалари, Hellfire туридаги “ҳаво-ер” ракеталари ва 90 дан ортиқ АIМ-7 “ҳаво-ҳаво” ракеталари мавжуд бўлган.

Пентагоннинг тушунтиришича, Украинага қурол етказиб беришни тўхтатиш Вашингтон Киевга ҳарбий ёрдамни бутунлай тўхтатишини англатмайди.

🔥 @burchakostida

🇺🇸🇺🇦🇷🇺 АҚШ томонидан Украинага етказиб берилган қурол захиралари тугаб бормоқда, Киев эса тактикани ўзгартирмоқда — Politico

"Украина Қўшма Штатлардан кўпроқ қурол олишга уринишларида муваффақиятга эриша олмади. Бундан ташқари, яқин кунларда Байден маъмурияти томонидан маъқулланган қурол етказиб бериш дастури ҳам музлатиб қўйилди. Шу сабабли энди Киев янги ёндашувни режалаштирмоқда, украиналиклар Вашингтондан Европа давлатларига АҚШ қуролларини Украина учун сотиб олишга рухсат беришни сўрашни мақсад қилган", дея ёзмоқда нашр манбаларига таяниб.

Маълумотларга кўра, янги ёндашув доирасида бир нечта Европа давлатлари ўз мудофаа бюджетлари ҳисобидан АҚШ қуролларини сотиб олиб, уларни Украинага топшириш имкониятини кўриб чиқмоқда.
Политиcо суҳбатдошларининг таъкидлашича, бундай харажатлар NATO'нинг мудофаа мақсадлари доирасига киритилиши мумкин.

Бу ташаббусни АҚШ ҳукумати тасдиқлаши лозим, ҳозирча тафсилотлар муҳокама қилинмоқда. Аммо Вашингтон бу янги ёндашувга рози бўладими-йўқми, ҳозирча номаълум. Politico, шунингдек, Россия шимоли-шарқда, Суми йўналиши бўйлаб ёзги ҳужумни бошлаган бир пайтда, Украина тез ҳаракат қилишга мажбур бўлаётганини қайд этади.

🔥 @burchakostida

🇷🇺🇦🇿 Екатеринбургда қўлга олинган озарбойжонликларга айблов эълон қилинди

Россия Тергов қўмитаси Екатеринбургда 27 июн куни ўтказилган рейд доирасида ҳибсга олинган шахслар – Мазаҳир Сафаров, Акиф Сафаров, Аяз Сафаров, Аҳлиман Ганжиев, Шаҳин Лалаев ва Бакир Сафаровга расмий айблов қўйилганини эълон қилди.

Маълум қилинишича, терговчилар уларни Екатеринбургда 2001 йилда Юнус Пашаевни ўлдириш, 2010 йилда Феҳруз Шириновга суиқасд қилиш ва 2011 йилда Икрам Гаджиевни ўлдириш каби оғир жиноятларда айбламоқда. Ушбу жиноятлар сабаби бизнесдаги таъсир доираларини бўлишиш ва шахсий адоват билан изоҳланмоқда.

"Уларнинг беш нафарига олдиндан тил бириктириб, буюртма асосида одам ўлдириш ва суиқасд моддалари бўйича айблов қўйилган. Барча гумонланувчилар Россия фуқаролари бўлиб, улардан бири жиноят жойида кўрсатма бериб, шерикларини фош қилди", дейилади Россия Тергов қўмитаси баёнотида.

🔥 @burchakostida

🇮🇩 Балида бортида 65 киши бўлган паром чўкиб кетди — AFP

"Индонезиянинг Бали ороли соҳилларида паром чўкиб кетиши оқибатида камида тўрт киши ҳалок бўлди, ўнлаб одамлар бедарак йўқолди", дея хабар бермоқда агентлик.

Маҳаллий қутқарувчилар маълумотларига кўра, чоршанба куни кечқурун чўкиб кетган кема бортида жами 65 киши – 53 нафар йўловчи ва экипажнинг 12 аъзоси бўлган. Паром Шарқий Явадан Бали ороли томон ҳаракатланаётганди.

"23 киши қутқарилди, тўрт киши ҳалок бўлди. Ҳалокат сабаблари номаълум", – деди АFP агентлигига Ява оролидаги Банюванга шаҳри полисияси бошлиғи Рам Самтама Путра.

Паром операторининг маҳаллий матбуотга маълум қилишича, ҳалокатдан бироз олдин кема экипажи двигателда носозлик борлиги ҳақида хабар берган. Мазкур йўналиш асосан Ява ва Бали ороллари ўртасида саёҳат қилувчи маҳаллий аҳоли томонидан фойдаланилади.

🔥 @burchakostida

🇦🇿🇦🇪🇦🇲 Илҳом Алиев ва Никол Пашинян июл ойида Дубайда учрашиб, Озарбойжон ҳамда Арманистон ўртасидаги тинчлик битими бўйича музокараларни ўтказишни режалаштирмоқда — Middle East Eye.

🔥 @burchakostida

🇪🇺🇨🇳🇺🇦🇷🇺 Кая Каллас Хитойни Украинадаги урушда Россияни қўллаб-қувватлашни тўхтатишга чақирди

"Бундай ҳаракатлар Европа хавфсизлигига жиддий таҳдид солади", — дея таъкидлади Европа Иттифоқининг ташқи ишлар ва хавфсизлик сиёсати бўйича олий вакили Хитой Ташқи ишлар вазири Ван И билан Брюсселда ўтказилган Европа Иттифоқи-Хитой стратегик мулоқотининг 13-йиғилишида.

Европа дипломатияси раҳбари, шунингдек, Пекинни ЕИ билан иқтисодий муносабатлар мувозанатини тиклашга ва ўзаро бозорга киришни яхшилашга чақирди. Бундан ташқари, Каллас Хитой “Европа компаниялари учун жиддий хавф туғдирадиган ва глобал таъминот занжирларининг ишончлилигига таҳдид соладиган нодир ер металлари бўйича экспорт чекловларини тўхтатиши кераклигини таъкидлаган.

🔥 @burchakostida

🇷🇺🇦🇿 Россия ва Озарбойжон ўртасидаги муносабатлар стратегик иттифоқчилик характерига эга, буни ёқтирмайдиган ва икки давлат ўртасида алоқаларни бузишни хоҳлайдиган кучлар бор — Россия Ташқи ишлар вазирлиги расмий вакили Мария Захарова.

🔥 @burchakostida