🇮🇷🇺🇸 Эрон томонидан қўллаб-қувватланаётган жангарилар Вашингтоннинг Эрон ҳудудига берган зарбаларига жавобан Ироқда ва Сурияда жойлашган АҚШ базаларига ҳужум қилишга тайёргарлик кўрмоқда

Бу ҳақда Тhe New York Times газетаси Қўшма Штатлар разведкаси вакилларига таяниб хабар бермоқда.

"Ҳозирча бу гуруҳлар ўзларини тийиб турибди ва Ироқ расмийлари жангариларни бу ҳаракатлардан қайтариш учун барча чораларни кўрмоқда", деб ёзади NYT АҚШ вакилининг баёнотига таяниб.

🔥 @burchakostida

🇺🇸🇮🇷 Президент Доналд Трамп душанба куни АҚШнинг Эрон ҳудудига берган зарбаларидан сўнг яна Миллий хавфсизлик кенгаши билан йиғилиш ўтказади — Оқ уй.

🔥 @burchakostida

🇺🇳🇮🇷🇺🇸🇮🇱 Эроннинг БМТдаги доимий вакили Хавфсизлик Кенгашидан АҚШ ва Исроилнинг “тажовузкорона” ҳаракатларига чоралар кўришга чақирди

"Эрон АҚШ ва Исроил агрессиясидан ҳимояланиш ҳуқуқини ўзида сақлаб қолади. Вашингтон бу урушни бемаъни баҳона билан бошлади", — дея таъкидлади Эроннинг БМТдаги доимий вакили Саид Иравоний.

🔥 @burchakostida

🇺🇸🇮🇷 Трамп АҚШнинг Эрон ҳудудига берган зарбаларига қарши чиққан республикачини танқид қилди

АҚШ президенти Truth Social ижтимоий тармоғида яқинда демократлар гуруҳига қўшилиб, Трампнинг Конгресс розилигисиз уруш бошлаш имкониятини тўсмоқчи бўлган республикачи конгрессмен Томас Массига кескин ҳужум қилди.

"Масси — бу заиф ва самарали ишламайдиган сиёсатчи, у Америка қуролли кучларига ҳурмат билдирмайди ва кечаги ҳужумдаги уларнинг ёрқин ва мардонаворр натижаларини тан олмайди", — деб ёзди Трамп.

У, шунингдек, Кентуккида бўлиб ўтадиган ички партия сайловларида Массининг номзодига қарши шахсан кампания олиб боришини ва Республикачилар партиясидан ҳақиқий ватанпарвар номзодни қўллаб-қувватлашини ваъда қилди.

Аввалроқ Доналд Трамп АҚШ Миллий разведкаси раҳбари Тулси Габбардни ҳам танқид қилган эди. У Габбарднинг "Эрон ҳали ядровий қурол яратишга тайёр эмаслиги" ҳақидаги баёнотига эътироз билдирганди.

🔥 @burchakostida

🇮🇱🇮🇷 ЦАХАЛ: Исроил Эроннинг ғарбий, шарқий ва марказий қисмидаги олтита аэродромга зарба берди

"Ҳужумлар натижасида учиш-қўниш йўлаклари шикастланган, Эрон режимига тегишли 15 қирувчи самолёт ва вертолёт йўқ қилинган", дейилади ЦАХАЛ баёнотида.

🔥 @burchakostida

🇮🇷🇺🇸 Эрон армияси Бош қўмондони АҚШнинг тажовузига қатъий жавоб бериш билан таҳдид қилди

Генерал-лейтенант Амир Ҳотамийнинг баёнотлари:

◾️ АҚШ энди Эронга қарши урушда бевосита иштирок этмоқда;

◾️Қўшма Штатларнинг Эрон ядровий объектларига берган ҳужумлари мутлақо натижасиз бўлди;

◾️ АҚШнинг Эронга нисбатан амалга оширган тажовузи бутун Яқин Шарқда можаронинг кенгайишига замин яратмоқда;

◾️ Эроннинг Қўшма Штатларга жавоби “кучли, аниқ йўналтирилган, олдиндан айтиб бўлмайдиган бўлади, тажовузкор ўз қилган ишидан афсусланади;

◾️ АҚШ зарбалари Эроннинг жавоб чораларини кўришига имконият яратди. Эндиликда Эрон ўзини Қўшма Штатлар ҳарбий объектларига қарши зарба беришга ҳақли деб билади.

🔥 @burchakostida

🇮🇷🇺🇸 NBC: АҚШ ҳужумлари арафасида Эрон Вашингтонга Қўшма Штатлар ҳудудидаги “ухлаб ётган” террорчилик гуруҳларини фаоллаштириш билан таҳдид қилган

Телеканалнинг манбаларига таяниб хабар беришича, АҚШ Эрон ядровий объектларига зарба беришидан бир неча кун олдин Теҳрон Трамп маъмуриятига мурожаат юборган ва агар бу ҳужум юз берса, Қўшма Штатлар ҳудудида “ухлаб ётган” террорчилик тузилмаларини фаоллаштириш билан таҳдид қилган.

Маълумотларга кўра, ушбу хабар ўтган ҳафта Канадада бўлиб ўтган “Катта еттилик” (G7) саммитида воситачи орқали АҚШ президентига етказилган.

"Ушбу мурожаатда, шунингдек, Эрон АҚШдаги тармоқларга киберҳужумлар уюштириши ва 2020 йилда “Қудс” кучлари генерали Қосим Сулаймонийнинг ўлдирилишида айбланаётган Қўшма Штатларнинг амалдаги ва собиқ ҳукумати амалдорларини нишонга олиш эҳтимоли ҳақида огоҳлантирилган", дейилади NBC хабарида.

Оқ уй телеканалнинг бу хабарга тушунтириш бериш сўровига жавоб бермаган, Эроннинг БМТдаги миссияси эса унга изоҳ беришдан бош тортган.

🔥 @burchakostida

🇮🇷🇷🇺🇺🇸🇮🇱 Эрон ташқи ишлар вазири Аббос Ароқчи Россия президенти Владимир Путин билан бугунги учрашувида унга Оятуллоҳ Хоминаийнинг Теҳронни қўллаб-қувватлаш сўралган мактубини топшириши кутилмоқда — Reuters.

🔥 @burchakostida